رواية عشقت ملاك البارت العشرون 20 بقلم هاجر جمال
رواية عشقت ملاك الفصل العشرون 20
"خرجت ملاك من المدرسه ووجدت مالك ينتظرها بسيارته كعادتها فودعت صديقتها ترنيم وتقدمت نحو مالك الذى كان مبتسما لها فتح لها باب السياره وركبت ثم دخل استدار ليركب فى مكانه متجها نحو البيت"
ملاك بابتسامه:"كنت عايزه فى يوم انزل اشترى هديه لترنيم لأن عيد ميلادها قرب خلاص."
مالك:"ماشى يا ستى نبقى ننزل فى يوم،على مستنى اليوم دا من زمان اوى اليوم اللى تتم فيه 18 سنه،عشان هيروح يتكلم مع ابوها يمكن يوافق المرادى."
ملاك:"إن شاء الله هيوافق أنا عندى احساس انو هيوافق المرادى مش عارفه ليه."
مالك:"يارب بس دا طبعا بعد الامتحانات،بس أنا مش عايزك تقولى حاجه لترنيم خالص."
ملاك:"ماشى حاضر مش هقولها حاجه."
مالك بحب:"المهم بقى خلينا فى نفسنا كام شهر وتم 18 سنه يا ملاكى ونتجوز بقى."
ملاك بتوتر:"مالك هو انت مش شايف انو لسه بدرى عليا وانو دا مش سن مناسب لجواز."
أوقف السياره واستدار لها وقال بحنان:"فى اى يا حبيبتى اظن انك كنتى موافقه على الكلام دا."
ملاك:"ما عشان أنا كنت صغيره ساعتها ومكنتش عارفه حاجه."
ابتلع ريقه بخوف وقال:"فى اى يا ملاك تقصدى اى بكلامك دا،ثم اكمل بحزن،ولا تكونى عايزه تبعدى عنى عشان استعجلت عليكى"
ملاك بلهفه:"لا يا مالك أنا مقدرش ابعد عنك طبعا ودا مش قصدى خالص،انا قصدى انى صغيره اوى على الجواز ودا بيبقى مسؤوليه كبيره وانا مش هقدر اشيلها دلوقتى."
امسك يديها الاثنين وقال:"أنا مش هخليكى تشيلى مسؤوليه خالص لأن أنا اللى هبقى شايل كل حاجه،انا بس كل اللى عايزه انك توافقى نتجوز لانى محتاج الإقيكى جنبى على طول."
ملاك باستغراب:"طب ما انا معاك على طول يا مالك."
مالك:"لا يا ملاك مش معايا على طول،انا عايز لما اصحى من النوم الإقيكى جنبى ابقى اول حاجه اشوفها لما اصحى عايز قبل النوم اخدك فى حضنى واقعد احيكلك حدوته ،عايزك تبقى فى حضنى على طول."
ملاك بحب:"يعنى لو وافقت اتجوزك الفتره ديه هتحيكلى حدوته قبل ما انام بجد."
مالك بحسره:"يعنى انتى سبتى كل دا ومسكتى فى دى بس."
ملاك:"هههههه بهزر معاك قولت افك شويه الجو الحزين دا ."
نظر لها بصمت فقالت هى بضحكه:"خلاص يا عم متبصليش كده الله،هعطف عليك واوافق امرى لله."
مالك بذهول:تعطفى عليا وامرك لله،لا كلك كرم والله."
ملاك بغرور:"شوفت عشان تعرف بس."
مالك:"هى دى بقى التقلبات اللى بتظهر لما حد يدخل الجامعه صح،ماشى أنا اللى احسن اسوق من سوكات."
ملاك:"ههههههه."
"على الجانب الآخر كان على يجلس فى مكتبه ويتحدث مع ترنيم فى الهاتف كعادته"
على:"عايزك تركزى فى الامتحانات ها أنا مش عايز مراتى تبقى فاشله."
ترنيم بغيظ:"لا متقلقش أنا طول عمرى بجيب مجموع عالى."
على بضحك:"ما انا عارف ان الصغنن بتاعى شطور أنا بس بستفزك،باخد حقى ما انتى ياما كنتى بتستفزينى،فاكره اول مره شوفتك فيها قولت اى."
ترنيم بضحك:"هههه اه فاكره لما قولتلك عمو على ههههه."
على بغيظ:"شوف برضو بتقوليها تانى يا ترنيم."
