قصة اسكريبت هنا البارت الثالث والاخير بقلم الكاتبة ميسون عبد المجيد
اسكريبت هنا الفصل الثالث والاخير
ياسين بصراخ:هناااااا
هنا بتبص لقيت العربية جيا بأقصي سرعة
هنا كانت في اديها الفرصة انها تجري من قدام العربية لكن هي استسلمت خالص ومتحركتش
ياسين كان بعيد عنها بمسافة جري عليها لكن للاسف كانت العربية تسطت هنا ورمتها بعيد وصاحب العربية هرب
هنا وقعت علي الارض وأنا مش حثا بحاجة حثا إني خلاص موت جسمي كله بيوجعني وكل حتا بتنزل دم كنت بتمني إني اموت بجد ومكلمش في الحياة الصعبة دي
ياسين قرب منها وخدها في حضنه:هنااااا لااااا ي هنااااا مش دي النهاية لاااا مستحيل أنا اسف والله اسف علي كل حاجة عملتها زعلتك مني بجد اسف أنا مش حبيبك حد بيزعل من حبيبه بردو
كنت مغمضه عيني من التعب لكن حثا بكل حاجة بتحصل وياسين قاعد يصرخ ويشد في شعره لكن بعد ايه خلااص خلصت
ياسين بصراخ:بتتفرجووووو علي اييييه حد يطلب الاسعاااااف
شوية وجت الاسعاف بس كنت فقدة الوعي خلاص وياسين علي حاله عمال يصرخ وواخدني في حضنه واتملي دم مني
___________بعد مرور عدة سعات
كنا وصلنا المستشفي ودخلوني العمليات بسرعة لان حالتي كانت خطر جدا
الكل قاعد برا بيعيط وبيدعي أن ربنا ينجيني واوفوق
مامتي مسكة مصحف وبتقرا ودموعها نزلة
عمر كمان رايح جاي بتوتر وعمال يدعي والكل كذالك
أما ياسين قاعد علي الارض وعمال يعيط
بعد وقت طويل
الدكتور خرج وملامح وشه مدلش بالخير ابدا
الدكتور بيقلع الماسك بتعب
الكل جري عليه
مامت هنا بعياط:بنتي ي دكتور بنتي كويسة صح 😭😭
الدكتور:لا رد
عمر:ها ي دكتور انطق اختي مالها
مراد بتوتر:ها ي دكتووووور
الدكتور: أحنا عملنا كل إللي نقدر عليه وعملنا معاها كل حاجة بس هي ذات نفسها مش عايزة تكمل القلب مش مستعد يكمل
ياسين بصدمة:تقصد ايه
الدكتور بحزن شديد:البقاء لله
صمت عم المكان الكل في حالة من الصدمة محدش قادر يتكلم او يفتح بقه الكل بيبص لبعضو إللي هو اتكلم قول حاجة
رقية بعدم تصديق وانفعال:لالا مستحيل مست...
وهنا رقية وقعت علي الارض وفقدة الوعي
مراد جري عليها سندها
ياسين بدون وعي:لا لاااااااا دا اكيد مقلب من هنا هي علي طول بتحب تعمل فينا مقالب تشوف غلاوتها عندنا قد ايه
الدكتور بيهديه:اهدي ي استاذ ووحد الله
ياسين مستناش ودخل اوضة العمليات إللي فيها هنا
لقي الممرضة بتغطي وشها
ياسين دخل جري زق الممرضة وشال الغطا من علي
ياسين ماسك وش هنا:قومي ي هنا قومي ي حبيبتي قومي والله ما هزعلك تاني وهنتجوز صدقيني قومي
الدكاترة جم ومسكو ياسين بالعافية وشدوه وخرو برا وهو عمال يقاوم
طبعا الكل عمال يعيط ومامت هنا وقعت هي كمان
بعد وقت ما
مراد بهدوء:لو سمحت ي دكتور نقدر ناخدها عشان نطلع تصريح الدفن وندفنها
الدكتور:للاسف مش هينفع هي هتفضل في التلاجة لازم تتشرح
مراد بهدوء:تمام
