رواية معادلة كيميا البارت الخامس والأخير بقلم روان الطهطاوي
رواية معادلة كيميا الفصل الأخير
قصي: روحوووو بسرعاااا
وعد: في اييييه
ندا:الحقوووونااااا
كانوا خمسه واحد مسك ندا و التاني مسك وعد و كان قصي بيتخانق مع تلاته حاول يضربهم بكل قوته بس للأسف مقدرش يعملهم حاجه
واحد كتفه واتنين ضربوه ولما وقع عالأرض فضلو يضربوه برجلهم فبطنه و وشه وجسمه كله
كانت وعد منهاره و ندا اغمي عليها
افتكرت وعد تدريبات كانت شافتها و اتعاملت بيها مع اللي ماسكها وقعته عالارض و ضربته برجلها فوشه جامد ففقد الوعي و راحت جابت طوب بناء حطته في الشال بتاعها و لفته بطريقه معينه وراحت ضربت بيه واحد من التلاته اللي كانو بيضربو قصي علي دماغه من ورا فقد الوعي ووقتها كان حد بلغ البوليس فوصل و اخد الناس اللي كانت بتضربهم
وراحت وعد لندا فوقتها وراحو لقصي و طلبو الاسعاف لقصي
وعد حطت دماغ قصي علي رجلها:قصي متنامش حاول تخليك صاحي متخافش هناخدك المستشفي و هتبقي كويس
كانت ندا عماله تعيط
وعد:انتي بتعيطي لييييه بطلي عياط هو هيبقا كويس
كان بيبصلها بتشوش وبدأ يغمض عينه
وعد:لالاالالالالالا متعملش كده فوق فووووق
وصلت الاسعاف و اخدت قصي وندا وراحت وعد معاهم
وصلو المستشفي و اخدوه عالترولي ودخلوه العنايه المركزه
بره اوضة العنايه المركزه
اتصلت وعد بمامتها و اخوها وجم علي طول واتصلت ندا بمامتها قالتلها ان قصي هيخرجها هي و وعد و هيتأخرو شويه
سوسن:لا الاه الا الله ربنا يشفيك يا حبيبي و يخرجك لينا سالم
كانت اخده ندا و وعد فحضنها كانت ندا بتعيط بس وعد كانت ساكته مبتتكلمش
فضلو شويه و الدكاتره خرجت
عمر: ها يا دكتور طمنا
الدكتور: ولله مكدبش عليك هو جالنا هنا مضروب ضرب شديد جدا ادي لكسر فدراعه و رجله وخلال ال 24 ساعه اللي جايبن يا أما هيفوق و ان شاء الله يكون كويس يا أما هيدخل فغيبوبه الله اعلم هيفوق منها امتي ادعوله واحنا لازم نعمل محضر
سوسن: اعمل المحضر يا دكتور اللي عمل كده لازم يتجاب
الدكتور: ان شاء الله عن اذنكو
فضلت ندا تعيط
وكان عمر زعلان علبها اوي اول مره يشوف صاحبته بتعيط بالطريقه دي كان حاسس انه عايز يحضنها و يطبط عليها بس هو ميقدرش يعمل كدا
راح عندها
عمر: اهدي يا ندا هو هيكون كويس صدقيني
فضلت تبصله وفجأه بدون مقدمات حضنته و فضلت تعيط
-اخويا بيروح مني يا عمر.. اخويا الوحيد كان بيتضرب قدامي و مقدرتش اعمله حاجه
كان عمر زعلان عليها جدا وفنفس الوقت مبسوط بالحضن ده
عمر:ان شاء الله هيبقا كويس ادعيله
ندا:ياا..رب ياارب
بعدت ندا عنه
ندا بتوتر و وشها اتقلب احمر:انااا اانا اسفه ماخدتش بالي ولله
عمر ببتسامه:محصلش حاجه تعالي ننزل نجيب مايه وتروحي تغسلي وشك في الحمام
-يلا
