رواية الحقيقة المخفية الفصل الخامس 5

رواية الحقيقة المخفية البارت الخامس 5 بقلم ملك محمد

رواية الحقيقة المخفية الفصل الخامس 5

توقفنا عندما أخرج ساهر المسدس من جيبه وصوبه نحو نور قائلا

: متتحركش من مكانك 

لم ينتظر حتى تنطق نور بحرف واحد واطلق الرصاصه نحوها مباشرة 

وضعت نور يدها ع وجهها وبعد إطلاق الرصاصه ظنت انها أصابتها 

ذهب ساهر ناحيتها وأمسك بثعبان بجانب قدمها مباشرة قد اخترقت الرصاصه رأسه 

قاد قلب ينور يقتلع من الرعب فتحت عينها ببطئ وازاحت يدها عن وجهها نظرت اليه وهو يلقى الثعبان بعيداً ولم تشعر بنفسها بعدها 

سقطت مغشية عليها بسبب ذلك المشهد المروع 

إلتقطها ساهر بسرعه على ذراعيه 

كان ضوء هاتفه قد انطفئ فلم يكن يرى شيئاً لكنه شعر بشئ ما وهو يحملها بين يديه 

قال لنفسه : اغمى عليه من طلقة! اي الشاب الغريب داه 

حملها وذهب بها لسيارته واخذها معه للمنزل

وضعها ع الأريكه ثم نادى ع الخادم قائلا 

: يزن تعالى فوقلي الأستاذ داه 

آتى يزن مسرعا وهو يحمل عبوة كولونيا وبدأ يرشها على وجه نور 

كان ساهر يقف يراقب المشهد من بعيد 

ينظر لنور وهي مغمضه عيناها وملقاه ع الأريكه 

وفجأه وبدون سابق إنذار أخذ عبوة العطر من يد نبيل وأخبره ان يذهب 

إقترب من نور ورش العطر على وجهها بنفسه لكنها لم تستيقظ 

ظل يتمعن في وجهها بشده 

مد يده بلطف يلمس خديها لكن سرعان ما تراجع قائلا في نفسه 

: اي الغباء ال انا بعمله داه 

فجأه تفتح نور عينها ببطئ تحاول تركيز بصرها حتى استاطعت رؤية ساهر كان وجهه قريب جدا من وجها 

دفعته بسرعه واعتدلت من نومتها 

ساهر وهو يضع يده على صدره 

: بالراحه شويه هو انا هاكلك 

نور بتوتر وارتباك : هو اي ال حصل بالظبط

ثم نظرت حولها بتمعن فوجدت نفسها في مكان أشبه بالقصر 

قالت بشرود : وه وه هو انا مت ودي الجنه 

ابتسم ساهر من جملتها

ثم فجأه فركت شعرها قائله 

: لا ساهر بيه هنا اكيد دي مش الجنه الأشكال دي متروحش جنه لا

ساهر بصدمه : نعم !

نور بتوتر : اقرصني ياباشا علشان اتأكد اني مموتش ولسه عايش

ساهر أخرج المسدس من جيبه وصوبه نحو نور قائلا 

: مبعرفش اقرص غير بالطريقه دي كدا 

نور وقفت من مكانها برعب قائله 

: لا لا خلاص انا كدا اتأكدت ان انا عايش 

ساهر ادخل المسدس مره اخرى في جيبه قائلا

:في حد غبي ينام ف مكان قيد الإنشاء زي داه انت متعرفش ان الرمال دي كلها عقارب وتعابيين 

نور بحزن : مش احسن ماابات ف الشارع 

ساهر : معقوله معندكش بيت 

نور : لا 

ساهر : وعيلتك فين

نور : اتبروا مني 

ساهر بذهول : اتبروا منك ليه 

نور بتوتر : لا مفيش اصلهم شايفين اني شبه البنات شويه فبيقولوا اني كدا هجبلهم العار 

