رواية تزوجت ملتحي رغما عني كاملة جميع الفصول من الفصل الأول حتى الأخير بقلم الكاتبة المصرية شيري عصام عبر دليل الروايات
رواية تزوجت ملتحي رغما عني كاملة
بابي!؟ انت ازاي تفتح معايا موضوع زى ده؟
انا مستحيل اتجوز الانسان المتخلف الجاهل ده.!!
بابا: اسراء الموضوع خلص خلاص انا وافقت و الفرح كمان اسبوع ومعتش فيه كلام في الموضوع ده، مبروك يا حبيبتي ربنا يتمم بخير
انا = بابي بجد انا مش عارفه اقولك ايه؟؟؟؟ هتجوزني لواحد متخلف يابابي؟!! ده مش بيبصلى!! بابا انت بتهزر صح! انت مش هتغصب عليا فى الجوازه دى اكيد...
بابا: قولتلك خلص الكلام احمد هيكون جوزك كمان اسبوع إن شاء الله ومعتش فيه كلام في الحوار ده تاني! عن اذنك...
قعدت مش مصدقه نفسي هل ده بابا فعلاً ولا انسان راجعي ومش فاهم بنته.!
اعرفكم بنفسي: انا اسراء فتحي الخولى، بابي يبقي الاعلامي فتحي الخولى....
وصاحب مجموعة شركات الخولى العالميه
عندي 23 سنه خريجة هندسه معماري
عايشه في الجيزه، بحب الافلام الرومانسيه جدا ونفسي اتجوز عن قصة حب بس للاسف عيبي انى بكره اي حد يفرض رأيه عليا، بابا غاصب عليا اتجوز احمد عادل ابن عادل بيه النواف، شاب متخلف وراجعى ومتشدد علطول بشوفه مش بيبص لبنات ودايما ماشي فى حاله كان معايا في نفس الكليه، منكرش انه كويس ومحترم بس انا بنت كيوت والشباب هيموتو عليا، أجي فى الاخر اتجوز ابو لهب ده.!!! مش معقول اتجوزه.! وبعدين انا معرفهوش غير شكلاً واسماً بس! انا معرفهوش معرفة شخصيه، انا اصلا مش بصلى هتجوز اللى مش بيخرج من المسجد ده.!! يا الله بجد!
ـــــــــــــــــــ (╯︵╰,) بعد اسبوع (╯︵╰,)ـــــــــــــــ
لووووووووولييييي مبروك ياست هانم ربنا يتمم بخير يارب والله انا فرحنااالك اوى
"دى بقا تبقي داده ميرڤت هى اللى ربتنى بعد ما بابا وماما اطلقو وانا صغيره، على قد منا بحبها ومقدرش اعيش من غيرها لحظه، على قد منا بكره بنتها جدا لانها عامله زى احمد ده علطول لابسه شوال كده حاجه قرف، يعني علشان هى لابسه نقاب لازم تلبس جاونت وتلبس بيشه على عينها ولازم تلبس محلفه ولا ملحفه مش عارفه بيقولوا عليها ايه دى"
انا بحزن: تسلمي يادادا روحي انتي بقي علشان عايزة اقعد لوحدي شويه..
دادا ميرڤت: حاضر ياقلب دادا بس بسرعه بقا الا العريس زمانه جاي وبابا هيزعق لو ملاقكيش جاهزه
خرجت دادا ميرڤت من الاوضه وانا قعدت على الارض اعيط واقول: اااااااااه ليييييه بس اتجوز ده؟ ليييييه!!! انا ليه حظى دايما وحش اتحرمت من مامى وهى عايشه، وبابي دايما فى الشغل ومش بيكلمنى ولا عُمره سأل انا عاوزه اقوله حاجه ولالا.!! وصحابي بتوع مصلحتهم وحتى دادا ميرڤت مش فاضيالى علشان اتكلم معاها شويه.!!
قعدت اعيط وساعتها حاسيت ان الموت ارحم من كل ده.! وبعدين افتكرت ربنا اللى مش بصليله ركعه...
