رواية عشق الايهم البارت الرابع 4 بقلم شهد يوسف
رواية عشق الايهم الفصل الرابع 4
رأفت بصوت غليظ وعالي:يبقا اي ي عاصم؟!
ابتلع عاصم ريقه بتوتر:داا
رأفت بنفاذ صبر:متنطق ولا انت علقت
وليد:هقولك انا ي جدي ايهم يبقا ابن عمتي سميه
فتح رأفت عينيه لأخرهما وهو يقول:ولد سميه!!!
نظر عاصم لإبنه وليد بغضب وهو يكاد يقتلع رأسه من جسده
رأفت وقد بدت علامات الغضب والكره تظهر على وجهه اكثر:وهما فين
وليد:في القاهره والسنيوره جيباه يعيش معاها ف شقة جدتها
رأفت:ومجبتهاش معاك ليه
وليد:هنجيبها ازاي وهي كانت متحاميه فيه
رأفت بحده:من بكره الصبح هنسافر ونجيبها ولو كان ابوها مربهاش وهو حي اربيهاله انا وهو ميت
عاصم مسرعا:يبوي صدقني في حاجه غلط
رأفت:بلا غلط بلا صوح الموضوع اتقفل
خرج هو ووليد وحسم امره علي السفر
**
كانت تقف ليلاً في المطبخ جائعه وحائره لا تعرف من اين تبدأ
تذكرت كلام جدتها عندما كانت تجدها منهمكه في الرسم"اتعلمي شغل المطبخ ي رحيل مهو لما تتجوزي وجوزك يقولك حضريلي الاكل مش هتجيبيله رسمه ياكلها"
رحيل وهي تحدث نفسها:ربنا يرحمك ي تيته
سمعت صوت خطوات تأتي من خلفها التفتت لترى ايهم بطوله الفارع
ايهم:بتعملي ايه هنا الساعه داخله ع 1
رحيل:ولا حاجه عن اذنك
ادرك ايهم سبب وجودها في المطبخ ليردف:على فكره انا بعرف اعمل مكرونه وبانيه جاامدين جدا ولو مساعدتنيش مش هأكلك منهم
نظرت له رحيل بدهشه هل هذا ايهم الذي صرخ بوجهها صباحا!!!
ايهم بإبتسامه جذابه:هتفضلي تبصيلي كدا كتير
رحيل بخجل:هاا لا طبعا
لتقول بصوت منخفض:طب كنت قولتلي ان عندك انفصام شخصيه
ضيق ايهم حاجبيه واردف:بتقولي حاجه
رحيل: كنت بقول طنط سميه هتفضل قد اي اصل البيت هيبقا وحش من غيرها؟
ايهم:انتي لحقتي ي بنتي تقعدي معاها اصلا على العموم هي هتفضل اسبوع ويمكن اكتر
اخرج ايهم الطعام امامه ليبدأ في طهوه اما رحيل فجلست فوق الرخامه تتابعه بصمت
نظر لها ايهم وهو يعمل واردف:اوعي تقولي انك فاشله ومبتعرفيش تعملي حاجه
رحيل مدافعه عن نفسها:ب بعرف طبعا
ايهم:وي ترا بتعرفي تعملي ايه
رحيل:بصراحه يعني
ايهم:ايواا بقاا اعترفي
رحيل:بعرف اعمل سلطه ومحشي بس
ايهم:بتهزري!!
رحيل بثقه:لا انا بتكلم بجد ي بابا دا انا عليا لفه محشي الشربيني نفسه ميعرفش يعمل زيها
ضحك ايهم بشده واردف:مش هصدق غير لما اشوف بنفسي
رحيل:ف يوم هعملك محشي مشوفتوش ف حياتك ودلوقتي خليني اعمل السطله اللي حيلتي
ايهم:ماشي ي ستي بس تاني مره ابقي قولي لزينب تحضرلك الاكل
رحيل:هي قالتلي احضرلك بس انا مكنش ليا نفس ودلوقتي مهنش عليا اصحيها
تبسم ايهم واردف:السكين الصغيره عندك ف الرف التاني
بعد نصف ساعه كان ايهم قد جهز الطعام وجلس مع رحيل على السفره ليتناولاه
ايهم:بعد م تتخرجي السنادي هتعملي ايه؟
رحيل بتفكير:مش عارفه الحقيقه لسه
ايهم:عندي واحد صحبي محتاج يعمل شويه ديكور ولوحات ف شركته فبعد امتحاناتك هنشوف الموضوع دا
رحيل بسعاده وامتنان:شكرا بجد
ايهم بابتسامه:العفو
انهيا طعامهما واستأذنت رحيل لتذهب للنوم
**
في صباح اليوم التالي
عاصم:يبوي اهدى واستني شويه نفهم الموضوع زين
رأفت:ولا كلمه انا هعرف اجيبها واربيها كفايا علينا واحده حطت راسنا ف الطين يلا ي وليد
ذهبا معاً وبقي عاصم يفكر كيف سيخرج من هذا المأزق
**
عبدالحميد وهو يجلس على فراشه بتعب:مجاش معاكي ايهم ليه ي سميه
عزيزه ابنة عبدالحميد وعمة ايهم:نسيت يبوي طردك لأبوه قدام عينه وإهانته قدام الكل
سميه بحزن:حقك عليا ي عمي بس ايهم مبينساش بسهوله لكن هيجي يوم وينسي ويسامح
عبدالحميد وقد تجمعت الدموع بعينيه:انا السبب غلطت ف ولدي وقسيت عليه واهو ابنه مش ناوي يسامحني وانا على اعتاب الموت
سميه وهي تقبل يده:بعد الشر عليك ي عمي متقولش كدا انا هقنعه واخليه يجيلك
**
كانت بغرفتها تقوم بتمشيط شعرها عندما اتت لها الخادمه
زينب:صباح الخير ي ست رحيل
رحيل بإبتسامه:صباح النور وبعدين يرضيكي انا وف مقتبل شبابي كدا تقوليلي ست وتكبريني
زينب بحيره:طب اقولك ايه ي ست رحيل
رحيل:رحيل وبس
زينب بإبتسامه:حاضر ي رحيل ربنا يجازيكي خير على طيبه قلبك دي سبحان الله شوف انتي اللي مرات ايهم بيه بتعامليني ازاي واللي متتسمي سمر لما كانت خطيبته كانت بتتحكم فينا وتشخط وتأمر
رحيل:هي كانت بتيجي هنا!!
