رواية حبيبي هو أخي بقلم زوزه كاملة جميع الفصول من الفصل الأول إلى الأخير بقلم الكاتبة زوزه، وهي رواية رومانسية تحكي عن الحب والصداقة، وسوف نشاركم الرواية مكتملة عبر مدونة دليل الروايات للقراءة والتحميل Pdf.
رواية حبيبي هو أخي الفصل الأول
_هاات يابني كيس الشيبسي ده .
=اهو طولي انتي بس وخديه .
_ يابني هات بقا انت طويل اووي مش ملاحظ فرق الطول .
= لا وانتي الصدقه انتي اللي قصيره اووي يا اوزعه .
_تخبط ارجليها بالارضيه مثل الاطفال وتقول بغضب متقوليش اوزعه انت اللي طويل علي فكره .
=يضحك هو انا طويل فين يا بنتي ده انا بس 185 .
_ تنفخ وتقول طيب يبقي طويل .
= لا مش طويل انتي اللي اوزعه يا متر ونص .
_ اممممم متر ونص دول طويل صح .
= بضحك يقول طويل مين يا ماما ده انتي كلك علي بعضك 150 سنتي .
_ تنفخ وتقول بغضب علي فكره بقا البنت القصيره قمر ثم تدور حول نفسها بفستانها التي ترتديه وخمارها الذي علي رأسها .
= يضحك ويقول من ناحيه قمر فإنتي قمر بس علي قصير بقا وبعدين البنات الطويله احلي بكتير .
_ هي بضحك لا بقا ده القصيره احلي بكتير .
= هو طيب ياختي خدي الشيبسي اهو خليني اروحك .
_ هي بضحك وبغرور مصطنع افتح ليا باب العربيه لو سمحت .
= بت انتي روحي اترزعي في العربيه شغال ابوكي انا .
_ بضحك تقول اممممم ايوه حتي بابا اللي قايلك تجيب اختك من الكليه .
= ماهو شغال عندك انا ده انا هربان من الشغل عشان سعادتك .
_ تضحك وتقول بقينا نهرب يا بشمهندس محمد .
= ماهو كله بسببك ياختي يلا اركبي عشان ارجع الشغل .
_ بغرور افتحلي الباب لو سمحت .
= يفتح لها البابا ويقول اتفضلي سنيوريتا .
_ تمسك أطراف فستانها وتفعل كتحيه به وتقول شكرا لك سمو الأمير .
= طيب يلا يا سنيوريتا عشان اتاخرت علي الشغل .
_ حاضر سمو الأمير .
وبالفعل أوصلها الي المنزل وعاد الي سيارته وذهب الي شغله .
_ ماما يا ست الكل .
=تعالي يا بنتي .
_وهي تحضنها تقول عملتيلي ورق عنب يا حبيبتي .
=اممممم بتدلعي فيا عشان عايزه ورق عنب .
_ بحبه يا ست الكل .
=عملتهولك يا حبيبتي بس ادخلي غيري وريحي شويه ولما اخوكي وابوكي يجيوا .
_ حاضر يا حبيبتي وذهبت صلت فروضها ونامت علي السرير .
ليلا .
_ بشمهندس محمد القمر .
=اشجيني عايزه ايه ياست حور .
_ يعني مدلعكش يا حمودي يا قمر .
=لا ادخلي في الموضوع علي طول .
_ اممممم طيب انت بكرا اجازه صح .
= ايوه صح ثم ضيق عيناه وقال متقوليش عايزه تخرجي .
_ بضحك ايوه طبعا هخرج مش حبيبتك انا والا مش حبيبتك .
= بت انتي انا مخلفك وناسيكي والا ايه روحي خلي ابوكي يخرجك .
_ لا يا مودي انا عايزاك تخرجني وتوديني علي النيل .
= اي أموار تانيه يا ست حور اصلا انا فاضيلك .
_ هتوديني والا اقول لبابا انك خلتني اقف استناك عشر دقائق .
= بت انتي انا متاخرتش عليكي ده هما دقيقتين .
_ لا لا اكتر من عشر دقائق وهقول لبابا وخليه بقا يتصرف معاك لما يعرف انك سيبت اميرته واقفه في الشارع .
= خلاص ياختي هوديكي ده انتي اعوذ بالله من لسانك هتجبيلي الكلام .
_ بضحك ده انا ملاك ومبعملش حاجه .
