رواية وصاية حب بالإكراه بقلم سمسم الكاتبة سماح نجيب، الرواية كاملة جميع الفصول متتالية عبر مدونة دليل الروايات للقراءة والتحميل Pdf، والرواية تحكي عن، اراد جده ان يتزوجها حتى يكون واصيا عليها فاصبحت هى الواصية على قلبه حاول الفرار ولكن وجد كل الطرق تؤدى إلى عشقها، فتاة فقدت اخر احباءها لتفاجئ بوجود اقارب لها ولكن هل يتقبلها هو او سيحاول ان يهرب من سحر عينيها فهى اصبحت تشكل خطرا على قلبه.
رواية وصاية حب بالاكراه الفصل الأول
ينادى على تلك الفتاة التى لا يملك غيرها فى هذه الحياة فهى ما تبقى له من ابنه وزوجته بعد وفاتهم فى حادث فهو يعشقها ويخاف عليها بشدة
جمال......جورى يا جورى
جورى....ايوة يا جدو
جمال......يلا يا روحى الاكل جاهز
جورى......مش قولتلك يا جيمى متتعبش نفسك انا كنت راحة احضر الاكل
جمال........يا حبيبتى امتحناتك قربت وانا عايز مجموع كبير علشان تدخلى كلية كويسة
جورى......يارب يا جدو ادعيلى كده ادخل كلية الهندسة
جمال.....ان شاء الله حفيدتى شطورة وهتجيب مجموع كبير
جورى.....يسمع منك يا قمر انت
جمال بابتسامة.......بطلى بكش بقى
جورى.....بقى انا بكاشة يا جيمى طب انا زعلانة منك
جمال......وانا مقدرش على زعل الجميل
جورى......خلاص هات 100 جنيه وانا مش هبقى زعلانة
جمال......هو انتى بتتصالحى بالفلوس
جورى......ههههه اه
جمال......انت تؤمر يا جميل
جورى.....بهزر معاك يا جدو ربنا يخليك ليا
جمال......ويباركلى فيكى يا حبيبة جدو
جورى......ادخل انت ارتاح ومتتعبش نفسك انت عارف انك مش حمل التعب ده
جمال......انا بس خايف اموت واسيبك فى الدنيا دى لوحدك
جورى......بعد الشر عليك يا جدو مش عايزة اسمع الكلام ده تانى
جمال......الاعمار بيد الله يا حبيبتى
فى المدرسة
جورى......الحمد لله الامتحانات خلصت عقبال النتيجة
هنا...... إن شاء الله ونجيب نتيجة حلوة كده بدل ما هناخد بالجزمة من الحاج
جورى......هههههه ربنا يستر
هنا......يلا بقى باى وعلى الوهات بقى
جورى.....واطية من يومك دا بدل ما تعزمينى على الغدا
هنا.......مين قال كده انا قولت كده
جورى.....انتى كمان بتنسى
هنا.....حكم السن يا بنتى
جورى.....طب يلا غورى هروح اتغدى مع جدو
هنا.....اجى اتغدا معاكم ما تجوزينى جدك يا جورى
جورى......ههههههه انتى تطولى يابت واحد كده عسل وسكر
هنا.....دا تلاقى جدك ده وهو صغير كان مقطع السمكة وديلها وهو شبه حسين فهمى كده
جورى.....طبعا يا بنتى دا بيقولى البنات كانت بتجرى وراه
هنا......الله يرحمها جدتك كانت متجوزة قمر
جورى.....الله يرحمهم جميعا
هنا.....انا اسفة لو كنت فكرتك يا جورى
جورى بحزن.....وانا امتى نسيت لما اخسر بابا وماما مرة واحدة
هنا.....ربنا يباركلك فى جدك
جورى.....اللهم امين
تمر الايام وحان ظهور نتيجة الثانوية فذهبت لمعرفة نتيجتها وكم كانت سعيدة عندما علمت انها حصلت على مجموع كبير يمكنها من دخول الكلية التى تريدها
ولكن القدر كان يخبىء لها مفأجاة من العيار الثقيل
عندما عادت الى المنزل لتخبر جدها بنجاحها وجدت ان الجيران مجتمعين عندهم فى الشقة
جورى بخضة......فى ايه
احد الجيران......شدى حيلك يا آنسة جورى البقاء لله جدك اتوفى
لم تستطيع تمالك نفسها من الصراخ فهل ما حدث حقيقة هل فقدت اخر احباؤها فى هذا العالم ذهبت الى غرفته
