رواية امامي البارت الخامس 5 بقلم اسماء الهادي
رواية امامي الفصل الخامس 5
تسنيم بخضه: اي دا
إمام خلص صلاه وبص ليها: في اي يا تسنيم واقفه كدا ليه
تسنيم: حرام عليك خضتني هو انت بتصلي اي دا الساعه ٤ الفجر
إمام ابتسم: بصلي القيام وبصراحه مرضتش اصلي جوا عشان مقلقش بابا
تسنيم بستفهام: يعني قيام ولي بابا مصلاش زيك
إمام: بابا صلاه قبل ما ينام
اما بقا بالنسبه يعني قيام
هو يا ستي احياء الليل لله عز وجل
تسنيم قربت وقدت ع الانتريه وهو قاعد ع السجاده: ممكن لوسمحت تقوم تقعد علي الانتريه وتفهمني براحه واصليه ازاي واي فضله
إمام بابتسامه : حاضر بصي يا ستي قيام الليل يعني اي
والاصل ف القيام هو احياء الليل لله عزوجل (واعرف ان شرف المسلم قيامه باليل)
دي كلمه سيدنا جبريل عليه السلام لرسول الله عليه افضل الصلاةوالسلام وهو بينقله حب الله لقيام الليل وسر الشرف دا تعبيرا عن المؤمن بحبه لربنا بيخالف هواه في الراحه ويقوم يعبد ربه لانو بيحب ربنا بسم الله (تٌتٌجّآفُيَ جّنِوٌبًهّمً عٌنِ آلَمًضآجّعٌ يَدٍعٌوٌنِ ربًهّمً خِوٌفُآ وٌطِمًعٌآ)
كانه بيقوم بجسمه اللي عايز يستريح بس انا بحبك اكتر يارب ومساحة قيام الليل تبدأ بعد العشاء وافضلها الثلث الاخير من الليل وهنا كلمه قيام عكس نوم فهو مشهد حب بيخالف فيه المحب هواه انشغالا بما يحب حبيبه
الصلاه ازاي بقا : الصلاة بتكون ١١ رگعه ، تصلي مثني مثني ، يعني رگعتين و تسلم وهكذا ،، بنقرأ فيهم الفاتحه وما تيسر لگ من القرآن
{كان النَبي يُصلي مثنَي مثنَي ويوُتر برَكعه}
تسنيم_ طيب هو لازم اصلي ال ١١ ركعه كلهم
إمام_ بصي القيام مش بيُحسب بعدد الركعات إنما بعدد الآيات ، يعني ممكن تصلي ركعتين بس ، ويكونوا بعشر آيات او بميت آيه او بألف ايه او اي عدد عموماً ،، في حديث بيقول " من قام الليل ب عشر آيات لم يكتب من الغافلين ومن قام الليل ب مآئة ايه كتب من القانتين ومن قام الليل بألف آيه كتب من المقنطرين "
اذا اردت الا تُكتب من الغافلين
صلي قيام الليل ركعتين بسور الإخلاص والفلق والناس
لن تستغرق الصلاة 3 دقائق
إذا اردت ان تكون من القانتين
صلي ركعتين قيام الليل بدأ من سورة القدر الى سورة الناس
لن تستغرق الصلاة 10 دقائق
إذا اردت ان تكون من المقنطرين
صلي قيام الليل باي عدد من الركعات وابدا من سورة الملك حتى سورة الناس
مدة الصلاة تحددها طريقة قراءتك
_يعني هنا القيام بيُحسب بعدد الآيات وليس بعدد الركعات ، كدا خلصنا الصلاة ،، ممكن حد ميكونش عاوز يصلي ممگن يقرأ قرآن ،، ممكن يسبح ويستغفر ، الذكر عموماً ، فهي بتكون درجات
الصلاة لأنها تشمل قرآن وذكر ، وبعديها القرآن ، وبعديها الذكر
فهمتي يا بنوتي !
تسنيم _ايوا خلاص فهمت إن القيام مش صلاة بس ممكن يكون قرآن أو ذكر ،، وإنه بيكون بحسب عدد الآيات مش الركعات
تسنيم: اي بقا أجرهاا
إمام: وعد الله مصلين القيام بأجر عظيم لا يعلمه الا هو {فَلاَ تَعْلَمُ نَفْسٌ مَا أُخْفِي لَهم مِن قُره أعيْن جَزَاءً بِمَا كَانوا يَعمَلون}.