= واضح ياختي كل التهزيق اللي باخده بسببك انت مودتش حور اتاخرت علي حور مجبتش لحور ثم نظر لها ورفع حاجبه وقال بت انتي ممكن اكون مش ابنهم وانتي بنتهم .
دخل والده عليهم وقال كل اللي اميرتي تؤمر بيه يتنفذ وانت تنفذ .
= محمد بضحك اه ماهي اميرتك وانا ابن البطه السوده .
_ بضحك قالت وانا بنت البطه البيضه ثم تخرج لسانها لاخوها وتغيظه بيدها .
• يابت متغظيش اخوكي عيب وبعدين انتي عايزه تروحي فين .
_عايزه محمد يخرجني بكرا علي الكورنيش هو عنده اجازه ومش عايز يقضيها معايا وبيقولي مش فاضيلك يا بابا وعايز يروح يقابل بت كده مسهوكه .
= نظر لها باندهاش وقال بت انتي امتا ده حصل .
• بقا يا كلب عايز تروح تقابل بنت ومش راضي تخرج اختك .
=بضحك يا بابا محصلش ولله البت دي مكاره .
_ هي وتسبل عيناها لوالدها وتقول حق انا مكاره يا بابا .
•يحضنها والدها ويقول لا اميرتي ده هو وهوديكي زي ما انتي عايزه والجزمه فوق نفوخه .
_ تقفز من الكنبه وتقول يحيا العدل يحيا العدل هروح اجهز هدومي بتاعت بكره ثم قبلت والدها في خده واخاها أيضا وغادرت .
= ولله ما حد مدلعها غيرك يا بابا .
• وان مدلعتش اميرتي مين يدلعها ثم ناولها فلوس وقال هاتلها اللي هي عايزاه .
= ياحبيبي خليهم معاك انا معايا فلوس وبعدين انا بحب اصرف مرتبي عليها هي .
_ تدخل رأسها من الباب وتقول طيب انا عايزه بكرا حاجات كتيره طالما فيها مرتب ثم تركتهم .
ضحك الاثنان علي طفلتهم .
علي الكورنيش .
_مودي .
= اشجيني يا ست حور .
_ عايزه حرنكش .
= بت انتي ده تالت مره جيبلك فيها حرنكش .
_ يامودي بقا اله هتقر عليا .
= ياريت باين ياختي .
_ طيب عدي بقا هاتلني وانا هستناك هنا .
= طيب وعنيا عليكي .
_ ماشي حبيبي .
= ذهب واتي إليها بحرنكش ووجد رجل يبيع بالونات فاتي إليها بواحده واتي إليها بشكولاته .
من الناحيه الأخري من الطريق
= عايزه حاجه تاني يا ست حور قبل ما عدي .
_ حور بضحك لا ياحبيبي هاتهم بقا ولو عوزت حاجه يبقي هاتلي تاني .
= وهو يعدي الطريق حاضر يا ست حور .
وقعت منه شكولاتيه فاضطر أن يوطي لكي يجلبها .
_ حور وهي تنظر إلي أخاها الذي وطي في الطريق ثم وجدت سياره اتيه بسرعه بصرااااخ ابعد يامحمد .
=محمد وهو يرفع رأسها ولم يكمل ووجد سياره قد خبطته بشده .
_ محمدددد ثم وقعت فاقده الوعي واخاها غارق في دمائه ..
رواية حبيبي هو أخي البارت الثاني
_فاقت في المستشفي وقالت بدموع محمدددد محمد فين .
*اهدي يا فندم .
_بدموع محمدددد فين حد يرد عليا .
* شدي حيلك يا فندم البقاء لله.
_سمعت ذلك ثم فقدت الوعي تاني .
~ها يا دكتور طمني علي البنت .
*للاسف يا استاذ البنت دخلت في صدمه تاني لما عرفت أنه مات .
~طيب والعمل يا دكتور حاولوا معاها.
*اديناها مهدئ بس مين سبب الحادثه دي لان احنا بلغنا وزمانهم جاين .
~للاسف انا يا دكتور .
* طيب ياريت تحاول توصل لأهل حد فيهم وتبلغهم بردو .
~حاضر يا دكتور بعد أن غادروه الدكتور وقف ووضع يديه بين رأسه ثم قال بندم مووت لا مووت لا يا احمد انت مش قتال قتله .
اتي إليه الضابط وبدا ياخذ أقواله .
بعد مده من التحقيقات .