جورى.....جدو جدو حبيبى رد عليا انا نجحت يا جدو مش هتقولى مبروك يا جدو رد عليا
.......وحدى الله يا بنتى الموت علينا حق
جورى.....حتى انت يا جدو سيبتنى هتسيبنى لمين بعدك
........متعمليش كده يا بنتى شدى حيلك
قضت ايام العزاء كأنها فى غيبوبة فهى لا تستوعب ما حدث بعد كانت تتلقى العزاء وهى فى عالم اخر غير منتبه لما يجرى حولها
هنا......جورى ما ينفعش كده انتى لازم تفوقى
جورى ببكاء......شوفتى يا هنا حتى جدو سابنى
هنا.....ده مقدر ومكتوب يا حبيبتى وشيدى حيلك
جورى......يارب يارب يارب
ظلت تردد كلمة يارب لتستمد منها القوة لمواجهة مستقبلها الذى لا تعرف ماذا ستفعل به فمعيلها الوحيد قد توفى وربما لن تستطيع اكمال دراستها وربما ستبحث عن عمل لكى تستطيع ان تعيش
سمعت جورى صوت جرس الباب فقامت بفتح الباب
جورى......ايوة مين حضرتك
.......... حضرتك انسة جورى زين الدين
جورى......ايوة مين حضرتك
...انا شوقى محامى عبد القادر زين الدين
جورى باستغراب ......مين ده
شوقى.....ده يبقى اخو جدك
جورى......هو جدى كان له اخوات
شوقى.....ايوة وعبد القادر بيه يبقى اخوه الكبير
جورى......انا اول مرة اسمع الكلام ده
شوقى.....انا اللى اعرفه انه حصل خلاف بينهم وجدك ساب القاهرة وجه اسكندرية واتجوز جدتك وعاش هنا
جورى.....طب واخوه عايز منى ايه
شوقى.....جدك الله يرحمه قبل ما يموت بعت لاخوه لانه كان حاسس انه ممكن يموت فى اى وقت وانتى ملكيش حد فطلب من اخوه انه ياخدك تعيشى عنده
جورى.....اعيش معاه فين
شوقى.....فى القصر بتاعه فى القاهرة
جورى.....قصر
شوقى.....ايوة اخو جدك راجل غنى جدا فوق ما تتصورى وهو لما عرف اللى حصل طلب انى اجيلك لانه هو تعبان ومبيقدرش يخرج من البيت
جورى......حضرتك قوله متشكرة بس مش هسيب البيت
شوقى.....حضرتك لازم تيجى معايا لان يعتبر عبد القادر بيه الواصى عليكى دلوقتى وكمان انتى مش هتقدرى تدفعى ايجار البيت وممكن تنطردى
جورى.....انا هشوف شغل واصرف على نفسى
شوقى.... بصى يا انسة جورى ده الكارت بتاعى هسيبك تفكرى
وجدت جورى صعوبة فى الحصول على عمل وخصوصا انها لم تكمل تعليمها بعد
هنا......وبعدين يا جورى هتعملى ايه
جورى بيأس.....مش عارفة حتى صاحب البيت طالب الايجار مش عارفة ادفعه منين
هنا.....خلاص مفيش حل غير انك تكلمى المحامى اللى قولتيلى عليه
جورى ......اروح اعيش مع ناس معرفهاش ازاى
هنا.....ما انتى مفيش حل قدامك غير كده وكمان انتى حلوة وفيكى الطمع مينفعش يا جورى نشفان دماغك دلوقتى
قد يأست جورى من الحصول على عمل فكلمت المحامى فحضر الى المنزل
جورى.....انا موافقة يا استاذ شوقى اروح القاهرة
شوقى.....كويس جدا عبد القادر بيه كان قلقان عليكى بسبب رفضك
جورى.....بس انا مش عارفة هروح اعيش معاهم ازاى
شوقى....صدقينى مش هتلاقى صعوبة فى التعامل معاهم انتوا فى الاول والاخر دم واحد
جورى.....ربنا يستر
ذهبت جورى الى قصر عبد القادر زين الدين والخوف يأكل قلبها وعقلها فماذا سوف يحدث لها فى هذا المنزل
شوقى....عبد القادر بيه مستنيكى جوا
دخلت جورى تقدم رجل وتأخر الاخرى والتوتر يتملكها وجدت رجل قد غزا المشيب رأسه وبرغم ذلك ما زال يحتفظ بوسامته وهيبته
عبد القادر....... تعالى يا حبيبتى متخافيش
