رواية نور الفهد البارت الثاني عشر 12 بقلم شيماء زايد
رواية نور الفهد الفصل الثاني عشر 12
نور بصريخ: فهد الحقنى
فهد اول ماسمع كدا جرى لفوق بسرعه
فهد: فى ايه يا نور بص قدامه لقى اخته منهاره وماسكه اله حاده فى اديها
نور: اهدى يا حبيبتى مش كدا
نرمين بدموع وتهديد: اللى هايقرب منى هاموت نفسى انتوا فهمين
فهد: اهدى يا حبيبتى مش كدا خلينا نتكلم
نور: سيبها يا فهد
فهد بصدمه: انتى بتقولى ايه اسيب اختى تموت قدامى انتى شكلك اتجننتى
نور: ايوا سيبها انت مصدوم كدا ليه خليها تموت وتكفر وتغضب ربنا ماهو بقى عادى عاشت كل السنين بفضل ربنا ورعايته وعايزه تموت نفسها دلوقتي اصل نفسها وهى حره فيها لا فوقى نفسك دى مش ملكك دا ملك اللى خلقك واللى هو ربنا انتى مش خايفه من اللى بتعمليه دا مش خايفه من عذابه مش خايفه من النار مش خايفه من الحاجات دى فوقى مش من اول مشكله تفكرى تموتى نفسك لا هو لو بيحبك بجد هايعمل المستحيل عشان يوصلك بس اللى متأكده منه ان واحد زى كريم عمره مايحب حتى لو بيحبك بجد هانشوف اللى هايعمله عشان وحتى لو مليون مشكله مبينا ومبينه هانوافق عليه بس يعمل وانتى فكرى كويس يا تموتى نفسك وتخسرى دنيتك واخرتك او تبقى قويه وتواجهى كل المشاكل دى
نرمين سابت الاله الحاده وقعدت الارض واخوها اول ماشافها كدا خادها فى حضنه وهى فضلت تقول بس انا بحبه ومش هاقدر اعيش من غيره
فهد: لا هاتقدرى وممكن يطلع بيحبك بجد ويعمل المستحيل عشانك انتى وبس
نرمين خرجت من حضن اخوها: عندك حق لازم ابقى قويه ومش هاضعف حتى لو محبنيش هافضل بقوتى
فهد: ايوا كدا نونو حبيبتى رجعت وانا اسف على الكف اللى ادتهولك
نرمين: عادى مسمحاك
فهد: بيوجعك
نرمين: الصراحه يا فهود ايدك تقيله اوى المفروض تبقى ظابط فى الجيش مثلا
فهد ضحك: ماشى يا لمضه هانم
ونور شافتهم حلوين مع بعض وقالت فى سرها يا بختك عندك اخ حنين يارب يخليكم لبعض وسابتهم ومشت عشان تسيبهم براحتهم
♡♡♡♡♡♡♡♡♡♡♡♡♡♡♡♡
عند كريم
كريم بدموع: انا بحبها اوى يا مازن
مازن: معلش يا صاحبى هو انت مكنتش تعرف انها تكون اخت الفهد
كريم: لا كنت اعرف بس معرفتش غير من قريب وبعد لما حبتها وعشقتها انت عارف هى الوحيده اللي عرفت تخرجنى من اللى انا فيه
مازن: عارف يا صاحبى
كريم بدموع ووجع: لا متعرفش حاجه انا بعد اما نور سمعتنى يوميها ف اتصلت على حبيبتى اللى كنت مفكرها حبيبتى وطلعت حبانى عشان بس الفلوس ومن غبائى روحت لنور وفضيت غضبى فيها مأعنها مكنش ليها دعوه وانا الغلطان بس من غبائى معترفتش بغلطى وخليت عندها عقده ان اى حد يلمسها تخاف منه شوفت مجرم زى وبعدين دخلت السجن قعدت سنتين وطلعونى بسبب سلوكى وكمان سبب ما مش لازم حد يعرفه وبعدين طلعت من السجن وانا مكنتش بضحك خالص لحد اما جات نرمين بجنونها اقتحمت حياتى مأعنى كنت ببعدهة بس هى حبت تغامر ودخلت حياتى وحبتها من غير ما عرف إنها اخت الفهد
