رواية في طريقي الى العشق البارت التاسع عشر 19 بقلم ملك ابراهيم
رواية في طريقي الى العشق الفصل التاسع عشر 19
نظر لها فارس وطلب منها الدخول اليها
فتحت له الباب ووجد ملك تخرج بغضب وهي تبكي وتصرخ
اخذها فارس في حضنه وحاول تهدأتها
ظلت تضرب فيه بيدها وتحاول ان تبتعد عنه لتذهب الي والدتها
تحدث اليها بهدوء واخبرها انه سوف يذهب معها الان الي والدتها وسوف يفعل لها كل ما تريد
نظرت له ملك بعيون باكيه
هز لها رأسه بتأكيد واخذها وذهب الي سيارته وادخلها بهدوء واتجه هو الاخر الي السياره وانطلق بها في طريقهم الي قريتها
وقف أدم وهو ينظر الي إيمان وهي تبكي هي الاخرى علي ابنة عمها
اقترب منها أدم وضمها اليه وتحدث اليها بهدوء
" حبيبتي انتي بتبكي ليه ماتخفيش فارس معاها
نظرت له وتحدثت ببكاء
" ملك صعبانه عليا أوي مفيش فرحه بتكمل ليها
نظر لها أدم وابتسم لها بحب وتحدث اليها بهدوء
" ماتقلقيش ياحبيبتي فارس هيتصرف وهيحل الموضوع
ابتسمت له إيمان وهي تهز رأسها بتأكيد
ضمها أدم الي قلبه بقوة
ابتسمت إيمان وهي تشعر بالامان والحمايه وهو يضمها ويحتويها هكذا
________________________
في منتصف الليل وصل فارس بسيارته امام منزل والدت ملك
نزلت ملك من السياره سريعا واقتربت من باب المنزل واخرجت مفتاحها الذي كانت تحمله معها دائما وفتحت باب الشقه ودخلت سريعا تبحث عن والدتها
وقف فارس قريبا من باب الشقه ولم يرد الدخول خلف ملك حتى تطلب منه الدخول
دخلت ملك غرفة والدتها ووجدتها نائمه وبجسدها الكثير من الكدمات وهناك كسر بذراعها
بكت ملك وضمت والدتها
فتحت والدتها عينيها وتحدثت اليها بلهفه
" ملك حبيبتي انتي رجعتي
ابتسمت لها ملك وتحدثت وهي تبكي
" اه يا حبيبتي رجعت ، طمنيني عليكي ، عمل فيكي ايه الحيوان دا
ردت عليها والدتها بغضب
" عمك صلاح مش حيوان يا ملك انتي الا فضحتينا لما هربتي وعشتي مع واحد في الحرام
نظرت لها ملك بصدمه وتحدثت بذهول
" كلام ايه دا الا حضرتك بتقوليه يا ماما ، انا هربت عشان مش عايزه اعيش في الحرام ، وانا دلوقتي عايشه مع إيمان وماما عزه ست طيبه ومحترمه وعمري ما اعمل حاجه غلط والمفروض حضرتك تكوني عارفه كدا لاني بنتك وانتي اكتر واحده عرفاني كويس
نظرت لها والدتها وتحدثت بحده
" ومين الا بهدل عمك صلاح وعمل فيه كدا مش عشيقك الا انتي هربتي معاه
هزت ملك رأسها برفض وتحدثت بقوة
" قولتلك يا ماما انا مهربتش مع حد ، والا حضرتك بتتكلمي عنه دا يبقى جوزي بشرع ربنا وعلي سنة الله ورسوله
نظرت لها والدتها وتحدثت بحزن
" يا خسارة تربيتي فيكي يا ملك وكمان اتجوزتي من ورايا هي دي اخرتها ، دا فعلا عمك صلاح كان عنده حق في كل الا عمله و في كل كلمه قالها
نظرت لها ملك بحزن وتحدثت ببكاء
