رواية بنات منصور البارت الخامس 5 بقلم رنا احمد
رواية بنات منصور الفصل الخامس 5
في شقه منصور :..
رشا بدموع :ميرفت حبيبتي انتي كويسه.
منصور بالم :سبيها لوحدها شويه ي رشا وهي هتبقي كويسه.
رشا بخوف:انا مستحيل اسيبها دي ممكن تعمل في نفسها حاجه.
ميرفت بضياع:هعمل ايه اكتر من الي عملته في نفسي حب عمري خلاص ضاع مني وحياتي خلاص انتهت.
رشا بدموع :بعد الشر عليكي ي قلبي.
منصور بالم :صدقيني ي بنتي انتي عملتي الصح وانقذتينا كلنا من نار كنا هنتحرق فيها سمحيني ي يبنتي سمحيني.
ميرفت بدموع:مسمحاك ي بابا مسمحاك انا عارفه ربنا على الظالم الي فرق بيني وبين حبيبي.
منصور بوجع:ربنا علي الظالم ي بنتي جهز نفسك علشان السفر انشاء الله هتلاقي حياه احسن.
ميرفت بدموع :يارب ي بابا ي يارب.
**
في فيلا ربيع الدميري :..
مراد بقلق:فيه ايه ي اسد مالك من ساعه مجيت وانت ساكت كنت فين وايه الي حصل.
اسد بوجع :سيبني لوحدي ي مراد مش قادر اتكلم دلوقتي.
مراد بحده:انا مش ممكن اسيبك كده ابدا من غير متقولي فيه ايه.
اسد بغضب:قولتلك مخنوق ي مراد مش قادر اتكلم دلوقتي ارحمني بقي وسبني.
مراد بياس:حاضر ي اسد هسيبك بس مش هسكت قبل ماعرف مالك وفيك ايه.
اسد بحزن:استنا خود معاك سما تنام معاك لاني خايف اتعصب عليها من غير ماقصد.
سما ببكاء:بس انا هنام معاك ي بابا.
مراد بحنان :تعالي معايا ي قلب عمك هنلعب لعب حلوه لحد مانام يلا خالي بالك من نفسك ي اسد.
اسد بوجع:ربنا يسهل ي مراد.
ليتحدث بهمس والم :معقوله ي ميرفت يكون ده الي في قلبك فعلا معقول يكون بقي جواكي كل الكره ده ليا مش مصدق ولازم اتاكد بنفسي.
في غرفه ربيع الدميري:..
ربيع بانتصار :هو ده بالظبط الي كنت عوازه ومنصور نجح فانه يخاف وينفذ الي قولتله عليه.
مريم بسعاده :برافو عليك ي ربيع هو ده الكلام اسد لازم يفضل تحت عنينا.
ربيع بتفكير :ولازم يتجوز داليا بقي خلينا نخلص.
مريم بضيق: للاسف انها عايزه اسد ي كنت اتمني انها تحب مراد بس معلش ملحوقه.
مريم بشر: كل حاجه هتتحل ي حبيبي وكل حاجه هتبقي في ايدينا...
**
في منزل شجن :..
ام محمود بغضب:عملتيله ايه ي زفته الطين علشان يخرج مضايق كده ي وش البومه.
شجن ببرود:هو الي خلقه ضيق ي خالتي وبيقفش علطول.
ام محمود بغضب: مهو من وشك الفقري جاتك القرف بؤمه ربنا بلانا بيها.
شجن باستفزاز:ده من اصلك ي خالتي يلا بقي انا داخله انام.
ام محمود بغيظ: تنام عليكي الحيطه ي بعيده نوم الظالم عباده.
في غرفه شجن :..
كانت تجلس شجن امام اللابتوب للاسف لارتكاب المعاصي والذنوب من اجل المال..
شجن وهي ترتدي ملابس تفضح اكثر مما تستر..
شجن بدلع : ها تمام كده اتبسط.
احد الأشخاص بوقاحه:لا انا عايز الي اكتر من كده.
شجن بحده:لا علي قد فلوسك ي اخويا عايز اكتر تتدفع.
الشخص بشهوه:تمام تمام هبعتلك دلوقتي.
شجن بانتصار:طب ابعت ي اخويا.
ليتم الشخص إرسال الفلوس لها..
شجن بطمع:كده تمام اتفرج بقي واتبسط.