______________بعد مرور ست شهور
كان قاعد ياسين علي سريره وقافل الباب والشباك والاوضة كلها ضلمة وضامم جسمه لرجله وواخد وضع الجنين
مراد خبط ودخل
مراد بهدوء:ما كفاية بقي ي ياسين
ياسين كأنه مسمعش أي حاجة ونفس الوضع
مراد حط ايده علي كتفه بحب:صدقني إللي انت عامله دا لا هيرجع إللي راح ولا هيغير إللي جاي
ياسين بصله وعيط:مش قادر ي مراد مش قادر أنا السبب في انها تموت أنا السبب في كل دا لولا كلامي ليها وغلطي فيها مكنش دا حصل
مراد:بس دا نصيب ومكتوب وحتي لو انت مكنتش موجود اصلا كان هيحصلها كدة
ياسين بصله وعيط اكتر
مراد بحزن:طب أنا رايح مشوار سريع وجاي ي رب تكون فكرت في كلامي
مراد ساب ياسين ومشي وهو حزين جدا
ركب عربيته وساق وصل لعمارة وقف قدمها ونزل
طلع بالاسانسير الدور السادس
وصل قدام شقة وخبط
هنا:ي اهلا ي اهلا نورت مراد بيه
مراد أبتسم بحزن
دخلو هما الاتنين
مراد:اخبار ايدك ايه
هنا:اهو بكرة هحوش الشريحة والمسامير
مراد بحزن:طب تمام الحمدلله
هنا: مالك ي مراد في ايه
مراد بحزن: ياسين بيموت كل بوم بالباطئ هنا ارجوكي كفاية
هنا:لا ي مراد مش كفاية حقي ناري لسة مهديتش
مراد بحزن:صدقيني لو شفتيه هيصعب عليكي أنا مش متخيل لما يعرف هيكون رد فعله ايه شوفي عمر ولغاية دلوقت بيكلمني كل فين وفين انما دا اخويا ومن لحمي ودمي لما يعرف اني اتفقت مع حبيبته عليه عمره ما هيسامحني
هنا بجمود:اولا متقولش حبيبته كل حاجة بيني وبين ياسين خلاص كان ماضي واتقفل دلوقت هو زي عمر بظبط وثانيا أنا مستعدة اقول انك ملكش دعوه بأي حاجة ولا كنت تعرف وأنا إللي عملت كل دا
مراد بسرعة:لا طبعا مش معقول بعد كل دا اتخلي عنك بسهولة
هنا بحب:ربنا يخليك ي مراد بجد عمري ما هنسي إللي عملته معايا
مراد بحب:بطلي هبل بس بقلك أنتي لما ترجعي قدمهم عادي هتقوللهم اننا هنتجوز فعلا وهنعمل التمسيلية دي
هنا:لا مش هتبقي تمثيلية
مراد بصلها:امااال
هنا بابتسامة: إحنا هنخليها حقيقة
مراد بعدم فهم:يعني ايه
هنا بنفس الابتسامة:يعني هتجوزك
مراد اترسمت علي وشه ابتسامه عريضة
بس اختفت بسرعة
هنا قربت منه:ايه مش عاجبته سيادتك 😏
مراد بضيق:هنا الكلام دا مفيهوش هزار
هنا بضحك: وأنا والله ما بهزر
مراد بأصرار:لا ي هنا لا
هنا بحزن:يعني انت مبتحبنيش
مراد بصلها بحب:محصلش بس أنا مش هينفع اخون اخويا ي هنا
هنا: مراد صدقني حتي لو كل دا مكنش حصل أنا وياسين مكناش هنتجوز أنا اكتشفت أن حبنا دا كان مجرد تملك إللي هو من يوم ما اتولدنا وأحنا مع بعض اول هدية كان بيجها ياسين هو كان اكتر شخص بيهتم بيا بس دا كان مجرد حب اخوي زي ما قال
مراد بقلق:مش عارف بس حقيقي كدة إحنا بنصعبها اكتر وياسين مستحيل يسامحنا
هنا:زي منا لسة مش مسمحاه علي غلطه فيا وكل حاجة كان بيجرحني فيها مراد أنا اكتشفت إني كنت غلط كل حاجة كنت بعملها غلط حبي لياسين دا كان أكبر غلط مش عرفة ازاي مكنتش اخدة بالي منك الفترة دي كلها