• •لا يستوون مع غيرهم من العباد لاء دول مميزين عنهم
تسنيم بفرحه زي الاطفال:الله انا هصليه كل يوم انا بحب ربنا اوي ودي افضل طريقه لاظهار حبي
بجد انا مش عارفه اقولك
إمام بفرحه لفرحتها وبدا يعمل انو بيفكر: تقولي اي تقولي اي انا اقولك
تسنيم:اتفضل
إمام بابتسامه:انك تصليه معايا كل يوم بس ف حاجه
تسنيم: اي
إمام: صلاه القيام بالذات عشان تحسي بطعمها لازم تنفردي مع ربك يعني انا هصلي هنا وانتي تصلي ف الاوضه وبالاضافه ان النوافل مينفعش تصليها جماعه
تسنيم:حاضر بس كدا دا حاجه جميله اوي هو ينفع ابداء دلوقتي اصلي
إمام بص ف الساعه: ايوا يلا الحقي
بس لما تبداءي ابداءي بالعشر ايات عشان متزهقيش وبعد كدا واحده واحده وانتي هتحبيه وهتكوني عايزه اكتر من العشر ايات
تسنيم بفضول: انت بتصلي بكام ايه
إمام برخامه:تؤتؤ دي حاجه بيني وبين ربنا يلا بقا يا بنوتي عشان متتاخريش
تسنيم بدون وعي: حاضر يا باباتي
وبعد كدا لاحظت هيا قالت اي وجريت عشان تصلي
🌸سبحان الله 🌸
تاني يوم تسنيم قايمه كلها نشاط وحيويه غير العاده ومبتسمه
قامت صلت الضحي وعملت فطار بس وهيا بتنطط من الفرحه
إمام قام اتوضا وصلي الضحي بردو
تحبي اساعدك ف حاجه
تسنيم اتخضت
إمام: ف اي اتخضيتي كدا ليه
تسنيم: اصل مش متعوده حد يدخل المطبخ
إمام ابتسم: لا اتعودي ع كدا تحبي اساعدك ف حاجه
تسنيم بخجل: غريبه
إمام: اي. الغريب
تسنيم: ان راجل يدخل المطبخ لا وكمان يساعد.
إمام: لا مش غريبه ولا حاجه الرسول صل الله عليه وسلم كان بيساعد اهل بيته وفي حديث ل رسول الله
بيقول لا يؤمن أحدكم حتى أكون ..
عن أنس رضي الله عنه عن النبي صلى الله عليه وسلم أنه قال: (لا يؤمن أحدكم حتى أكون أحب إليه من والده وولده والناس أجمعين) رواه البخاري ومسلم
وانا بحب رسول الله وللي بيحب حد بيقلده صح ولا اي
تسنيم بتوهان: انت ازاي كدا
إمام: ازاي مش فاهم
تسنيم سابت اللي ف ايدها واتكلمت بنبره في حزن
انا بحب ربنا وسيدنا محمد بس مش زيك كدا لي مش بحبهم اوي زيك
إمام قرب منها ورفع راسها
بصي يا بنوتي انتي عشان تحبي حد لازم تعرفيه وعشان تحبي الرسول صل الله عليه وسلم لازم تقراءي عنه وتعرفي كان بيتعامل ازاي وكل دا ودي بقي مهمتي
تسنيم رفعت راسها وبصت ليه بسعاده:بجد
إمام بابتسامه بشوشه:ايوا بجد ويلا بقا عشان نعمل الاكل
خلصو الاكل وعم محمد صحي وقعدو يفطرو
إمام قام عشان يدخل الطباق
تسنيم:ميصحش انا هشالهم
إمام:مش هيحصل حاجه يعني لما اشيل كام طبق
محمد قاعد وفرحان لابنه وبنت اخوه:سبيه يساعدك يا تسنيم بكره يعجز زي وميعملش حاجه
تسنيم بحب:مين دا اللي عجوز دا انت قمر يابابا وبعدين كفايه صوت حضرتك بالدنييا ربنا يبارك فيك ويحفظك يا غالي
إمام بص ليها وابتسم علي طيبه قلبها وحنيتها فعلا فاقد الشئ يعطيه