ساهر بشرود وهو يتخيل شكلها وهي بين ذراعيه رد قائلا : ف دي عندهم حق 

نور بضحكة ارتباك : اه مانا عارف فقررت اعتمد ع نفسي والحمدلله يعني تقريباً امي داعيه عليا علشان كدا وقعت ف واحد زي حضرتك

ساهر رفع حاجبه ونظر اليها بجديه 

نور ارتعبت من نظرته قالت بسرعه : امي دعيالي دعيالي هه ههه 

ساهر وقف من مكانه واقترب من نور قائلاً بصوت مرتفع وبحده 

: اول حاجه انت مفروض تحمد ربنا انك مش بنت لأن البنات ممنوعيين من دخول الفيلا هنا كل طاقم الخدم رجال حتى الأصدقاء ال مسموح ليهم بالدخول رجال فقط وبما انك رجل فانا هعينك مع طاقم الخدم تمام

نور وهي تبتلع ريقها الذي جف في حلقها فجأه 

: تمام يافندم 

ساهر : تاني حاجه لازم تعدي من الأختبار علشان تثبت انك تستاهل تنول شرف خدمتي وانك تعيش هنا ف الفيلا

نور بصدمه وكحه : شرف خدمتك اهؤ اهؤ 

ساهر : اي الكلام مش عاجبك

نور وهي تكز على اسنانها وتتكلم بصوت منخفض : لا عاجبني عاجبني وانشاء الله هجتاز الإختبار واثبتلك ولائي ياحضرة المتعجرف 

ساهر : ها 

نور : بقول ياحضرة الشاب الوسيم 

ساهر بصوت مرتفع 

: يزن ( وهو رئيس الخدم شاب ف العشرين من عمره يعمل خادما إضراراً حتى يستطيع الإنفاق على عائلته الفقيره التي تتكون من ام واخ واحد واخت واحده وهو اكبرهم لا يقل وسامة عن ساهر طموح جدا ومرح والإبتسامه لا تفارق وجهه ) 

يزن: تحت امرك يافندم

ساهر وهو يشير ع نور : خد الكائن داه نضفه ولبسه لبس الخدم وفهمه الأختبار هيبقى ازاي علشان هيبدأ من بكرا

يزن : تحت امرك يافندم 

ثم طلب من نور ان تمشي معه الى غرفت الخدم

نور وهي تشم رائحة ملابسها 

: هو قال خد الكائن دا نضفه 

يزن بإبتسامه  : دا اسلوب ساهر بيه لازم تتعود 

نور وصلت لمكان المطبخ رآت الطعام الشهي ف كل مكان 

سال لعابها بشده 

يزن لاحظ ذلك قال لها

: جعان مش كدا 

نور هزت رأسها مثل الأرنب

يزن بإبتسامه : هتدخل تاخد شاور حالا وتغير هدومك وانا هجهزلك احلى سفره ترحيباً بصديقنا الجديد 

ثم اعطاها الزي الخاص بالخدم

نور بفرح امسكت منه الملابس قائله 

: الحمام منين يافندم 

يزن بضحك : لا فندم اي انا اسمي يزن 

ومد يده ليسلم عليها 

نور مدت يدها هي الآخرى لتسلم عليه قائله 

: وانا اسمي نور 

ثم ذهبت لتستحم وترتدي ملابس العمل 

_____بقلم ملك محمد______

لنترك القاهره قليلاً ونعود للصعيد 

في النادي الرياضي 

لارا بتعب : يلا ياحلوين خلصنا تدريب النهارده 

الأطفال خرجوا بفرح

لارا ذهبت ناحية حقيبتها لتحملها وتذهب

 فجأه يأتي عمر ويضع يده على كتفها قائلا 

: واضح انك نسيتي الإتفاق 

لارا بإبتسامه : انا قولت مش هتجي 

عمر : وانا قولت كدا بردو بس معرفش اي ال جابني 

لارا بتعجب: ها ! 