مراد بصلها بحب شديد:تعرفي ي هنا من يوم ما اتولدتي وأنا بحبك وحبي ليكي دا بيزيد وكنت هعترفلك بدا من زمان أوي بس يوم ورا يوم بدأت اللاحظ نظراتك لياسين واتأكدة انك بتحبيه قررت انساكي وقلت ربنا يهنيهم بس كل يوم كنت بشوف كسرتك من ياسين كان بيبقي نفسي اخدك في حضني واقلك إني بعشقك بس قلت لا مستحيل اخون اخويا وبنت عمي
هنا بتعيط
مراد بقلق: مالك ي عمري
هنا بتمسح دموعها: أنا كنت غبيا أوي ي مراد إني مشفتش حبك دا وكنت برمي نفسي علي ياسين أنت بجد احلي راجل شفته في حياتي أنا اسفة
مراد بحب:لالا مراتي الحلوة متتأسفش
هنا ابتسمت علي الكلمة
مراد قام:يلا كدة تعالي حضري أي لبس ليكي عشان بكرة هنروح بدري ونخلص بقي من الشريحة دي والمسامير عشان ترتاحي
هنا بتعب:اه والله دراعي بيوجعني بشكل
مراد:ربنا يخفف وجعك كله ي روح روحي
جهزنا كل حاجة عشان العملية بكرة
مراد:عندك اكل
هنا:لا بس ابقي اطلب دليفري
مراد قلع جاكته:يبنتي مزهقتيش من الدليفري بقالك ست شهور بتاكلي منه
هنا بضيق:شايف ايدي ولا الباشا اعمي
مراد بغيظ:اتلمي وتعالي ورايا المطبخ هعملك اكله خطيرة محدش يعرف يعملها
مراد دخل المطبخ ولبس المريالة وحط طقية الشيف
هنا بتبصله بضحك:ها بقي إيه هي الاكله الخطيرة دي
مراد بتكبر:امممم بيضة اوووووملت
هنا بسخرية:اوباااااااااا لالا بجد أنا كا بهير انبهرت
مراد بغرور:طبعا ي بنتي لا هو أنا أي حد ولا ايه
هنا بصتله بسخرية ومراد عملي الاكل ومشي وأنا قعدة لوحدي تاني
حقيقي مراد دا طلع حاجة كدة عمري ما اخدة بالي منه كنت بحبه بس كا اخ لكن عمري ما تخيلت أننا نحب بعض وكدة بس بجد معاه عرفت معني الحب بجد كفاية بس انو ساعدني عشان انتقم من اخوه علي إللي عمله بجد بحبه
نمت
وصحيت تاني يوم علي رنو الفون
هنا بضيق:اللو ي عم ايه تن تن تن الدنيا خربت
مراد بنرفزة:ي كلب البحر الساعة عشرة وأنتي عندك عملية كمان ساعتين اتنيلي اصحي
هنا بنوم:هممم
مراد:هممم إيه هنا هناااااا
هنا بفزع:يقطعها عشان ترتاح منك اقفل بقي خليني انام
مراد بحدة:هنا نص ساعة بظبط وهكون عندك الاقيكي صحيتي واخدي دش ولبستي وقفلتي الشقة ومستنساني قدام العمارة تمام
هما بخوف:تمام ي باشا
لبس وأنا جوايا خوف كبير
وصلنا أنا ومراد المستشفي ولبست لبس العمليات ونمت علي السرير مستنيا ادخل
مراد:لالا مش عايزين خوف كدة اجمدي
هنا:خايفة اوي ي مراد
مراد:لالا اجمدي كدة عشان تخفي ونتجوز
ابتسمت بحب
وفعلا دخلت العمليات والدكاترة بدءو يحوشو الشريحة والمسامير وكنت عمالة اصرخ من الوجع
واخيرا خرجت ومراد كان هيموت من الرعب عليا
تاني يوم كنت خفيت شوية ونايمة علي السرير
مراد:يلا يلا اخر وحدة
هنا بزهق :والله شبعت
باب الاوضة مكنش مقفول اي حد معدي كان هيشفنا
ياسين خبط علي الباب: لو سمحت دكتور محمود ف...
