رواية غيوم الشمس البارت الثامن 8 بقلم اطياف راحله
رواية غيوم الشمس الفصل الثامن 8
حياتي أصبحت لكي وحدك ملكك. لا أحد غيرك يمتلك القلب لا أحد غيرك يسري حبه في شراييني كسريان الدم أصبحت الهواء الذي اتنفسه وبدونه لا أستطيع العيش. لاتتركي قلبي وحيدا وتذهبي. فرحيلك بمثابه الموت بالنسبه لي... عودي تعود الحياه!!
الحق ياحاج جابر الحق ياحاج مصيبه ياحاج مصيه.
جابر // ايه اللي حصل فيه ايه ياغراب الشوم انت.
الرجل // الحق يابا الحاج لجيوا عزام البنداري مجتول ومرمي عند المصرف والبلد كليتها متجمعين هناك وبلغوا المركز زمانه على وصول.
جابر // طوالي بلغ الحاج عبد المجيد وجوله اني سابجه على هناك بسرعه.
الرجل // تمام ياحاج جابر هبلغه علطول واجوله يحصلك.
ياخراب بيتك يارئيسه كان مستخبيلك فين خلاص ياعزام روحت وسبتني للمرمطه من بعديك ياحزنك يارئيسه راح رجلك وسندك راح اللي كان حميكي معدلناش حد بعديك ياحبيبي.
جابر // بس ياست رئيسه وحدي الله كل البلد اهلك وناسك واللي جتله لازم ونعرفه.
رئيسه // وبعد ماتعرفه ياحاج انا عستفيد ايه جوزي عيرجعلي تاني و اللي راح راح خلاص.
عبد المجيد // استهدي بالله ياست بإذن الله هنعرفوا الجاتل والجانون عياخد مجراه وكل اللي ليه حج عياخده. خدي بتك وروحي دارك الحكومه جات والجثه عتروح الطب الشرعي يعني مالوش لازمه تجعدي اهنه.
رئيسه // ربنا ينتقم من الظالم حسبي الله ونعم الوكيل في اللي خلاني ارمله ويتم بتي وشردنا أكده منه لله منه لله.
ظابط الشرطه // من فضلك ياحاج جابر انا عايز الست رئيسه هناخد اقولها لسه وعايز الناس اللي شافت الجثه وبلغت عنها ممكن يتفضلو ا معايا وحضرتك والحاج عبد المجيد بما انكو ا كبارات البلد فيا ريت تيجوا وريا بعربيتكم.
جابر // تمام ياباشا احنا اصلا كنا جايين وراك من غير متجول احنا مش عيهدلنا بال غير لما نعرف الجاتل.
@@@@@@@@@@
حمدالله على السلامه ياابو سراج بتنهج ليه أكده زي مايكون حد بيجري وراك وكت بايت فين من امبارح جلجتني عليك عليك يانضري.
هيبه // دلاااال اخفي من وشي السعادي انا عفاريت الدنيا كليتها بتتنطط في وشي فمتخلنيش اخلي يومك مايعلم بيه الا ربنا غوري من وشي احسنلك.
دلال // براحه على نفسك شويه انت تغيب هاجج بره البيت وساعه ماترجع تجعلنا بزعابيبك.
هيبه // يا ليه يا بومه يحرج ابو اللي جابك هوانا مدخلش البيت مره الا لما تسمعين المرشح بتاعك ده انا طهجت منيكي تلاته بالله العظيم يادلال لو ماجصرتي لاجيب أجلك واللي يحصل يحصل عشان انا جبت أخرى منك ومعدش متحملك.
دلال // انا فيتهالك مخدره وماشيه ارتاح اصل كلمتي انا اللي بتجف في زورك.
هيبه // في داهيه داهيه تاخد اسمعي لو ابوكي جابر سأل عليا جوليله دا تعبان ونايم ومتصحنيش الا لما اجوم لوحدي.
دلال // ابويا جابر خرج عبجولو عزام الجهوي اتقتل والبلد مجلوبه وانت جاي تنام.
