رواية الحقيقة المخفية البارت الثاني والعشرون 22 بقلم ملك محمد
رواية الحقيقة المخفية الفصل الثاني والعشرون 22
ساهر خرج من غرفته وجد نور تجلس وتضع يدها تحت خدها
ساهر : احم
نور : انا زهقت وعايزه اروح
ساهر : لسه مخلصناش اليوم
نور بإحباط : انا عارفه انك جبتني هنا ولبستني اللبس داه علشان تفرحني بس انا فعلاً مدايقه
ساهر : كويس انك عارفه اني عملت كدا علشان افرحك
نور بيأس : وبالنسبه لمدايقه عادي عندك
ساهر بإبتسامه : قومي تعالي معايا
ثم مد يده لها
نور تنظر له بتردد
ساهر وهو يمد يدها لها
: متخفيش هاتي ايدك
نور امسكت بيده ووقفت معه
ساهر : تعالي نطلع ع فوق علشان محضرلك مفاجأه هتعجبك
نور بتعجب : مفاجأة اي
ساهر : هتعرفي فوق
صعدت نور مع ساهر لسطح المنزل الجو كان مظلم
السطح مزين بالبلالين والورود ومنظره مبهج
نور بتعجب : انت جايبني هنا ليه
ساهر وضع يده على عينها بلطف
نور : اي دا في اي
ساهر : اهدي وهتفهمي كل حاجه
ثم نظر في ساعته قائلاً
1_2_3
دقت الساعه السابعه مساءاً
ازاح ساهر يده من على عينها بلطف
فتحت نور عينها واذا بهى ترى الألعاب الناريه تتضيئ ف السماء
نور بلهفه وفرح : وااوو اي داه
ساهر وهو ينظر لها بحب : مبسوطه
نور بسعاده ولهفه وهي تنظر للسماء: جدا دا اجمل منظر ممكن اشوفه ف حياتي
ساهر بفرح : فاكره اول مره اتكلمنا مع بعض ف البلكونه عندي وانتي كنتي مبهوره بالألعاب الناريه
نور : اه فاكره
ساهر : ف اليوم داه انا عرفت انك بنت وبدون مبالغه اليوم دا اجمل يوم ف حياتي
نور بخجل : انت مش ملاحظ انك بتقول كلام حلو كتير
ساهر : وياريت البعيده بتفهم
نور نكزته في كتفه قائلاً
: البعيده مابتفهمش وفر كلامك الحلو لمراتك ال موجوده ف البيت
ساهر : يابنتي انتي لازم تفصلينا كدا معرفش هي مديقاكي ف اي
نور بوجع قلب : عمرك ماهتفهم احساسي اي حتى لو جوازنا ع ورق ومبحبكش بس تخيل ابقى قاعده تحت وانت فوق واخدها ف حضنك احساس بشع اوي
ساهر بإبتسامه جذبها لحضنه قائلاً
: بتغيري عليا
نور بنظرة حب: لا طبعاً دانا مستنيه اليوم ال هخلص فيه منك بفارغ الصبر
ساهر بهيام: تصدقي وانا كمان مستني اليوم داه بفارغ الصبر
نور توترت من نظرته لها افلتت نفسها من بين يده قائله
: السما من هنا شكلها حلو اوي
ساهر : تحبي تفضلي هنا ع طول
نور : لا انا اتعودت على وجودي ف الڤيلا
ساهر بضيق : اتعودتي ع وجودك ف الڤيلا ولا متقدريش تبعدي عن سي يزن
نور : انا مش فاهمه انت حاطته ف دماغك ليه
ساهر : وهحطه ف دماغي ليه هو ميتقارنش بيا اساسا
نور بسخريه : ع فكره بقى لو خيروني بين واحد زيك وواحد زي يزن هختار يزن
ساهر بعصبيه : واحده زيك هتختار مين يعني اكيد واحد زيها
نور : انت انسان مستفز
ساهر : طب اسكتي علشان متقلبش نكد زي كل مره
نور هدأت ونظرت للسماء قائله
: انا نفسي نجمه مش انت معاك فلوس كتير وتقدر تعمل اي حاجه ممكن تجبلي نجمه
ساهر بإبتسامه وهو ينظر لها : انا فعلا معايا واحده