إمام:دا حضرتك احلي مني ياريت انا لما اكبر ابقا حلو زيك كدا
محمد بهزار:جوز بكاشين قعدين قدامي يلا دخلو السفره
إمام وتسنيم قامو
إمام:تسنيم
تسنيم:نعم
ممكن كوبيتين شاي من ايدك الحلوين دول
تسنيم بصت للارض وقالت بخجل:حاضر
إمام:يحضرلك الخير
🌸سبحان الله🌸
إمام مستغرب نفسه اوي وحنيته ف الكلام
ها ياوالدي ماذا تفعل ياحجوج
محمد:ابدا يا حبيبي قاعد ومفيش حد قدي
إمام:دا الطبيعي حجوجي مفيش منه اتنين بس اي السبب بقا
محمد:ابني اتجوز ومبسوط واطمنت ع بنتي ما مستريحش لي بقا
إمام:هتصدقني يا بابا لو قلت ليا اني حسيت انها بنتي انا وانها ملزومه مني كان عندك حق تسنيم مطيعه وبنت اصول وقليل منها الزمن دا وبتستجيب ليا لما اتكلم معها ف الدين
محمد ابتسم:طبعا مش بنتي وتربيتي ربنا يحفظكم
تسنيم جابت الشاي ولسه هتخرج حطت الشاي ع جنب واتكدات ان طرحتها مظبوطه ومش مبينه شعرها
إمام كان ملاحظها وابتسم
اتفضلوا
محمد:تسلم ايدك يا بنتي جت ف وقتها
إمام:ربنا يبارك ليا فيكي
تسنيم بصت ليهم وابتسمت
قطع قاعدتهم الجميله تخبيط علي الباب تسنيم لسه هتقوم
إمام:خليكي
مين
احمد:هو في حد بيزركم غيري انا والبت الغلبانه دي
إمام برخامه:ع الصبح كدا اي الاشكال دي
احمد:الله يسامحك يا ابو نسب مش هرد
إمام:ياراجل رد خليني اكسب شويه حسنات
احمد بغيظ:ولو سنتوفه حسناتي حببتي
إمام بضحك ع صاحبه اللي الضحكه مبتفارقش وشه: طب وسع كدا خليني اسلم ع البونيه الغلبانه دي
تعالي يا قلب اخوكي
اميره:ميمو وحشتني اتصدق
إمام:يابت يا بكاشه
اميره وهيا بتحضنه:اخويا وابكش عليه براحه
إمام:اممم ثبتيني انتي كدا
اميره:الظاهر كدا
احمد وهو بيشد اميره من حضنه:اي يابابا متسيب البت وانتي ما صدقتي
إمامبص ليهم وابتسم ع غيرة صاحبه
إمام:روحي يا اميره لمراتك اخوكي واقعدو سوا
احمد برخامه:ياريت لو كوبيتين شاي بقا
إمام: دا انت غتت يا اخي
احمد بص ليه وضحك:من بعض ما عندكم
احمد وإمام راحو قعدو ف البلكونه مع عم محمد
وتسنيم واميره دخلو عملو شاي
احمد:إمام نادي اميره انت عايزها
حاضر
راح خبط ع الاوضه
اميره بمشاغبه:اي مش قادر تبعد عن تسنيم
إمام:هو جوزك علمك الغتاته وبعدين مش انا يختي اللي مش قادر دا احمد شوفيه عايز اي
وميره راحت لاحمد وإمام فضل واقف مع تسنيم وقرب قعد جمبها ع السرير
تسنيم اتكسفت وقامت واقفت
إمام مسك ايدها:راحه فين اقعدي انا عايز اتكلم معاكي شويه
تسنيم بخجل:حاضر
إمام بهدوء وصوت فيه احتواء: بص يا حبيبي الباب لما يخبط راجل البيت هو اللي يشوف مين ولو راجل البيت مش موجود منفتحش غير لما نعرف مين اللي بيخبط حد نعرف نفتح وخصوصا لو ست انما راجل نعرفه او منعرفوش نرد من جواه واحنا قافلين الباب الكلام لايطبق ع محارمك مفهوم يا بنوتي
