رواية تزوجت يهودي البارت الثاني عشر 12 بقلم ياسمينا
رواية تزوجت يهودي الفصل الثاني عشر 12
امال : بردو مش فاهمه
اسر : لا دي حماره بقا
زين بهدوء : طب سبونا لوحدنا انتو
اسر ومي مشيو
زين : بصي ياامال الحكايه بدأت لما سمعنا حازم وتفقنا معا سمير ومي ويوم ما قرارنا نعمل الخطه انا قولت لي أسر أني يهودي تمام وهارون اتفق معا مي أن احنا نبقا جسوسين وكبرنا والصراحه انا منستش الحكايه دي علطول كانت في بالي مكنتش عايز ابقا مذيع بس ده حستو حاجه حلوه المهم جمعنا سمير في مكتبو
امال : وبعدين
زين : قالنا أن رحمه شافت اسر وهو بيصلي وراحت حكت لي باباها أن اسر مش قريب من ربنا وبيحاول يقرب من ربنا وهي شافتو وهو بيصلي هارون سعتها مكنش يعرف أن بنتو بتحب اسر وكمان أن رحمه تشتغل معانا كانت خطه مننا كان عايز بقا يتأكد هل احنا بنكدب عليه ولالا
امال : وبعدين
زين : قعدنا كلنا نفكر في اليوم ده وطلع فكرة اني اعمل زايو وتجوز مسلمه مهو بيرقبونا بقا في كل حته وفي كل مكان هعمل نفسي عايز اتجوز مسلمه وأسر يمنعني علشان هارون يتأكد أن احنا يهودين واحمد كان بيساعدنا في الخفا
امال: وعملتو فيلم عليهم صح وانك بتحبها
زين : قصة يارا هي أنها بتحب كلية شرطه باباها دخلها من ورا ماماتها لانو بيحب بنتو اوي ف محبش انو يكسر بخطرها وهو ساعدنا كمان يوم فرح لما قال إن يارا هربت وقال اتجوز مريم
امال: طب وجوزتها
زين : المأذون اصلا كان مزيف والقاعه كانت مترقبه وكنت لازم اعمل دوري كويس جدا ومي عملت نفسها هتموت علي اسر وكل حاجه قالوها كانت متسجله عندهم وكل حرف كنا بنقولو متسجل عندهم وفعلا اطمنو أن اسر يهودي وهارون عدها وأسر كمل في طريق الصاحب الي خايف علي صحبو ويارا كملت في دور البنت العاشقه ومريم الوحيده الي مكنتش تعرف حاجه وجاه يوم الي ظهرتي فيه
امال : لما حازم قال عنكم يهود
زين : اه عمل الحركه دي من ورا أبوه لانو بيحقد علينا وبيكرهنا وحاول كتير يفضحنا ويقول إن احنا يهود وعلشان نوقفو قرارنا ندخلك معانا في قصة دي والصراحه دي كانت فكرتي انا
فلاش باك ❤️
في بيت سمير الي مفهوش كاميرات فرقتو كانت متجمعه
زين : مش حضرتك حكتلنا عن بنتك فلسطينيه
سمير بضيق : امال ملهاش دعوه
زين بهدوء : حضرتك لازم تفهمني دلوقتي احمد راح فلسطين يجيب ورق مهم وعلشان هو شاطر في كمبيوتر مكناش قدرنا نوصل لهنا انا عايز سبب واحد بس علشان اروح بيه بيت احمد وسبب ده هيبقا بنتك لأن من حسن الحظ أن امال تعرف اختو
مي : وكمان متنساش حازم عايزين نقفلها في وشو
اسر : بظبط كدا يعني ظهورها مهم وبذات أنهم مرقبين زين ليل نهار وحتي في فلسطين هيرقبوه ولما يشوفوه معا واحد فلسطيني ده معنه ايه لازم نمهدلهم علاقة زين وامال الاول علشان لما يروح بيت احمد يكون موضوع طبيعي ويقدر ياخد منو الورق
سمير بتفكير : طب ورحمه
اسر : انا بحبها ومش هسبها
سمير : طيب لازم تبين لي هارون انك كشفتو بأي طريقه علشان كدا يقدر يقرب منك بسهوله
اسر : سبها عليا
يارا : وتنساش لازم قدامهم تقول لي زين انك خطفتني يوم فرحي علشان ده هيبقا كدا ليه دافع انو يسافر
سمير : وانا هجيب تذكره لي امال تسافر
زين : اشطاااا
وفعلا امال ظهرت في حياة زين وهارون عرف أن اسر بيحب بنتو ف خله بنتو تهرب يوم الخطوبه وتجبلو اسر وهارون شاف خناقتو معا زين وعرف أن زين هيسافر فلسطين علشان برنامجو وطبعا اسر استغل فرصه وعرف هارون انو عرف انو يهودي وده ريح هارون جداااا ... وزين وامال سافرو فلسطين .....
