رواية زهرة قلبي البارت الرابع والبارت الخامس بقلم مريم حسن
رواية زهرة قلبي الفصل الرابع
في صباح يوم جديد بتصحا زهرة وتلاقي هدوء تام ف الشقة ف تفتكر ان زين خرج راح علي شغلو ودخلت تتوضي وتصلي وخلصت صلاة وقلعت الاسدال وكانت لابسة بنطلون برمودة وتيشرت كات وسايبة شعرها وبتحضر فطار "زين مكنش خرج وكان لسة نايم وصحي علي صوت ام كلثوم وريحة القهوة بتاعت زهرة اللي بيموت ف ريحتها " ،، صحي زين وخدت دش وخارج ومكنش لابس غير شورت بس (تخيلو كدا معايا زين وهو لابس تيشرت بس وبعضلات وطويل مع عيونة الخضرا وبشرتة القمحاوية ودقنة الجميلة وشعرة البني الطويل اللي مبلول 😂 تخيلتو ، نرجع للواقع بقي)
زين وقف ساكت بيتفرج عليها وهيا بتعمل الفطار والقهوة ، وزهرة مش واخدة بالها منة اصلا وفجأة التفتت زهرة لقت حد قدامهااا راحت مصوتة
زين : ااايييييي اههدديي اهدي دااا انااا
زهرة = حرام عليك خضتني انت هنا ازاي انت م كنت ف الشغل جيت ازاي
زين : انا مرحتش الشغل اصلا انا كنت نايم
زهرة = اي دا بجد
زين = ااه بجد ، بس اي الجمدااان دا طلعتي جامدة
زهرة وخدت بالها من لبسها اللي لبساه وبصتلة وقالتلو= انت سافل وقليل الادب ووسع كدا وخرجت وسابتة ودخلت اوضتها مكسوفة جدااا عشان زين شافها كدا ، ولبست الاسدال وخرجت " زهرة محجبة وكانت لما بتعد مع زين كانت بتلبس الاسدال،، احنا بنتنا محترمة وبتتكسف جامد ااهه😂 " ، خرجت زهرة ولقت زين لبس ومخلص ونازل
زهرة : انت مش هتفطر
زين = انا كنت قاعد مستنيكي بس انتي كنتي جوا ولما ملقتكيش خرجتي كنت ماشي
زهرة : طب استنا افطر وانزل ، وحطت زهرة الفطار وقعدو ياكلو وشرب زين القهوة ونزل
زين : زهرة انا نازل وااه متعمليش اكل انهاردة انا عازمك علي العشا
زهرة = بجد
زين: امال بهزار
زهرة وبكسوف = شكرا ،، زين بصلها وابتسم ونزل راح شغلو ،، نزل زين وركب عربيتة وراح شغلو واول م راح سأل ع ابراهيم باشا ودخلة مكتبة
ابراهيم: اهلا يا زين اتفضل
زين = ازي حضرتك يفندم
ابراهيم : الحمد لله
زين = كنت جاي لحضرتك بخصوص الشبكة احنا يفندم قربنا نقبض ع اكبر شبكة بتاعت مخدرات
ابراهيم :كنت واثق انك هتقدر عليها يا زين عشان كدا انا سلمتك المهمة دي وانا مطمن انك قدها
زين =شكرا يفندم علي ثقتك فيا و ان شاء الله اكون عند حسن ظن حضرتك بيا ، بس انا خايف خايف في رسالة اتبعتت لمراتي جوزك بيخونك وزهرة تصرفاتها غريبة معايا شكلها بتحاول تعرف ان اعرف عليها حد ولا لا وانا مش عاوز اخسرها والتانية مش مبطبلة زن عليا وانا مش عارف اعمل ايه
ابراهيم : اهدي ي زين كل حاجة هتتحل ومفيش حد هيوقع مبينك انت ومراتك صدقني
زين = يارب يفندم ،، انا عندي فكرة لو اتنفذت هنخلص م كل دا
ابراهيم : ايي هيا
زين =...
