رواية محاكمة شيطان الحب الفصل التاسع عشر 19 بقلم دنيا رشاد
رواية محاكمة شيطان الحب الحلقة التاسع عشر 19
احتاجك كاحتياج السمك للماء !!كاحتياج الوردة للهواء !!كاحتياج الاعمي العصا !!كاحتياج الانسان للهواء !!احبك بل اعشقك ياهواء قلبي ❤️
ونبض فؤادي ولمعة عيني 🔥🥰
داخل غرفة البنات تمسك كل فتاة فستان مكتوب عليه اسمها فادم اشتري لكل فتاة فستان يليق بها وكتب علي كل واحد منهما ورقة فيها اسم الفتاة حتي لايحصل خلاف بينهما ...
(ادم بيفهم لو معملش كده كانو شدو في شعر بعض )
حور بفرحة ...واااااااو فستاني حلو اوي ادم عارف ذوقي حلو اوي .
ايات ببتسامة ...فعلا فستانك حلو جدا ايه الحلاوة دي .
حور ...ايه رايك يامليكة ؟!
مليكة بحزن ودموع محبوسة داخل عينيها ...جميل جدا ...
سها بحب ...ايوه بقا مهو اكيد ادم هايجبلك احلي فستان .
ايه برومانسية ....عقبالي انا كمان لما حبيبي يجبلي فستان .
رحمة بغضب من اختها. ...اتلمي يابت وعيزاكي عسكري ماشي في الفرح مش عايزة مياعة ومحن بنات .
جاكلين بضحك ...هههههه هو ده .
ضحك الجميع من كلام رحمة وتعبيرات وجهها وهي تتحدث لايليق بها العنف أو الغضب .
بعد ثلاث ساعات مرت والفتيات يرتدين ملابسهم ويضعون بعض من مساحيق التجميل ....
عدنان بضيق ...اوووف بقا انا نفسي اعرف بيعملوا ايه كل ده دا مكنش فستان هايلبسوه .
ياسر بضحك ....هههههه فستان هايلبسوه دا انت علي نياتك اوي دا شعرهم ولف طرحهم بيخدو فيه لوحدة ساعتين او ثلاثة دا كده لسه هما في مرحة المانكير ههههه ..
ادم بضحك ...هههههههه الواد ياسر عنده حق البنات دول ياعم تحسهم جايين من كوكب تاني مانكير وبديكير وغير الاسماء الزفت بتاع الميكب مبعرفش انطقها فونديشن وماسطرة وكحل وروج معرفش حاجة تاني ههههه وكله كوم والي اسمه ايلاينر ده كوم تاني أما بنطقه بيطلع حاجة تانية خالص .
( بصراحة أسمائهم اسماء غريبة .+ حاجة للبنات ياقمورة وياعسولة انتي والله انتي قمر من غير ميكب ومن غير الحاجات الكتيير الي بتحطيها علي وشك حتي لو انتي شايفة نفسك أن جمالك عادي ولازم تحطي ميكاب والله من غير الميكاب انتي اجمل لأنك طبيعية وبيور خلقت ربنا ربنا لو كان عارف ان لو خلاكي ذي مابتحطي الميكب هاتكون احلي كان خلاكي بس اكيد ربنا عوضهالك في حاجة تانية كل بنت عندها جمالها الخاص وجاذبيتها الخاصة بيها ...غير عيب جدا باباكي او مامتك يكونو شغالين علشان يصرفو علينا واحنا ناخد الفلوس نضيعها في حاجة تافهه ذي المكياج الي اسعارها بقت فوق جدا + الجمال جمال الطباع والروح الحلوة والقلب الابيض 😍 )
ياسر ....كالك خيبة بس متعرفش غير دول وبعدين اسمها ماسكرا لو واحدة من البنات سمعوك بتقول ماسطرة هايتريقو عليك انا بصراحة معرفش غير عد معايا جبس لونه ابيض او نشا تقريبا وده بيسموه بودرة وكمان فحم وقهوة وده بيكون الكحل والايلاينر هههههه دول عالم مجانين ياعم علي اخر الزمن واقفين بنقول اسماء الميكب .