تقدمت منه جورى على استحياء ولكنها لاحظت وجه الشبه الكبير بينه وبين جدها الراحل
جورى بتلعثم......هو هو حضرتك تبقى تبقى
عبد القادر بابتسامة.......مالك متلغبطة ليه كده تعالى متخافيش انا برضو جدك
لاحظت جورى لهجته الودية فشعرت ببعض الامان
عبد القادر.....براحتك انتى هنا هتكونى فى امان
جورى.....شكرا
اثناء حديثهم دخلت صبية جميلة تقريبا فى سن جورى
سيلين.....جدو يا جدو
عبد القادر......ايه يا حبيبة جدو
سيلين.....مين دى
عبد القادر.......دى جورى يا سيلين
سيلين.....اهلا جورى نورتى البيت ايوة كده هلاقى حد اتكلم معاه بدل الحصار اللى انا عايشة فيه
جورى بابتسامة.....اهلا يا سيلين
سيلين.....جدو ممكن جورى تقعد معايا فى اوضتى
عبد القادر......لو هى تحب
سيلين.....شوف باين على وشها الفرحة ازاى وموافقة
ابتسمت جورى على كلام سيلين فمن الواضح انها تتمتع بخفة الدم
سيلين.....قوليلى بقى انتى فى سنة كام
جورى.....انا لسه هروح كلية الهندسة
سيلين.....ايه ده بصرة وانا كمان لسه راحة سنة اولى هندسة دا احنا هنخربها فى الكلية
عبد القادر.....متفرحيش اوى كده انتى عارفة اللى هيجرالك هناك
سيلين......كده تفكرنى يا جدو
فى الجامعة
سيلين.....يلا نروح ندور على المدرج بتاعنا
جورى.....ماشى بس هروح اشترى عصير واجى
سيلين.... متتأخريش
جورى.....ماشى
بعد شراءها ما يلزمها اصطدمت باحدهم
جورى.....مش تفتح يا اعمى
...........انا برضو اللى اعمى يا مؤدبة
جورى..... مؤدبة غصب عنك
وتركته جورى مذهول من جرأتها فى الرد
سيلين......اتاخرتى ليه كده
جورى.....مفيش يلا بينا
دخلوا المدرج وماهى الى دقائق ودخل المدرج بهيمنته وهيبته
سيلين.....يا نهار مش فايت ادم
جورى.....يالهوى هو طلع الدكتور روحت بلاش
ادم.....اهلا بيكم انا دكتور ادم اللى هدرسلكم السنة دى بس فى شوية تعليمات لازم تعرفوها انا مبحبش قلق فى المحاضرات ومبحبش حد يدخل بعدى ومبحبش الكلام الكتير
سيلين......يا عينى عليكى وعلى حظك الاسود يا سيلين
جورى.....هو فى ايه
سيلين.....مفيش
كانوا يتحدثون ولكنهم لا يعرفون ان هناك من يراقبهم
ادم.....سيلين
سيلين.....افندم
ادم......انتى واللى جمبك لو مسكتوش هتطلعوا برا
سيلين......حاضر هسكت
بعد انتهاء اليوم الدراسى
جورى......يا ساتر على تقل دمه
سيلين....هه بتقولى ايه
جورى.....الدكتور الرخم اللى كان عندنا ده
سيلين.....ماله مز مش كده
جورى.....وحياتك ولا اخدت بالى منه اصلا
سيلين.....ماشى
.فى غرفة نومهم
جورى.....هنزل اجيب ماية من تحت
سيلين.....ماشى وهاتيلى فشار معاكى
جورى.....مش عايزة لب
سيلين.....ماليش نفس اتفتف
جورى...... والله انتى مجنونة
اثناء خروجها من الغرفة كانت الدنيا ظلام ولم تلاحظ ان احدهم قادم فاصطدمت به
جورى....اعااااااااا عفريت
ادم......اهدى انتى مين
خرجت سيلين على الصوت واضاءت النور
جورى.....انت ايه اللى جابك هنا
ادم.....والله المفروض انا اللى أسأل مش انتى
جورى.....مين الانسان الثقيل ده
سيلين بعيون متسعة.......بتقولى ثقيل
ادم ....ما تقوليلها يا سيلين انا مين
جورى ...... هتكون مين يعنى ها
سيلين.....ده ابيه ادم اخويا
شعرت جورى بان الدماء هربت من وجهها
جورى.....بتقولى مين
ادم.....ايه مسمعتيش انا اخوها وسموك تبقى مين
جورى....انا انا..