ف بيت زهرة وزين ،كانت زهرة خلصت لبس كانت لابسة دريس اسود ضيق م عند الصدر ونازل واسع وطرحة نفس لون الفستان وصندل اسود مع لون بشرتها البيضة وكانت حطة ميكب خفيف فعلا كانت جميلة جداا وكانت قاعدة مستنية زين لحد م رن عليها وقالها انزلي ،، نزلت زهرة وكان واقف زين مستنيها اول م شافها تنح
زين: زهرة اي دا اي الجمال دا يخربيتك انتي حلوة كدا ليه يا زهرة قلبي وحياتي
زهرة = دي عيونك ي زين ، واتكسفت جدا وخدودها احمرت من الكسوف زين اول راجل يدخل حياتها ومكانتش بتسمع كلام حلو قبل كدا من حد "
زين : اركبي قبل م اشيلك ونطلع وانا مش مسؤل هااااا😉
زهرة ركبت العربية من غير كلام وراحو المطعم وقعدو ياكلو وزين كان قاعد سرحان ف جمالها اد ايه كانت حلوة وجميلة ومن اول مرة شافها فيها كانت جميلة وهادية جدا سبحان من خلااها احسن واجمل واحد ف عينة
زهرة : بس اي سر العزومة الجميلة دي
زين = ولا سر ولا حاجة انا قولت انك مش بتخرجي وبقالك كتير مخرجتيش ف قولت اخرجكك
زهرة : يااه انت حقيقي متعرفش انا فرحانة اد ايه انا مبسوطة جدا وقعدو يتكلو شوية وخرجو
زين : تيجي نتمشي شوية
زهرة = كدااا ؟ انت م شايف انا لابسة انا لابسة فستاان
زين : وفيها اي انتي زي القمر ومحدش لية حاجة عندنا يلا بينا ومفيش كلام
زهرة وبصتلة وقالتلو يلا بينا ،، وراحو ركبو العربية
زهرة :زين انت مودينا فين
زين = هنروح نتمشي ع البحر
زهرة : بحر ؟ بحر اي دلوقتي
زين = خليكي وانتي معايا مطمنة ومتقلقيش
زهرة : انا م ساعت م اتجوزنا وانا محستش بالامان الا معاك
زين بصلها وضحكلها ،، وراحو وفضلو يتمشو ع البحر واتصورو صور كتير سوا وبعد كدا ع الشط
زهرة : عمرك حبيت
زين = ااه مره ،، زهرة وقلبها وجعها وخافت جدا ليكون بيحب غيرها
زين : محبتش غيرها ومكنتش عاوز غيرها من اول مرة شوفتها فيها وهيا خطفت قلبي ومشيت كانت جميلة وهادية وعيونها اللي اسروني انا بقيت بعشق كل حاجة فيها ريحتها وحضنها
زهرة وبدات تعيط لان اتاكدت ان مش بيحبها ولعنت نفسها الف مرة ان حبتو
زهرة : زين ممكن نروح
زين = لية احنا مكملناش
زهرة :معلش ي زين انا تعبانة شوية و محتاجة ارتاح
زين وبدأ علامات القلق تظهر علية جدا
زين = زهرة مالك انتي تعبانة من ايه طب اوديكي للدكتور
زهرة ف نفسها " خايف عليا اووي هه انا بس دلوقتي اتأكد انك بتخوني " هااا لا ي زين انا بس عاوزة انام وكدا والهيلز وجعلي رجلي معلش ممكن نمشي ،، خدها زين ومشيو وطول الطريق زهرة حطة دماغها ع شباك العربية وسرحانة حتي زين لاحظ دا بس مرضاش يتكلم معاها عشان تعبانة ، وصلو البيت ودخلت زهرة اوضتها وقفلت ع نفسها وغيرت هدومها واتوضت وفضلت تصلي وتدعي ،، يااارب ياارب انا ليه بتوجع كدا ليه يارب ليه بابا وماما يسبوني ويروحو وعمي يعاملني اسوء معاملة وزين...زين الشخص الوحيد ال حبيتة يطلع بيحب واحدة تانية وبيخوني معاها ليه يارب طب هو انا وحشة يعني يارب انا تعبت ،، وفضلت تعيط لحد م نامت علي سجادة الصلاة
تاني يوم الصبح صحي زين ولبس وخبط ع زهرة ملقاش رد قال اكيد لسة نايمة ، زهرة كانت جوا ف اوضتها عمالة تعيط ومكسورة جدا ، وقررت ان تنساه
نزل زين وراح ع الشغل وخلص كام حاجة وراه ف الشغل ونزل راح عند دينا
راح زين عند دينا وخبط ع الباب وفتحلة
دينا : زين وحشتني اوي
زين = انتي اكتر
دينا : مالك ي زين
زين = مليش ي دينا مليش
دينا : هتطلق مراتك امتا
زين = هااا قريب قريب.....
