رواية ما بداخلي البارت الثاني وقبل الاخير بقلم مريم سمير
رواية ما بداخلي الفصل الثاني
_انت سكران
=لي هو انا قدامك بروح يمين وشمال؟
_لا سمح الله
مسكته قبل ميقع وسنده على السرير
_انتي حلوه اوي كده لي
=خلقه ربنا ونام
_..
نام وانا فضلت بصاله لي تعمل كده في نفسك؟ لسه مش عاوزني اشوفك انسان كويس طيب!!
صحيت الصبح قبل ما كله يصحى وخرجت وجيت لقيته واقفلي نفس الوقفه ومربعلي ايده
_كنتي فين
=انت مش بتهبط؟
مسك شعري وقربني منه_ بقولك كنتي فين
=اه اه شعري سبني يا أحمد
_بقولك كنتي فين؟
=في الكليه
زقني بعيد عنه وضحك
_كليه اي معلش؟
بدموع=انت فاكرني أقل منك بس لا، زي منتا معاك كليه تجاره وماسك شغل باباك انا كمان في سنه التخرج شوفت بقى اننا دي بعض، عشان كده لما، لما كنت خدامه هنا كنت مش بتجي الصبح عشان كنت بدرس، انا بشتغل بس عشان اصرف على نفسي لغايه متخرج، يرتني متجوزتك والله
_طب اهدي طيب
قرب مني وقعد جمبي
_انا اسف متزعليش
قومت من جمبه =لما اتخرج مستحيل اقعد معاك وهتطلقني وهشتغل وصدقني هنتقابل تاني وهتبقي أعلى منك بكتير افتكر دا
سبته وطلعت برا في الجنينه المكان الي بعرف اعيط فيه من غير محد يشوفني
لقيته قعد جمبي وباصص في السما زيي
_انا اسف والله انا عارف اني زعلتك كتير وجيت عليكي اكتر، بس عشان انتي فعلا احسن مني وبكتير، بتعرفي تعتمدي على نفسك وكويسه ومحترمه، فاكره لما قولتيلي انك اشرف بنت ممكن اعرفها فعلا انتي معاكي حق، كنت كل يوم اشوفك الصبح من اول يوم اشتغلتي فيه هنا كنت بحب ابصلك واسمعك وانتي بتغني بصوتك الوحش دا، اشوف ضحكتك، ولما تغيبي بكون متعصب ومش طايق نفسي، بحاول ادور عليكي في كل بنت بعرفها بس انتي مش موجوده فيهم انتي لوحدك كده ومفيش حد زيك يمريم، يمكن انا وحش ووحش اوي بس انا شايفك أعظم حاجه في حياتي والي بتديني الأمل وبتحب اهلي، انا حاولت اتجنبك ومفكرش فيكي بس انا وقعت وقعت فيكي يمريم وعمري محبيت غيرك
كنت مبلمه وبصاله ومش عارفه ارد وهو قام ودخل جوا، هو فيه اي؟ الكلام دا بجد والله، أحمد قال كلام حلو في حقي!! ثواني ثواني هو قال إنه بيحبني!!
دخلت جوا وطلع الاوضه لقيته قاعد وماسك اللاب توب بتاعه بصلي ورجع بص ليه تاني
_احمم فطرت؟
=ايوه
_ممكن اطلب منك طلب؟
=قولي يستي
_معتش تشرب حاجه تاني
=اشرب اي!! انا مش بشرب اصلا
_نعم؟
=انا اه وحش بس مش بشرب يعني
_انت قمر يعم وحش اي بس
=بجد والله
_اه والله، هغير هدومي ونصلي سوا
كنت مستغربه هو ازاي مش بيشرب وكان جاي سكران امبارح!!
غيرت لبست الاسدال وصلينا كنت مبسوطه اوي وحاسه انه لطيف فعلا
_تقبل الله
=تقبل الله منا ومنكم
_شكرا يمريم
=على أي بس، من هنا ورايح تصلي معايا بقي
ابتسم _ اتفقنا
قعدنا نتكلم ونهزر سوا ونسيت الإنسان الاولاني إلى طلع وراه شخص طيب ودمه خفيف، يمكن انا الي معرفتش اشوفه حلو، أو يمكن كان بيقصد يعاملني كده
عملت الغدا واتغدينا احنا وباباه ومامته وهو راح الشغل ورجع بليل ونمنا بعد كلام كتير اوي اصل طلعنا لكاكين زي بعض
صحيت بدري لقيته صاحي!!
_اي دا في اي
=يلا عشان الكليه
_!!
=لسه هتنحي يلا عشان عاملك سندوتشات عشان بتروحي من غير فطار
_احمد
=يروح احمد
_انت طيب أوي
=اه منا عارف
ابتسمت قومنا صلينا وفطرنا سوا
_هوصلك عشان اروح انا كمان الشركه وابقى فوتي عليا نروح سوا
=بس..
_يلا يبه قدامي
=الاه!!
روحت الكليه وكانت كل البنات بصينلي تعالوا اتجوزوه بدالي يلا مهو دا الي ناقص!!
خلصت الكليه وروحت الشركه
كانت السكرتيره مش قاعده على المكتب، قومت داخله
لقيتها قريبه من أحمد اوي وهي بتفكله زراير القميص
_أ أحمد!!!
يتبع الفصل الثالث والأخير اضغط هنا