قعدت حوالي ساعه وكانت احزن ساعه فى حياتى، قعدت اعيط على كل لحظه وحشه فى حياتى وعن صحبتي اللى خدعتني بعد صحوبيه 8 سنين وفى الاخر اخدت حبيبي منى واتجوزته وعن الشاب اللى حبيته واتخطبطله وبعدها توفي وهو بيعمل عملية، حاسيت ساعتها انى بجد ماليش في الدنيا حظ وان دنيتى خربانه وانى منحوسه ودايما هفضل حزينه..
قطع صوت عياطي وشهقتى اللى مليت الاوضه دخول بنت دادا ميرڤت واول لما شوفتها اتعصبت اكتر
نور: مبارك لكِ يا حبيبت القلب، ربنا يسعدك ويفرح قلبك يارب وتكوني اسعد بنت فى الدنيا كلها اللهم امين، هدعيلك دايما ان شاء الله يا اسراء ياحبيبتي ان ربنا يجعله الزوج الصالح لكِ وان يرزقككِ الذريه الصالحه ان شاء الله
اتعصب من كلامها اللى مش فاهمه نصه واتعصبت انى شوفتها اصلا وبدون وعى قولت: هههههه انتى مالك عامله زى البتنجانه كده ليه؟ اوووووو وايه الاسود اللى لابسهولى ده ان شاء الله!؟؟ وكمان انتى ازاى تدخلي هنا متنسيش نفسك يا بت انتى.! انتى مجرد واحده شحاته عايشه معانا هنا علشان خاطر بنت الدادا بس! لكن عُمري ماحبيتك ولا هحبك أبداً، وغورى من وشي دلوقتي..
سمعت صوت عياط نور من ورا النقاب وقالتلى بكل هدوء: اسأل الله العظيم ان يهديكي يا اسراء
ومشيت من غير كلام تاني! ساعتها حاسيت انى طلعت شويه من كرهي ليها، اه صحيح انسانه شحاته وجاهله، من رغم انها دكتوره اسنان الا انها جاهله وماشيه ورا بتوع قال الله وقال الرسول..
بس الغريب ان بشوفها دايما سعيده وعندها اصحاب كتير وكمان اتجوزت انسان بتحبه وبيحبها وحظها احسن من حظى حرفياا.! يا ترا ايه السبب؟ هل السبب فيا؟ ولا في حظى.!
وروحت البس فستان جنازتى بإيدى حاسيت انى بلبس كفنى مش فستان فرحي.!
مر اليوم كأنه سنه، شوفت الناس فرحانه ومبسوطه ماعدا انا اللى قلبي كان مليان حزن وعلشان بابا بس ظهرتلهم انى فرحانه وكنت نفسي اشوف ماما في فرحي بس للاسف هى مش بتسأل عليا حتى، بقالى اكتر من20 سنه مشوفتهاش ولا اتصلت بيا مره واحده.!! احمد من رغم انه كان شكله حلو اوى الا انى مكنتش طايقه ابص في وشه.!
خلص اليوم وكأنه سنه كان كلها حزن بالنسبالي وقهر على حظى...
دخلت البيت بتاعه كانت شقه دورين واسعه جدا وبره جنينه بسيطه بس كانت حلوه اوى بس من رغم جمال الشقه والفرح وكل حاجه الا انى كنت حاسه بالحزن
دخلنا الشقه وفجأة لاقيت احمد بيقولي
احمد: نورتِ بيتك يا عروسه، عارف ان الموضوع جه بسرعه جدا وانك متعرفنيش اوى بس عاوز اقولك آن اوعدك انى عمرى ما ازعلك وهتقي ربنا فيكِ واكون خير الزوج لكِ ان شاء الله، هحطك فى عيوني لانى فعلاً بحبك اوى يا اسراء واتمنى تكوني بتبادلينى نفس الشعور..