😥للاسف فيه كتير كده بيضيعوا نفسهم علشان الفلوس ي تري شجن هتبقي ايه نهايتها 🤔
**
في منزل صباح :..
ام احمد بحده:لا ي صباح انا مش موافقه على كده ابدا.
صباح بتوسل:ابوس ايدك ي اما وافقي ده انا مصدقت الاقي شغل.
ام احمد بخوف:ي بنتي لا احمد لو عرف هتبقي مصيبه سوده.
صباح :وايه بس الي هيعرفه ي اما ده هيبقي الصبح قبل هو مايرجع ابوس ايدك ي امي مترفضي مانتي عارفه ان مصرفنا كتيره علي احمد اهو اساعد باي حاجه.
ام احمد بخوف: تقومي تشتغلي في البيوت ي صباح انتي ناسيه انك حامل في الشهور الأولى كمان يبنتي ده خطر عليكي.
صباح :مهو علشان الي فبطني انا هعمل كده مصاريفنا بقيت كتير اوي ي امي احمد مش هيقدر علي كل ده لوحده وانا لازم اعمل حاجه مش هينفع افضل كده.
ام احمد بحنان :ربنا يسترها عليكي ي بنتي ويرزقك من وسع.
صباح بحنان:ايوه كده ي ست الكل اهم حاجه الدعوتين الحلوين دول اسيبك انا بقي علشان متاخرش علي البت زينب سلام.
ام احمد بحنان:سلام ي بنتي مع الف سلامه.
**
في مستشفي مراد الدميري :..
مراد باعجاب:برافوا عليكي ي رشا تشخيصلك للحاله كان ممتاز.
رشا بخجل: شكرا ي دكتور مراد دي شهاده اعتز بيها.
مراد باعجاب: انشاء الله هتبدي تتدخلي مع العمليات من بكره انا بدات اثق فيكي.
رشا بفرحه :بالسرعه دي ي دكتور ده يدوب لسه في الاول.
مراد باعجاب:انا ليه نظره في الناس ومتاكد ان ليكي مستقبل هايل ممكن اعزمك علي حاجه نشربها بره.
رشا بخجل :مفيش داعي ي دكتور مراد.
مراد باعجاب: بس انا شايف ان فيه داعي وداعي اوي كمان.
كامليا بهمس وغيظ: بقي كده وديني لوريكي النجوم في عزالضهر.
**
في شركه ربيع الدميري :..
ربيع بانتصار:برافو عليك ي منصور نفذت الي قولتلك عليه.
منصور بالم :انا كان لازم اعمل كده ي ربيع بيه دول بناتي الي محلتيش غيرهم.
داليا بمكر: طول عمرك بتفهم ي استاذ منصور.
منصور بوجع :ربنا يخليكي ي داليا هانم.
ربيع :خود دول ي منصور.
منصور:ايه دول سعادتك.
ربيع:دول 200الف جنيه علشان تعرف تتدي منهم ميرفت علشان السفر متقلقش كل حاجه مدفوعه بس ده علشان مصاريفها وكمان في عربيه هتوصلها ل المطار وفي شقه هناك كمان تعتبر بتاعتها.
منصور:ده كرم كبير اوي سعادتك عن اذنك.
داليا بانتصار:مش قادره اصدق اننا خلصنا منها ي عمي.
ربيع : شدي حيلك انتي بقي عايز جوازك من اسد يكون في اسرع وقت فاهمه.
داليا بثقه:اعتبره حصل ي عمي
في الخارج :..
اسد بغضب: بجد انك راجل رخيص بعت سعاده بنتك علشان الفلوس انا دلوقتي بس عرفت ليه ميرفت عملت كده بضغط منك طبعا.
منصور بالم :متحكمش عليا ي اسد ي ابني انت متعرفش حاجه.
اسد بوجع:محكمش عليك ليه انشاء الله اتهمتك ظلم مانا شايف الفلوس في ايدك اهي ي خساره كنت فاكرك دايما انك راجل عندك مبدا طلعت رخيص بس خليك عارف ان عمري مهسيب ميرفت ابدا سامع عمري مهسيبها.
ليرحل اسد بغضب شديد اما منصور فكان يقف وهو يشعر بخنجر يشرخ في قلبه.
**
في الورشه الذي يعمل بها كلا من (احمد ومحمود)
احمد بقلق:مالك ي محمود شكلك مش كويس.
محمود بضيق:مفيش مخنوق شويه ي احمد.