انتهاء فلاش باك ❤️
امال بصدمه : كل ده يطلع منك انت
زين : ولسا هارون راح لي ياما الي هي مي يعني وقالها أنها لازم تتصل ب اسر علشان يكشفو نفسهم قدامو مي عملت كدا وكان اسر لازم يكون ردت فعلو انو يرفض لأنهم عارفين شخصيتو ومتاكدين انو هيرفض يس حصل حاجه متوقعنهاش وللاسف كاميرات هارون مجبتهاش
امال بستغراب : ايه هي
زين بهدوء : وجود مريم سعتها مريم كانت جيالي فيلا علشان تقولي علي حازم وانو خطفها والحوار ده بس شافت اسر وهو خارج من فيلا بسرعه وهي مشيت وراه علشان تقولو معرفش ليه كملت لغيت لما وصل اسر لي بيت ياما بس يمكن كان عندها فضول وسمعت
امال : وطبعا هارون مكنش هيسكتلها
زين : وهنا جت فكرة أن يارا تموت بدل مريم علشان ننقذ مريم بس تعالي احكيلك الاول حصل ايه في فلسطين ..
فلاش باك ❤️
زين دخل معا احمد الاوضه وفضلو يتكلمو عادي علشان عارفين إن هارون مراقب بيت احمد وزين قالو هلبس تشرت ده وبنطلون وجاكت وكان أحمد حطتلو الورق وسي ديهات جوا لبس بس هارون للاسف عرف أن احمد شغال معا سمير ف قرار يقتلو يوم فرحو واحمد اتقتل ودي كانت الضربه القاضيه لي فرقة سمير ويوم الدفنه.....
زين كانت مشاعرو وحزنو حقيقة نحية احمد وقرار انو يشوف نعش بتاع احمد زين شاف نعش بس لاحظ حاجه غريبه بص عليها بهدوء لقها كاميرا في نعش كانت صغيره زين عمل نفسو مش واخد بالو
زين في سرو : حتي في النعش حسبي الله ونعمه الوكيل بس انا لازم استغل ده واحسسهم اني عايز ادخل دين الاسلامي علشان يتحركو بسرعه ويدخلوني معاهم وفعلا زين لما كان شايل نعش احمد قال الشهاده وهما عرفو وده الي خلاهم يتحركو بسرعه .......
بعد ماامال حاولت تفجر نفسها وزين أنقذها رن علي سمير بس من خط تاني وتلفون تاني
زين : ها حصل ايه
سمير : كلو تمام بس
زين : بس ايه
سمير : هارون لسا شاكك في اسر
زين بتفكير : انا عندي فكره جامده
سمير : ايه
زين : وجود اسر دلوقتي وانو يهودي مش مهم ف احنا نخليهم يتأكدو انو مسلم وظابط
سمير : ازاي بقا
زين : هنقول انو خداعني وقدر يضحك عليا وان انا الوحيد اليهودي تمام وبردو نعرفهم أن يارا عايشه وكدا يبان قدامهم أن ورقنا كلو هما كشفوه تمام وده هيشجعهم اكتر ويخليهم يتمسكو بيا
سمير: يخربيت دماغك
زين : تلميذك
سمير: امال عامله ايه
زين : متقلقش عليها هي كويسه ...
