رواية الحقيقة المخفية البارت العشرون 20 بقلم ملك محمد
رواية الحقيقة المخفية الفصل العشرون 20
"نهار يوم جديد"
ف المطبخ
يزن : ساهر بيه واخد اجازة شهر العسل وشكله مطول هنا ف الڤيلا عايز كلنا نبقى مصحصحين كدا علشان نتفادى عصبيته ال بدون سبب دي
نور بسخريه: انت قولت بدون سبب هنتفادها ازاي
يزن : مش وقت تريقه يانور
نور : وربنا دا واحد متوحد وعايز حد يضربه على دماغه يمكن يرجع لوعيه تاني
شهاب بضحك : اي يانور واضح انك راجع حامي ع البشمهندس بطلت تدافع عنه زي الأول
نور بغضب وهي تقطع الطعام : انا لو طولت اديله بوكس ف وشه هعملها
سليم : طب اهدا اهدا السكينه هتعورك واضح انك شايل ومعبي
تم تحضير الإفطار ووضعه على السفره
نزل ساهر من أعلى ومعه نڤين
جلسوا ع الطاوله ونور تقف بجاورهم
نڤين بميوعه : خد دي ف بوئك يا ساهر انت الفتره دي مبتاكلش كويس
نور تقف تشتاط غضباً لكنها تتظاهر بالثبات
ساهر ببرود : مبحبش اكل من ايد حد
نڤين شعرت بالإحراج ونظرت لنور الذي بدا عليها الفرح
انتهى الإفطار وخرج ساهر للحديقه قائلاً
نور هاتيلي القهوه بتاعتي ع بره
ذهبت نور لتحضير القهوه وأخذتها له
نڤين تجلس بجاوره
: فين العصير بتاعي
نور : يزن بيجيبه لحضرتك يافندم
نڤين بكبرياء: بس انا مش عايزه يزن يجيبه عايزاك انت
نور : تحت امر حضرتك يافندم وتركتهم ومضت
ساهر بعصبيه : مش قولتلك ملكيش دعوه بيها
نڤين : انت ليه مقولتلهاش لحد دلوقتي اني اعرف انها بنت
ساهر : حاجه متخصكيش
نڤين بعصبيه : بارد
_________
نور ف المطبخ
يزن هات العصير انا هوديه
يزن : اشمعنا يعني
نور: نڤين هانم عايزه انا ال اجبهولها
شهاب بسخريه : هو في اي ساهر بيه الراجل ووقعته ف حبك وخليتنا نشك انه شا*ذ ونڤين هانم كمان هتحبك ولا اي
سليم بسخريه: تقريباً نور مرشوش عليه عسل واحنا فلفل اسود
نور بعصبيه : بطلوا تريقه بقى
ثم أخدت العصير ومضت متجهه للحديقه
وجدت نڤين تمسك بيد ساهر وتنام على كتفه وتحسس بيدها على صدره
ساهر وهو يكز ع اسنانه بضيق: مش كفايه الحركات دي بقى مش قادر استحمل
نڤين بدلع : ياحبيبي دا علشان الخدم ال ف كل حته ميشكوش في جوازنا مانت عارف بعمل دا كله لمصلحة بابي علشان سمعته
تأتي نور من بعيد وهي تشتاط غضباً وتحدث نفسها قائله
: الحيوان سايبها نايمه ف حضنه ازاي طب يأجلوا القرف دا لما يطلعوا اوضتهم ولا البيه مش قادر يستحمل بعدها
ثم اقتربت منهم حينما رآها ساهر ابعد نڤين عنه بسرعه
نور اقتربت من نڤين وفي يدها العصير وأصطنعت انها ستسقط فأنسكب العصير على ملابس نڤين
نور ببرود : اسف يا هانم ادلق غصب عني
نڤين بعصبيه:: انت واحد غبي فعلاً
ثم دخلت لغرفتها لتبدل ملابسها
ساهر بإبتسامه : غصب عنك بردو ولا غيرتي لما شوفتيها ف حضني اعترفي انك بتحبيني ها
نور ببرود : هه بحبك دانت طموحك عالي اوي انت مش من نوع الرجال المفضل عندي اساسا
ساهر بعصبيه : هه دا ع اساس انك من نوع البنات المفضل عندي دانا بعد الأيام ومستني قضيتك تتحل علشان اخلص منك