عند زهرة ، جت مسدج ل زهرة من رقم متعرفهوش
" جوزك معايا وهيطلقك قريب اوي ، وبعتتلها صورة زين وهو قاعد معاها وبيضحك "
زهرة اتصدمت جدا وقعدت تعيط جداا ، وبعدها بشوية جه زين وسمعت صوت الباب
زهرة مسحت دموعها وخرجت
زهرة : زين
زين التفت ليها وقالها نعم
زهرة : طلقنيي
زين =....
زهرة قلبي الفصل الخامس
زهرة :طلقني
زين =ايي اللي بتقولية دا اي الهبل دا اطلقك لية
زهرة : كدا ي زين طلقني انت مش مجبر تتجوز واحدة انت مبتحبهاش وقلبك مع واحدة تانية
زين = انتي عبيطة ولا ايه طلاق اي دا اللي بتتكلمي عنوووو انا مش هطلقك انتي فاهمة لو اخر يوم ف عمري
زهرة : نننعععممم ؟؟ لا يا زين هتطلقني انا مش بحبك ي زين انااااا مش بحبك انا بكرهك انت فاهمني " كانت بتتكلم ودموعها علي خدها " انااا مش بحبك يا زين ولا انت كمان بتحبني يبقي تطلقني ونقولهم ان احنا مرتحناش مع بعض ،، زين ارجوك طلقني
زين =مش هطلقك ، وسابها ونزل ورزع الباب وراه جامد ، زهرة واقفة عمالة تعيط وبعد كدا دخلت اوضتها قفلت الباب ووقفت ورا الباب ونزلت ع ركبها ومسكت صورة امها وقعدت تعيط اكتر وبتكلم نفسها "طب انا امتا حبيتة ، امتا وازاي دا حصل طب ليه يارب طب انا بحبة واتعلقت بية يارب انا تعبت يارب ،، يماااماااا تعالي خديني عندك يماما ، يمامااا انا محتجالك متسبنيش هنا لوحدي انا تعبانة من غيرك انتي وبابا ، لو كنتو موجودين مكنش كل دا حصلي ي ماما انا اتكسرت من كل حاجة من موتكو ومن عمي ومن الدنيا اللي عمري م شوفت فيها يوم حلو ومن زين ، زين يماما اللي حبيتة الانسان الوحيد اللي قلبي اول م دق دقلة هو حبيتة ف فترة قليلة معرفش ازاي بس كان اكتر حد بحس معاة بالامان اللي كنت مفتقداة يماما ، وقعدت تعيط
عند زين ، بعد م نزل زين ركب عربيتة وقعدت يلف ب العربية كاان تايه مكنش عارف يروح فين ولا لمين مكنش بيفكر غير فيها "ف زهرة " ف الانسانة اللي قلبو حبها من اول مرة يشوفها فيها،، وفجأة وقف قدام البحر وركن العربية ونزل ، قعد زين ع الشط سرحان وتايهة ، زين ف نفسة: انا مكنتش عارف ان هحبك كدا من اول مرة شوفتك فيها وانتي مفارقتيش بالي من وانتي صغيرة عيلة لسة ف ثانوي كبرتي قدام عيني مكنتيش بتفارقي عيني حتي وانا هنا ف مصر
Flash back.....