-كده حضرتك هتيجي معانا القسم تمضي علي اقوالك وهتتمنع من السفر لغايه ما القضيه تخلص .
~بس يا فندم انا مليش ذنب وحضرتك حققت والناس قالوا إنها غلطته هو .
- انا عارف بس بردو ولسه هناخد اقوال أخته بس لما تفوق واحنا بلغنا اهلهم وجاين .
•جاء يركض عليهم هو وزوجته وقال وهو يلتقط أنفاسه بنتي وابني فين يا حضرت الظابط عيالي فين .
°قلبي واكلني عليهم اووي يا ابو محمد عيالي فين ثم ظلت تبكي .
-ممكن تهدوا يا جماعه اهدي يا عم الحج بنت حضرتك بخير .
•طيب الحمد لله طيب وابني فين ايه اللي حصله قولولي ابني فيين .
- شد حيلك يا عم الحج البقاء لله .
•وقف بصدمه وقدميه لا تسطيع أن تحمله ثم قال بضعف إن لله وانا اليه راجعون .
°صرخت بشده وقالت ابني لااا ابني لسه صغير يا ابو محمد قول حاجه محمد لسه صغيررر اه يابني انا قلبي كان حاسس .
~اهدي يا امي مش كده لازم تهدي شويه البقاء لله شدي حيلك عشان بنتكم في حاله صدمه لازم تجمدوا شويه .
°ابني مات ابني مات ثم وقعت فاقده الوعي .
~حملها بسرعه وقال دكتووور يا جماعه دكتووور .
اخذوها الي غرفه وقال الدكتور صدمه .
•وقف ووضع رأسه بين يداه وقال بدموع ابني راح مني ومراتي وبنتي صبرك يااارب صبرني .
~اهدي يا عمي ده قدر ومكتوب .
•نظر له بعيون دامعه وقال انت مين يا ابني .
~نظر للاسفل وقال انا السبب في الحادثه دي .
•نظر له بصدمه وقال انت اللي قتلت ابني .
~نظر للاسفل ولم يتحدث .
-تحدث قال الغلط مش غلطه يا والدي ابن حضرتك اضطر يقف فجاءه في نص الطريق ونزل يجيب حاجه من الأرض وهو كان جاي ولما شافه حاول يوقف العربيه بس مقدرش والناس كلها شهدت بكده وهو اللي حاول ينقذ ابنك وبنتك لما فقدت الوعي بس مقدرش الولد توفي قبل مايجي هنا .
•نظر للاسفل والدموع من عينيه صبرك ياارب .
~وضع يده حول كتفه وقال سامحني يا عمي بس ولله حاولت أنقذه ومكنش بايدي .
• ده قدر ومكتوب يا بني وانت ملكش ذنب .
~اعتبرني زي ابنك واي حاجه تحتاجها اطلبها مني .
•شكرا يا ابني .
-احنا خلصنا إجراءات الدفن هتدفنوه امتا .
• نظر إلي الأسفل بدموع وقال إكرام الميت دفنه .
~ نظر إلي الدكتور وقاال جهز كل حاجه وانا هتكفل بكل المصاريف المهم البنت والحاجه .
-زي ما حضرتك تشوف .
•شكرا يا ابني بس مستوره والحمد لله .
بعد يومين .
•يابنتي اهدي بقا انتي مبتاكليش ولا بتعملي حاجه غير العياط وبس .
_محمد مات وسابني يا بابا بسببي انا اللي قولتله يعدي الطريق هو مات بسببي .
•يابنتي مش بسببك ده قدر ومكتوب وده عمره وانتي مؤمنه بالله .
طرق الباب وفتحت والدتها وقالت اتفضل يابني ادخل .
~بحرج قال انا جيت اطمن عليكم يا امي والانسه الصغيره .
°فيك الخير يا بني ادخل هما جوا .
~دخل عندهم في الصالون وقال بحررج ازيك ياعمي .
•اتفضل يا بني اقعد .
~انا جيت اطمن عليكم .
•فيك الخير يا بني .
_التفتت الي صاحب الصوت بعيون باكيه وقالت بصدمه اااانت .
~نظر لها بصدمه وقال انسه حوور ..
البارت الثالث قبل الاخير
~نظر لها بصدمه وقال انسه حووور.
_حور بغضب انت بتعمل ايه هنا .
~انا انا معرفش أن ده بيتك .