لحظات من الصمت ياسين باصصلي وفاتح بقه ومتنح إللي هو
دا اكيد شبح مش اكتر
مراد قام بتوتر:ياسين اهدي وتعالي اقعد
ياسين بعد ايد مراد عنه وقرب مني صحيح كنت قلقانه وخايفة بس مبينتش
ياسين بيبصلي بصة عتاب وشوق وحزن وكسرة
ياسين بيبصلنا إحنا الاتنين:تصدقو وتأمنو بالله كنت حاسس من ساعت إللي حصل وأنت بارد لا باين عليك الزعل انتو بجد اوحش ناس في حياتي
مراد بحزن: ياسين افهم
ياسين بصوت عالي:متسرعش اييييه هاااا دنتي اخويا اخويا الكبير فاهم دا شايفني بقالك ست شهور بموت وانت ايه متفق مع جنبها عليا
هنا بتدخل: مراد ملوش أي دعوة أنا إللي عملت كل دا وهو كان هيقلك من زمان لكن أنا إللي منعته وكمان فرحنا قريب
ياسين كان بيسمع بصدمة: أنتي بتقولي ايه يعني متنفق معاكي في القرف دا وقلنا ماشي انما هتتجوزو امال ايه كلامك ليا دا ها ولا أنتي بتلعبي بينا إحنا الاتنين ولا حكايتك ايه
مراد بنرفزة:ياسين اتكلم معاها بطريقة محترمة مش كدة
ياسين بغضب:انت تخرس خالص ي أخويا ي كبير أنا مش قادر اصدق انتو ايه انتو طلعتو عصابة
هنا:وانت ليه مفكرتش فيا ولو ولو لمرة واحدة مراد دا ارجل واجدع راجل عرفته ويستاهل كل خير تعرف انو كان بيحبني من زمان اوي وكان هيقلي بس لما لقاني بحبك انت قرر انو يساعدني وقالي هنمثل أننا هنتجوز يمكن ياسين يغير رأية ويرجعلك بس للاسف يوم ما قللك انو كتب كتبنا اخر الشهر مستننتش وقلتلي كلام يجرح أي حد بس تعرف ساعتها مزعلتش لاني اتعودة منك انك تجرحني وتكسرني لكن انك تشتمني لا ي ياسين لا
ياسين مستغرب طريقتها جدا وازاي اتغيرت كدة
ياسين بهدوء عكس العاصفة إللي جواه:مين انت تاني كان يعرف انها عايشة
مراد بصله بحزن وحط وشه في الارض
ياسين بضيق: يعني كلكلم كنتو عارفين وأنا الوحيد إللي نايم علي ودني تمام أنا جيالي بعثه لدبي تلات سنين بس أنا هقعد فيها العمر كله ومش عايز اعرفكم تاني وانت ي اخويا من هنا ليوم الدين اعتبر ان اخوك مات سلام ي بنت عمي
خرج وقفل الباب وراه جامد لدرجة أن الاتنين اتنفضو من مكانهم
مراد حط رأسه بين كفوفة بحزن ودموعه نزلت
هنا بحزن:صدقني هو محتاج يهدي لكن انتو ملكوش غير بعض
مراد مردش
هنا بعياط: أنا اسفة أنا السبب في كل دا ارجوك سامحني
مراد بصلها بحزن:دا قدر ربنا ي هنا محدش ليه ذنب فيه المهم يلا خفي بسرعة عشان نتجوز
________________________________________________
بعد مرور خمس سنوات
ساندي:الله ي ماما هي دي حكايتك أنتي وبابا
هنا بابتسامة: ايوا ي روحي
زياد:طب هو حضرتك لسة بتحبي عمو ياسين
هنا:اكيد طبعا بعشقه كمان
مراد بصلها وهو قاعد علي مكتبه بصلها برفعة حاجب
هنا بضحك:بعشقه بس زي اخويا طبعا
مراد بصلها وضحك
هنا:يلا بقي ي قرودي علي اوضتكم عشان تنامو بدري
ساندي:ننام بدري ليه
هنا بتفكير:عشاااااان
زياد:عشان إيه بكرة اجازة ومعندناش حضانه
ساندي:وكمان بابي معندوش شغل بكرة
مراد:يعني عايزة إيه ي ام سيدة
ساندي قربت منه وقفت علي رجله وطلعت قعدة قدامه علي المكتب وخلعت نظارة النظر
ساندي بطفولة:يعني نسهر ونجيب فيلم كارتون وناكل فشار