الفصل الثاني
جورى......هاتكون مين يعنى ها
سيلين....ده ابيه ادم اخويا
شعرت جورى بان الدماء قد هربت من وجهها
جورى......بتقولى مين
ادم.....ايه مسمعتيش انا اخوها وسموك تبقى مين
جورى.....انا انا
ادم .....انتى ايه القطة كلت لسانك
سيلين......خلاص بقى يا ابيه
ادم.......انا عايز اعرف مين البتاعة دى
جورى.....بتاعة ايه انتى بتتكلم كده ليه معايا
ادم.......اسكتى مش عايز اسمع صوتك
سيلين......مينفعش كده يا ابيه
جورى.....ليه سيبيه يغلطله شوية كمان
ادم.......هو انتى لسه شوفتى غلط قولى مين دى يا سيلين
سيلين....دى جورى تبقى حفيدة اخو جدو
ادم.....نعم يا اختى
جورى......ايه الشبكة عندك واقعة مبتسمعش
ادم.........انا رايح لجدى اعرف فى ايه بالزبط
جورى.....مع السلامة وحاسب وانت متنرفز كده تقع من على السلم
ادم....... ياريت تمشى من قدامى مفهوم
جورى.....والله انا مرتاحة كده حتى الدنيا طراوة هنا
سيلين......اهدوا يا جماعة دا شيطان ودخل بينكم
جورى ببرود......يلا يا سيلين ندخل ننام اصل الواحد كده مش هيعرف يحضر المحاضرات الصبح
ذهب ادم الى غرفة جده كالعاصفة من جرأة هذه الفتاه
ادم..... جدى
عبد القادر......بسم الله الرحمن الرحيم ايه يا ادم فى ايه
ادم......مين البت اللى فوق دى
عبد القادر......دى حفيدة اخويا جمال الله يرحمه
ادم......وبتعمل ايه بسلامتها هنا
عبد القادر......هتكون بتعمل ايه عايشة هنا
ادم....... نعم عايشة هنا ازاى يعنى
عبد القادر.......زى الناس هيكون ازاى
ادم......وازاى محدش يقولى على اللى حصل
عبد القادر......ما انت الفترة اللى فاتت كنت مختفى ابعتلك فاكس يعنى اقولك فيه على اللى حصل
ادم......ودى بقى هتفضل هنا قد ايه
عبد القادر......لحد ما تخرج من هنا على بيت جوزها
ادم......دا انا مش طايقها هتقعد هنا دا كله
عبد القادر بلؤم......وانت متنرفز ليه كده يا ادم
ادم......اصلك مشوفتهاش بترد عليا ازاى دا لسانها اطول من السكة الحديد
عبد القادر......بس طيبة وحلوة وسيلين حبتها اوى
ادم......ما تلاقيهم متخلفين زى بعض
عبد القادر.....اهدى يا حبيبى دى دلوقتى ملهاش حد غيرنا
عندما سمع ادم ذلك تملكه الغيظ الشديد فكيف سيحتملها كل هذه المدة
فى غرفتهم
جورى......انتى مقولتليش ليه انه اخوكى
سيلين.....كنتى هتعملى ايه يعنى
جورى......يعنى سيبتينى اشتم و عاملة نفسك غلبانة
سيلين..... الصراحة اول مرة اشوف حد بيرد علي ابيه ادم كده
جورى.....اصل كلامه يعصب وينرفز
سيلين......خلاص بقى اديكى عرفتى ابقى ورينى شطارتك هتتعاملى معاه ازاى
جورى.....انا مليش دعوة بيه هو فى حاله وانا فى حالى
سيلين......وانا مع الأسف
جورى.....ليكى نفس تهزرى وانا دمى فاير
سيلين......اقطع نفسى يعنى ما انتى قومتى بالواجب وزيادة وهو مش هيسكتلك خلى فى بالك
جورى......الايام بيننا
فى منزل اسماعيل الصاوى
اسماعيل.....لاقيتها يا سالم