" يا ماما انتي كدا بتظلميني ارجوكي اسمعيني واديني فرصه افهمك ايه الا حصل وانا ازاي اتجوزت فارس وعلي فكره فارس معايا هنا وممكن تشوفيه عشان تطمني
نظرت لها والدتها بجمود
خرجت ملك من الغرفه وطلبت من فارس ان يدخل معها ليتعرف علي والدتها
دخل فارس بطالته الساحره خاطفة الانفاس
نظرت له والدت ملك بذهول وهي تراه مثل المشاهير الذي تراهم في التلفاز
ابتسم لها فارس بهدوء ورحب بها بصوته المميز
ابتسمت له والدت ملك وتحدثت الي ملك بابتسامه
" هو مال جوزك شبه الا بنشوفهم في التلفزيون كدا
ابتسمت لها ملك وتحدثت بسعاده
" هو دا بقى فارس المسيري جوزي يا ماما
ابتسم لها فارس وتحدث اليها باحترام
" ازي حضرتك ، الف سلامه عليكي
ابتسمت له والدت ملك وهزت له رأسها بهدوء
سألها فارس اذا تريد ان تذهب الي مستشفى حتى يطمئنوا عليها
رفضت والدت ملك واكدت له انها بخير
طلب منها ان تذهب معهم الي القاهره لتكون قريبه من ابنتها وانه سوف يحضر لها شقه خاصه بها
وقبل ان تتحدث وترد عليه وجدو صلاح يدخل المنزل ويتحدث اليهم وبصوت مرتفع
صلاح : اهلا بالهانم الا هربت وجبتلنا العار وجايه وجايبه الحارس بتاعها معاها
نظر له فارس بغضب واقتربت منه ملك بغضب ولكن فارس رفع يده ومنعها من التقرب منه وجعلها تقف خلفه هو
نظرت ملك ل صلاح بغضب وهي تقف خلف فارس
تحدث اليه فارس بقوة
" مش انا قولتلك قبل كدا كلامك يبقى معايا انا وملكش دعوه بمراتي
نظر له صلاح وتحدث بسخريه
" ما انت واقف تتكلم مع مراتي اهو
ردت عليه ملك بقوة
" مش هتبقى مراتك ، احنا هنعمل فيك محضر بكل الا انت عملته فيها دا وصدقني هنسجنك
ابتسم لها بسخريه وتحدث بثقه
" ومين بقى الا هيعمل فيا محضر ، أمك
نظرت له ملك بستغراب
نظر صلاح الي زوجته وتحدث اليها بقوة
" هو مين الا عمل فيكي كدا يا أم ملك
نظرت له والدت ملك وتحدثت بهدوء
" محدش عمل فيا حاجه انا وقعت من علي السلم
نظرت لها ملك بصدمه واقتربت منها وتحدثت اليه برجاء
" ماما عشان خاطري ما تعمليش كدا قولي الحقيقه وانا معاكي
ردت عليها والدتها ببساطه
" لحد امتى
سألتها ملك بعدم فهم
" لحد امتى يعني ايه
نظرت لها والدتها وتحدثت بجديه
" يعني لحد امتى هتبقي معايا ، انت خلاص يا حبيبتي اتجوزتي وبكره تخلفي وتنشغلي ببيتك وجوزك وعيالك وتنسيني ولا تفكري تزوريني كل سنه مره ، سبيني عايشه مع جوزي وروحي انتي مع جوزك ربنا معاكم
نظرت لها ملك وتحدثت بصدمه
" تعرفي يا ماما انا كنت فاكره ان انتي ممكن تتغيري بعد كل الا حصلك دا ، بس للأسف واضح ان حضرتك هتعيشي عمرك كله بنفس الافكار ، وانا فعلا هرجع مع جوزي ، عن اذنك
ذهبت ملك للخارج بغضب واقترب فارس من والدت ملك وطلب منها ان تفكر مرة اخرى ردت عليه والدت ملك وطلبت منه الاهتمام بابنتها ولا يشغل باله بها هي