تسنيم بتبرير:انا مكنش قصدي انا مكنتش عايزه اتعبك بس مش اكتر
إمام اتكلم بحنيه ومسك ايديها:انا مش قصدي ازعلك او اتأمر عليكي انا عايز مصلحتك وبعدين مش احنا اتفقنا ان انتي جوهره وانا بقا عايز اميره تبقيمعززه مكرمه وتؤمر وانا انفذ وبصراحه مش عايز حد يشوف الجوهره بتاعتي
تسنيم والدموع ف عنيها:انت ازاي حنين كدا كنت فين من زمان كان نفسي ف اللي يتكلم معايا كدا ويصاحبني ويعلمني انا في حجات كتيره اوي اتحرمت منها بس متخيلتش ان العوض بيكون حلو كدا
إمام بجد انت اجمل حاجه حصلت ف حياتي
إمام وهو بيمسح دموعها:و انتي احلي حاجه حصلت ف حياتي انا بجد مش عارف كميه الراحه والمسؤليه اللي بحسهم اتجاهك حسك ملزومه مني ومش عارف ليه بس بحسك حته مني وربنا يقدرني واكون دايما عند حسن ظنك بيا بس حبيبي لازم يساعدني عشان نكون ف الجنه سوا
تسنيم بفرحه وابتسامه:حاضر انا بجد بحب كلامك وطريقتك في الكلام ومش عارفه لي بنفذ وانا مبسوطه
إمام ابتسم:اولا عشان انتي جميله اوي من جوا ثانيا عشان دا الصح ومين فينا يعمل الصح وميرتحش
اميره:قفشتكم بتعملو اي بقا.
إمام:عيله فصيله انا طالع
تسنيم ضحكت واميره
إمام راح عند احمد وعم محمد
احمد:إمام في فكره كدا عايز اطرحها عليك
إمام بستماع:اتفضل يا احمد
محمد: طب اقوم انا بقا
احمد:بتقول اي يابابا محمد اتفضل طبعا اقعد
إمام:متقول يا احمد في اي
احمد:بص يا إمام انت طبعا شايف لبس البنات اليومين دول وانا بصراحه عايز افتح مصنع لبس محجبات نصنع عبيات وادنأت وملاحف وهكذا وعايز اخد رايك انت وعم محمد
محمد بفرحه:ربنا يجزيك خير يا احمد ياابني فكره جميله اوي
إمام بتفكير:هيا فعلا فكره جميله بس لازم يتخطط ليها كويس طب انت لقيت مصممين ومكن خياطه ومكان تعمل فيه دا كله
احمد:الي حد ما بس مستني الراجل يفضي المكان
إمام:علي خيرة الله وانا معاك تسمحلي اكون شريكك ونكسب الثواب سوا
احمد بفرحه:اكيد طبعا يا صاحبي بس انت وتسنيم والجواز وكدا
إمام:متشغلش بالك انت محلوله
اميرة:يلا يابو حميد
محمد:مستعجله ع اي يا اميره
اميره: ابدا يابابا اصل عندي معاد عند الدكتورة
إمام بخضه:ليه كفل الشر
اميرة:دايخه ومليش نفس للاكل وكلمت ماما قالت ليا روحي اكشفي
إمام:لا بأس ان شاء الله طهور
محمد:ربنا يحميكي يا بنتي ويرزقك بالذريه الصالحه يارب
اميره واحمد فرحو بدعوة عم محمد
وراحو لـ الدكتورة
محمد:طب يابني انا هروح اشغل القرآن ف المسجد عشان الظهر قرب
إمام ابتسم:اتفضل يا والدي جعله الله في ميزان حسناتك يارب
محمد امن ع دعاء ابنه ومشي
إمام بنداء:تسنيم يا تسنيم
نعم حضرتك محتاج حاجه
إمام ابتسم:حضرتي؟ لا حضرتي مش محتاج وبلاش حضرتي لان حضرتك والكلام دا كان قبل الجواز ايام القواعد انما دلوقتي احنا بقينا متزوجين يا تسنيم