سالم.....لاء روحت عنوانهم فى اسكندرية ملقتهاش سألت الجيران قالولى انها راحت عند ناس قرايبها فى القاهرة
فتحية......قرايبها مين دول
اسماعيل.....وانا ايش عرفنى احنا لازم نعرف هى فين
فتحية........ولو لاقيتها ورفضت تيجى معاك
اسماعيل.....انا خالها وانا احق بالوصاية عليها
سالم........الوصاية عليها ولا على ورثها
اسماعيل.....بتتريق وانت سبب المصايب كلها
فتحية...... وهو كان عمل ايه يعنى
اسماعيل.....بتقولى عمل ايه لا ابدا ضيع اللى حليتنا بسبب صياعته ولولا ورث عمته اللى انا واصى عليه كان زمانا بنشحت وكمان لما نلاقى بنتها وتعرف ان امها ليها ورث وتاخده احنا هنبقى فى الشارع
فتحية......احنا لازم نلاقيها وناخدها تحت جناحنا
اسماعيل.....بس لما نعرف هى فين الاول
سالم........ ولما تلاقيها هتعمل ايه
اسماعيل.....ده شغلك انت بقى حاول تعلقها بيك وتتجوزها علشان ورثها ده ما يخرجش برا
فتحية....هو ده الحل الوحيد
كانت كلما تتقابل جورى مع ادم تشعر انه بينهم ثأر فهى لا تسكت ابدا على كلامه لها فى المنزل ومع ذلك تلتزم الادب فى الكلية بحكم انه دكتورها
جورى..... سيلين سيلين اصحى بقى
سيلين......هخطف حلم سريع وارجعلك
جورى.....قومى بقى دى اول محاضرة بتاعت اخوكى مش ناقصين تهزيق
سيلين بفزع.......ايه ابيه ادم ثوانى هلبس
لبست سيلين لبسها سريعا ولم تنتبه ماذا فعلت
سيلين.....كده تمام يلا بينا
جورى......هتخرجى كده
سيلين......ازاى يعنى
جورى.....حبيبتى انتى لبستى البلوزة على بنطلون البيجاما
سيلين بضحك......والله ما اخدت بالى هى فين الجيبة
ذهبوا الى الكلية ولكن من حظهم السيىء قد بدأت المحاضرة واغلق الباب
جورى.....عجبك كده اهو قفل الباب
سيلين...... تعالى نخبط يمكن قلبه يحن علينا ويدخلنا
قاموا بالطرق على الباب
ادم.....ادخل
جورى.....اسفين يا دكتور ممكن ندخل
ادم......تدخلوا فين
سيلين..... المحاضرة
ادم.........لاء وبرا انتى وهى وتحترموا مواعيدكم بعد كده
خرجت جورى وسيلين بشعور الاحباط
جورى.....هو اخوكى ده طينته ايه
سيلين......تعالى بقى نقعد فى الكافيتريا على ما المحاضرة التانية تبدأ
اثناء دخولهم المحاضرة الثانية قابلوا ادم
ادم.....لما تخلصوا المحاضرة تعالوا على المكتب
سيلين.....حاضر
بعد انتهاء محاضرتهم ذهبوا الى المكتب
جورى.....خير حضرتك عايزنا فى ايه لسه فى تهزيق مسمعنهوش
ادم.....هو انتى مش هتبطلى طولة لسان
سيلين....فى ايه يا ابيه
ادم.......ابيه دى تقوليها واحنا بناكل بامية فى البيت مش فى الكلية انا هنا دكتور ادم
سيلين....... مش حرام تحرمنا من المحاضرة واحنا مكناش متأخرين كتير
ادم.....اصل انا معنديش نظام الكوسة بتجبلى حموضة
جورى.....وانت عايزنا ليه دلوقتى نجيبلك فوار حموضة
ادم......بقى كده يلا انتى وهى على محاضرتكم
بعد خروجهم
سيلين......انا مش فاهمة حاجة هو كان عايز ايه
جورى....تلاقيه كان فاضى وجابنا يتسلى علينا
............