مازن بزعل على صاحبه: طب مسألتش عليها ليه وبعدين ليه بقى معاك عداوه مع فهد
مازن: بقولك دخلت حياتى فجأه وحبيت وجودها جنبى وبعدين مش لازم تعرف العداوة دى سبابها ايه
مازن بحزن على صاحبه: ماشى يا صاحبى بس عايز اديلك نصيحه اللى بيحب حد لازم يحارب فهمت يا صاحبى لازم تحارب
كريم: عندك حق لازم احارب ومبقاش ضعيف كدا انا بحبها وهاتبقى معايا فى اقرب وقت
♡♡♡♡♡♡♡♡♡♡♡♡♡♡♡♡
عند نرمين
نرمين فضلت تبكى ياترى عملت ايه يا كريم مع اخويا ومراته وبا ترى هاتحارب عشانى ولا محبتكش انا تخطيت المرحله دى من زمان انا عشقتك متخلنيش اندم على اليوم اللى فتحت قلبى فيه ليك حارب عشان حبنا وفضلت تبكى لحد اما نامت
♡♡♡♡♡♡♡♡♡♡♡♡♡♡♡
عند نور وفهد
خبط على باب الغرفه
نور: ادخل يا فهد
فهد دخل: ازاى عرفتى ان انا
نور:اكيد كنت هاتيجى بعد اللى حصل النهارده
فهد: طب ليه مشيتى من الاوضه
نور: حبيت اسيبكم براحتكم
فهد: تمام
حل الصمت فجأه ونور اتكلمت بعد تردد
نور: يا ترى هو بيحبها بجد ولا بيلعب عليها
فهد: معرفش انتى رايك ايه
نور: الصراحه اول مره اشوف فى عيونه انه ندمان على كل حاجه عمالها وكمان بيحب اختك بس مش عارفه دا حقيقه ولا
فهد بغير: وانتى بقى كنتى بتشوفيه على طول بقى
نور: شئ يخصك وبعدين احنا فى ايه ولا ايه
فهد: اه شئ يخصنى مش انتى مراتى
نور: على الورق
فهد: ياعنى ايه
نور ببرود: ياعنى احنا جوازنا على الورق ياعنى فتره ونطلق
فهد بغضب: ولو قولتلك مش هاطلق
نور: الكلام دا بعدين خلينا فى المهم انت شايف ايه فى موضوعهم هو بيحبها ولا لا
فهد بهدوء مصتنع: معرفش هانعرف كل دا بعدين
نور بسخريه: ها انا جايه اتكلم مع مين مع الحجر فهد
فهد بغيظ: قصدك ايه
نور: ياعنى انت متعرفش ياعنى ايه حب
فهد: ياعنى ايه حب يا فقيقة زمانك
نور: شوف واتعلم الحب ياعنى امان ياعنى حنان حتى لو فى مشاكل الدنيا يقدروا يحلوها مع بعض مافيش كذب مابينتهم واهم الخيانه ممنوعه دا الحب الحقيقي
فهد: امممم عندك حق
نور بغرور مصتنع: طبعا هو انا بقول حاجه غلط
فهد: الغرور مش لايق عليكي
نوربطفوليه: بجد
فهد ضحك على منظرها: ايوا بجد
وبعدين بصاتله وهما الاتنين فضلوا يضحكوا وبعدين فهد استأذن وراح ل اوضته ونام بعد تفكير وهى كمان نامت بعد تفكير
♡♡♡♡♡♡♡♡♡♡♡♡♡♡
فى الصباح
قاموا جهزوا وكل واحد راح للشركه بتاعته وبعدين نور خلصت شغلها وىجعت للبيت وغيرت ملابسها ونزلت تقعد مع نرمين شويه
نور: عامله ايه نرمين
نرمين: الحمدلله بخير