اخرج فارس كارته الخاص واعطاه لها وطلب منها الاتصال به في اي وقت ان احتاجت لشئ ونظر الي صلاح بغضب وذهب خلف زوجته
نظر صلاح لزوجته بابتسامه ، نظرت له والدت ملك وتحدثت اليه بغضب
" ما تفكرش ان انا عملت كدا عشانك ولا خوف منك ، انا عملت كدا عشان بنتي وعشان ما شيلهاش همي هي جوزها
نظر لها صلاح وتحدث بمكر
" عندك حق اهم حاجه بنتك وجوزها يعيشوا مبسوطين
_________________________
عند طلوع الفجر نظر فارس الي ملك النائمه بجواره في السياره بعد ان قضت نصف الطريق تبكي من موقف والدتها السلبي
نظر لها فارس واتجه بسيارته الي مكانا ما وتوقف بالسياره ونزل منها وحمل ملك النائمه وطلع بها الي شقته الخاصه
دخل شقته وذهب الي غرفة النوم ووضع ملك علي الفراش بهدوء
ووقف وهو ينظر اليها بعشق كبير ثم ذهب الي الفراش بجانبها وضمها الي قلبه وذهب هو ايضا في النوم بسرعه من شدة الارهاق
بقلمي/ملك إبراهيم
في الصباح نزلت فريدة من غرفتها وذهبت لتجلس بجانب جدها وهي تتحدث بسخريه
" فارس شكله مرجعش البيت من امبارح ، وشكله كدا رجع لحياته القديمه وهيقضيها سهر ومش هيفوق لشغله
نظر لها جدها بغضب وتحدث بقوة
" والله بدل ما انتي مركزه كدا مع أخوكي مش الأولى تركزي مع جوزك ولا ما اخدتيش بالك ان جوزك مش بايت في البيت هو كمان من امبارح
نظرت له فريدة وتحدثت بملل
" وانا هعرف منين والاستاذ بقاله كام يوم بيبات في اوضه تانيه
نظر لها جدها وتحدث اليها بغضب
" ولما جوزك ساب فرشتك ونام في أوضه تانيه انتي عملتي ايه
ردت عليه فريده بكبرياء
" هعمل ايه وهو كدا كدا هيرجع تاني غصب عنه
ابتسم لها جدها بسخريه وتحدث بتأكيد
" تعرفي ان جوزك دا ليه الجنه انه استحملك كل الفتره دي وعنده حق انا ينفصل عن واحده معدومة الاحساس زيك
نظرت له بصدمه وتحدثت بعدم تصديق
" ينفصل عن مين !!!
رد عليها جدها بسخريه
" اياد ساب البيت واتكلم معايا امبارح انه عايز ينفصل عنك بهدوء وبدون مشاكل
وقفت فريدة بغضب وتحدثت بجنون
" اياد عايز يسبني انا فريدة المسيري ، دا المفروض يشكر ربنا ليل نهار علي موافقتي اني اتجوزته اصلا
نظر لها الجد بيأس وتحدث بقوة
" حاول تصلحي من نفسك يا فريده انتي دلوقتي خسرتي جوزك وفي طريقك تخسري اخوكي ومتأكد ان هيجي اليوم الا هتخسريني فيه انا واختك ، وصدقيني يا بنتي وقتها مش هتلاقي حد جنبك
نظرت له بغضب وتحدثت بجنون وقسوة
" انا مش محتاجه حد جنبي ، أنا فريدة المسيري ، الا ملاين بيتمنوا نظره واحده بس مني ، واياد دا انا هندمه علي اليوم الا فكر يسبني فيه
نظر لها الجد وتحدث بقوة وغضب
" فريدة فوقي لنفسك واعرفي انتي بتقولي ايه ، واياد ملكيش دعوه بيه نهائي ولا ليكي دعوه بخوكي ولا بحياته وتسبيهم في حياتهم ، ولو عرفت ان انت ادخلتي في حيات حد فيهم انا بنفسي هدخلك مستشفي الامراض العقليه وهقول عنك مجنونه