نور بذهول: بجد هي فين
ساهر بإبتسامه : واقفه جمبي
نور تلفتت يميناً ويساراً قائلاً
: هي فين دي
ساهر بإحباط : لا ماهي غبيه شويه مبتفهمش
نور علمت انه يقصدها قالت بخجل
: ساهر ممكن تبطل تقول كلام حلو كتير
ساهر : ليه
نور : علشان كدا هتخليني احبك ودا مينفعش
ساهر : ليه مينفعش
نور بحزن : علشان انت واحد متجوز
ساهر : يادي النيله كل شويه متجوز متجوز يابنتي متجننيش انتي مراتي افهمي ولا افهمك ازاي انا دلوقتي
فجأه يرن هاتفه يخرجه وينظر به فيرى المتصل نڤين
ينظر لنور
نور بحزن : مش لازم تفهمني انا فاهمه كل حاجه اتفضل رد متتكسفش
وتركته ونزلت لأسفل
ساهر رد على هاتفه قائلاً
: في اي يانڤين
نڤين : هي دي طريقه تكلمني بيها
ساهر : قولي في اي خلصي
نڤين : انت فين دا كله وسايبني هنا لوحدي
ساهر : ملكيش دعوه وياريت متتصليش بيا تاني فاهمه الا للضروره فاهمه
نڤين بعصبيه : انت ...
فجأه يغلق ساهر الهاتف بوجهها
يضعه بجيبه وينزل لأسفل
يجد نور بالمطبخ
ساهر بتعجب : بتعملي اي
نور : خلصت كلام بسرعه مع حبيبة القلب يعني
ساهر : بقولك بتعملي اي
نور : جعانه وبدور ع حاجه اكولها
ساهر : اطلعي اطلعي مفيش حاجه عندك البيت داه مفهوش بني ادم وانا سايبه من زمان
نور وهي تضع يدها على بطنها من شدة الجوع
: اي دا مفيش اكل
ساهر : كلها نص ساعه والأوردو يكون هنا
نور : انت طلبت أكل امتى
ساهر : متفق معاهم من امبارح ع المعاد
نور : واضح انك مظبط كل حاجه هو احنا مش هنروح ولا اي
ساهر : هناكل ونمشي ع طول تعالي ع نفسك واستحملي وجودك معايا شويه عارف يزن واخد كل عقلك
نور بعصبيه : يزن تاني
ساهر : انتي قولتي بنفسك لو خيروكي بيني وبينه هتختاريه اساسا الطيور ع أشكالها تقع
نور بسخريه : هه ع الأقل مش متعجرف زيك
______________
في منزل عمر
عمر آتى من عمله وجد لارا بالمطبخ
عمر بسخريه : اجري استخبي انا جيت
لارا ببرود : لما اخلص ال ف ايدي
عمر بذهول : اي دا بجد شكل قلبك جمد اوي
لارا : غير هدومك علشان هنتعشى سوا
عمر وهو يداري إبتسامته : احم شكل المكالمه جابت نتيجه
لارا بعصبيه : بطل استفزاز وانجز
بدل عمر ملابسه وجلس على طاولة الطعام
ذهل عندما رآى السفره يوجد عليها كل ما لذ وطاب
عمر يحدث نفسه بذهول قائلا ً : يلهووي غيرة البنات دي طلعت صعبه اوي
لارا : اقعد ولا هتفضل واقف
عمر جلس قائلاً : ممكن افهم اي سبب التغيير المفاجئ داه
لارا بإرتباك: مفيش قولت اعملك أكل النهارده ع فكره انا شاطره ف عمايل الأكل جدا
عمر وهو يداري إبتسامته : بصراحه واضح
ثم بدأ بتناول الطعام
لارا : عمر هو انت شايفني بنت حلوه ولا وحشه
عمر بتعجب : اي السؤال داه
لارا وهي تلعب. بشعرها : لا بسأل بس
عمر : حلوه وتاخدي العقل كمان
لارا بخجل : احم اها شكراً
عمر بخبث: بتسألي ليه
لارا : اصل بصراحه انت كنت عرضت عليا الجواز قبل كدا وانا رفضت فبقول افكر ف الموضوع تاني
عمر بذهول : دا بجد
لارا : اي رجعت ف كلامك