نور: ادام الله حمدك ها ياستى احكى حاسه ان فى كلام يامه اوى
نرمين: هو كريم عمل ايه معاكم عشان تكرهوه كدا
نور بتوتر: معلش ومش لازم تعرفى لو بتحبيه متسأليش عن ماضيه كان ازاى صح
نرمين: عندك حق وبجد شكرا ليكى
نور: مافيش شكر مابين الاخوات
حضنوا بعض وبعدين نرمين خرجت من حضنها
نرمين: اه المهم عايزه منك خدمه
نور: ايه هى
نرمين: الصراحه نفسى اتغير وابقى ذيك وقرب من ربنا
نور: بجد انا فرحانه بيكى اوى دا من عيونى ياقمرى وحضنوا بعض مره تانيه
ونرمين اخدت قراراها وكانت لتتغير من لبس ضيق لواسع ولبست النقاب كمان اللهم بارك وغير ان كريم كان بيرقبها كل يوم وكانت بيتصدم من تغيرها بس حب التغير دا
♡♡♡♡♡♡♡♡♡♡♡♡♡♡
بعد شهر من تغير نرمين
نور قولى لنرمين ان العريس جاى النهارده بالليل
نور:قولتلها يافهد وهى جاهزه تشوفوا
فهد:تمام
نور بوجع فجأه:اه مس عارفه الصداع اللى بقى دايم دا وكمان مناخيرى بتجيب دم
فهد بتوتر وخوف:هاتلاقيكى من ضغط الشغل وكدا
نور:عندك حق لازم ارتاحلى يومين
فهد:تمام بس الاول تاخدى الدوا دا للصداع
نور:تمام هات اخده
فهد فى سره:لحد امتى هافضل مخبى عليها وبعدين انا بخاف عليها حتى دى مش عارف ابينها عشان متشكش فيا عاااا
فهد استأذن من نور ونزل ونور كانت بتجهز نرمين ونرمين كانت زعلانه ونور قالتلها:متزعليش ان شاءالله خير متخافيش
نرمين:تمام بس هو مسألش عليا ولا حتى حارب يبقى مش بيحبنى
نور:معلش خليكى قويه وبعدين انتى اتغيرتى وتستحقى واحد احسن منه
نرمين:عندك حق
♡♡♡♡♡♡♡♡♡♡♡♡♡
عند كريم
بدأ يكسر فى كل حاجه حواليه لا مش هاسيبك بعد كل دا وهاتبقى ليا ولوحدى لو مبقتيش ليا مش هاتبقى لغيرى انتى فاهمه
♡♡♡♡♡♡♡♡♡♡♡♡
بالليل العريس جه وفارس قابله وقبل ما تنزل نرمين فى حد رن الجرس
فهد:داده افتحى الباب
الداده:تمام يا فهد بيه
وراحت فتحت الباب ودخل كريم وهو متعصب
كريم:فهد فهد نىمين نش هاتتجوز غيرى انت فاهم
فهد ببرود:لا مش فاهم
كريم مسك العريس وكرشه بره وقعد يزعق ونرمين نزلت هى ونور
نرمين بصدمه:كريم بتعمل ايه هنا
كريم:جاى انقذك من العريس وبعدين انتى فرحانه بالعريس ولا ايه افهمى حاجه واحده لو مبقتيش ليامش هاتبقى لغيرى انتى فاهمه
وكله فى صدمه ايلا فهد
فهد ببرود:خلصت كلامك اطلع بره بقى
كريم:لا مش هاطلع
كريم بهدوء:فهد انا بحبها بجد متعملش فيا كدا انا بحبها والله وافق انى اتجوزها
فهد ببرود:لا واطلع بره
كريم بعد ماعرف انه مش هايوافق دلوقتي جاى يخرج بزعل
الداده:استنى يا كريم عايزه اقول للكل على حاجه
نور:عايزه تقولى ايه يا داده وفى وجود كريم كمان
الداده:الصراحه......
الجميع بصدمه:ايه اللى بتقوليه دا يا داده
يتبع الفصل 13 اضغط هنا