احمد بياس :شجن برضه.
محمود بضيق:تصدق ي احمد اول مره اندم اني فعلا اتجورتها.
احمد :مانا نصحتك ي محمود ساعتها قولتلك بلاش انت الي صممت.
محمود بالم:بحبها ي احمد بحبها وكان نفسي ان هي كمان تحبني زي مبحبها بس ي خساره كنت غلطان.
احمد :وانت ايه الي خلاك تشك انها مبتحبكش دلوقتي.
محمود بوجع :مش عيزاني ي احمد الست لما بتحب جوزها بتبقي نفسها تفضل في حضنه علطول لكن لما ترفضه تعرف انك ملكش عندها اي احساس.
احمد بحزن علي صديقه :انشاء الله كل حاجه هتتعدل ي احمد.
محمود بتمني:انشاء الله ي احمد.
**
في شقه منصور :..
منصور بوجع :خلاص خلصتي ي بنتي.
ميرفت بالم :خلصت ي بابا.
رشا بدموع:هتوحشيني ي ميرفت.
ميرفت بدموع :وانتي كمان ي قلب اختك خالي بالك من نفسك.
منصور بوجع :متخافيش علينا ي ضنايا خالي بالك من نفسك.
ميرفت بدموع : عايزه اشوف اسد قبل ماسافر..
منصور بالم :ليه بس ي بنتي بتصعبيها عليا ليه.
ميرفت بالم :ارجوك ي بابا من فضلك نفسي اشوافه يمكن مشفوش تاني.
منصور بالم :طب تعالي ي ضنايا هو تلاقيه بيتغذا هو سما دلوقتي في المطعم الي جنب الشركه يلا بينا.
من داخل المطعم :..
سما بحزن:بابي سما زعلانه.
اسد بوجع :ليه ي قلبي.
سما بحزن:علشان طنط ميرفت مبقتش بتخرج معانا.
اسد بالم :طنط ميرفت خلاص مبقتش واثقه فينا مبقتش واثقه اننا ممكن نحميها.
سما بعدم فهم:انا مش فاهمه.
اسد بضيق:ولا انا كلي ي قلبي كلي.
في الخارج..
ميرفت بدموع : هتوحشني هتوحشني اوي ي مالك قلب ميرفت بحبك اوي ي اسد وعمري مهحب حد غيرك ولا هقدر اكون لغيرك.
منصور بخوف:يلا يلا ي ضنايا لحسن يشوفنا مش ناقصين وجع قلب يلا ي قلب ابوكي....
**
في امريكا :..
في فيلا رجل الاعمال (سليم المنشاوي)
في غرفه سليم ..
كان يغوص سليم في ثباتا عميق وهو غارقا في كابوسه الذي يعيش فيه ليتذكر دائما ماذا حدث في الماضي في عائلته ..
فلاش باك ..
في المخزن الخاص ب ربيع الدميري..
كانت تجلس اميره بدموع وقهره علي زوجها وهي تحتضن اولادها الصغار.
اميره بقهر ودموع :قاتلتلوا ي مفتري ي ظالم.
ربيع بغضب : كان لازم تبقي دي نهايته الي يفكر يخون ربيع الدميري تكون نهايته الموت.
سليم بغضب وكره : هقتلك ي ربيع هقتلك وهاخد حق ابويا.
ربيع باعجاب:تصدق ياض انت تنفعني بس لاسف الناس هتسالني جبته ازي علشان كده هاخد العيل الي بيرضع ده ينفعني اربيه لحد ميكبر وينفعني.
اميره برعب وهي تتضم صغيرها :ابعد عن ابني لو فكرت انك تقرب منه هاكلك باسناني.
ربيع بصراخ :حمدي حمدي.
حمدي :اومراك ي باشا.
ربيع :انا هاخد الواد الصغير ده وانت ابعتهم امريكا اخفيهم انا مش عايز يكون ليهم اي أثر سامع.
حمدي :امرك سعادتك.
اميره بصراخ ورعب:ابني ابني سيبي ابني ي ظالم.
سليم بصراخ ودموع:سيب اخويا سيبه اخويا سيبه.
باك :٠٠٠
سليم بفزع وصراخ :اسسسسسد هقتلك ي ربيع هقتلك زي مقتلت ابويا وحرمتني من اخويا الوحيد.. يتبع الفصل السادس اضغط هنا