رواية ما بداخلي البارت الثالث والأخير بقلم مريم سمير
رواية ما بداخلي الفصل الثالث والأخير
_أ أحمد!!!
كنت متجمده مكاني ودموعي نازله علي وشي، جريت بسرعه، وروحت على الشقه الصغيره بتاعتي، رجعت تاني ليها، لما كنت بشتغل عندهم كنت باجي انام هنا، كله كدب ازاي بيحبني وبيخوني!! ، كان نفسي تتغير يا أحمد، بجد كنت أتمنى دا
نمت بعد عياط كتير اوي وصحيت على خبط الباب
_مين؟
=افتحي يمريم
_أنت اي إلى جابك هنا؟
=افتحي يمريم نتفاهم
_طلقني يا احمد احنا مننفعش لبعض
=اطلقك!!
_ايوه
=عاوزه كده؟
_اه
=لا وافتحي
_انت بتخوني وانا بقى عاوزه اطلق
=انا عمري مخونتك، منتي لو تفتحي كنت افهمك كل حاجه
_مش فاتحه فهمني وانت برا كده
=طب يستي اسمعي، انا مش بشرب يمريم بس صاحبي والسكيرتيره كانوا بيتفقوا مع بعض يحطولي حاجه في العصير بتاعي عشان افقد الوعي نسبيا كأني سكران وياخدوا فلوسي، ولما عرفوا اني اتجوزت حسوا أن الفلوس الي بياخدوها بعد ميخدروني هتقل ف اتفقوا يعملوا كده عشان نطلق وارجع لوحدي، لو مش مصدقاني شوفي كاميرات الشركه، ورفدتها وبعدت عن صاحبي، انا مش هطلقك يمريم، انا مش بحس اني عايش غير معاكي
لقيت الصوت اختفى هو مشي!!
فتحت لقيته فعلا مشي، مهو بردو لازم يعزرني اعمل اي في المنظر إلى شوفته دا يعني! ولا انت روحت فين طيب؟
روحت الفله بعدها لقيته مش موجود
_كنتي فين يبنتي؟
=كنت، كنت بايته عند صحبتي
_قلقتينا عليكي
ابتسمت=هحضرلكم الفطار
حضرت الفطار وكنا قاعدين على السفره وانا باصه لباب الفله مستنيه يدخل بضحكته الحلوه دي
خلصنا فطار وهو لسه مجاش!!
طلعت الاوضه وفضلت راحه جايه فيها ولا البندول
كان فيه مكتبه صغيره في الاوضه قولت اقرأ اي حاجه عما يجي
لقيت كتاب مكتوب بخط ايده هي دي مذكراته!! لا دي خصوصياته مش هقرأها اكيد
قرأت اول صفحه مهو انا مليش كلمه اصلا، بس اي الخط الجامد دا
الصفحه الأولى
(جت بنت تشتغل هنا، جميله اوي وطيبه وبتحب اهلي، وضحكتها ضحكتها حلوه جامد)
الصفحه التانيه
(عرفت النهارده ان اسمها مريم، انا بحب الاسم دا اوي، أو يمكن هي الي تتحب)
الصفحه التالته
(ضحكتني من قلبي النهارده لما لقيتها بتغني وفاكره صوتها حلو، بس تعرفوا هي حلوه حتى بصوتها الوحش دا)
الصفحه الرابعه
(النهارده رتبت اوضتي لأول مره، جيت لقيت الاوضه مريحه جدا وكل حاجه في مكانها على عكس العادي)
الصفحه الخامسه
(طبيخها حلو اوي، والحلويات إلى بتعملها ومش راضيه تقول لحد على سرها دي، بحب البسبوسه اوي من ايدها)
الصفحه السادسه
(بحاول اتجنبها وبهرب ل اي بنت غيرها بس ازاي أهرب منها ليها!! حاولت ادور على واحده شبهها ملقتش، ازاي حد يبقى قمر كده بس)
الصفحه السابعه