عمر بإبتسامه : مفيش تحبي نبدأ دلوقتي 

لارا بتعب : تمام ماشي 

عمر : واضح انك تعبانه 

لارا : لا لا انا كويسه 

عمر طرقع أصابعه ورقبته قائلا : تمام يبقى نبدأ 

لارا بلطف أمسكت بيده ورفعتهم امام وجهه قائله

: اهم حاجه ف الكاراتيه انك متخليش الخصم يوصل لوشك ابدا بتضرب وترجع ايدك ف وضعية الدفاع تاني بسرعه

عمر : تمام ممكن نجرب 

لارا رفعت يدها لتضربه بالبوكس

 لكن عمر محترف اساسا في تلك اللعبه فهو ظابط شرطه ويعلم كل فنون القتال 

حاول ان يجعل لارا لا تشك فيه فتلقى الضربه على وجهه وسقط ع الأرض 

لارا بلهفه اقتربت منه : انت كويس انا اسفه مفروض تحط ايدك قدام وشك وتدافع عن نفسك

عمر وهو يضع يده على فمه بتمثيل 

: ايدك جامده اوي وانا لسه مبتدأ ياكابتن بالراحه شويه

لارا ذهبت بسرعه وآتت بكيس ثلج لتضعه على الكدمه 

عمر ظل ينظر ف عينها وهي تضع الثلج ع وجهه ويبدو عليها القلق 

لاحظت لارا انه ينظر لها فتلاقت عيناها بعينه 

شعرت بالتوتر فتركت كيس الثلج وادارت وجهها قائله

: واضح انك بتدلع 

عمر ادار رأسها له قائلا 

: مش عايزه تبصي ف عيني ليه 

لارا وهي تنظر في عينه : عيونك حاده ومرعبه خايفه اغرق جواها معرفش اطلع فبقول خليني ع الشط احسن 

ثم تركته وحملت حقيبتها ومضت 

لحق بها عمر وسار بجانبها قائلا 

: طالما خايفه تغرقي مبتتعلميش العوم ليه 

لارا بعصبيه : واضح انك فاضي ورايق كمان 

عمر بإبتسامه : ابدا دانا مطحون ف الشغل انتي عارفه علشان اجي م القاهره للصعيد باخد كام ساعه سفر 

لارا : اقولك حل سهل 

عمر بتعجب : قولي 

لارا : متجيش تاني 

عمر شعر بالإحراج فقال : ع فكره انتي كدا بتغشي انا مدربتش وانتي وعدتيني تدربيني 

لارا تذكرت المال الذي عرضه عليها فقالت : مش رايقه النهارده ممكن نبدأ تدريب من بكرا 

عمر : واي معكر مزاجكك ممكن اعرف 

فجأه يمر شاب بجانبها ويصتدم بكتفها دون قصد

لارا بعصبيه : في اي ياشبح ماتبص قدامك 

الشاب بخوف : انا اسف انا اسف 

عمر بإبتسامه : لا جامده وميتخفش عليكي 

ركبت لارا الأتوبيس وركب عمر أيضاً 

لارا بذهول : انت رايح فين انت مش عندك عربيه

عمر بإرتباك : رايح هناك وبعدين عربيتي عطلت فجأه

لارا بتعجب : هناك فين

عمر : وانتي مالك اما انتي حشريه بشكل 

كان الأتوبيس مزدحم ولم يجدو كراسي فارغه ليجلسوا عليها فأضتروا للوقوف 

لارا اخرجت الهاند ووضعته في أذنها

عمر لاحظ ان احد الشباب الواقف معهم ينظر للارا بتمعن 

عمر اقترب من الشاب واخفض رأسه ناحيته وهمس له قائلا 

: عينك علشان مخلعهاش 

ارتعب الشاب من نظرة عمر له وترك المكان نهائيا وذهب ليقف بعيداً

نزلت لارا من الأتوبيس ونزل عمر ورائها 

ظل يمشي ورائها وهي تمشي امامه مبتسمه فهي تعلم انه خلفها 

وصلت لمنزلها وصعدت بسرعه لغرفتها وفتحت النافذه وجدته بالأسفل 

ابتسمت بخجل ودخلت الغرفه 

مضى عمر في طريقه 

اثناء سيره اتى له اتصال من أحد زملائه ف العمل قائلا

: حضرت الظابط ال بقى يخلص شغل ف المكتب ويهرب ومبقناش عارفين نوصله 

عمر :  دايما ظالمني كدا انا بس مهتم بالقضيه بتاعت المتهمه المحكوم عليها بالأعدام الفتره دي وبراقب صديقة المتهمه 

