رواية زمردة الزين البارت الثامن والعشرون للكاتبة فاطمة سعيد
رواية زمردة الزين الفصل الثامن والعشرون
اسر : دى منة عبد الله الصياد
اختك يا زين
زين بصدمة : اي اختى !؟ 😳
زمردة بصدمة : ايه !؟ 😳
زين بصدمة : اي اللى انت بتقوله ده يا اسر اختى ازاى انا اختى ماتت وانت عارف كل حاجة
اسر : لا مماتتش يا زين اقعد انا هفهمك كل حاجة
اسر حكى لزين كل اللى منة حكتهوله
زين : معقول كرهتنا وعايزة تنتقم منا انا مش مصدق انها لسة عايشة
اسر : بس بردو لازم نتأكد يا زين اعمل تحليل دى أن اي عشان تتأكد
زين : ماشى هعمل بس هى يا اسر انا من ساعة ما دخلت وانا حاسس انى اعرفها وافتكرت اختى واتضايقت بس ازاى تطلع هى بجد
زمردة : انت متاكد يا اسر
اسر : انا حكتليكوا كل اللى قالته
زين بدموع بيحاول يداريها : انا مش مصدق انها لسة عايشة ليه عملوا فى عيلتى كده احنا ماذيناش حد لي يبعدوها عننا بالطريقة دى ليه
زمردة حطت أيدها على كتفه : أهدى يا زين واستهدى بالله قل لن يصيبنا الا ما كتب الله لنا
زين : ونعم بالله
اسر : زين هى مينفعش تعرف حاجة دلوقتى
زين : هى ازاى مش فاكرة ملامحى ازاى معرفتنيش أما شافتنى ده احنا كنا اقرب اتنين لبعض
اسر : لا افتكرتك أو بمعنى أصح افتكرت اخوها وكمان انت نفس الاسم وزعلت ودموعها خانتها وسابتنا ومشيت
زين : قسما بالله لاندم اى حد كان ليه ايد فى بعدها عننا مينفعش اسيبها تانى بعيد عن حضنى دى بنتى قبل ما تكون اختى
زمردة بدموع : اسر معاه حق يا زين احنا لازم نمهدلها الموضوع بالراحة جدا لانها فاكرة انكوا سيبتوها ورميتوها
زين : طيب حاضر مع انى عايز اخدها فى حضنى وحشانى اوى
زمردة : اصبر شوية بس وهتبقى فى حضنك باقى العمر
اسر بضحك : بقولك اي هتبقى فى حضنى انا كمان ماليش دعوه
زين بحدة : عايز اي يلا
اسر بضحك : يا عم انت قفوش اوى كده لي انا بحبها وعايز اتجوزها كمان
اكمل بحزن : طبعا ده لو خفيت ولو قومت من العملية
زين : بطل هبل يا اسر أن شاء الله هتخف وتبقى احسن من الاول
زمردة : بنى ادم براس بخاخة صحيح اخرس يا اسر
الباب خبط
زين : اتفضل دخلت منة
وعينها جت فى عين زين
ودمعت تانى وحاولت تدارى
منة : انا قولت اجى اشوفك لو عايز حاجة يا اسر قبل ما انام
اسر : لا عايز سلامتك يا منة
منة : تمام عن اذنكوا وفرصة سعيدة يا مدام زمردة
زمردة بمرح : لا مدام اي خلى البساط احمدي كده اسمى زوزو احنا هنبقى أصحاب بقى
منة بابتسامة طالعة بالعافية وبتحاول متبصش لزين : اكيد دى حاجة تشرفنى عن اذنكوا
خرجت وقفلت الباب وراها
زمردة : يا عينى صعبانة عليا دى شايلة هم الدنيا كله على كتفها
زين بتوعد : مش كتير وهخليها ترتاح من كل حاجة وحشة شافتها ومش هرحم اللى كان السبب فى ده كله
الباب خبط تانى
دخل دكتور عز الدين
عز الدين : ها اي الاخبار يا بطل
بعدين شاف زين قاعد معاه
عز يحضن زين : يااااه فينك من زمان يا عم زين وحشتنى والله
زين بابتسامة : ازيك يا عز ليك وحشة والله
عز : انا تمام الحمد لله
عز بغمزة : وخطبت وانت
زين بضحكة : وانا تمام الحمد لله
زين بنفس الغمزة : واتجوزت
عز : بجد مين سعيدة الحظ
زين بيشاور على زمرد : اهى
زمردة : اهلا بحضرتك
عز : اهلا بيكى الله يكون فى عونك والله على الواد القمر اللى واقف ده
