رواية القدر البارت الثالث 3 بقلم هايدي يسري
رواية القدر الفصل الثالث 3
كانت ريتال تفكر هتعمل ايه كلمت ميرال تحكلها اللي حصل
ميرال : لا ده شكله وقع بقي ومحدش اده
ريتال : معقول حد يحبني كده ازاي
ميرال : ياقلبي انتي ليه بتقولي كده علي نفسك
ريتال : المهم اعمل ايه مينفعش اكلمه
ميرال : يلا نروح الجامعه هو اكيد هناك لو شافك هيكلمك
ريتال : طيب هلبس علي متيجي
ريتال وهي ترتدي ملابسها تلفونها يرن رقم غريب
ريتال : السلام عليكم
المتصل : عليكم السلام... كنت متاكد انك مش هتكلميني علي فكره وثقتي فيكي كبيره اوي
ريتال : مين حضرتك
مروان : انا مروان
ريتال وهي غير مستوعبه : وجبت رقمي ازاي
مروان : بصراحه اخدته من الكليه مانتي مسجله رقمك هناك في ورقك
ريتال : علي فكره مينفعش اللي انت بتعمله ده انا هقفل
مروان : استني بس طب ما انا مينفعش اجي بيت الناس من غير ميعاد... ينفع بكره الساعه 6 ياريت تبلغي والدك
ريتال بسكوف : ان شاء الله
مروان : سلام ياحب حياتي
اغلق الخط وذهب الي عائلته
مروان : امي العزيزه بتعمل اكل ايه
ام مروان زينب : ابني العزيز بعملك محشي ورق عنب
مروان : الله عليكي ياحجه والله.... عندي ليكي خبر حلو
زينب: خير ياحبيبي
مروان : ابنك قرر يتجوز
زينب : يا الف نهار مبروك مين هي وكويسه ولا لا وحلوه ولا لا
مروان : حيلك حيلك بصي ياستي هي معايا في الجامعه وهي حلوه اوي وبنت محترمه ومتدينه وانا حتي مكلمتهاش غير مره واحده بطلوع الروح علشان احدد معاد نروح فيه
زينب : طب هنروح امتي علشان اقول لابوك
مروان : بكره الساعه 6 نكون هناك
زينب : بتحبها ولا علشان عجباك وخلاص ده جواز يامروان مينفعش هزار
مروان : والله يا امي بحبها اوي بجد وهبقي مخلص ليها العمر كله
نورا اخت مروان الصغيره : مين دي اللي بتحبها يا واد
مروان : تعالي يالمضه اخوكي هيتجوز
نورا : ومين دي اللي هتوافق عليك
مروان : اخس عليكي هو انا معيوب ولا ايه ده انا شب وسيم حته
نورا : ربنا يكون في عونها والله ....اسمها ايه بقي علشان اظبطك ادامها لما اروح
مروان : اسمها ريتال وبلاش فضايح يانورا الله يسترك مش عايزين الجوازه تبوظ
نورا : عيب عليك كله تمام التمام
عند ريتال
ريتال : ماما عايزه اقولك موضوع
رحاب : خير ياحبيبتي
ريتال بكسوف : بصراحه في عريس عايز يجي يتقدملي
رحاب بفرح : بجد ياحبيبتي الف مبروك طب هو محترم وعلته كويسه
ريتال : بصراحه معرفش عنه غير حاجات بسيطه انه بيشتغل مع باباه في شركته بس وهو شكله شاب محترم
رحاب : طب هيجي امتي
ريتال : بكره الساعه 6
رحاب : ياخبر احضر الحاجه امتي مش تقولي من بدري.... بس هنلحق ان شاء الله يلا انا قايمه اشتغل علي ميجي ابوكي
ذهبت ريتال تحدث صديقتها
ريتال : ميرال استني ادخل دارين في المكالمه علشان عايزه اقولكو علي حاجه
ميرال : اوك يلا
دارين : نحن هنا هيا اخبرينا
ميرال بضحك : يابت بطلي الهطل بتاعك ده ده انتي كلها كام شهر وتتجوزي الا اخبار المنحوس بتاعك ايه
دارين : اتلمي يابت متقوليش علي خطيبي منحوس ده غل ده ولا ايه
ميرال : ياختي اتوكسي تقوليش عليه شاروخان مثلا
ريتال : انتو مش واخدين بالكو ان انا متصله علشان اقولكم حاجه بردو ولا ايه
ميرال : معلش يا اوختي بس كنت بشرشحلها .... ها يلا قولي
ريتال : عيزاكو بكره من النجمه تكونوا عندي
دارين : ليه اشمعنا
ريتال : جايلي عريس
دارين : مش معقول مين تعيس الحظ
ريتال : اتلمي يابت... مروان
دراين : مروان مين
ريتال : فاكره اللي دافع عني في المحاضره هو ده بقي
دارين : ايوه بقي ياعم والعه علي الاخر
ميرال : صبح مين بقي انا جيالك ابات معاكي لازم اظبطك وانتي عارفه انا مواريش غيركوا
دارين : انت عارفه سيف مش هيوافق اجي ابات بس من النجمه هتلاقيني عندك
ريتال : ربنا يخليكوا ليا
اغلقت معهم انتهي اليوم علي التجهيزات لاستقبال العريس يوم غد
في الصباح
ميرال : امك امبارح اكلتني كتير في العشا معرفتش انام
ريتال : مانتي عارفه انها بتحبك
ميرال : وانا كمان بحبها والله دي امي يابنتي
ريتال : طبعا هتجهزيني أنتي
ميرال : طبعا دي عايزه سؤال ده بنتي جيلها عريس انا اللي هطلي واتنك مش ابوكي
ريتال : راح العريس
ميرال بضحك : انتي نسيتي انه بقي اخويا ولا ايه
ريتال : لا وانتي الصادقه هيبقي جوز بنتك
ميرال : صح عندك حق
انتهوا من التجهيرات وصل العريس كان يرتدي بدله سودا وقميص موف مما جعله اكثر انجذاب وكان يضع ربطه عنق سودا جعلته اكثر اناقه
انا ريتال فقد ترتدي فستان من اللون الازرق طرحه من اللون البيضاء وتضع ميك اب خفيف يزيدها جمالا
ابو ريتال : ايه ده مش ممكن فتحي
فتحي ابو مروان : مش معقوله عزت
يتبع الفصل الرابع 4 اضغط هنا