فى منزل اسماعيل الصاوى
سالم.....انا لقيت جورى بنت عمتى ثريا
فتحية......لاقيتها فين
سالم.....عند ناس قرايبها يبقى اخو جدها اللى هى قاعدة عنده
اسماعيل.....يبقى لازم نروح نجيبها من هناك مش عايز حاجة تضيع مننا
كانت سيلين وجورى يجلسون بغرفتهم ويسمعون موسيقى بصوت عالى
دخل إليهم غاضبا بسبب الصوت العالى
ادم...ااااااايه ده انتوا فاكرين نفسكم فين
جورى....هو بيطلع امتى ده
سيلين.....فى ايه يا ابيه
ادم.......وطى صوت الزفت ده مش عارف اركز فى شغلى
جورى.....ما تركز احنا مالنا
ادم.....وطوا البتاع ده احسن ما اكسره على دماغك انتى وهيا واحسن تذاكروا انتوا مش عارفين ايه اللي مستنيكم بكرة
وخرج كالعاصفة مثلما دخل
فى الكلية
اثناء بدء المحاضرة
ادم...... طبعا انتوا عارفين ان فى امتحان النهاردة
جورى بصدمة لسيلين......ايه امتحان
سيلين.....احنا ما اتفقناش على كده هو احنا ذاكرنا حاجة
جورى.....انا عرفت هو ليه قال امبارح مش هتعرفوا اللى هيجرالكم
سيلين.....هنعمل ايه
جورى.....اخوكى بيتحدانا بس هنوريه
ادم.....فى حاجة يا انسة انتى وهى
جورى.....ابدا يا دكتور
ادم.....طب يلا ورونى شطارتكم فى الامتحان وعلى فكرة اللى هيسقط فى الامتحان مش هيحضرلى محاضرات تانى
بالفعل امتحنت جورى وسيلين واستغرب ادم انهم لا يبدو عليهم الخوف
انتهى وقت الامتحان واخذ ادم الورق لتصحيحه وكم كانت دهشته كبيرة عندما اجتازت جورى وسيلين الاختبار وليس هذا فقط ولكنهم حصلو على تقدير
جورى......ايه يا دكتور ادم مش هتقولنا على تقديرنا
ادم بغيظ.....اتفضلى الورق اهو
سيلين بفرحة.....ايه ده انا جبت تقدير ازاى
جورى.....بشطارتنا اصل الدكتور فاكرنا متخلفين
ادم.....فاكركم متخلفين ما انتوا فعلا متخلفين
فى احد الايام
اثناء جلوس جورى وسيلين بالجنينة حضرت إمرأة انيقة جدا تشبه عارضات الازياء
جورى.....مين دى يا سيلين
سيلين من غير نفس.....دى جازمين
جورى......جزمة مين
سيلين بضحك ......هههههه اه لو سمعتك
جورى..... بجد مين دى
سيلين......دى خطيبة ابيه ادم
لاتعرف جورى لماذا شعرت بالانزعاج عندما علمت ان ادم لديه خطيبة
جورى.....هو اخوكى خاطب
سيلين.....ايوة خاطب البتاعة دى
جورى.....انتى مبتحبهاش
سيلين.....ولا بطيقها دى انسانة وصولية وانتهازية هى مخطوبة لابيه علشان مركزه وفلوسه
جورى ...... وهو ميعرفش
سيلين.....ابيه عيندى مع ان جدى مش موافق على الجوازة
جازمين.....هاى سيلين
سيلين بصوت منخفض.......اهلا يا اختى
جازمين بتعالى.....وانتى بقى تبقى جورى يا حلوة
جورى......ايوة انا يا قطة
جازمين......قطة انتى متربية فين
سيلين......ابيه جوا يا جازمين اتفضلى ادخليله
جازمين.....عن اذنكم
سلين.....سكة اللى يروح ميرجعش
ادم......سيلين انا وجازمين خارجين مش عايز لما ارجع تكونوا عاملين مصيبة
جورى بهمس......والنبى خليك فى المصيبة اللى معاك
سيلين......انت ليه يا ابيه واخد فكرة غلط عننا احنا عسلات وطيبين وكيوت اوى
ادم......جايز
جازمين......يلا بقى يا بيبى
جورى.....ده بيبى ازاى يعنى
ادم......بتقولى حاجة يا جورى
جورى.....انا لا ابدا مع السلامة
لاتعرف جورى بما شعرت عندما رأت ادم خارجا مع خطيبته فهى شعرت بمزيج من الغضب والغيرة.