_حور بغضب لا ولله امال جاي هنا ليه .
~جاي أعزي في استاذ محمد خطيب حضرتك بس انتي انتي هنا ازاي.
_ماهو انت غبي محمد اخويا .
~انتي البنت الي كانت في المستشفي معايا .
_حور بغضب معاك ازاي يعني .
•اهدي يا حور الاستاذ احمد هو اللي حاول ينقذ اخوكي .
_بغضب ينقذ اخويا والا يقتله مش ده اللي خبطه بالعربيه .
~بارتباك قال انسه حور اهدي انا مكنتش اعرف ان استاذ محمد يكون اخوكي أن مفكره حبيبك او خطيبك من اخر مره .
_ بغضب وانت مالك انت يكون خطيبي والا اخويا هتفرق عندك .
~تحدث بحزن كانت هتفرق جدا يا انسه حور انا اعجبت بيكي من يومها لكن فكرته خطيبك او حبيبك وانتي قولتيله حبيبي .
_ما أقوله زي ما اقوله انت مالك انت وعشان فكرته خطيبتي خبطته صح ده انا هخليك تعفن في السجن .
~يا انسه حور هو اللي وقف قدامي وده كان صدفه ولله وغصب عني .
_بغضب انت اصلا ازاي جايلك عين تيجي هنا امشي اطلع برا.
•اهدي يا حور معلش يا بني هي متعصبه شويه .
_بغضب لا يا بابا انت متعرفهوش هو اكيد موت محمد قصددد .
~ بارتباك انا انا ولله ما كنت اعرف انه محمد غير لما لقيته علي الأرض مرمي وبعد كده حاولت أنقذه واسعفه بس منهضتش هو مات .
_بغضب عشان انت كنت قاصد كده انت قاتل وانا هدفعك التمن .
•يابنتي اهدي وفهميني في ايه .
_تحدثت بعصبية وقالت فاكر يا بابا من حوالي شهرين كده كان في ولد علي طول يحاول يكلمني وبيمشي ورايا ومحمد وقفله وهزقه .
•بتذكر ايوه يابنتي اللي اخوكي ضربه تقريبا .
_حور هو ده يا بابا وهو يومها قال لمحمد مش هسبهالك وهخدها منك انا واثقه أنه ورا الموضوع ده يا بابا .
~بتوتر ولله ما كنت اعرف محمد انا انا كنت جاي وهو اللي وقف ولما عرفت أنه هو حاولت أنقذه واوديه المستشفى بسرعه بس منهضتش .
• بس انت قولت انك اول مره تشوفه .
~ها ماهو يعني خوفا الظابط يشك فيا وانا مليش ذنب وبعدين هي كانت بتقوله حبيبي وهو كان بيقولها حبيبتي وبيعاملها علي انها حبيبته مش أخته لا .
• بغضب امشي اطلع برا وانا هقول للظابط ولو ليك ذنب في قتل ابني صدقني هدفعك التمن غالي اطلع برااااا.
بعد أن خرج .
_جلست تبكي بحزن علي أخاها وقالت هو مات بسببي صح هو مات بسببي يا بابا الشاب ده كان مفكر محمد حبيبي عشان انا بفضل اقوله حبيبي .
•اهدي يابنتي ممكن الشاب ميكنش غلط وده عمر اخوكي .
_لا انا فاكره يومها فضل يتوعد لمحمد ويقوله هاخدها منك هو عيب اني احب اخويا يا بابا هو اخويا مات بسببي وظلت تبكي .
•اخذها في حضنه وقال بحزن مش عيب اخوكي هو حبيبك يابنتي مش عيب ابدا .
_بدموع قالت انا حبيبي هو اخي يا بابا محمد ده حبيبي وروحي انا عايزه اخويا يا بابا عايزه محمد وزادت في البكاء .
•ده عمره يابنتي ده عمره .
_بدموع قالت ليه يااارب تاخد روحي مني محمد ده كان كل دنيتي يااارب ده احلي حاجه عندي ياااارب ثم أكملت بصراااخ اااااه يا محمد ااااه ياقلب اختك ااااااه يا محمد روحي طلعت معاك ياروحي اااااه يا محمد .
=حور في ايه اهدي انا اهو موجود جمبك اهدي يا حور اهدي يا حياتي انا جمبك .
_نظرت له بصدمه وقالت محمد ولم تتحدث .. يتبع الفصل الرابع والأخير اضغط هنا