هيبه // نامت عليكي حيطه وانا اعمله ايه مايروح في داهيه هو التاني. يالا غوري واجفلي الباب وراكي عايز انام.
دلال // غائره نام ياخويا نام نوم الظالم عباده.
___________________________اطياف راحله.
ياستي عزيزه ياستي عزيزه الحجي ياستي الحجي.
عزيزه // جرا ايه يابت يامجصوفه الرجبه مالك مش على بعضك ليه.
فتحيه // يالهوي ياستي لوتعرفي اللي حصل واللي انا سمعته. الست بدريه واختها بيتكلموا على جوازه وضاح بيه والست شمس وعتجولها انها عتخليه يطلجها وتجوزه الست داليا وكل ده من غير سيدي الحاج عبد المجيد مايعرف حاجه
وعتجولها انهم مش خايفين من حد غير من العجربه.
عزيزه // ومين يابت العجربه دي اللي هما خايفين منها.
فتحيه // السماح والرضا ياستي وغلاوتك هما اللي بيجولو.
عزيزه // ماتنطجي يامجصوفه الرجبه.
فتحيه // لساني مش مطاوعني ياستي.
عزيزه // انطجي يابت الا اطلع روحك في أيدي.
فتحيه // حاضر ياستي عجول. عيجولوا عليكي انتي عجربه وهما مش خايفين الا منيكي
عزيزه // عجربه لما تلوشهم. واللي خلج الخلج لو يهم العجربه عتعمل فيهم ايه.
فتحيه // وسمعت كمان ياستي الست بدريه عتجولهم انها عملت عمل ليهم عمل علشان تفرجهم عن بعض. وأنهم مش خايفين غير من العجربه يجصدوكي انتي يا حجه.
عزيزه // بت المركوب أني عجربه طيب عوريكم العجربه عتعمل فيكم ايه. اللي عيموتني المره ألبومه مرت اخوي عملت أكده مهياش عارفه انها لماتخرب على شمس عتخرب بيت بتها وكل دا ليه عشان ترضى خيتها اشوف فيهم يوم التنين وخاصه المره ألبومه مرت اخوي اللي مفهماش حاجه واصل. بت يافتحيه اسمعيني زين عايزاكي تطجتجي ود انك معايا وتسمعي دبه النمله اللي عيجولوها عايزه اعرف ناويين على ايه.
فتحيه // عنيه ليكي يا حجه والله انا ماجيت اجولك غير عشان الست شمس دي طيبه جوي وبت حلال وطوب الأرض عيحبها دا الولاد الصغيرين مجهورين كلهم من يوم مامشيت وكل يوم يسألوني عليها لما جطعوا جلبي عيحبوه جوي جوي ياحاجه.
عزيزه // هعمل ايه وضاح دماغه ناشفه وهي دماغها انشف واني معرفهاش اعمل ايه ولو عبد المجيد عرف ان كل ده بيحصل من وراه عيطين عيشتي منك لله ياب آيه كله بسببك بس ورحمه بوي اللي محلف بيها باطل واصل مهسيبك تخربي بيت وضاح وكمان صالحه لو حكمت على عبد المجيد يطلجك ويرميكي بره البلد انتي وخيتك انا بجي ووجفلكم بالمرصاد وعوريكم العجربه عتعمل ايه.
____________________________اطياف راحله.
مالك بس ياابو عمه شايل طاجن ستة ليه.
وضاح // مديت ايدي عليها يابلال لتاني مره اول مره في حياتي أضعف جدام دموع حد.
بلال دا مش ضعف ياصاحبي دا حب.
وضاح // عتجول ايه حب ايه انت التاني.
بلال // حبيتها ياوضاح ومتنكرش حبيتها ومعتجدرش تعيش من غيرها وحياتك عتجف عندها انا بوضحلك الصوره عشان اللي جاي بعد أكده مترجعيش تندم.