فجأه يأتي يزن قائلاً
: ساهر بيه تحب الغدا يكون اي النهارده
ساهر وهو ينظر لنور ببرود : لا متعملش غدا النهارده هنتغدى برا انا ونڤين هانم
نور تحدث نفسها بغضب: وكمان هياخدها يتغدوا بره
ساهر يحدث نفسه قائلا : انا هخليكي تعترفي انك بتحبيني اتقلي عليا
نور وهي تتظاهر بالثبات وتنظر لساهر ببرود
: يزن بما ان ساهر بيه هيتغدى بره النهارده تعالى نتدرب شويه ع الكاراتيه
يزن : اه صحيح انا كنت طلبت منك تدربني
نور : طب يلا تعالى هنا ف الجنينه
يزن : لا لا لما ساهر بيه يخرج أفضل
نور وهي تتظر لساهر بخبث : تمام وانا مستنياه يخرج ع أحر من الجمر
ثم تركته ومضت للداخل
ساهر يحدث نفسه بغضب
: مستنياني اخرج ع أحر من الجمر هه الهانم مش قادره تستحمل تبعد عنه
اكيد طبعاً هتدربه يعني هيلمس ايدها ووسطها واحتمال كمان الاقيها ف حضنه ع الأرض
ثم قال لنفسه بعصبيه
: انا جبت آخري من البنت دي خلاص
____بقلم ملك محمد__________
في منزل عمر
يقف عمر امام المرآه يرتب شعره حتى يذهب لعمله
خرجت لارا من غرفتها قائله
: خارج مش كدا
عمر بسخريه : انا افتكرتك متي ف الأوضه كويس انك طلعتي عايشه
لارا : بطل تريقه وجاوب ع اد السؤال
عمر وهو ينظر للمرآه ويعدل لياقته : مبتريقش انا فعلاً مش عارف من يوم ماجيتي هنا قافله ع نفسك الأوضه طول مانا موجود ومبتخرجيش الا لما امشي هو انا هاكلك ليه الخوف داه كله
لارا بعصبيه : واحد حابسني ف بيته غصب عني وخدعني وضحك عليا مش عايزني اخاف منه
عمر بغضب : انا اعتذرت مية مره وقولت الموضوع كان خارج عن إرادتي ومكنش ينفع اقولك الحقيقه
لارا بعصبيه : كلها مبررات كدابه
عمر اقترب منها بغضب
: طب روحي كملي خوف ف اوضتك اجري علشان مخلكيش تخافي بجد
لارا رجعت للوراء قائله : انا زهقت وعايزه اخرج
عمر : مينفعش تخرجي انتي عارفه انك ف خطر
لارا : اتصرف وخرجني انا فعلا زهقت وعايزه اشوف نور
عمر : ماهي نور كمان مبتخرجش زيك اي الذكاء داه
لارا : مليش فيه اتصرف وخرجني
عمر : اي جو العيال الصغيره داه انا ورايا شغل مش فاضي
لارا بعصبيه: بقولك عايزه اخرج اتخنقت
عمر ببرود وابتسامه مصطنعه : وافقي تتجوزيني الأول وانا هخرجك
لارا بغضب : دا بعينك انسان مستفز فعلاً
وتركته ودخلت غرفتها مره آخرى وأغلقت الباب
عمر بذهول يحدث نفسه
: هي كلمة تتجوزيني شتيمه وانا معرفش
ثم رفع صوته لتسمع لارا قائلاً
: خدي بالك لو موفقتيش تتجوزيني انا ماما شايفالي عروسه وعايزاني اروح بكرا اشوفها وخليكي انتي هنا قولي بعينك حلو
لارا سمعت كلامه فتحت باب الغرفه قائله
: نعم شيفالك اي
عمر : عروسه عروسه
لارا : اكيد عروسه لعبه مش كدا
عمر : لا ياخفه عروسة المولد
لارا : مش وقت هزار ع فكره
عمر : وانا مبهزرش انا فعلاً زهقت من جو العزوبيه داه وناوي اتجوز
لارا بتوتر : تتجوز ازاي يعني
عمر : زي الناس
لارا : وحبكت تتجوز دلوقتي
عمر : هو انا لقيت نفسى فاضي فقولت اما اقوم اتجوز
لارا : بطل تريقه ع كل كلمه