(اتشاكلت معاها النهارده لسبب تافه عشان احاول اتكلم معاها، كان رد فعلها محترم مع ان كلامي كان بايخ اوي، بس هي كانت لطيفه)
الصفحه التامنه
(احب اقولكم اني وقعت في مريم وفي عيون مريم وفي ضحكه مريم وفي مريم كلها والله )
الصفحه التاسعه
(بابا جه قالي اني لازم اتجوزها النهارده اعترضت جامد وسبت البيت وروحت الشركه كنت رافض أبين فرحتي وانا قلبي بيرقص جوايا والضحك إلى من القلب نفسها تطلع، دا اسعد يوم في حياتي)
الصفحه العاشره
(اتجوزتها، اتجوزت الانسانه الجميله الي في حياتي، يمكن انا عارف بنات كتير بس مش بشوف فيهم غير مريم، الاختلاف حلو بس مريم مختلفه جامد، حنينه وطيبه قلبها تكفي العالم كله، مش عارف ابينلها ازاي اني بحبها، بحبها!! دا انا واقع ومحدش سمي عليا والله، تعرفوا انا بزعل اوي لما ازعقلها أو اقولها كلمه تضايقها بس بخاف عيوني تفضحني)
الصفحه 11
(طلعت في سنه التخرج من نفس الكليه بتاعتي، شوفتوا بقى اني اخترت واحده عندها طموح قمر زيها، مستني تتخرج وامسكها حسابات الشركه بتاعتي، عشان تفضل قدام عنيا على طول)
الصفحه 12
(صلينا النهارده سوا، جت ضاقت كل حاجه حلوه زيها، معتش عاوز غيرها وبتمني ربنا يسامحني على البنات الي عرفتها، هي دي العوض والي تستاهل جمله"انا مكتفي بيها عن الكل، دي مريم يجماعه" )
دمعت من حلاوه الكلام، ازاي حد شايفني حلوه كده مع اني شايفه نفسي عاديه جدا، ازاي حد يحب حد كده!!
دخل الاوضه وخبيت المذكرات ورا ضهري بسرعه
اول مفتح الباب وشافني كان ملهوف اوي بس رجع لحالته الطبيعيه
_انا هنا على فكره
=اهلا وسهلا
_موحشتكش؟
=لا
_يعم خلاص فهمنا انك مظلوم، بس لما لقيتك كده زعلت اوي وخوفت تضيع مني
=وانتي زعلانه لي اني ممكن اضيع منك؟
_عشان بحبك هو اي
سكينه وانزلوا بيها على لساني يلا يلا انكزوا الموكف دا بجد
=اي اي قولتي اي؟ ثواني أنتي حاطه اي ورا ضهرك
_وانت مالك؟
ضحك وقرب مني
_انت بتقرب لي؟
=اما نشوف مخبيه اي
_أحمد خطوه كمان و..
=و اي؟
_وبس ها
قرب مني خالص لغايه موصلنا للحيطه وهو فضل يبصلي وانا وشي في الارض
_اوعا لما يتكسف
=مش مكسوفه على فكره
_طب بصيلي طيب
=عاميه مش بشوف
قرب مني وخطف مني المذكرات انا متجوزه واحد غدار اه والله
_اي دا دي مذكراتي يفضحتي
غمزته وضحكت=وقرأتها
_احمم كلها؟
=اه
جه يجري مسكت ياقته وضحكت
_هنهزر اهو ويجري زي العيال
=دي خصوصيات يمريم
_ايوه مهو عشان كده قرأتها، مهي خصوصياتك كلها انا
=..
_اوعا لما يتكسف
=..
_كلامك حلو اوي، وانت حلو اوي بردو
=اي دا في اي
_متجيب حضن كبير لعمو عشان بحبك
تمت رواية مكتملة لقراءة رواية جديدة "رواية كاسري كاملة" عبر مدونة دليل الروايات للقراءة والتحميل.