كانت سوسن قاعده و جمبها وعد
قامت وعد راحت عنده و فضلت تبص عليه من الشباك
كان قلبها بيتقطع و هي شايفاه نايم في السرير لا حول له ولا قوه
وكان الكلام ده بيدور جواها
"انا اسفه كل ده حصل بسببي دول اكيد ناس بعتهم حسام مفكر انه كدا بياخد حقه منك...طيب اصحي رد عليه قوله انك مش هتسكتله..طب اصحي و مش هرخم عليك تاني....اصحي بالله انا اسفه ولله اسفه..عارفه ان اسفي مش هيصلح حاجه بس ارجعلي..ارجع وكل حاجه هتتصلح صدقني اصحي يا قصي متسبنيش كدا"
موبايلها رن
وعد:الووو
ثنيه:ايوه يا حبيبتي ازيك
-تمام يا طنط حضرتك عامله ايه
'انا كويسه يا حبيبتي ندا جنبك
-ااا هي في الحمام يا طنط
_اصل كنت بكلمها تليفونها مقفول
-تلاقي الشبكه ولا حاجه
_طيب خلي بالكو من بعض..قصي جنبك
-ااااا ق قصي مش جنبي لا راح يشتري حاجه
-طيب خلاص يا قلبي عايزه حاجه
'سلامتك يا حبيبتي مع السلامه
_مع السلامه
جت ندا و عمر
وعد:ندا مامتك كلمتني وكانت بتسأل عليكي قولتلها في الحمام و سألت علي قصي قولتلها بيشتري حاجه
ندا:هو ايه اللي حصل لما اغمي عليا
-ضربت الولا اللي كان مسكني وقعتو عالارض و ضربتو فوشه نيمته وضربت ولا من اللي كانو بيضربو قصي نيمته برضو وجه البوليس اخدهم و فوقتك بس
عمر:اختي هركليز يا ناس
اخد عمر وعد فحضنه و طبطب عليها: هيبقا كويس يا حبيبتي متقلقيش
ندا:حد يصدق ان وعد تبقا قلقانه علي قصي
ضحكتلها وعد بسخريه:هه زمن دوار
وعد في مخها
"لا و حبيته كمان.."
كان الدكتور معدي من جمبهم
وعد:دكتور
-نعم اتفضلي
_ممكن اخشله خمس دقايق
-لا اسف مينفعش
_شكرا ان حضرتك وافقت وعد مني مش هتأخر جوه
-يا انسه مينفعش
_مش هتأخر يا دكتور..عن اذنك
دخلته وعد و قعدت جنبه ومسكت ايده
-ازيك..انا..انا اسفه علي اللي حصلك بسببي..انت اكيد سامعني..ف أنا هقولك دلوقتي اللي مقدرش اقولهولك وانت صاحي
قربت من ودنه:انا بحبك
-معرفش امتي وليه وازاي بس اللي اعرفه ان النهارده انا كنت هموت لو حصلك حاجه انت ببساطتك ورخامتك و هزارك قدرت تخطف قلبي.. انت اكيد مش هتسامحني لأني السبب في اللي حصلك بس.. انا اسفه
_وانا مش زعلان
-عاااااااا
_ودني... ودني.. دي م.. مش معاملة مريض دي
وعد بأحراج: انت صاحي من امتي
_من اول "ازيك" يا حبيبتي
-حبك برص حبيبتك مين يا عم انت عبيط ولا البينج اثر علي دماغك
_لا بصي بقا.... اااااااه
وعد بخضه: قصي ماالك
قصي بابتسامه: بحبك.....
وعد: اسكت بقا انا هنادي عليهم برا اقولهم انك صحيت
-قبل ما تنادي.... انا بحبك امتي بردو زيك معرفش بس اللي اعرفو اني اصلا عمري ما كرهتك انا كنت مبحبش رخامتك بس
_خلصت خلاص
-تؤ لسه
_ايه تاني
-بحبك يا شاغلاني❤
"..النهاية.." رواية جديدة اضغط هنا عبر دليل الروايات للقراءة والتحميل pdf