عدنان بضحك ...هههههههه دا احنا خيبة خالص .
ادم ...خلاص اسكتو انا سامع صوت جذم نازله قصدي يعني صوت كعب جذمهم .
عدنان بتنهيدة ....اخيرا .
نزلت حور من علي السلالم وهي ترتدي فستان باللون البينك طويل وبه بعض الفصوص من الزينة التي تزين الفساتين وترتدي جذمة من نفس اللون وتفرد شعرها علي كفيها مع مكياج خفيف فكانت تشبه الحوريات ...
فتح عدنان فمه من جمالها ....واااااااااو
ادم وهو يضربه بزراعه ...اقفل بوقك فضحتنا وبعدين انت هاتعاكسها قدامي .
وبعدها نزلت بقيت الفتيات فكانت ترتدي سها فستان باللون الاسود مزين بالفصوص الفضية وارتدت عليه حجاب باللون الفضي كان حجابها قمة في الجمال .
ولا تضع أي من مساحيق التجميل فهي لاتحبها وتؤمن بجمالها الذي أعطاها الله لها وهذا ذادها جمالا .
وارتدت جاكلين فستان قصير باللون البصلي ووضعت بعض مساحيق التجميل ورفعت شعرها الاشقر في تسريحة جميلة.
وارتدت رحمة فستان باللون الموف طويل باكمام طويله وارتدت حجاب من نفس اللون ولكن بدرجة اغمق ووضعت بعض مساحيق التجميل .
وارتدت أية فستان باللون الازرق الفاتح (نفس درجة السماء ) وطرحة باللون الازرق ووضعت بعض مساحيق التجميل .
أما مليكة فرتدت فستان باللون الابيض المرصع بفصوص الزينة الجميلة طويل ووضعت بعض مساحيق التجميل .
وارتدت ايات فستان باللون المسترضي وارتدت طرحة باللون الاسود ووضعت بعض مساحيق التجميل .
(مسترضي ده لون ياشباب علشان متسالوش ايه ده )
الشباب ....ايه الجمال ده 🤗🌹 الواحد يخاف تتخطو .
حور ببتسامة ...مش عيب عليكم بنات تتخطف منكم .
ادم ...عندك حق .
ياسر بحب ...سها انا فرحان اوي انك مبتحطيش ميكب .
سها بكسوف ...مبحبوش .
حور ..سها من يوم معرفتها مبتحطش ميكب خالص .
ياسر ...احسن حاجة يلا بينا هانتاخر .الولاد فين .
نادت حور علي المربيات واخدو الاطفال وذهبو الي قصر الحديدي .
داخل قصر الحديدي توجد الكثر من الورود وزينة الافراح وزين يقف مع المعازيم من كبار رجال الأعمال في العالم وكبار رجال الدولة .
دخل ادم ومعه الجميع القصر ..
مليكة وهي تمسك يد ايات ...ايات انا مش قادرة مش هقدر استحمل .
ايات ...لا اجمدي كده واكنه مش موجود انسي بقا يامليكة انا هاقف معاكي مش هاسيبك خالص .
مليكة بحزن ...ياريت ياقلبي ❤️ .
ايات ...ماشي .
داخل القصر ذهب ادم الي زين ...
ادم ببتسامة ...الف مبروك ياصاحبي .
زين ببتسامة ...الله يبارك فيك ارائك في الحفلة .
ادم ...جميلة يابطل شد حيلك .
زين ...هههههه ماشي ياعم .تعالي اسلم علي البنات والشباب ..
ذهب زين ومعه ادم اليهم وسلم زين عليهم جميعا وجاء عند مليكة الواقفة بجانب ايات وتمسك بزراعها .
سلم زين علي ايات ومد يده لمليكة ..
زين ببتسامة ...ازيك ياانسة مليكة .