عمر بلهفه : لا لا فكري براحتك معاكي لحد خمس ثواني كمان تكوني قولت اه موافقه
لارا : حيلك حيلك انت بتاخدني ف دوكه
_____بقلم ملك محمد_________
نعود لساهر ونور
يجلسان بجانب بعض في جو رومانسي ع سطح المنزل ويتناولون الطعام
ساهر بضحك ينظر لها وهي تأكل
: واضح انك جعانه اوي
نور والأكل بفمها : جدا
ساهر لا يأكل وينظر لها بحب وهو يضع يده تحت خده
نور بتعجب: مبتاكلش ليه
ساهر : انا مبسوط كدا
نور بإرتباك : طب بطل تبصلي وانا باكل
ساهر مد يده بلطف ليمسح فمها من آثار الطعام الموجده عليه
نور رجعت للخلف بخوف
ساهر : متخفيش
ثم مسح شفتيها بيده
نور بخجل : بهدلت نفسي انا عارفه
ساهر : كلي براحتك مفيش بهدله
ثم رجع للخلف وأستلقى ع الأرض ونظر للسماء
نور انتهت من طعامها قائله
: انا خلصت أكل مش هنروح بقى
ساهر وهو ينظر للسماء : تصدقي اول مره اشوف السما حلوه كدا
نور رجعت للخلف واستلقت ع الأرض بجانبه ونظرت للسماء قائله
: فعلاً شكلها حلو اوي
ساهر دنا منها اكثر ومد زراعه قائلاً
: ارفعي راسك
نور بخجل : لا انا مرتاحه كدا
ساهر : متخفيش مش هاكلك
نور بتوتر وضعت رأسها على ذراعه ونظرت لأعلى بخجل
ساهر ابتسم وهو ينظر للسماء
نور تحدث نفسها قائله
: اهدي يانور عادي مفيش حاجه انت نايمه جمب جوزك مش واحد غريب اهدي
ساهر : سرحتي ف اي
نور وقلبها يخفق بشده : ها لا مفيش
ساهر : تعرفي انا نفسي ف اي
نور : ف اي
ساهر : اليوم داه ميخلصش
نور : لازم هيخلص هي دي طبيعة الحياه كل حاجه ليها نهايه
ساهر اغمض عينه
نور أيضاً اغمضت عينها
وغفا الأثنان دون أن يشعروا
مر الوقت ونور تنام بين زراعيه وهو يحتضنها
فتح عينه فوجد وجهه بوجها وهي بين زراعيه تفاجئ بالبدايه لكنه ابتسم بعدها وأغمض عينه وأكمل نومه
______________
"نهار يوم جديد"
اشرقت الشمس وداعبت وجههم كانها تخبرهم ان الحلم قد انتهى ولنعود لأرض الواقع
نور فتحت عينها وجدت نفسها تنام على صدر ساهر
ابتعدت عنه بصراخ قائله : اااا
ساهر استيقظ قائلاً : في اي
نور بإرتباك : احنا ازاي نمنا هنا
ساهر جلس وهو يمسك بذراعه بألم قائلاً
: دراعي مش حاسس بيه
نور : ع فكره انا مكنتش نايمه ع دراعك أنا صحيت لقيت نفسي ع الارض وبعيد عنك كمان
ساهر بإبتسامه : ياسلام
نور : انا هنزل اغير الفستان داه وامسح وشي واشيل البروكه دي كمان والبس لبسي القديم علشان نروح
ساهر بضيق : هنرجع للقرف تاني
نور تركته ونزلت لأسفل لتبدل ملابسها
بعد مده من الوقت
انتهت نور من تبديل ملابسها كان ساهر ينتظرها بالسياره
آتت اليه وصعدت للسياره قائله
: ياه الواحد كان حاسس انه ف حلم اديني رجعت للبس الرجاله تاني
ساهر وهو يدير السياره : تصدقي بقى بعد ماشوفتك بلبس البنات انا عايزك تفضلي كدا ع طول
نور بعصبيه : ليه بقى
ساهر : علشان محدش يبصلك غيري
نور بسخريه : ال يشوفك وانت بتكلمني يقول الأفندي عشقان
__________
"في قسم الشرطه"
سيف في مكتبه يدخل عمر عليه قائلاً
: ها ياسيف افتكرت شوفته فين