وبص لزين : طبعا مش بتريق هاا
زمردة بضحك : لا معلش انا حبيبى مفيش منه اتنين
زين ابتسم على كلمة زمرد
عز بضحك : لا مش اوى كده يا اختى ده كان خاربها قبل الجواز
زين بصدمة : انا يلا
عز بكذب : أيوة يا كبير انت مش فاكر ام بلال والا اي
زمردة بصدمة : ام بلال مين
عز بكذب : ام بلال دى كانت حبيبة جوزك زمان
زين : ما تتلم يا عز فى اي
زين لزمرد : كداب والله يا حبيبتى دى واحدة ست كبيرة بتحبنى زى ابنها عادى
عز بغمزة : ابنها بردو
زين : ما تتلم بقى يا عز مالك
عز بضحك : اوعى تكونى صدقتى يا مرات اخويا مفيش حاجة من دى أنا بهزر بس
زمردة بضحك : انا عارفة اصلا قرة عينى طول عمره محترم
زين حس بغيرة من ضحكها مع عز
زين بجدية : أمال كنت جاى لي يا عز
عز : كنت جاى اتطمن على اسر
زين : واتطمنت
عز : احم انا شكلى بتطرد بالزوق يلا عن اذنكوا بقى
زين راح وراه وخرج معاه برة
زين : هى اي حالة اسر يا عز
عز : هو لازم يعمل العملية قبل ما الاسبوع ده يخلص والا هيبقى فيها خطورة عليه
زين : طب ومستنى اي اعملها فورا
عز : خلاص تمام هخلص الإجراءات ويعملها بكرة بالكتير
زين : تمام
عز ميل على زين وهمس فى ودنه : بس مفيش داعى تغير على مرات اخويا منى يا اهبل
زين : ما انت اللى مستفز وشغال هيهيهيهيهى وهيهيهيهي
عز بضحك : والله انت عبيط بس انا قريك يا صاحبى
زين : يلا يا باشا شوف شغلك
ممرضة بسرعة : الحق يا دكتور عز الحق
عز بقلق : فى اي
الممرضة : مامت منة يا دكتور الحقها تنفسها منعدم
جرى الدكتور والممرضة ومعاهم زين لاوضة مامت منة
منة بدموع : الحقها يا دكتور عز بالله انقذهالى
عز : أهدى بس كل حاجة هتبقى تمام هتبقى كويسة أن شاء الله
الممرضة خرجت منة اللى غرقانة فى دموعها بالعافية من الاوضة
وزين خرج معاها
زين صعبانة عليه أخته اوى ونفسه ياخدها فى حضنه
زين : أهدى يا آنسة منة هى اكيد هتبقى كويسة
منة بصتله بدموع وكان نفسها اخوها يبقى معاها دلوقتى وهو بيفكرها جدا بيه
منة بدموع : أن شاء الله
بعد شوية خرج عز
عز : منة انا مش عارف اقولك اي بس هى لازم تعمل العملية بكرة لو اتاخرت عن كده مش هيبقى فى نسبة نجاح للعملية اصلا
عز سابها ومشى
منة زادت فى دموعها اكتر وقعدت على الأرض : يا رب سيبهالى انا مقدرش اعيش من غيرها يا رب انت عارف
زين دموعه نزلت على حال أخته
مسح دموعه بسرعة
زين : اي رايك اساعدك
منة بدموع : افندم
زين : يعنى انا هعمل لمامتك العملية اللى محتاجاها
منة : ومين قالك انى محتاجة شفقة من حد
زين : لا لا انتى فهمتى غلط خالص انا بقول هساعدها وابقى اشغلك فى الشركة بتاعتى وابقى سددى المبلغ براحتك من مرتبك هاا اي رايك
منة بتفكير ومكانش فى حل تانى تنقذ امها بيه
منة : وانا موافقة
زين : تمام انا هروح اخلى عز يجهز إجراءات العملية فورا
منة حست بحنية اخوها اللى بيفكرها بيه
منة بدموع : شكرا لحضرتك
زين بابتسامة : ولا شكر ولا حاجة انتى اختى احم قصدى زى اختى
ومشى وراح لعز
منة بدموع : وحشتنى اوى يا زين
زين راح لعز وبلغه وعز ابتدى يجهز إجراءات العمليتين
تانى يوم
عملت مامت منة العملية ونجحت وبقت كويسة ونقلوها اوضة عادية ومنة كانت فرحانة جدا عشان مامتها هتبقى كويسة
عند اسر فى الاوضة .....