نظرت له فريدة بصدمة وخرجت سريعا من المنزل بجنون
وقف الجد وهو ينظر اليها بحزن ويدعي الله بان يهديها ويبعد عنها شيطانها
________________________
كانت تجري وهم يجروا خلفها في هذا الحلم المزعج الذي تعودت عليه ، ولكن هذه المرة وجدت من يعطيها ظهره يلتفت اليها ويفتح لها ذراعيه جريت عليه سريعا وارتمت في حضنه ، ضمها بقوة اليه وضعت وجهها بجانب قلبه وغمضت عينيها حتى لا تسمع شئ سوى دقات قلبه ولا ترى شئ من ما يحدث حولها ، كانت تشعر بالأمان في داخل حضنه ولا تريد الابتعاد عنه ابدا
فتحت عينيها بهدوء وجدت نفسها في حضن فارس وهو يضمها الي قلبه
ظلت تنظر له وهي لا تعلم كيف اتى بها الي هنا ولكنها كانت سعيده لانها اليوم لم تستيقظ علي خوفها من هذا الحلم المزعج بل استيقظت وهي تشعر بالامان والاطمئنان وبدئت تنظر له وهي تفكر بأنه هو أمانها ، وحضنه هو علاجها من الخوف الذي تشعر به دائما
فتح فارس عينيه وابتسم لها بسعاده وتحدث اليها بعشق
" ايه القمر الا انا شايفه علي الصبح دا
ابتعدت عنه ملك قليلا وابتسمت له بخجل و ردت عليها بتوتر
" احنا نمنا هنا ازاي كدا
قربها فارس اليه اكتر ووضع وجهه في عنقها وتحدث بصوته الدفئ بهدوء
" حسيت ان انتي محتاجه تنامي في حضني وانا كمان كنت محتاج حضنك أوي عشان كدا جينا هنا
وبدء يقبل عنقها بقبلات متفرقه رقيقه
شعرت ملك بالخجل وتحدثت اليه بتوتر
" فارس انت بتعمل ايه
نظر لها بعشق وتحدث بصوت به لهفه واشتياق كبير اليها
" أنا بحبك أوي يا ملك وعايزك تتأكدي ان عمري ما أذيكي صدقيني
ابتسمت له ملك وتحدثت اليه بثقه
" عارفه يا فارس ووثقه فيك ، حبيبي انت بقيت أماني وحمايتي
نظر لها بعد سماعه لحديثها وهي تتحدث عن ثقتها به وشعر بالذنب اتجاهها وابتعد عنها بهدوء
نظرت له ملك بستغراب وسألته ما به
هز فارس رأسه وتحدث بسرعه وهو يقف من علي الفراش
" مفيش يا حبيبتي يلا قومي اجهزي عشان ارجعك بيت مدام عزه اكيد هما قلقنين عليكي وانا كمان لازم اروح الشركه
وذهب سريعا من امامها
نظرت له ملك وهي تشعر بوجود شئ ما هو لم يريد اخبارها به ولكن عليها معرفته حتى يطمئن قلبها
_________________________
ذهبت نانو لمقابلة شاكر في احدى الاماكن الهادئه
ابتسم لها ورحب بها بسعاده
جلست معه وهي تنظر حولها بقلق
ابتسم لها وتحدث بهدوء
" مالك قلقانه من ايه
ردت عليه بتوتر
" مش عارفه انا خايفه أوي وحسه اني بعمل حاجه غلط
ابتسم لها وامسك يدها وتحدث بثقه
" طول ما انتي معايا ماتخفيش
ابتسمت نانو بخجل وهي تنظر ليده وهي تمسك يدها
ابتسم شاكر برضى وهو يعلم بأن هذه العصفورة الصغيره لم تأخذ منه الكثير من الوقت والمجهود حتى يتم الايقاع بها