سيف : افتكرت ودماغي هتتفجر من وقتها
عمر : ليه
سيف : لاني شوفته مع اللوا محمود
عمر : انا كنت عارف ان القضيه دي اللوا محمود اكيد متورط فيها
سيف : طب وهنعمل اي
عمر : خلي حد يراقبه مفيش حل الا داه بس خد بالك لو اتقفشنا هنروح ف داهيه ها
سيف : فعلا مفيش كل غير كدا
عمر : القضيه لازم تتحل ف اقرب وقت البنت كل دقيقه بتمر عليها بره بتكون ف خطر
سيف : هحاول ابذل كل جهدي اطمن
____________
في الڤيلا
وصل ساهر ونور للمنزل
كانت نور تجلس ف الحديقه
نور وهي تنزل من السياره
: قابل يابشمهندس
ساهر يحدث نفسه قائلا: يادي القرف
تنزل نور من السياره وتركض متجهه للمطبخ
ساهر مر من امام نڤين كأنه ام يرها
تڤين بعصبيه وصوت مرتفع
: هو انا شفافه ولا اي
ساهر ببرود : نڤين انتي هنا
نڤين بعصبيه : كنت فين طول اليوم وكمان بايتلي بره
ساهر : قولتلك كام مره متدخليش ف حياتي
ثم تركها ومضى
نڤين بعصبيه ووعيد : دا كله علشان نور ماشي ياست نور اصبري عليا
يصعد ساهر لأعلى وتدخل نڤين خلف نور
نور كانت في غرفتها دخلت عليها نڤين وأغلقت الباب خلفها
نور حينما رآتها وقفت بسرعه قائله
: نڤين هانم
نڤين اقتربت منها وصفعتها على وجهها قائله
: انتي واحده مش متربيه علشان تاخدي واحد من مراته وتباتوا لوحدكوا ف مكان بره
نور بصدمه وهي تمسك خدها من الألم : انتي تعرفي اني بنت
نڤين بعصبيه: طبعاً اعرف هو ساهر يقدر يخبي عني حاجه انا اعرف كمان انك هربانه من السجن رد سجون يعني
نور والدموع تجمعت في عينها ظلت تستمع لها بصدمه
نڤين : فاكره ان ساهر بيساعدك علشان بيحبك مش كدا انتي غبيه اساسا هو قايلي انه بيساعدك شفقه عليكي مش اكتر انما هو مبيحبش غيري انا
نور ببكاء : انا مقولتش انه بيحبني
نڤين : هه مقولتيش اه بس واضح اوي من جريك وراه هما تربية الشوارع كدا لما بيشبطوا ف حاجه مبيسبوهاش
نور ظلت صامته وتبكي فقط
نڤين : ابعدي عن ساهر احسنلك انتي مش حاسه انه واحد متجوز ولا اي روحي لفي على حد غيره واوعي مساعدته ليكي تخلي مخك يروح لبعيد ساهر جدع مع اي حد مش معاكي بس
ثم تركتها وخرجت من الغرفه
نور ظلت تبكي بشده
________________
صعدت نڤين لغرفة ساهر دخلت بغضب قائله
: انت مش مكسوف من ال انت بتعمله
ساهر وهو يبدل ملابسه رد ببرود: هتكسف من اي يعني
نيفين بعصبيه : انت ازاي تبات مع واحده ف مكان لوحدكوا كدا عادي لو مش خايف على مشاعري خاف من ربنا يااخي
ساهر انتهى من ارتداء قميصه نظر لها قائلاً : مين قال اني كنت مع واحده معرفهاش ف مكان لوحدنا
نڤين بعصبيه : هي نور بقت قريبه اوي منك كدا
ساهر ببرود: نور دي مراتي
نڤين من الصدمه لم تستطع النطق ردت بتلعثم : ساهر انت بتهزر صح
ساهر : لا وهي مراتي من قبل ماتكوني انتي مراتي فهمتي
ثم تركها وخرج
من الصدمه لم تتحملها قدمها وكادت ان تسقط جلست ع الكرسي قائله بذهول
: معقوله ساهر متجوزها
يتبع الفصل الثالث والعشرون والأخير اضغط هنا
- فهرس الرواية كاملة "رواية الحقيقة المخفية كاملة"