وضاح // طيب اسكت مش عايز اسمع حسك .
بلال // انا مش عارف لحد ميته عتكابر وتغالط نفسا لما تلاجيها ضاعت من بين ايديك وبجت ملك حد تاني ساعتها متلومش الا نفسك.
ووضاح // عتخرف تجول ايه حد تاني دا انا كنت اجتله واجتلها لو تفكر حتى تبص لحد تاني مش تتجوز.
بلال // اومال ايه عاد مفكر انك بعد مطلجها عتفضل عايشه على ذكراك طول العمر وهي بتندب حظها انك سبتها واتجوزت.
وضاح // لو تبطل ترد عليه وكل كلمه أولها تعرضها وتبطل النديه بتاعتها.
بلال // هو انت عايز بعد ماتجول لها انك متجوزه غصب عنك وتجولها أنك كنت عتحب واحده تانيه ترد عليك وتجولك ايه خلاص ياسيدي هعيش خدامه تحت رجليك مرتك متعلمه وعندها عزه نفس وكبريا ء لايمكن تتخلى عنيهم جدام حد حتى لو كان الحد ده جوزها نفسه.
وضاح // هو انا جايلك عشان تجولي اعمل ايه تجطمني بالكلام اناعارف اني غلطت لما مديت يدي عليها ولما جولتها الكلام اللي جولت بس دا مايمنعش أن هي كمان غلطانه.
بلال // اعترف انك بتحبها وانك من يوم ماسابت البيت وانت مطيجش البيت باللي فيه.
وضاح // ايوه بحبها بحبها ارتحت أكده وكمان مش طايق ادخل البيت وملجيهاش فيه اليوم اللي بيعدي عليا ومشفهاش كأني ناجصني حاجه صورتها مبتروحش من خيالي واصل ومش جادر ابطل تفكير فيها كل حاجه كانت بتعملها كل كلمه كانت بتجولها دا انا كمان بجيت بردد كلامها اللي هي بتجوله.
بلال // دا مش حب وبس ياصا حبي دا عشج.
وضاح // مقدرش اعيش من غيرها بس دماغها ناشفه وعنديه واللي في دماغها اني عحب بت خالتي كيف ما امي جالت لها وما عيزاش تصدق حاجه غير أكده وكل اللي على لسانها طلجني طلجني والله اعصابي كانت عتفلت مني وكنت عرمي عليها اليمن مسكت نفسي بالعافيه وضربتها كف على وشها.
بلال // ضرباتها في بيت ابوها دا البعيد معندوش دم افرض أن اخواتها ولا ابوها شافوك.
وضاح // مايشوفو ا مرتي وبربيها حد ليه عندي حاجه.
بلال // دا البعيد بجح.
وضاح // ههههههه اعمل ايه عترد عليه كلمه بكلمه.
المشكله دلوكيت مش فيها المشكله في امي اللي بعتت وجابت خالتي وبناتها وعايزاني اكتب على داليا.
بلال // امك لسه على قديم ا متعرفش أن ابنها وجع على بوظه وحب الاميره شمس وان دلوكيت لو جابوله بنات الدنيا في كفه وشمس في كفه عيختار شمس. وطبعا الحاجه بدريه عمرها معتتجبل الحجيجه دي.
وضاح // دا امي كمان سهله عن خالتي خالتي عمرها معتتجبل فكره اني مش تتجوز بتها.
بلال // طيب وداليا ايه موجفك منيها دلوكيت.
وضاح // انا دلوكيت مبجتش شايف الا شمس ومش عارف افكر في حد غير فيها ونفسي ومني عيني أن ربنا يرزقني بخلفه منيها عايز بت تكون جميله شبهها وخاصه عنيها اللي عتوه فيهم.
بلال // انا جلت أكده برده انت رجعت ولا حدش سمي عليك . ييبجي مفيش حل غير تروح لحد عندها وترضيها وترجعها البيت.
وضاح // ما انا جلتلك على اللي حصل كله انت مبتفهمش.