وفعلا سمير ويارا وأسر عملو الي زين قال عليه وكانت الخطه دي لمصلحتهم وده خله هارون واردين يتمسكو بزين اكتر وشافو مقابلة يارا وسمير وأسر
(للبنت الي بتقول ازاي كانو بيتكلمو عن زين وان اسر ظابط وصاحب قناع كان معاهم ولو صاحب قناع زين ازاي هيكون في فلسطين ومعاهم حبيبتي ارجعي اقراي الفصل ده تاني لأن زين مكنش معاهم وانا مذكرتش ده خالص )
وفعلا اردين جاب زين وقالو علي الي هو عايزو وكدا يعتبر جون لي فرقة سمير وأنهم قدرو يضحكو عليهم تاني ..........
انتهاء فلاش باك ❤️
امال : وبعدين ليه ضحكت عليا وقولت انك بتحبني
زين بهدوء : لان كان لازم اعمل كدا
امال بوجع : تمام كمل
زين : مفيش بس مقدرتش معملش حلقه لفلسطين ولي احمد تعرفي انا بجد مكنتش اعرف ان كل ده بيحصل في فلسطين الي شوفتو صحه فيا مشاااعر كتيررررررر اوي اوي وشجعني اكمل في مشوار ده وعملت الخطه الي هما قالوهالي وضحكت عليكي وكانو مراقبين كل حاجه وفعلا ادتهم الورق بس حازم بقا بيكرهني موت ازاي انا انجح في حاجه هو فشل فيها وابقا في نظر هارون واردين البطل المنقذ بتعهم ف بعتلك الفيديوهات
امال بحزن : اه وادتهم الورق ازاي بقا
زين : هما اذكيه جدا اه بس بيجو علي حاجات بسيطه ويبقو اغييه مهو اكيد انا وسمير ومي عاملين نسخ كتير من ورق ده
امال : طب انتو هدفكو تعملو ايه دلوقتي
زين : بصي هما كدا اتأكدو أاني يهودي وهساعدهم وخيانة اسر ليا هتخلني اغير راي ومش ااسلم تمام واه كانو عايزين يعملوا فتنه وهما سبب الي حصل في مستشفي وانا وأسر قدرنا نلحق موقف ونصدهم
امال : صح عندك حق انا كمان كنت حاسه طب وبعدين
زين : مفيش احنا هدفنا دلوقتي أن احنا نوقع بين اردين وإسرائيل
امال بستغراب : ازاي
زين بخبث : هنطلعو خاين وهما بقا يقتلوه بمعرفتهم وطبعا انا الي هعمل ده اردين قتل وظلم كتيررر اوي في حياتو ولي بنعملو ده بنرجع جزء بسيط جدا من حق فلسطنين علينا اردين لو مات كدا نكون جبنا حق كل الي قتلهم من فلسطنين وغيرهم أما هارون وحازم سهلين هنقدر عليهم
امال بابتسامه : وانا معاكم فلسطين تستاهل أن احنا نجيب حقها
زين : انا عارف الي بنعملو ده مش هيرجع فلسطين ولا هيطرد الصهيينه بس هكون فشيت غل كل واحده قلبها وجعها علي ابنها بسبب اردين
امال بابتسامه : معأنك خدعتني بس مبسوطه انك شخص كويس بس ليه كنت لابس قناع قدامي
زين بتوتر : ها لا مفيش
امال سندت راسها علي كرسي بحزن وقالت : طيب
أما زين قال في سرو : مش عارف ليه كنت لابس قناع يمكن كنت يثبت لنفسي انك بتحبيني ومش عارف لغيت دلوقتي اخد اجابه منك ولا حتي مني بس الي اعرفو اني مبسوط وانا معاكي ... يتبع الفصل الثالث عشر اضغط هنا