_______________________
اوصل فارس ملك امام منزل مدام عزه وذهب هو بسيارته الي الشركة
نظرت له ملك بستغراب ودخلت المنزل
وجدت مدام عزه تجلس هي ويوسف ولا يوجد احد اخر بالمنزل غيرهم
اقتربت مدام عزه وضمت ملك اليها وسألتها ماذا فعلت مع والدتها
ردت عليها ملك بأنها لا تريد الحديث في هذا الموضوع الان
احترمت مدام عزه رغبتها وتركتها تذهب الي غرفتها
دخلت ملك الغرفه وهي تفكر في احوال فارس الغريبه وتعلم ان هناك سر وعليها معرفته
لذا وقفت لتغير ملابسها حتى تذهب الي عملها هي ايضا
_______________________
دخلت فريدة غرفة مكتب اياد وتحدثت اليه بعصبيه
" بقى انت يا اياد عايز تسبني
نظر لها وتحدث بهدوء
" ممكن تهدي شويه عشان نعرف نتكلم
نظرت له بقوة وتحدثت بتحدي
" أنا مش ههدى غير لما اطلق منك دلوقتي واعرف يا اياد ان مش فريدة المسيري الا يتقال عليها ان جوزها سابها وخصوصا لما يبقى جوزها واحد زيك ملوش اى قيمه
صفعها اياد علي وجهها بقوة وتحدث اليها بصوت حاد وقوى
" انتي طالق يا فريدة طالق ومش عايزك تقربي مني ولا من حياتي تاني لانك وقتها صدقيني هتشوفي مني وش عمرك ما شوفتيه
وضعت فريدة يدها علي وجهها بصدمه وتحدثت اليه بقوة
" وانت صدقني يا اياد هتدفع تمن القلم دا غالي أوي
ثم خرجت من مكتبه وذهبت بغضب
جلس اياد علي مكتبه وهو يعلم بأنه لن يستطيع العمل معها في نفس الشركه لأنه اصبح الان لا يريد رؤية وجهها وعليه التحدث مع الجد مرة اخرى في هذا الموضوع
______________________
دخلت إيمان مكتب أدم في المصنع وهي تتحدث اليه بغضب
" أدم أنا زهقت
كان أدم ينظر الي بعض الاوراق الموجود بها قائمة الطلبيات المطلوبه من المصنع ومواعيد تسليمها
ترك أدم ما بيده ونظر اليها وتحدث اليها بمشاكسه
" زهقتي من ايه يا حبيبتي ان احنا خطوبتنا طولت معلش اول ما الشقه تجهز هنتجوز علي طول
نظرت له إيمان بغضب واقتربت منه وهي تتحدث بانفعال
" جواز ايه يا أدم انا بتكلم في حاجه تانيه ، كل الموظفين والعمال من وقت ما احنا اتجوزنا وهما علي طول بيعملوني علي اني مرات المدير بتاعهم ومش بيخلوني اشتغل او اعمل اي حاجه
ابتسم لها أدم ووقف من مكانه واجلسها هي مكانه علي المكتب واستند هو علي طرف المكتب امامها وتحدث اليها بمشاكسه
" يا حبيبتي انتي مش موجوده هنا عشان تشتغلي انتي تقعدي ملكه كدا واحنا الا نشتغل
نظرت له إيمان بغضب وتحدثت بحده
" علي فكره يا أدم انا بتكلم بجد انا زهقت وحسه اني مقصرة في شغلي
اقترب منها أدم وتحدث بمشاكسه
" طب بما انك حسه انك مقصره في شغلك طب مش حسه كمان انك مقصره في حق جوزك ومطلعه عينه معاكي
وقفت إيمان من علي مكتبه وتحدثت اليه بغضب وهي تقف أمامه مباشرة
" أنا مقصره في حقك طب أزاي بقى