حضر اسماعيل وابنه سالم الى منزل عبد القادر لاخذ جورى
اسماعيل.....عبد القادر بيه انا ابقى خال جورى وجاى اخدها
عبد القادر......خالها وكنت فين ده كله
اسماعيل.....كنت بدور عليها انا مكنتش اعرف فين طريقها من ساعة اختى الله يرحمها ما ماتت
عبد القادر.......وايه المطلوب دلوقتى
اسماعيل........عايز بنت اختى
عبد القادر......بس هى مسافرة دلوقتى مش هترجع الا بعد اسبوع
سالم........ايه اسبوع
عبد القادر......ايوة وانتوا ان شاء الله تعدوا عليا بعد اسبوع تكون رجعت وهقولها
اسماعيل.....شكرا يا عبد القادر بيه
كان من حسن الحظ عدم وجود جورى وسيلين فى هذا الوقت فى المنزل حتى لاينكشف أمرها
قام عبد القادر باستدعاء محاميه
عبد القادر......شوقى انا عايزك تعرفلى ايه حكاية خالها ده بالزبط
شوقى.....اوامرك يا عبد القادر بيه ادينى يومين وهجبلك كل الاخبار
عبد القادر......انا مش عايز حد يعرف بالموضوع ده
شوقى.....طبعا زى ما حضرتك تؤمر
اثناء تناول العشاء
سيلين......جدو انا عايزة اغير العربية
عبد القادر.....بس كده حاضر
ادم بتريقة..... وانتى يا جورى مش عايزة عربية انتى كمان
جورى.....والله انا مبطلبش حاجة مليش حق فى انى اطلبها اصل انا مش بجحة
عبد القادر.....ليه يا حبيبتى انتى زيك زى سيلين وانا فعلا كنت ناوى اشتريلك واحدة
جورى.....شكرا على كرمك بس خليها لدكتور ادم هو احق بيها
لايعرف ادم لماذا يشعر بالسعادة عندما يزعجها او يرى ان دموعها قد تخونها فى اى لحظة وتسقط من عينها ويالها من عيون جميلة تنضج بالبراءة
ادم لنفسه.......هو ايه اللى انا بفكر فيه ده
بعد مرور اليومين
شوقى......عبد القادر بيه جبتلك كل المعلومات اللى انت عاوزها
عبد القادر......قولى بقى عرفت ايه
شوقى......خالها ده مكنتش علاقته قوية با اخته وبعد ماماتت استولى هو على ورثها بس لما عرف ان عندها بنت حب انه يبقى هو الواصى عليها وعلى ورثها وعرفت كمان انه ناوى يجوز الانسة جورى لابنه سالم علشان يضمن ان ورثها يفضل تحت ايده
عبد القادر.......يعنى مش جاى علشان عايز بنت اخته علشان عايز اللى وراها
شوقى.......ايوة وخصوصا انه خسر كل فلوسه بسبب ابنه وعايش دلوقتى بسبب ورث اخته اللى هو بقى حق جورى دلوقتى بس الانسة جورى تعتبر لسه قاصر وهو ممكن يكسب الوصاية عليها بسهولة وخصوصا انه قريبها من الدرجة الاولى مش زى حضرتك تبقى اخو جدها
عبد القادر...... دلوقتى فهمت
شوقى.......وحضرتك ناوى على ايه
عبد القادر.... .انا عايزك تحضرلى قسيمة جواز
شوقى با استغراب.......قسيمة جواز مين
عبد القادر بهدوء.....قسيمة جواز ادم حفيدى من جورى
شوقى .. ايه .. يتبع الفصل الثالث اضغط هنا