عمر : بصراحه انتي ال أسئلتك مستفزه
لارا بعصبيه : تمام روح اتجوز اجري خليها تنفعك
ثم دخلت لغرفتها واغلقت الباب بقوه
عمر بصوت مرتفع : قريب اطمني
ثم قال بصوت منخفض بإبتسامه
: وهتبقي انتي العروسه
ثم خرج متجهاً لعمله
__________
في قسم الشرطه
سيف : ها جبت صورة الراجل ال المتهمه بتقول انه القاتل الحقيقي
عمر فتح هاتفه واراه تلك الصوره قائلاً : ساهر بعتهالي من شويه دا مجرد رسم يعني ممكن تكون الحقيقه مختلفه شويه
سيف امسك بالهاتف وامعن النظر بالصوره قائلاً
: الراجل داه انا شوفتوا فين قبل كدا
عمر بتعجب : متأكد انك شوفته قبل كدا
سيف : ايوا انا متأكد بس فين مش فاكر
عمر : هبعتلك الصوره ع موبايلك وحاول تفتكر
سيف اعطاه الهاتف قائلا: تمام
عمر : عرفت حاجه جديده
سيف : ال عرفته ان اللوا محمود يبقى صديق عم المقتول
عمر : يعني اللوا محمود ليه علاقه بعم مروان
سيف : بالظبط تقريباً اصدقاء من زمان
عمر : الموضوع بيتعقد أكتر كدا ليه
سيف : ولا بيتعقد ولا حاجه شوية وقت وكل حاجه هتظهر
_____بقلم ملك محمد_______
ف الڤيلا
تجلس نڤين وساهر بالغرفه الخاصه بهم
نڤين : انا مش مصدقه انك هتاخدني ونتغدا بره النهارده
ساهر بضيق : انا مش مصدق نفسي ليه قولت كدا أساساً
نڤين : بطل برود بقى انت قولت كدا اكيد علشان بدأت تفتح قلبك ليا
ساهر تذكر نور ويزن شرد قليلاً قائلاً: دانا هفتح دماغها
نڤين بتعجب : هي مين
ساهر : ها لا مفيش البسي مستنيكي تحت
ثم تركها ونزل لأسفل
يزن ونور كانوا ف الحديقه
يزن بتعجب : انت ليه مصر انك تدربني جامد كدا
نور : انا بحب لعب الكاراتيه فبستمتع جدا لما بلعب مع حد
يزن : اها طيب ماتستنى شويه لما ساهر بيه يمشي
نور بخبث : لا انا عايزه ادربك وهو موجود
يزن بتعجب : غريبه يعني
نور بإلحاح : يلا بقى
يزن : تحت امرك يافندم
نور رآت ساهر وهو خارج من الفيلا متجهاً ناحيتهم
اقتربت من يزن بسرعه وامسكت يده قائله
: بص انت علشان تلعب صح لازم ايدك تبقى ف المستوى داه
رآها ساهر اشتاط غضباً
اقترب منهم وامسك يد نور أبعدها عن ساهر وشد عليها بقوه
نور : اااا ايدي
ساهر ببرود وهو ينظر ليزن : بتعملوا اي يايزن
يزن : نور كان بيدربني ياساهر بيه
نور تحاول افلات يدها وتتألم بشده لكن ساهر يمسكها بقوه ويضغط عليها
نور بألم : سيب ايدي
ساهر ببررود لم يلقى لها بالا وينظر ليزن قائلاً
: يايزن هو انا مش قولتلك قبل كدا متستفزنيش علشان انا عصبيتي مش هتعجبك
يزن بتعجب : امتى داه يافندم
نور لم تجد مفر الا قضم يد ساهر حتى يتركها
قامت بعضه في يده التي يمسكها بها
ساهر : اااه ياغبي
فجأه تاتي نڤين قائله
: انا جاهزه ياحبيبي يلا
نور وقلبها يشتعل غضباً : هه يلا يا يزن نكمل تمرين ساهر بيه شكله خارج
ساهر ينظر لها بغضب حتى تفهم لكنها اصرت على تدريب يزن
نڤين : يلا ياحبيبي اصل انا ميته من الجوع
ساهر يحدث نفسه قائلا : اتنيلي انتي كمان دا وقت كرشك
ثم قال ل نور
: انت مصر تدربه مش كدا
نور بغيظ : جداً
ساهر خلع جاكته ووضعه جانباً قائلاً
