رواية انفصام كاملة جميع الفصول من الفصل الأول إلى الأخير بقلم الكاتبة سما محمد، وهي رواية الكترونية تصنف كرومانسي اجتماعي، وكتبت باللغة العامية المصرية، وسوف نشاركها كاملة عبر مدونة دليل الروايات للقراءة والتحميل.
رواية انفصام الفصل الأول
درجة الحرارة 8 والجو بيمطر تلج و انتي راحة فين
طالعة ياماما برة
فجأه لقيت فردة الشبشب في قفايا :بت انتي مجنونه بقولك بتمطر تلج تقوليلي طالعة ،اترزعي مكانك هنعمل سحلب يدفينا
_خلاص داخلة ،دخلت تاني بس الخطة التانية اشتغلت
اتسحبت وطلعت البلكونة وانا في أيدي كوباية سحلب سُخنه مديت ايدي لقيت قطع تلج صغيره
احساس جميل اوي انك تمشي تحت المطر بجنون من غير ما حد يمنعك بس عمري ما عشته "اصل الست الوالدة معارضة"
لسة هقفل البلكونة لقيت واحد واقف في البلكونة اللي قدامنا شخص اول مرة اشوفه " عفريت ده ولا اية" لقيته بيمد أيده وهو مغمض عينيه في المطر "واضح كدة أن أمه معارضة بردو"
فجأة فتح عينيه عملت اني بشرب السحلب ومش مركزة "ده علي أساس اني مش كنت مبحلقة فيه من شوية"
سمعت صوت بيقول:ازيك انا مراد جارك الجديد
قولت في نفسي:اااه يعني انت جارنا مش عفريت الحمدلله بس ثانية هو في جار بيبقي مز كدة؟ اومال فين الفانله الكات والقرعة؟
_اتشرفت بحضرتك وانا اسمي فريدة
:انتي بتدرسي؟
_انا تانية جامعة وانت
:انا في تانية بردو انتي في كلية اية
_هندسة
:يا محاسن الصدف انا كمان في هندسة ،اتشرفت بمقابلتك
_انا اكتر،انا هدخل بقي عن اذنك
:اتفضلي
دخلت وانا عقلي عمل Error مش معقول يكون في نفس سني ونفس الجامعة وكمان جاري اكيد في حاجة بس طلعت الكلام من دماغي لقيت ماما نايمة الحمدلله
دخلت اوضتي ودخلت جوا البطانية وحطيت اللاب توب عليا وكتبت:في حاجات بتمر في حياتنا بتخلينا نقف ونستغرب ياتري دي صدفة بس ازاي صدفة بكل الترتيب ده!
صوت طلع من الموبايل لقيت في notification واحد باعتلي add ثانية!
مش ده مراد جارنا اللي لسة مقابلاه؟
امم مراد المنشاوي اية اسم رجال الأعمال ده ولا كأنه ساكن قدامنا في الشارع
كدة في حاجة غلط عرف ال account بتاعي منين؟ ده انا مش حاطه صورتي حتي!
كدة في حاجة واكيد دي مش صدفة دي مترتبلها وكويس اوي
عملت delete انا أساساً مبقبلش ولاد
صحيت متأخر كالعاده وقومت البس و
ماما فين الكوتشي ،الطرحة فين طيب ،يلهوووي الجاكيت الاسود بتاعي فين يا اختاااي
ودي طبيعة كل يوم حاجتي ضايعة وطبعا رد ماما بتاع كل يوم كان
_ما انتي لو حاطة كل حاجة في مكانها كنتي هتلاقيها
دخلت دورت لقيت الهدوم لبست بسرعة واكلت تفاحايه ونزلت عشان اروح الجامعه وانا نازلة لقيت مراد نازل في نفس الوقت
"لا كدة كتير اوي مش معقول يعني مراقبني وعارف بنزل امتي"
لقيته جاي بيقولي:اركبي العربية معايا انا كدة كدة رايح الجامعة معاكي
قولتله :لا انا هركب مواصلات عادي
_يابنتي اركبي هتتأخري
:شكرا لحضرتك انا متعودة اروح متأخر
مشيت وهو عمال يبصلي وبيقول:عنيدة
سمعته ساعتها ومشيت
روحت اركب مواصلات وكالعادة اتأخرت بسبب المواصلات ربع ساعة
وصلت الجامعة ودخلت بسرعة للمحاضرة لقيت مراد هو الدكتور وبيشرح ثانية واحدة هو في اية!
:انتي يا آنسة متأخرة عن معادك ربع ساعة
_انا اسفة يا دكتور مش هتأخر تاني
: خلاص ادخلي
دخلت وانا في حالة صدمة مش كان قايلي أنه قدي؟ اخش اتفاجئ أنه دكتور عندنا!
خلصت المحاضره طلعت برا لقيته واقف بيقولي: مش كنتي تيجي معايا كنا نوصل بدري
_ممكن أفهم اية الكدب اللي قولتهولي امبارح ده؟
:كدب اية؟
_قولتلي امبارح انك في تانية زيي
:أيوة اية الكدب في كدة
_ايييه؟
يتبع الفصل الثاني اضغط هنا