زينب:هي تقرب للست زينب وكانت كل يوم تيجي هنا بحجه انها تطمن عليها والحمدلله ايهم بيه فسخ الخطوبه
تذكرت سبب مجيئها لتردف:يووه اخدني الكلام ونسيت ست سميه اتصلت على تليفون البيت وعايزاكي
اتجهت رحيل معها للأسفل
رحيل:صباح الخير ي طنط
سميه:صباح النور ي حبيبتي عامله ايه
رحيل:الحمدلله بخير حضرتك عامله ايه
سميه:انا بخير ي بنتي هو ايهم خرج ولا اي
رحيل:ااه تقريبا خرج من نص ساعه
سميه:طيب ي بنتي انا اتصلت عليه لاقيت تليفونه مقفول لما يجي قوليله يكلمني ضروري
رحيل:حاضر ي طنط
ودعتها واغلقت الهاتف
وصعدت لغرفتها لتذاكر
**
ايهم:قولتلي شوفته فين اخر مره
محمود:كان قاعد ف بيت شبه مهجور ي باشا وكان فيه واحد دايما بيطلع ويخرج
ايهم:فاكر شكله؟
محمود:طبعا ي باشا
ابستم ايهم واخبر العسكري بأن يأتيه بالرسام
جلس يراقب محمود وهو يخبر الرسام بتفاصيل وملامح وجهه وبعد اكثر من ساعه كان قد انتهي ...امسك الرسمه ونظر إليه بتمعن يحاول تذكر اين رأي مثل هذا الوجه من قبل
اخذ الرسمه وقرر الذهاب لمنزله ليفكر بهدوء
**
كانت جالسه بغرفتها تذاكر إلا ان شعرت بالجوع نظرت لساعتها لتجدها الواحده ظهرا
نزلت للمطبخ لتجد زينب قد اعدت القهوه وذاهبه لتعطيها لأيهم
زينب بإبتسامه:احضرلك الغدا ي رحيل
رحيل:تسلمي ي زينب هحضر لنفسي
زينب بإبتسامه عريضه:اتفضلي اعطي القهوه لأيهم بيه وانا هحضرلك الأكل
رحيل بإبتسامه:ماشي ي زينب
اتجهت إلى ايهم
دقت باب الغرفه لتسمع صوته يأذن لها بالدخول
فتحت الباب لتجده يمسك بورقه وينظر إليها بتركيز
اقتربت منه رحيل ووضعت القهوه بجانبه على المكتب واردفت:طنط سميه اتصلت عليك الصبح وكان تليفونك مقفول فكلمتني وقالتلي لما تيجي تكلمها ضروري
ايهم ولم ينزل نظره عن الرسمه:ماشي ماشي
تعجبت من تجاهله لتنظر للرسمه التي بيده
رحيل بإستغراب:دا مدحت مش كدا
نظر لها ايهم واعطاها الرسمه
رحيل:ايوا هو مدحت
ايهم:انا شوفته قبل كدا صح
رحيل:دا اللي وليد باعته يراقبني وهو اللي شافك وقال لعمي
تذكره ايهم واخيرااا
ابتسم ايهم وقام مسرعا بدون ان يتكلم
تعجبت رحيل جداا من تصرفه ضربت جبهتها بيدها وهي تقول:اوووف نسيت اقوله اني عايزه اجيب تليفوني من الشقه
خرجت ورائه ولكنه كان قد غادر
زينب:الأكل جاهز ي رحيل
تناولت طعامها وبدلت ملابسها للذهاب إلى شقتها واحضار الهاتف
**
وليد:هي دي الشقه ي جدي
دق رأفت الباب عدة مرات ولكن دون جدوى
رأفت بغضب:انت متأكد ي وليد
وليد:ايوا ي جدي والله هي دي
نظر رأفت للرجلان الذان معه واردف:اكسروا الباب
كانت قد وصلت وسمعت ما قاله رأفت
رحيل بخوف:انتوا مين
التفت رأفت واردف:مرحب باللي حاطه راسنا ف الطين
رجعت خطوات للوراء بسرعه لتتعثر وتقع من على السلم ولم تدري بنفسها وقد غابت عن الوعي