تسنيم:حاضر كنت بتنادي ليه
إمام بابتسامه مشاغبه:اي واحد اشتاق لمراته حرام ولا اي
تسنيم وشها كله بقا لون الطماطم
إمام ضحك بصوته كله علي شكلها
طب خلاص بلاش بس وشك بقا شبه البطيخه
تسنيم بصوت متقطتع:بردو مقولتش عايزني ليه
إمام ابتسم واتكلم بهدوء:عايز اخد رايك ف حاجه
تسنيم قعدت:اتفضل
إمام حكي ليه اللي حصل بينه وبين احمد
تسنيم بستغراب: متزعلش مني بس انا مالي
إمام استغرب اكتر:ازاي مالك انتي مش مراتي ولازم تشاركيني واخد رايك هيا الحياه الزوجه اي غير موده ورحمه ومشاركه
تسنيم حست انو زعل:الله انا مش قصدي ازعلك ابدا بس كل ما في الامر الموضوع غريب انا اول مره حد ياخد راي وبابا عمره م اخد راي ماما ف حاجه ممكن متزعلش وحقك عليا
إمام اتكلم بهدوء وحنيه:يا حبيبتي انا مش زعلان انا بس مستغرب انتي مراتي يا تسنيم ولازم اخد رايك وانتي تاخدي راي مش انتي من شويه قولتي انك حستني صاحب ليكي اكتر من زوج يلا بقا يا حبيبتي قولي ليا رايك اي نشتري الشقه الي فوق ونجهزها ولا ادخل بنص المبلغ مع احمد
تسنيم:يا إمام انا سبق وقلت ليك اني مش سابه بابا محمد مش ابنه مايرجع لحضنه اخدو منه انا عايزه اقعد هنا ودا كان طلبي من الاول بابا محمد جميل اوي وانا بحبه وعلي فكره قراري دا مفهوش ناقش ومش هيتغير
إمام فرح من جواه ع قلبها الطيب واصلها وقال ف نفسه البنت دي جميله اوي من جوا واصيله هو لسه ف حد وفي كدا
إمام ابتسم:خلاص يعني دا رايك طب بالنسبه لموضوع احمد
تسنيم:موافقه طبعا فكرته حلوي اوي
إمام:يبقي ع خيرة الله يا اميرتي نبداء بقا نجهز ف الشقه ونجيب عفش جديد
تسنيم ابتسمت:اللي تشوفه صح نعمله
إمام ابتسم بتصحيح:اللي نشوفه صح نعمله
تسنيم بصت ليه وسرحت ف جمال ضحكته وطيبه قلبه واحتواءه دا صوته لوحده بيحسسها بالامان بتحس فيه الاحتواء يااااه يا إمام لو تعرف انت قد اي بقيت شئ اساسي ف حياتي دا انا بعدك مكنتش عايشه
إمام بص ليها وابتسم وحب يرخم:
مكنتش اعرف اني حلو كدا
تسنيم بدون وعي:انت جميل اوي
إمام بيكتم ضحكته:امممم بس انتي اجمل يا اميرتي
تسنيم بصت ليه بزعل مصتنع:بنوتي احلي
إمام ضحك:بنوتي واميرتي ووصيه رسول الله ورفيقتي الي الجنه بإذن الله
تسنيم بصت ليه والدنيا مش سيعها من الفرحه:طب اقول اي دلوقتي
إمام:قولي هتعملي اكل اي
تسنيم بغيظ:اكل إممم طيب
إمام:اي بنتي لويتي وشك ليه مش انتي اللي سألتي وبصراحه انا ليا عذري مراتي ريحة اكلها بتخلي بطني تلزق ف ضهر من الجوع
تسنيم ابتسمت بحب:بالهنا والشفا علي بدنك اللي انت عايزه اقوم اعمله
إمام اتكلم بحب:اللي انتي تعمليه انا راضي بيه
تسنيم:حاضر يلا بقا قوم روح لبابا وصلي وتعالي
إمام:حاضر
تسنيم قامت إمام نادا عليها
ياتري ندا عليها لي
يتبع الفصل السادس اضغط هنا