رواية انفصام البارت الثالث 3 بقلم سما محمد
رواية انفصام الفصل الثالث 3
: مراد عنده انفصام في الشخصيه
_اييه
: عارفه أن الموضوع صعب بس انا متأكدة انك الوحيدة اللي هتساعديه ،انتي الوحيدة اللي هو اتعلق بيها وقالي أنه معجب بيكي
_طب بس ثانية انا عاوزة افهم هو عنده كام شخصية
:شخصيتين الأولي دي شخصيته زمان من كام سنه ولما قالك أنه في تانية جامعة مكدبش هو في مخيلته أنه رجع تانية تاني وده اللي حصله تأثير الصدمة من وفاه والده الشخصية التانية وهي الحقيقية أنه معيد في الكلية بس للاسف تعامل مراد وهو في الشخصيه الأولي مختلف تماما عن التانية
_ازاي فهميني اكتر
:الشخصيه الأولي هادية جدا وحنينه انما التانية شخصيه قاسية وحزينة وتعبانة ،وانا جيتلك وانا عاوزاكي ترجعيلي ابني زي ما كان "وبدأت تعيط بشدة"انا عارفة أن ده فيه ظلم ليكي بس عشان خاطري ساعديه انا مليش غيره
فريدة مسكت ايديها وقالت:اهدي يا طنط خلاص أنا موافقة علي الجواز
_طب اية رأيك كتب الكتاب يبقي النهارده
: النهارده ازاي
_انا قايلة لامك علي فكرة وهي وافقت بس جيت اشوف رأيك والفرح هيبقي بعد شهر من دلوقتي عشان نبدأ في علاجه
:الاه يعني انتوا مظبطينها من ورايا
امي طلعت وقالت:وأية اللي فيها يعني
_ماشي يا امومة تسلمي
:روحي جهزي نفسك
_حاضر
"مكانتش صدفة اني اقابله وأنه يتعلق بيا يمكن اكون سبب في علاجه واكيد هو هيكون سبب في حاجة حلوة في حياتي لأنها مكانتش صدفة"
:انا كلمت فريدة علي كتب الكتاب ووافقت
_بجد يا ماما
:اكيد يا ابني هو أنا ههزر
_انا بقول دايما انك ام جامدة
:بص دلوقتي انت داخل علي حياة جديدة لازم تحافظ عليها وتتقي ربنا فيها اياك ثم اياك تزعلها لأنك لازم تكون سبب سعادتها مش حزنها فاهم
_فاهم
"بارك الله لكما وبارك عليكما وجمع بينكما في خير"
فجأة لقيته بيحضنني وقالي:جميلة اوي
اتكسفت وقولت:احم شكرا
خدني وروحنا عشان نخرج كنا ماسكين ايد بعض وانا كنت مبسوطة بس حاسة بشوية خوف من اللي جاي
دخلنا مكان هادي وهو عمال يبصلي بإبتسامه
قولتله:احم مالك بتبصلي كدة لية؟
مسك ايدي وقال:مش مصدق أننا اتجوزنا وأنك بقيتي ملكي
_مبسوط
:دي كلمه قليلة علي احساسي حاسس اني عاوز اتنطط من كتر الفرح
_تعرف انا نفسي في اية
:اية؟
_نفسي تمطر ونجري انا وانتا تحت المطر من غير ما ماما ترفض ونفضل نلعب تحت المطر اول لما تمطر نبقى نعمل كدة تمام
ابتسم وقالي:تمام
فضلنا نتكلم وحسيت براحة هدت من خوفي نوعاً ما كان بيتكلم معايا بلهفه وحنيه فعلا هو جميل اوي بس ياخوفي من شخصيته التانية وازاي هتعامل معاها
قولتله:يلا نروح بقي الوقت أتأخر
_يلا
وصلني البيت طلعت اوضتي وانا بفكر ياتري الخطوة دي كانت صح ولا غلط هل هكون قادرة اني اتعامل معاه واتحمل الموقف مش عارفه حاسة اني متلخبطه
"كانت صدفة بس غيرت حياتي 180° من فريدة البنت الجامعية لفريدة حرم مراد المنشاوي"
صحيت تاني يوم علي منبهي وهو بيقول "اصحي يا شلبييي"
قومت لبست هدومي بسرعة ونزلت لقيت مراد نازل في نفس الوقت ناديته:مراد استني
لقيته بيبصلي بغرابة خلع نضارته وقالي_انتي تعرفيني؟
"لا ادري إن كان قرارا صائباً ام انني تعجلت علي هلاكي"
يتبع الفصل الرابع اضغط هنا