ترنيم:"ههههه كده خالصين يا باشا."
على بحنق:"باشا اى هو انتى شايفنى فى لجنه بوليس وبقولك رخصك عشان تقولى باشا."
ترنيم:"تؤتؤ مالك بس يا باشا خلى بالك العصبيه مش حلوه خالص عشانك."
على يتوعد:"ماشى يا ترنيم بس لما تيجى تحت ايدى متلوميش الا نفسك."
ترنيم بمرح:"يامى يامى خاف يا عيد."
على بذهول:"بتقوليلى أنا خاف يا عيد أنا يا ترنيم الكلب."
ترنيم بطفوله:"اهو انت يا على."
على بذهول:"اهو انت،انتى يا بت شايفنى عيل بلعب معاكى فى الشارع عشان تقوليلى اهو انت."
ترنيم:"ههههههههههه يالهوى هههههههههه."
على :"طب سلام بقى عشان مالك بيتصل يلا يا مستفزه من هنا يلا."
ترنيم بضحك:"سلام."
هز رأسه منها وقال:"سلام يا صغنن."
قفل معها ورد على مالك وقال:"الو يا مالك."
مالك بجديه:"اى يا بنى مش بترد لى."
على:"معلش كان فى واحده مستفزه بكلمها."
مالك بضحك:"هههه عارفها كويس بس مش لوحدك يا على الظاهر الجيل كله كده"
"ونظر لملاك بغيظ التى كانت تجلس بجانبه وتبتسم لها باستفزاز"
على:"ههههههه حتى انت كمان."
مالك بخبث وهو ينظر لملاك:"نعمل اى بقى مطريين نستحملهم وأمرنا لله."
"نظرت له بغيظ واشاحت بوجهها الجهه الاخرى فابتسم عليها"
على:"يا اخى عليها حبه استفزاز بيخلينى ابقى عايز امسكها وارميها من عاشر دور."
مالك بضحك:"معلش الحب بيعمل اكتر من كده."
على بتنهيده:"اه والله،المهم أنا خائف ابوها يرفض المره ديه كمان زى المرات قبل كده."
مالك بجديه:"متقلقش إن شاء الله خير،اكيد ابوها لما يلاقيك مصر عليها اوى كده هيفهم انك بتحبها بجد وهيوافق أن شاء الله."
على بأمل:"يارب يا مالك،ولو موافقش المرادى..."
مالك بمقاطعة:"انسى يا على انسى مش هخليك تسافر ."
على:"ماشى يا مالك سلام دلوقتى."
مالك:"سلام."
مالك بخبث:"ملاكى زعلان فى حاجه منى ولا اى."
ملاك بطفوله:"اه ومش تتكلم معايا أنا مخصماك."
مالك وهو يقترب منها وقال:"مخصمانى ليه يا ست ملاك."
ملاك بغيظ:"ست اى يا عم انت شايفنى عندى ستين سنه وسنانى واقعه."
مالك:"بت انتى انتى خادتى عليا اوى."
ملاك :"مسميش بت واوعى كده أنا مخصماك."
مالك بحنان:"ملاكى حبيبتى يا روحى متزعليش بقى."
ملاك بابتسامه:"ماشى،المهم انا جعانه."
مالك:"أنا طلبت اصلا من بدرى ودقيقتين والأكل يجى."
"بعد مرور عده ايام جاء موعد الاختبارات الثانويه وبعد انتهاء الاختبارات،ذهب على إلى والد ترنيم لكى يتحدث معه"
والد ترنيم:"خير يا بنى."
على بهدوء:"حضرتك عارف انا جى لى،واتمنى مترفضش المرادى."
والد ترنيم:"انا لما قعدت وفكرت مع نفسى لاقيت انك فعلا بتحبها والا مكنتش الفتره ديه كلها تيجى كل شويه تتقدملها."
ابتسم على بأمل وقال:"يعنى حضرتك عايز تقول اى."
والد ترنيم بتنهيده:"مع ان فرق السن دا عقبه كبيره بس أنا من ناحيتى موافق وطبعا المهم رأى ترنيم،انا هتكلم معاها وأشوف رأيها واقولك."
"لم يصدق على لانه اخيرا وافق لم يدرى بنفسه عندما تقدم نحوه واحضتنه بسعاده كبيره"
يتبع الفصل الواحد والعشرون 21 اضغط هنا