رواية عشق السيف (اسيل وسيف) البارت الثاني 2 بقلم بسملة محمود
رواية عشق السيف الفصل الثاني 2
عند سيف ف الاوضة
سيف لنفسو : أنا مالي ومالها وبفكر فيها ليه م تعيط ولا تولع دي جوازة مصلحة سنة وهتغور م حياتي ...بس انا ليه اتبسطت لما اخدتها ف حضني ...لا ي سيف فوق لنفسك مش سيف المنشاوي اللي تحركو واحدة ست كلهم خاينين وبتوع مصلحتهم
ده كان الكلام اللي سيف اقنع بيه نفسو وبعدها اخد دش ونام
سيف المنشاوي ..30 سنة اكبر رجل أعمال ف الشرق الأوسط ورغم سنو الصغير الا انو قدر يتفوق ف مجال الهندسة والمعمار وقدر يدير شركات عيلتو بعد م جدو المنشاوي الكبير عملو توكيل ب التصرف في كل الممتلكات .سيف طويل بشرته برونزية عينيه حادة لونها عسلي جسمو رياضي ووسيم ..حاد الطباع مافيش ف حياتو اي مجال للهزار أو المتعة ومعندوش الا عدي صديق عمرو الوحيد ،،بس ي ترا ايه اللي يخلي واحد زي سيف يتجوز اسيل🤔؟
في الصباح
صحيت اسيل وبدأت تفتح عنيها وتستوعب كل الي حصل امبارح ....قامت بهدوء اخدت دش وغيرت هدومها وصلت فرضها ووقفت قدام المرايا تسرح شعرها ،،،
اسيل : اه ي سليم لو تعرف اني اتحجبت زي م كان نفسك دائما ...ابتسمت اسيل بحزن ولبست دريس اسود وطرحة زرقاء ونزلت
ف اوضة السفرة كان قاعد سيف بيفطر وفجأة لقا مايا حمدان ( بنت خالت سيف وبتشتغل معاه ف الشركة شخصية متسلطة وحقودة وكانت عايزة تستولي ع سيف واملاكو ..25 سنة قوامها مشدود شعرها اسود )
مايا : هاي ي سيف عامل اي
سيف بجمود : ازيك ي مايا اي جابك دلوقت
مايا ادعت الحزن : اي ي سيف بتطردني
سيف : ابدا اتفضلي اقعدي افطري ...ف الوقت ده اسيل نزلت وكانت لسة هتدخل اوضة السفرة لمحت مايا قاعدة بتكلم مع سيف وبتدلع عليه
اسيل بغيظ:جيتيلي بنفسك والله لاوريكي .
طلعت اسيل اوضتها وبعد عشر دقائق كانت نزلت ودخلت اوضة السفرة ..
سيف اول م شاف اسيل تنح ..كانت لابسة فستان بيبي بلو ضيق وبكم وفتحة صدر واسعة وواصل لفوق الركبة وفاردة شعرها الأسود الي واصل لآخر وسطها وحاطة ميكب خفيف
كانت ملكة جمال
اسيل بدلع : صباح الخير ي بيبي وباست سيف ف خدو
سيف لسة مصدوم بس محبش يبين: صباح النور ي حبيبتي
مايا بغيظ: اي اللي انتي عاملاه ده هو مش المفروض انك محجبة ولا ده شو بتعمليه علينا
اسيل ببرود: والله ده بيتي وانا حرة البس اي ف بيتي شئ ميخصكيش .
مايا بحقد : لا ده بيت سيف مش بيتك وعمالة تدلعي عليه كدة ليه اي الجو البيئة ده
اسيل بضحك : لا ي روحي هو محدش قالك أن مرات سيف يعني ده بيتي برضو وبعدين ادلع علي جوزي براحتي ده جوزي وده مش جو بيئة ،،الجو البيئة هو أن واحدة تدلع علي واحد مش جوزها ولا يخصها ف حاجة
مايا بغيظ : تقصدي اي
اسيل : مقصدش حاجة هو انا كلمتك وبعدين جاية ليه دلوقتي احنا انهاردة صباحيتنا ولسة مجهزناش نستقبل ضيوف .