بلال // يابني خد هديه حلوه وروح راضيه الستات بتحب الهدايا والكلام الحلو.
وضاح // نجتني بسكاتك وصب الشاي انا عارف زين اناهعمل خليك في نفسك.
بلال // بس أكده احلى كوبايه شاي في الدنيا فرحان فيك أنك وجعت ولاحدش سمي عليك .
_________________________ اطياف راحله
يعنى بقالنا يوم كامل هنا ووضاح لاسال علينا ولاعب نا هيا ايه الحكايه هو نسي اللي بينك وبينه ولا ايه.
داليا // ينسى !!!!! ينسى مين انا متنسيش ياماما دا كان ديما يكلمني بعد متجوز ويقولي انه مش قادر يعيش من غيري وأنه مش طايق اللي اسمها شمس دي.
ناديه قلبي مش مطمن أقل حاجه لما كان يعرف اننا هنا كان جه يقابلنا ويسلم علينا ويرحب بينا.
داليا// قصدك ايه ايه ياماما أن وضاح خلاص نسي اللي كان بينا بعد متجوز اللي اسمها شمس دي كانت تبقى مصيبه ما انتي عارفه اللي فيها.
ناديه // عارفه.. الله يخربيت عمايلك السوده اللي وصلتنا لكده رخصتي نفسك.
داليا // يوه ياماما كل شويه تكلميني في الموضوع ده اللي حصل حصل وخلاص وانا كنت اعرف منين أن الواطي اللي اسمه بهاء هيعمل عملته ويخلي بيه ويسيبني ما كل حاجه كانت على ايدك.
ناديه // أحمدي ربنا ان ابوكي مش عايش كان وشرب من دمك بعد عملتك السوده.
داليا // الكلام مالوش لازمه اللي حصل حصل وخلاص المهم دلوقت أن وضاح يتمم جوازنا تحت أي ظروف حتى لو هتجوزه شهر واحد ويطلقني.
ناديه // انتي فاكره وضاح اهبل هتقدري تضحكي عليه وتلبسيه الليله كلها.
دداليا // انا عارفه انا بعمل ايه ومرتبه الموضوع في دماغي كويس بس اشوفه الأول واعرف ليه لحد دلوقت مجاش يشوفني.
هدي // حرام عليكوا بقى انتوا ايه ايه الشر اللي جواكم ده اللي انتوا عايزين تعملوه لو اتكشف مش عارفين وضاح ممكن يعمل فيكم ايه ولا هيراعي انه كان بيحبك ياست داليا ولا هيراعي انك خالته ياماما انتو ا اصلا ازاي تفكروا أن لعبه زي دي ممكن تخيل على وضاح انتوا فاكرين ايه ساذج للدرجادي
داليا // اسكتي انتي. انتي اصلا مبتفهمش حاجه وضاح بيحبني وممكن يعديلي اي حاجه ويسامحني في اي حاجه.
هدي // انتي بتحلمي وضاح صعيدي والمساله عنده مسأله شرف وعمره مايعدي حاجه زي دي الا كنتي بقى عامله احطياطتك وهتخدعيه وتضحكي عليه وبتعملي حيله من اللي البنات الشمال بيعملوا علشان يدعوا الرجاله ويفهم هم انهم لسه عذاري في الحاله دي اقولك ممكن خطتك تنجح لاني معتقدش أن الحاجات دي وصلت الصعيد. بس لازم تعرفي اني مش ممكن أشارك في جريمه زي دي وضاح زي إخوايا ولايمكن اسمحلك تخدعيه روحي دوري على البيه اللي كنتي ماشيه معاه على حل شعرك وبعدين خد اللي هو عايزه منك وفص ملح وداب غير الفلوس اللي صرفتيها عليه
ناديه // بس بس انتي وهي هتفضحونا مشفوهمش وهما بيسرقوا شوفوهم وهما بيتقسموا انتوا عارفين لوحد من البيت هنا شم خبر بالكلام هيرمونا بره رميه الكلاب. هدى ياحبيبتي لازم تسمعي الكلام وتساعد اختك في اللي هي هتعمله شايفه العز اللي عايشين فيه هو حرام يعني لما يبقي للنا نصيب منه لما اختك تتجوز وضاح عتعيش في العز ده ومش هتنسانا هينبنا من الحب جانب.