كان زين وزمردة قاعدين معاه
كانت زمردة قاعدة على الكرسى جمب سريره وبتحاول تحبس دموعها عشان تطمن اسر
الباب خبط
منة بفرحة : اسر
اسر : عاملة اي يا منة
منة : ماما عملت العملية يا اسر هتبقى كويسة
اسر بفرحة : طب الحمد لله ربنا يتم شفاها على خير ويخليهالك
منة باستغراب : انتوا مالكوا قاعدين هتعيطوا كده لي
كلهم فضلوا ساكتين
منة : فى اي يا جماعة
بصت لأسر : فى اي يا اسر
اسر : مش عارف انا الناس اللى قالبينها دراما دول
زمردة : اصل اسر هيعمل العملية النهاردة يا منة
منة ابتسامتها اختفت وكانت قلقانة وخايفة جدا من جواها بس حاولت متبينش
منة : طب واي يعنى هيعملها ويخف ويبقى زى الفل كمان كده والا اي يا اسر
اسر بابتسامة : ان شاء الله
منة بمرح : بس انا زعلانة منك يا اسورى
اسر بضحك : اسورك وزعلانة من اي بقى يا منونة
منة : اصلك مقولتليش انك هتعمل العملية النهاردة
اسر : كنت مستنى اتطمن على مامتك الاول
منة بابتسامة : هتبقوا كويسين وتفضلوا معايا انتوا الاتنين
اسر بخبث : وانتى عايزانى افضل معاكى
منة اتكسفت من اللى قالته : ربنا يقومك بالسلامه
زين لاحظ كسوف أخته وابتسم عليها
زين : اسر قدامك ساعتين وتدخل العمليات
اسر بابتسامة وهو ينظر لمنة : تمام انا مستعد من دلوقتى
وعدى ساعتين وجم يجهزوا اسر للعملية
قدام العمليات اسر نايم على السرير وبيبص عليهم
اسر : زين
زين : نعم
اسر : قرب تعالى
قرب منه زين
اسر : اسمعنى للآخر ومتقاطعنيش خلى بالك من منة بالله ما تزعلها وزمردة أمانة فى رقبتك وسلملى على امى كتير بالله قولها مقالكيش عشان مكانش عايزك تزعلى وقولها انى بحبها اوى ومنة اوعى تزعلها كفاية اللى شافته مش شوية وخلى بالك من نفسك
زين : بطل الهبل اللى بتقوله ده واما نرجع مصر قول لمامتك اللى عايزة ماليش دعوة وبعدين يلا يا عم عشان اجوزك منة مع أن انا لسة مشبعتش منها بس يلا ادينى هسيبهالك
اسر سلم على زين
وسلم على زمردة اللى دموعها خانتها
زمردة بدموع : خليك قوى يا قلب اختك ربنا هيقومك بالسلامة أن شاء الله متخافش
اسر سلم على زمردة
قبل ما يدخل العمليات
اسر : منة
منة بدموع مدارياها : نعم
اسر : قربى ثوانى
اسر : انا بحبك يا منة بحبك اووى اوعى تنسينى اعرفى أنه مش بايدى انا مش عايز ابعد عنك ابدا بس مش بايدى
منة بدموع : بطل الهبل اللى بتقوله ده يا اسر انت هتقوم وتفضل معايا متنساش وعدك اللى وعدتهولى انك هتفضل معايا لازم تنفذ وعدك ليا هاا
جت الممرضة ومشيت بسرير اسر لاوضة العمليات
وهو على باب الاوضة
منة ندهت عليه : اسر
اسر بصلها
منة بدموع : انا كمان بحبك مستنياك هاا
اسر ابتسم لها بدموع : مع السلامة
وعدى وقت كبير اوى واقف زين وزمردة ومنة قدام اوضة العمليات
منة راحت تطمن على مامتها بسرعة ورجعت تقف قدام العمليات تانى
بس مالقيتش حد قدامها ولا زين ولا زمردة
منة للممرضة : هو اللى كان فى العمليات خرج
الممرضة : لا حول ولا قوه الا بالله البقاء لله
منة بصدمة مش قادرة تنطق
الممرضة مشيت وسابتها فى صدمتها
منة بصدمة ودموع متحجرة : اسر
ووقعت مغشيا عليها
جم الدكاترة ونقلوها لاوضة وادوها مهدأ
وزين واقف جمب زمردة اللى مش مبطلة عياط ومشافش منة لسة ....
يتبع الفصل التاسع والعشرون اضغط هنا
- فهرس يجمع فصول الرواية كاملة اضغط هنا