: تمام يبقى هتدربني انا
صدم الجميع من ردة فعل ساهر
نڤين بصدمه : ساهر ياحبيبي احنا خارجين تدريب اي ال بتكلم عنه
ساهر وهو يفك ازرر كم قميصه: انا كان نفسي اوي اتعلم الكاراتيه وبما ان نور شاطر فيه انا بقول استغل الفرصه
نور بإرتباك : بس انا مقولتش انا مدرب كاراتيه
ساهر بنظرة وعيد : بلاش تواضع بقى ياكابتن دانت مصر انك تدرب يزن ولا يزن بس ال مسمحوله يلعب معاك
يزن بتعجب : هو اي ال بيحصل هنا
نڤين : انا نفسي مش فاهمه
ساهر وهو ينظر لعين نور : يلا نبدأ
نور بتوتر وقلبها يدق بقوه : ها اه ماشي
نڤين : طب والغدا
ساهر : يزن جهز لنڤين السفره خليها تاكل
يزن : تحت امرك ياساهر بيه
ثم ذهب للمطبخ
نڤين بعصبيه : اي شغل العيال داه انا طالعه اغير
ذهبت نڤين وبقي ساهر ونور
ساهر وهو ينظر بعين نور : يلا نبدأ
نور بتوتر : ضعيت ع نفسك الخروجه علشان ادربك
ساهر بدأ يقترب منها وهي ترجع للخلف بخوف
ساهر وعروقه كادت تنفجر من شدة الغضب :
مش قولتلك بلاش تستفزيني يانور وابعدي عن يزن
نور ترجع للخلف بخوف قائله
: وانت اي ال مدايقك انت مش كنت خارج مع مراتك
ثم انزلقت قدمها وكادت تسقط في حمام السباحه
ساهر امسك بيدها بسرعه وجذبها له قائلاً
: قولتلك قبل كدا لو هي مراتي فانتي مراتي بردو
نور بين زراعيه قلبها يخفق بشده وقلبه أيضاً
حاولت الإفلات من بين يديه لكنها اخذتها معه وسقطوا ف الماء
نور بصراخ : اااا حد يلحقني مبعرفش اعوم مبعرفش اعوم
ساهر وهو في الماء ينظر لها قائلاً
: عاجبك كدا ادينا غرقنا مايه
ثم اقترب منها قائلاً
: اهدي
نور بصراخ : اااا هغرق هغرق
ساهر وضع يده على فمها بلطف قائلاً
: متخفيش حطي رجلك ع الأرض وأقفي
نور صمتت لثواني ووضعت قدمها ع الأرض حتى وقفت
ساهر وهو ينظر لعينها وهم في وسط الماء
: عرفتي انك مش هتغرقي
ثم ازاح يده من على فمها بلطف
نور تنظر لعينه الحاده بحب قائله لنفسها : انا حاسه اني مغرقتش ف المايه انا غرقانه ف عنيه
ساهر ينظر لوجهها والماء يتساقط من شعرها على خديها
الأثنان في حالة صمت
بعد ثواني استوعبت نور مايحدث دفعته بعيداً عنها بسرعه
ساهر بغضب : مدمرة اللحظات الرومانسيه
نور بغضب : انا عايزه اطلع م المايه دي اطلع ازاي
ساهر بسخريه : خدي يمين ف شمال واطلعي ع طول
نور بعصبيه : ع فكره انت ذودتها اوي ولو قربت مني تاني هزعلك
ساهر اقترب منها قائلاً بجديه : زعليني
نور بخوف رجعت للخلف : بقولك عايزه اخرج م المايه قولي اخرج ازاي
ساهر قفز من ع السور وخرج ومد يده لها قائلاً
: تعالي
نور امسكت بيده وخرجت
ساهر جذب جاكيته الذي خلعه مسبقا ووضعه عليها قائلاً بإبتسامه
: روحي غيري علشان متاخديش برد
ثم تركها ومضى لغرفته ليبدل ملابسه
نور وقفت تحدث نفسها بشرود
: ابتسامته لوحدها كفيله تخلي قلبي يتخلع من مكانه اي الكائن القمر داه طب وربنا خساره ف الزفته ال اسمها نڤين
يتبع الفصل الواحد والعشرون 21 اضغط هنا
- فهرس الرواية كاملة "رواية الحقيقة المخفية كاملة"