اقترب منها أدم بسرعه وقبلها وهو يضم وجهها بيده
تجمدت إيمان مكانها من الصدمه غير قادره علي الحركه
قبلها أدم بعشق وتعمق في قبلته بكل أشتياق
وبعد قليل ابتعد عنها وهو ينظر لوجهها بعشق كبير ويرى احمرار وجهها من شدة الخجل
ضم وجهها اكتر بيده وتحدث اليها بعشق
" حبيبتي انتي مراتي يعني مفيش داعي للخجل دا
نظرت له إيمان وتحدثت بصوت ضعيف
" بس كدا عيب وانت فجأتني
نظر لها بصدمه وابتسامه وتحدث اليها بمرح
" هو ايه الا عيب يا حبيبتي علي فكره الا انا عملته دا عادي جدا انه يحصل ، واكتر من كدا كمان بس دا في بيتنا بقى ان شاءالله
نظرت له إيمان بصدمه وتحدثت بغضب
" علي فكره يا أدم انت فجأتني النهارده جدا وانا طلعت مخدوعه فيك انا ماكنتش اعرف انك كدا
ثم تركته وذهبت بغضب
وقف أدم وهو ينظر أمامه بصدمه ويضحك علي كلامها وافكارها المجنونه ويحدث نفسه بمرح
" فجأتها !! هي كانت فكره ايه بالظبط ، دا انا شكلي هيطلع عيني معاكي يا إيمان
___________________________
وصلت ملك الشركة وذهبت الي مكتب مروان لتعتذر له عن التأخير
استقبلها مروان بابتسامه واخبرها تقديره لظروفها واكد علي عدم انزعاجه وسألها باهتمام
" بس انتي فيكي حاجه متغيره من يومين اقدر اعرف ايه هي
نظرت له ملك وتحدثت بتأكيد
" فعلا في حاجه مهمه حصلت معايا وانا المفروض احكيهالك لان في حاجه انا مش فهماها وممكن يكون عندك تفسير ليها
نظر لها مروان واستمع لها باهتمام
وبدأت ملك تحكي له كل شئ حدث معها وتسبب في زواجها هي وفارس
نظر لها مروان بصدمه وهو يسألها بتأكيد
" يعني انتي دلوقتي مرات سيد المغرور........قصدي يعني مرات فارس المسيري
هزت له ملك رأسها بتأكيد
ثم بدأت تحكي له بأنها تشعر بان فارس به شئ غريب وتشعر انه يخفي عنها شئ
سألها مروان باهتمام شديد
" هو جوازك انتي وفارس مجرد جواز علي ورق انه يحميكي من جوز والدتك ولا هو جواز ايه بالظبط
نظرت له ملك بعدم فهم وتحدثت بتأكيد
" فارس اتجوزني عشان يحميني من صلاح جوز ماما ، بس بعد ما اتجوزنا قالي انه هينهي علاقته ب أيتن وهيعلن جوازه مني وهكون زوجته قدام الدنيا كلها
نظر لها مروان وسألها باحراج
" ملك هو انتي وفارس حصل بينكم حاجه بعتبار يعني انك مراته
نظرت له ملك بعدم فهم
علم مروان عدم فهمها وتحدث اليها بطريقه اوضح
" يعني قصدي ان انتي وفارس جوازكم دا علي الورق وبس ولا حصل بينكم حاجه من الا بتحصل بين اي اتنين متجوزين
هزت ملك رأسها ب لا وأكدت له ان زواجهم علي الورق فقط
ابتسم مروان براحه وتحدث اليها بهدوء
" الحمدلله طمنتيني
نظرت له ملك بستغراب وتحدثت بشك
" ليه يا مروان هي ايه الحكايه بالظبط
نظر لها مروان وتحدث بأسف
" الحكايه ان فارس حدد ميعاد جوازه من أيتن أمبارح
يتبع الفصل 20 اضغط هنا