مليكة وهي تنظر في الارض وبعدها الي زين ويده الممدوده لها وثبت عينيها في عين زين كأنها تعاتبه او تانبه علي مافعله بها علي حبها التي أعطته لها وعلي ثقتها التي خانها وضرب بها عرض الحائط .
وكذلك زين ظل نظر في عينيها كأنه يكلمها عن طريق العيون ظلو هاكذا للحظات فاقت مليكة من تاكلها له وحزنها وسلمت عليه بيد مرتعشة .
بقلم / دنيا رشاد أمام (دونآ)
مليكة ببتسامة باهته ...كويسة والف مبروك ربنا يتمملك بخير .
زين وهو يعطيها ظهره ...شكرا عقبالك .
علي اذنكم اجيب عروستي .
ذهب زين وترك وراءه فتاة تكسر قلبها للمرة المليون ونزف وتمزق بسببه ياله من محب قاسي القلب ياله من قلب يريد الموت هل يحق لي الموت ام أن العذاب في الحب كتب علي.
ذهب زين الي داخل القصر وجاء بمليكة خطيبته وهي تمسك بيده والسعادة تملئ وجهها ...
زين ببتسامة ...ذي القمر ياحببتي .
مليكة ...تسلم ياقلبي ❤️ بحبك .
ابتسم لها زين ولم يرد عليها وأخذها من يدها وبدؤ الرقص علي اغنية رومانسيه كانت تعيش مليكة اللحظة بعدما حصلت على زين .
ايات بحزن علي حالة مليكة ...اجمدي ياقلبي ❤️
مليكة ...خلاص مش قادرة حاسه ان روحي بتتسحب مني اااه .
زين وهو يمسك يد خطيبته ويمشي بها باتجاه الماذون حتي يكتب كتابه عليها ...
زين ببتسامة ...اكتب ياعم الشيخ .
بداء الماذون يكتب كتب كتاب زين ومليكة خطيبته وجاء فهد ليشهد علي عقد قران أخيه وهي ينظر بين الحين والآخر الي حور التي دق قلبها بسرعة عندما وجدته في الحفل بوسامته وبذلته السوداء التي زادته وسامة فوق وسامته والفتيات التي يتهامسن عليه وعلي جاذبيته وكل فتاة تريد أن تجعله يحبها .
بعد دقائق انتهي الماذون من عقد القران ب بارك الله لكما وجمع بينكما في خير .
مليكة بصوت منخفض ...ايات الحقيني مش قادرة مش شايفة قدامي عايزة ميه .
ايات بصوت عالي ...لو سمحت هات كوباية مية .
اخذت ايات المية واعطتها لمليكة حتي تفيق ..
ودم وهو يمسك يد مليكة ...تعالي ارقصي معايا .
لم تلحق مليكة ان ترد عليه فادم اخذها وذهب به الي المكان المخصص للرقص وبداؤ يرقصو علي أنغام أغنية رومانسية الحب ذي الوتر تعزف عليه الحان وتلف بيه العالم بدون ماتروح مكان .
ولكن مليكة لم تسمع ولا كلمة من هذه الأغنية فكانت نغمات اغنية أخري في اذنها وقالو سعيدة في حياتها واصله لكل احلامها .
سها باستغراب ...امال ياسر اختفي يعني من ساعة ما وصلنا الحفلة .
جاكلين ...معرفش .هاتلقيه واقف مع حد متقلقيش .
ولكن تفاجأ الجميع بصفعة تنزل علي وجه مليكة مرات زين .
مليكة وهي تمسك خدها ...انت بتعمل ايه يازين ؟!
زين باستغراب ...بتساليني بعمل ايه ؟!
مليكة بدموع ... انت مجنون انا مليكة حبيبتك .
زين بضحك ....ههههه حببتي لاء مش حببتي ولا عمري كنتي حببتي الي حبيتها مستحيل تبقي شبهك .
مليكة بدموع ....انت جرالك ايه انهاردة فرحنا .