هنا:فكرة جهنمية ي سوسو يلا حضرو القعدة علي ما اعمل الفشار
مراد: متجوز وحدة طفله عن عيالها
هنا بصتله وضحكت
مراد قام وقف ساندي وقفت علي المكتب:شالني
مراد بحب:تعالي ي اخرة صبري
إيه وانت كمان ملكش نفس تعالي
مراد شال ساندي وزياد وراحو الريسبشن جابو بطاطين وطفو النور وجابو فيلم جميلة والوحش
هنا جت بالفشار وقعد مراد في الاول جنبي من اليمين هنا وعلي الشمال ساندي وجنب هنا زياد الاربعة حضنين بعض ومتغطيين وبيتفرجو كانو مبسوطين اوي
خلصو مراد وهنا بيبصو لقيو ساندي وزياد نامو
مراد شال ساندي وهنا شالت زياد ودخلوهم اوضتهم ونامو
هنا بطفولة: ودلوقت جه وقتي
مراد بصدمة:نعم
هنا بابتسامة:شلني
مراد بتمثيل:لا والله بعيد عنك الغضروف خلاص
هنا قربت منه ولفت اديها حوالين رقبته برمانسية
مراد بضحك:اثبتت أنا كدة
هنا:اممم يعني مش هتشلني
مراد:تؤ تؤ
هنا بابتسامة:حتي لو قتلك إني حاامل
مراد بدون تركيز:ايوا
لالا لحظة أنتي قلتي ايه
هنا بحب:حااااااااامل
مراد بفرحة:لالا بتهزري صح عشان اشيلك
هنا بضحك:يبني والله كنت عند الدكتورة واكتدلي دا
مراد شلها ولف بيها البيت كله من الفرحة ونامو هما في قمة انبساطهم
________ اشرقت شمس يوم جديد 😊❤️
هنا بتحضر اكل كتير
مراد صحي:ي صباح الروايح الجامدة
هنا بابتسامة:ي صباح الجمال
مراد بحزن: أنا خايف من اللقاء
هنا بحب:يبني مش هو اتصل وقال جايلكم اتفائل خير بقي
شوية وهنا حضرت السفرة وملتها من كل انواع الاكل ومنظماه بطريقة حلوة
ساندي بحب: أنا فرحانه اوي أن هشوف عمو ياسين كان نفسي اشوفه من زمان
الباب خبط ضربات قلب هنا ومراد بتزيد
فتح زياد
كان ياسين بس شكله اتغير اوي وكان معاه بنت وطفله
ياسين وطي لمستوي زياد وباسه
قام وقف بص لمراد
لحظات كن الصمت ما بينهم
الاتنين قربو من بعض وحضنو بعض جامد
مراد بحب:وحشتني اوي
ياسين بحب:وانت كمان أنا اسف اسف
بعدو عن بعض
ياسين مد ايده يسلم علي هنا إللي كانت شيلة ساندي
ياسين بابتسامة:ازيك ي هنا
هنا:ازيك ي ياسين
ساندي بطفولة:انت بقي عمو ياسين أنا حبيتك اوي وكان نفسي اشوفك من زمان من كلام ماما وبابا عنك
ياسين بضحك:ي روحي اديني هفضل معاكي علي طول بس خدو حور لعبيها كعاكي أنتي وزياد شوية عشان جايبلكم حجات حلوة كتير
وفعلا ساندي وزياد اخدو حور وفضلو يلعبو
ياسين بابتسامة:اعرفكم سلمي مراتي
الاتنين بصو لبعض بدهشه
وسلمو عليها
ياسين:ممكن نتكلم شوية
مراد: اتفضل
قعدو هما الاربعة مع بعض
ياسين بهدوء: أنا اسف بجد اسف عن كل حاجة غلط فيها معاكو بس دا مش معناه إني الوحيد إني انا بس إللي غلطان لا انتو كمان غلطو بس خلاص إللي فات مات وخلينا نبدء من جديد دلوقت
مراد بحب:اكيد
هنا بابتسامة:طب يلا قبل ما الاكل يبرد
قعدو كلهم كانو بيحاولو يرجعو زي الاول وينسو
خلصو وهيمشو
ياسين:يلا باي نتقابل في فرح عمر ورقية
الاتنين:بااااي
مشيو وجه الليل ومراد وهنا نايمين علي السرير
هنا بأرتياح:يااااه اخيرا كل حاجة رجعت زي الاول
مراد بحب:بعشقك ي هنايا
هنا بحب: بحبك ي مرادي
النهاية
تمت رواية جديدة للكاتبة ميسون عبدالمجيد اضغط هنا عبر مدونة دليل الروايات للقراءة والتحميل.