" كانت زهرة ف 2ثانوي وزين كان ناقصلة سنة ويخلص ومكنش بينزل الا ف الاجازات وهو نازل الاجازة ونزل البلد واول حاجة عملها راح المقابر يزور والدة وراح وقعد ويقرأ ل والدة قرأن وحطلة ورد وخرج وفجأة سمع حد بيعيط جامد ولفت انتباهو صوتها وهيا بتشهق م كتر العياط راح يبص عليها م بعيد كانت قاعدة بتعيط وبتقول.... سبتوني ليه لية يبابا ليه انا مكنتش عاوزة ارجع هنا انت عارف ي بابا ان مبحبش اقعد هنا مبحسش ب امان غير وانا معاكو سبتوني ليه معدتش ليا حد يبابا انت وماما عمي بيعاملني وحش ي بابا ، يارب خدني ليهم بقي ياااااااربببب
زين كان واقف م عارف يعمل اي يروحلها يطبطب عليها ولا يسبها كدا عشان متحسش بالشفقة ف قرر ان يسبها واستنا لحد م خلصت وقامت ،كانت جميلة وشها المحمر م كتر العياط عيونها المنفخة شفايفها الحمرا عيونها الزتنوي اللي بتخطف قلب اي حد يشوفها ، فضل زين ماشي وراها لحد م وصلت لبيت عمها ،كان زين طول الاسبوع ال بينزلة اجازة كان يفضل مراقبها اول م تنزل من بيت عمها ولحد م ترجع ومكنش بيخليها تاخد بالها منة،، خلصت السنتين اللي زين كان فيهم ف الكلية وخلصت زهرة الثانوية وقررت ان ترجع مصر عشان كليتها "دا بعد اصرار كبير ومحايلة علي عمها عشان يوافق وكانت بتنزل اجازات عشان عمها ميقعدهاش من الكلية" زين اتنقل القاهرة وبقي ظابط وزهرة ف سنة 1كلية تجارة انجلش عدي سنة بحالها زين ميعرفش اي حاجة عن زهرة غير انها خلصت ثانوية وبس وف مرة كان زين كان ف مول بيشتري لبس لية وفجأة لمحهاا
زين : هياا ايوا هيا دي زهرة وفضل ماشي وراها لحد م روحت وعرف ان هيا قاعدة ف شقة مع 3 بنات صحابها ف الكلية وكان كل يوم يروح يراقبها فضل ع الحال دا 3 سنين لحد م خلصت الكلية واتخرجت ،زين كان نازل البلد ف اجازة عشان يفاتح جدة ف ان عاوز يتجوز زهرة،، وفجأة لقي جدو بيفاتحو ف موضوع الجواز زين كان رافض جدا ومكنش عاوز الا زهرة بس سكت لما لقيت جدة مصمم ان يتجوز البنت اللي اختارهالو وعشان ميزعلهوش منة مفتحش موضوع زهرة وقرر ان ينساها عشان ميزعلش جدة ف وافق ، "وكلم الحاج سليمان سالم عم زهرة وقالو ان طالب ايد زهرة ل زين وهيديلو اللي هو عاوزة ووافق عم زهرة بسرعة " واتفاجئ زين ب زهرة ان هيا اااه هيا دي دي اللي قلبي حبها لسنين من غير مينطق كلمة كان فرحان اوي ان هيتجوز زهرة
Back...
زين : انتي متعرفيش انا بحبك اد اي ي زهرة وقام ركب عربيتة وروح.....
عدي اسبوعين زين وزهرة مبيتكلموش ولا بيشوفو بعض زهرة متجنبة زين جدا ومبتخرجش من اوضتها الا لما هو ينزل شغلو وبتدخل قبل م يرجع ،، زين حاول يكلمها كتير بس هيا مكنتش بترد علية
ف صباح يوم جديد
صحي زين واتوضي وصلي ولبس ولقي زهرة خارجة من الاوضة
زهرة : هتطلقني امتا
زين مردش عليها وسكت
زهرة : هو انا مش بكلمك ولا انا بكلم نفسي
زين = انا قولتلك قبل كدا مفيش طلاق انتي فهمة
زهرة : هتطلقني يا زين انا مش عاوزة اعيش معاك تاني
زين = مش هطلقك يا زهرة وسابها ونزل راح ع شغلو وكان قاعد ع مكتبة وجالو تليفون من ابراهيم باشا ان يروحلو ع مكتبو هو والمقدم حسام وراحو المكتب
حسام : اوامرك ي فندم
ابراهيم باشا= دا ورق فية معاد التسليم والمكان والساعة ال هيتسلم فيها خلو بالكو ان شاء الله انتو قدها يشباب
حسام : علم وينفذ يفندم
زين = تمام حضرتك اي اوامر تانية
ابراهيم = لا تقدرو تتفضلو
عدي يومين ومكنش فيهم اي جديد
جهه يوم العملية والقبض ع اكبر شبكة لتجارة المخدرات
زين نزل راح عند دينا....