زين وهو يضربها بالقلم مرة أخري ....مراتي مين ياحلوة هو انا كان ممكن اخليكي تشيلي اسم عائلة الحديدي ليه عبيط ولا اهبل بس استني ياحضرة الشيخ تعالي قولها .
الشيخ ....هههههه اتجوزك ايه يابنتي دا انا ياسر صحبه كنا بنلعب مع بعض معلهش بقا تعيشي وتاخدي غيرها هههههههه يابيضة انتي المشكلة انك اسمك مليكة علي اسم الملاك الي عندك كنتي هاتكرهينا في الاسم ياشيخه كاتك قرف .
سها بصدمة ....ياسر هو الماذون ياعيني .
ايات بفرحة ... إن الله علي كل شيء قدير .
حور باستغراب ...هو في ايه انا مش فاهمة حاجة ؟!
زين ...انا هافهمكم ياصطفي بيه تعالي اتفضل استلم المجرمة ....
مليكة بصدمة ....مجرمة ؟!
مليكة الهواري ...ادم هو في ايه ؟!
ادم بصوت منخفض ...هاتفهمي كل حاجة انتي مالك جسمك متلج كده ليه ؟!
مليكة بتعب ...انا تعبانه اوي ادم تعبانه ومش قادرة اقف علي رجلي .
مصطفي وهو يمسك يد مليكة ويضع بها الكلبشات ...اتفضلي ياانسة انتي مقبوض عليكي بتهمة النصب والاحتيال والتعامل والاشتراك مع نصابين في الاحتيال علي البنك الي بتشتغلي فيه وبتسهاليلهم الاوراق وبتظوريها علشان يقدرو ياخدو قروض ويهربو بيها وطبعا في المقابل انك بتاخدي نسبة .
مليكة بدموع ....انا مظلومة !!
مصطفي بجدية ...متستعجليش اوي كده عندنا الشهود وواحدة انتي تعرفيها كويس صحبتك الروح بالروح اتفضلي قدامي انتي مقبوض عليكي .
مليكة وهي تمسح دموعها ....ماشي يازين بتضحك عليا .
زين بضحك ...هههه انتي هابلة يابت انتي كان لازم اعمل كده واضحي اني امسك ايدك الزبالة دي علشان تعرفي بنفسك وطبعا خلاص الحكاية خلصت اتفضلي .
اخذ مصطفي مليكة وسط كل معازيم الحفل ووضعها بالبوكس وذهب ...
مليكة وهي تمسك يد ادم ....ادم الحقني .
وتقع مليكة مغشيا عليها تحت انظار الجميع .....
حور بصدمة ..مليكة مليكة .
زين بصدمة ....مليكة .
جري زين عليها وحملها وادخلها لداخل القصر وقام فهد بفحصها ..
فهد ببتسامة ...متخافش ياروميو هي كويسة ضغطها واطي مافيش حاجة شكلها مكلتش كويس .
ايات بحزن ...اصل بعيد عنك واحد غبي زعلها وكانت هاتموت .
زين وعرف أن الكلام عليه ...لاء بقا كده كتيير انا مستني اليوم ده بقيلي كتييير ماانا هاتجوزها انهاردة يعني هاتجوزها .
حور باستغراب ...تتجوز مين حضرتك .!!!
زين بضحك ...هههه هاتجوز اختك انا بحبها وهي بتموت فيا .
ايات بفرح ...ايوه كده بحب النهايات السعيدة دي .
ادم بضحك...هههه متخافش يااابو الصحاب هاجوزهالك ، بس ادعيلي انا كمان وحدة كده تحن عليا .
بقلم / دنيا رشاد أمام ( دونآ)
مليكة وهي تفتح عيونها ببطئ ....اااه دماغي بتوجعني اوي .
ايات ببتسامة ...علشان مكلتيش ياهانم .
حور ...حمد لله على السلامه .
ياسر ....بس مقولتيش ارائيكم فيا وانا ماذون .
سها ....هههههههه مسخرة
مليكة بحزن ...عايزة اروح !