هدي // عز ايه ياماما!!! عز جاي بالكذب والخداع دا يوم اي حد فيهم يعرف الحقيقه مش هتعرفوا ايه اللي هيحصل فينا ووضاح بالذات لوعرف حاجه من الكلام ده هيشرب من دمها.
داليا // انتي تخرصي خالص وملكيش دعوه بأي حاجه تتفرجي وانتي ساكته انا عارفه كويس انا بعمل ايه اللي في دماغي هنفذه انا خلاص مبقاش قدامي حل غير كده حتى لووضاح اتجوزني شهرين تلاته وبعدين اداني حقوقي وطلقني هبقي برده أن الكسبانه اللي هيجي يتجوزني بعد كده هقوله اني كنت متجوزه والفلوس اللي هخدها هبدا بيها اي مشروع يعني من الاخر كده وضاح آخر امل ومعنديش استعداد اني اضيعه انتي فاهمه يعني لو سمعت نفسك مش هيحصل طيب.
هدي // لا انا مش هشوف الغلط ده بيحصل قدامي و اسكت انتي فاهمه لو اتكشفتي محدش هيرحمك ولا يرحمنا مش هسيبك تودينا كلنا في داهيه ولا تحملينا تمن الغلط اللي انتي عملتيه.
داليا // لو مش عجبك اللي بيحصل خدي بعضك وانزلي مصر وملكيش دعوه بينا انتي فاهم علشان لو سمعت صوتك ولا عرفت انك قولتي اي حاجه مش هيحصل طيب.
ناديه // خلصنا بقى كلمه واحده ياهدي ياتقعدي هنا زي الخرصه مسمعش صوتك يابالسلامه على مصر عند عمرك لما نرجع احنا علشان لو حاجه حصلت غير كده مش هتعرفي انا ممكن اعمل فيكي ايه ريالا انتي وهيه قبل محد يجي وسمعنا واحنا بنتكلم.
هدي // انا سيبالكوا المكان كله وماشيه علشان ترتاحوا.
داليا // يكون احسن برده..
ناديه // عينك عليها دي عيله هبله ممكن تودينا في داهيه.
داليا // ماشي يالا نخرج بره علشان نشوف خالتي.
_________________________ اطياف راحله
ههههههه هههههه هههههه دا انت تستاهل مليون جنيه على الفيلم اللي انت صورته عفارم عليك بجد ويبجي وريني جابر عيطلع المحروسة اخوه من المصيبه دي الزاي .
الرجل // والله جانبك انا مكنت جتصد اصور اللي حصل انا لجيت المره رئيسه اللي زي لهذه الجشطه داخله البيت قولت اصورهم اهي حاجه نتسلوا بيها انا والرجاله وبعدين شويه ولجيت عزام جاي انا كنت ممكن انبه بس بصراحه مردتش جلت اسيبه ياخد حجه.
سعفان // عفارم عليك فكرت صوح والله وجه اليوم اللي عتاجي تترجاني فيه ياجابر واشوفك مدلول ومكسور ذسي مذلتني انت وعبد المجيد وطلعت ني من البلد مذلول ومكسور اما شوف بجي ديه اخوك عنديك تساوي جديه ولما نفسي اشوفك لما تشوف الفيديو واشوف الكره والذل اللي انت فيهم وساعتها اطلب اللي انا عايزه.
الرجل // وايه هو اللي انت عايزه ياكبير.
سعفان // اللي انا عايزه واعر جوي محدش عيجدر ينفذه غير جابر الدامي وعبد المجيد الجبلاوي هما الاتنين وبس.
يتبع الفصل التاسع اضغط هنا