ف بيت زهرة كانت ماسكة فونها ولقت مسدج فيها جوزك معايا دلوقتي لو حبة تيجي تشوفية وهو بيتجوزني دلوقتي تعالي وشوفي وبعتتلها المكان ،، زهرة اتصدمت وقامت لبست ونزلت
نزلت زهرة وهيا تعبانة ودموعها مشوشة ع عينها ومش شايفة حاجة حسة ان هيا تايهه ،، وقفت تاكسي و وراحت للعنوان اللي اتبعتلها وصلت العنوان وكانت بتدعي ربنا ان ميكنش زين فوق هيا مش هتتحمل تشوفهم سوا ، طلعت زهرة وخبطت ع الباب
زين لما سمع الباب بيخبط نادي ع دينا ، كانت دينا ف الحمام م سمعاه قعد ينادي عليها مكنتش بترد " كانت دينا جوا سمعة زين وهو بينادي عليها ومردتش " زين قرر ان يفتح الباب
فتح زين الباب واتصدم بزهرة
زين : زهرة اسمعيني
زهرة بدموع =بص انا م عاوزة منك حاجة انا مش عاوزة منك حاجة انا مش طيقاك ولا طايقة ابص لواحد زيك وندمانة ان حبيت واحد زيك اناا بكرهك يا زين طلقنييي ياحضرت الظابط وسابتة ومشيت
زين واقف مصدوم من اللي سمعة هيا حبيتة زهرة حبيتة بجد ،، ندي زيين بصوت عالي جدا علي دينا اللي كانت واقفة علي وشها ابتسامة لما سمعت كلام زهرة لزين وفجأة اختفت الابتاسمة لخووف
زين : انتي ليه عملتي كدا
دينا بكدب = عملت ايه يا زين
زين : بطلييييي كدددبببب بقيييي انتي لو مش عارفة ان عارف كل حاجة عنك يبقي متعرفيش مين هو المُقدم زين السيوفي ،، اتصدمت دينا ان هو مُقدم
دينا :أأأأاااا انت ظابط
زين = هه شوفتي ،، لو مفكرة ان معرفش المسدجات اللي بتتبعت لمراتي تبقي هبلة انا عارف كل حاجة بالامارة انتي ال بعتي ل هزرة ان جوزك بيخونك ومعايا دلوقتي وبعتلها اللوكيشن هو انتي مفكرة ان عارفك عشان خاطر جمال عيونك هه تبقي غلطاانة يحلوه ولا انتي متعرفيش ان انا عارف انك بتشتغلي ف تجارة المخدرات وانكو اكبر شبكة لتجارة المخدرات تبقي غلطانة حرام عليكو خراااب في البلد بقي ومسكها من شعرهاااا جامد وضربها بالقلم وقعد يضرب فيها لحد م وقعت ف الارض واتصل بالقوات وطلعو وخدو دينا
راح زين هو والقوات والمقدم حسام للمكان اللي المفروض فية التسليم
زين :حسام خد انت فرقة من القوات وروح من الجهه دي "وشاور علي فرقة من العساكر" انتو لفو من ورا ،، وانتو تعالو معايا ، وراحو كان الوضع ف الاول تمام وقدرت الفرقة التانية يخلصو ع مجموعة من الرجالة ال كانو واقفين في الجهه الخلفية لحد ما واحد منهم جهه من وراهم وضرب نار وبدأ ضرب النار وحصل اشتباك وكانو في مصابين كتير ومنهم زين اللي جتلة رصاصة ف دراعة وحسام اضرب بالنار ف رجلو وبرغم كدا فضل مكمل لحد م خلص الاشتباك وقدرو يقبضو ع اكبر شبكة لتجارة المخدرات
جت الاسعاف ياخدو زين وحسام وباقي العساكر المصابة زين مكنش راضي يروح معاهم وكان عاوز يروح لزهرة ويلحقها
ابراهيم: مينفعش يا زين انت مصاب لازم نطلع الرصاصة "كان زين تعبان وكان بيفقد الوعي واحدة واحدة
زين = يفندم لازم الحق زهرة هيا سابتني ومشيت وبدأ يفقد الوعي واحدة واحدة...