زين وهو يقرب منها ...انهاردة فرحنا ياهانم قومي يالي .
مليكة بتفكير ...ايه ده فرحي هو انا كنت بحلم ولا ايه ؟! هو مش كان بيتجوز مليكة خطيبته السابقة ...
الجميع بضحك.....هههههههه يامجنونة .
زين بجدية وحب ...انا محبتش غيرك ومش هاحب غيرك وكل الي حصل في الشهور الي فاتت كانت لعبة علشان نقبض علي مليكة وكان لازم اعمل كده خوفت لتاذيكي !!
مليكة بعدم فهم ...انا مش فاهمة حاجة !!؟
ادم ...ركزي يامليكة زين بيحبك انتي اوكي ومليكة نصابة بتنصب وتاخد فلوس من البنوك بطرق غير قانونية وزين عرف بعد مااعترفلك بحبه انما مليكة حاولت تخليه يحبها تاني ولما انتي شوفتيها معاه في الشركة كانت هي الي بتحاول تغريه بس هو بيحبك انتي وطبعا هاتقولي عرفتو منين انها نصابه هاقولك أن صحبتها الي بتشتغل معاها في الشركة هي الي قالت لزين كل حاجة وساعتها عملو خطة علشان يخلوها تعترف بكل حاجة وده حصل لما مليكة اطمنت انها اتجوزت زين ...
فلاش باك ...
زين ببسامة ...مبروك عليكي انا هههه
مليكة ...الله يبارك فيك .
زين بخبث ...بقولك ايه في كلام وصلني انك بتشتغلي مع ناس مش تمام بس يعني مش عايزك تخافي مني الي مشي تمام خد ايه يعني .
مليكة بحب .ايوه كده احبك وانت كده بس عارف فلوسها حلوه اوي احنا ممكن نشغل فلوسك معاهم دول ناس واصلين اوي انا يساعدهم ياخدو القروض وباخد عشرة في المية .
زين ...بتشتغلي معاهم من زمان .
مليكة ...اه بقيلي اربع سنين وبعدين انهاردة فرحنا سيبك بقا من الكلام ده .
باك ....
مليكة بحزن ...بس أنا اتعذبت كان من المفروض يقولي وانا كنت هافهم الموقف إنما دلوقتي هو كداب.
زين بحزن ...انا بحبك يامليكة بحبك والله .
مليكة بحزن ...وانت بره حياتي .
زين بحزن ...ماشي يامليكة .انا ماشي .
مليكة بضحك ...هههه تعالي هنا ياهبل احنا في بيتك هاتمشي تروح فين هو انت لما صدقت وانا كمان بحبك بس زعلانه منك جدا لأنك عذبتني معاك .
زين وهو يحضنها ....ياقلبي انتي انا اتعذبت اكتر منك ياقلبي كنت خايف اخسرك بس الحمد لله ربنا عوضني .
مليكة بصوت منخفض ...ب حب ك
زين ....وانا بعشقك يامليكة قلبي .
حور بحب وهي تصفر ....ايوه بقا عصافير الحب .
سها ...والله حاسه نفسي في فيلم غريب .ايه ده .
ايات بحب ...شوفتي بقا يامليكة أن ربنا بيعوضنا علي صبرنا .
مليكة ...ونعم بالله يعني انهاردة فرحي اااه يااحلي يوم في عمري فين الفستان .
زين ....الفستان فوق ساعة والقيكي قدامي .
مليكة وهي تجري علي السلالم ....ربع ساعة ياقلبي هات الماذون ....
رحمة بضحك ..مستعجلة علي ايه ياهبلة بكرة تقولي طلقوني مش قادرة استحمل شغل البيت ...
عدنان ...صح هههههه ارجعي في كلامك .
جاكلين...بقولك يامليكة سيبك منه واجوزك الواد الي كان بيكراش عليكي في امريكا .
زين بغيظ ....يخفيف انت وهي والله اي حد يقرب منها هارتكب فيه جريمة .دي ليا انا وبس .