مايا بصدمة : انتي بتطرديني،،طب لعلمك بقا أنا مش ضيفة أنا صاحبة بيت وكمان أنا جايبة لسيف ورق مهم ف الشغل يمضيه
اسيل : والله ضيفة أو صاحبة بيت ده انا اللي احددو وكمان انهاردة صباحيتي أنا وسيف يعني إجازة من الشغل ووجع الشغل ...وي ريت بعد كدة الشغل يبقي ف مكان الشغل يعني مش ضروري تتعبي نفسك وتيجي لحد هنا لو في اي شغل مستعجل تقدري تبعتيه مع ساعي الشركة وتوفري مجهودك.
كل ده وسيف قاعد يراقب ف صمت ويشرب فنجان القهوة بتاعو
مايا بصت لسيف : اي ي سيف انت هتسيب البتاعة دي تغلط فيا
سيف بحدة : مايا افتكري انتي بتتكلمي مع مين وعن مين اللي بتتكلمي عنها دي تبقي مدام اسيل المنشاوي يعني تحترميها وتكلميها ب اسلوب احسن من كدة والا هتعامل معاكي بأسلوب ميعجبكيش
مايا بغيظ :ماشي ي سيف سلام
مشيت مايا بغضب وهي بتتوعد لسيف واسيل ..
بعد م مايا مشيت قامت اسيل عشان تطلع اوضتها
سيف : مش معني اني سكت ومرضتش احرجك وانتي بتتكلمي مع مايا انك تسوقي فيها وتنسي أن اللي بينا ده جواز مصلحة وميديكيش الحق ف انك تدخلي ف حياتي .
اسيل بجمود: أنا مش ناسية أن جوازنا مصلحة بس أنا مراتك قدام الناس ومش هسمح لأي حاجة تهين كرامتي عن اذنك .
طلعت اسيل م اوضة السفرة وقررت تتمشي شوية ف القصر وتتفرج عليه
اسيل لنفسها : الله القصر تحفة اوي ....أنا هطلع اتفرج ع الجنينة بس انا مش لابسة حجابي ولا حاجة محتشمة واخاف حد يشوفني
اسيل بصت حواليها لمحت واحدة من الشغالين
اسيل : خدي هنا لو سمحت
الشغالة باحترام : أوامرك ي هانم
اسيل : هو فيه اي حد برا ف الجنينة؟
الشغالة : لا مافيش الا الحرس بس دول علي البوابة مبيجوش هنا
اسيل : تمام تسلمي
طلعت اسيل الجنينة وهي مطمنة وابتدت تتفرج علي الجنينة بهدوء
في ناحية تانية م الجنينة
امجد : حاضر ي مايا اهدي أنا رايحلو اهو ركزي انتي ف الورق اللي معاكي مش عايزينو يحس ب حاجة .
( امجد السيوفي اخو مايا من الآم 29 سنة شخصية حقودة وبيكره سيف ،،زبالة ومش محترم وبيحب الستات م الاخر 😂)
قفل امجد مع مايا ولسة بيلف عشان يدخل القصر لقا اسيل ف وشو
امجد لنفسو : اوف اي الصاروخ الجامد ده ،،هو كدة سيف بيحب ياخد كل حاجة حلوة لنفسو
اتجه امجد ناحية اسيل ووقف قصادها
اسيل اتخضت: اي ده انت مين ودخلت هنا ازاي ؟؟؟
امجد بنظرات وقحة : أنا امجد السيوفي مش هتعرفيني ب نفسك ي قمر
اسيل بزعيق : ابعد عني ي حيوان انت مين عشان تكلمني كدة
امجد : متتعوجيش عليا بس وكلميني عدل ده انا هدلعك ع الآخر واحسن من سيف كمان
اسيل : ابعد عني ي بني آدم انت ابعد وسيبني
ف اللحظة دي سيف كان خارج م القصر وسمع صوت دوشة ف راح يشوف فيه اي
امجد شاف سيف جاي عليهم ف ابتسم ب خبث وشد اسيل لحضنو واول م سيف جه راح زقها بعيد عنو لدرجة أن اسيل وقعت ع الأرض
اسيل بصدمة ولسة متعرفش أن سيف واقف وراها : انت ي حيوان انت ازاي تعمل كدة
امجد بمكر : انتي كنتي عايزاني اجاريكي ف اللي بتعمليه أنا لا يمكن اعمل كدة
اسيل محستش ب نفسها الا وسيف بيشدها م ايديها وقفها قدامو وعنيه بتطق شرار
اسيل بصدمة : سيف ..