صديقه : ووصلت لحاجه

عمر : للأسف لسه 

صديقه : طيب المهم احنا هنسهر سوا النهارده هتيجي ولا لا

عمر : جايلك ياكبير بس ماتبدأوش السهره الا لما اجي 

______

لارا كانت في غرفتها 

تجلس امام المرآه وتحدث نفسها قائله 

: هدربوا ازاي داه وكل مره بيبقى قريب مني بحس ان قلبي هيتخلع من مكانه 

منكرش اني معجبه بيه وحاسه انه معجب بيا هو كمان بس خايفه يكوني احساسي غلط وكل داه وهم وافوق ع كابوس 

ثم قالت لنفسها

: لا يا لارا لا ابعدي عنه ممكن يكون بيلعب بيكي مش اكتر واحد غني وابن ناس زي داه هيبص لواحده زيك ع ايه

___________

"نعود لفيلا ساهر عزت المنشاوي"

خرجت نور من الحمام وارتدت الزي الخاص بالخدم 

كان شعرها مبلل فوضعت فوطه فوقه وظلت تجففه 

كان شعرها القصير المنسدل على عينها يتراقص ف الهواء

يزن يراقب المشهد من بعيد 

بعد استحمام نور ملامحها بدت اجمل بكثير وظهر بياض وجهها وحمرة خديها ونعومة شفتيها التي كان يخفيهم التراب 

ارتدت قبعتها مره آخرى وقالت بإبتسامه : اخدت شاور ولبست الهدوم ها كدا تمام 

يزن وهو ينظر لها بدهشه ابتلع ريقه قائلا

: اها تمام بس شيل الطقيه دي مش مسموح بيها هنا

نور شعرت بالتوتر فهي ترتدي تلك القبعه حتى تخفي نصف وجهها ولا يستطيع احد النظر في عينها 

اقترب يزن منها وازاح القبعه بيده قائلا 

: لو عايز تفضل هنا دي لازم تترمي ف الزباله

نور بإرتباك : هو انا مش متعود امشي من غيرها بس تمام نجرب 

يزن  ينظر لها بتمعن دون التحدث 

نور شعرت بالإحراج فقالت : فين الأكل بقى ال قولتلي عليه 

يزن افاق من شروده قائلا : حالا ويكون جاهز 

لاحظ يزن ان لياقة نور غير مرتبه قال له

: اعدل لياقة القميص لأن ساهر بيه بيهتم جدا بالتفاصيل الصغيره دي 

نور بضحكة سذاجه : اه تمام حاضر 

ثم حاولت تظبيط ربطة عنقها لكن لم تستطع 

يزن اقترب منها قائلا 

: هات انا هعدلهالك 

امسك يزن بربطة العنق وبدأ بترتيبها رفعت نور عينها ونظرت في عينه بعفويه 

لم يستطع يزن تحمل الأمر وربط ربطة عنقه بسرعه وقال بإرتباك 

: انا هروح احطلك الأكل 

نور بإبتسامه : طيب 

ثم لحقت به 

وضع يزن الطعام ع الطاوله ف المطبخ واخبر نور ان تجلس 

نور جلست بفرح وبدأت تناول الطعام بكثره 

يزن بضحك : بالراحه شويه هتشرق 

نور والأكل في فمها: بقالي اسبوع باكل عيش وجبنه سبني استمتع بالأكل 

يزن بضحك : طيب كل براحتك وجهز نفسك علشان اعرفك ع طاقم الخدم هنا واقولك اي الأختبار ال هتعمله بكرا

نور لم ترد عليه وظلت تأكل بلهفه 

يتبع الفصل السادس اضغط هنا