مليكة بحب ...متقلقش ياعمري دول غيرانين منا سيبك منهم .
زين ...اطلعي بقا الماذون الحقيقي وصل .
مليكة بفرحة ....فريرة
ياسر بصوت عالي ...وانا كمان ياناس عايز اتجوز انا خللت .
سها بحب ...اجهز انت وهات الفستان وانا هافكر .
ياسر بغيظ ...بت انتي اقعدي ساكته ال تفكر الي يشوفها ميعرفش انها هاتموت عليا .
سها ...لا والله اسكت .
عدنان ...ياختي عليكم .
كان فهد يجلس علي احدي الكراسي في جانب القصر مع أطفاله ففهد اصبح يجلس بمفرده كثيرا واستغل وجود اطفاله في اللعب معهم والنظر الي حور من وقت لآخر يالكي من ذات قلب قاسي لم تحسي بعذابي ...
لاحظت حور ان فهد ينظر لها وشارد الذهن ولكنها لاتعرف لماذا لاتخاف منه فنظراته لها كلها حب وحنين وليس انتقام ولكنها كانت ترفض الاحساس بالشفقة تجاهه ...فهي تجعل تلك المشاعر المختلطة تجاهه عندما اعتنت به ليلة كاملة عندما تعب وارتفعت حرارته
كانت تشعر أنه ابنها وليس شخص هانها وذلها .
فاقت حور علي صوت صفير من الشباب علي تلك الجميلة التي تطل بالابيض عليهم تلك الجميلة التي ارتدت فستان زفافها الابيض وطرحتها وتنزل من علي السلم كأنها وردة طائرة في بستان 🌹.
زين بنظرة حب ...يابختي ايه الحلاوة دي الفستان حلتيه ياقلبي مش مصدق انك هاتبقي ليا .
مليكة بحب ....كنت بموت لما سمعت الماذون بيعلن جوازك بس الحمد لله طلعت لعبه انا بحبك قوي هاتفضل تحبني يازين ولا هاتكرهني مع السنين وتنسي حبي .
زين بحب وحنية ...هاتفضلي في قلبي طول العمر ،عمر السنين ماهتقلل حبي ليكي بالعكس هاتزوده ياقلبي ❤️ هاعيش بس علشان اشوفك سعيدة ومبسوطة في
حياتك ياوردة حياتي بحبك .
مليكة بحب ....وانا كمان بحبك .
حور بفرحة ...الف مبروك ياقلبي كبرتي وهاتتجوزي خالي بالك منها بدل ماادبحك .
زين ..في عنيا .
ياسر ...الماذون وصل يلا بقا ولا امشيه .
ايه بضحك ...غيران منكم ياعم ماتروح تتجوز انت كمان هههه وريحنا .
ياسر ...ياريت قولولها .
سها ....ياعيني تصدق صعبت عليا خلاص موافقة اتجوزك بس حاسة ان في حد ناقصني مش عارفة مين .
ياسر ...ياست الكئيبة خلاص فرحنا الاسبوع الجاي .
سها ببتسامة ...اوكي موافقة .
ايات ....ظغرطي يارحمة .
رحمة بضحك ....ههههه لووووووووي
خرج الجميع من داخل القصر الي الحديقة المقام بها حفل الزفاف وكتب عقد قران العاشقان وتم اكتمال حبهما الي الابد .
الجميع ...الف مبروك
مليكة ..الله يبارك فيكم .
زين ....الله يبارك فيكم .
بعد ساعة من الرقص والفرح اختفي فهد من حفل الزفاف ...
ادم ...امال فين فهد .
زين ..انا شوفت رعد من ساعة داخل من القصر وبعدين اختفو الاتنين .
ادم ...بتقول رعد .
زين ..اه رعد
ادم في نفسه .. ياخبر رعد رجع مصر وفهد اختفي اكيد وصلو للي بندو عليه ليه كده يافهد تعرض حياتك للخطر ليه رحت بنفسك ليه ياصاحبي ليه ..
يتبع الفصل العشرون اضغط هنا