بصتله بقرف وقولت: وانا بقا يسيدي مش بحبك ومش هحبك تمام؟ ومن النهارده انا وانت هنعيش كأننا اخوات ولا تقربلى ولا تكلمنى علشان انا مش طايقه حد ومش عاوزه اجرحك اكتر من كده،
لاقيته بصلى بصه عمرى ما هنساها، بصة شخص مكسور من حد بيحبه، فكرنى بنفسي لما كنت ببص نفس البصه لصحبتي اللى كانت سبب في كسران قلبي لمدة 5 سنين
احمد: امممممم اوكك زى م تحبي بس خاليكي فاكره اني مش هغصبك على حاجه لكن لما اطلب منك حاجه هتنفذيها يا اسراء تمام؟ طلاما هى عِند، انا ولا هلمسك ولا هكلمك ولا ليا دعوه بيكي لكن لو حاولتى تطاولى عليا ساعتها هتشوفي شخص تاني خالص مش هتتخيليه!! لانى مش متعود على الغرور وحشا لله اكون في يوم زيك مغرور كده
انا بثقه: امم تمام اوكى يلا بقا وريني اوضتي فين علشان اغير وانام وكمان نسيت اقولك.! انا وانت قدام اهلى واهلك متجوزين وبنحب بعض جدا، لكن هنا لوحدنا مالناش دعوه ببعض وكمان كام شهر هتطلقنى بحجة انى مش مرتاحه فى العيشه معاك تمام؟
احمد ببصه للسقف: والله؟ ومين قالك بقا انى موافق على كل الهرى ده؟ انا ياماما مش بيتفرض عليا رأيي لكن طلاما دى رغبتك انا هعملك اللى عاوزاه بس مش كام شهر.! هى سنه واحده نعيشها كأننا اخوات علشان الناس متتكلمش وعلشان انا كمان بدأت احس بزعل جامد اوى منك يا اسراء ولما بزعل من حد بسبب كسره ليا فى يوم مش بعرف اسامحه أبداً..!
بصتله وعيوني كلها غرور وقولتله: تمام مش محتاجه انك تسامحني، بس خالينا كويسين مع بعض على الاقل علشان نعرف نتعايش بإخوه اكتر من كده.! وممكن بقا اعرف اوضتي فين علشان انام لانى مرهقه جدا بجد
شاورلى على مكان الاوضه دخلت غيرت ونمت ولا فكرت فيه ولا فكرت في اي حاجه غير حزنى وبس
وده كان حوالى الساعه 1بليل
الساعه 3 حاسيت انى عطشانا اوى فقومت اشرب
مكنتش عارفه حاجه في الشقه وتايهه
وانا معديه على الاوضه من الاوض سمعت صوت حلو جدا فى القرآن كأنه راديو شغال فقولت اروح اسمع شويه وبعدين انام
_دخلت الاوضه لاقيت احمد بيصلى وبيقرأ القرآن بصوت عذب كأنه من الجنه، محاستش بنفسي الا وهو بيقولي:
احمد: ايه يا اسراء واقفه كده ليه؟ محتاجه حاجه؟
بصتله وعيوني دمعت وقولت: ها؟ لالا مفيش حاجه بس ممكن سؤال؟
احمد: اكيد اتفضلي، وبعدين واقفه علي الباب ليه! ادخلي تعالي
دخلت من غير تفكير وقعدت على السرير وقولتله: هو انت كنت بتعمل ايه؟
احمد بعدم فهم: ههههههه بعمل ايه ازاي؟
انا: اقصد احم كنت بتصلى ايه؟
احمد: بصلى القيام، ايه مش بتصليه ولا ايه؟
قولتله بتوتر: ها؟ لا انا بصلي... اقصد يعني انى مش بعرف اصليه.. اقصد ان ايه القيام ده اصلا؟
احمد: طيب مالك خايفه كده ليه؟ عادي يا اسراء اهدي كده ولو عاوزاني اعلمك اي حاجة انا تحت امرك وبعدين احنا اخوات صح!
ابتسمتله وقولت: اكيد
لاقيته بصلى وقالى: طيب قبل اي حاجه هنتفق اتفاق وهنتعاهد على حاجه تمام؟
بصتله بتركيز ممزوج بإبتسامة بسيطه وقولت: امم تمام
احمد: نحسن علاقتنا من اول يوم ونكون اصدقاء واخوات ومنخبيش على بعض حاجه ونصلى سوا وناكل سوا ونتعامل بإخوه علشان مش هينفع نكون مع بعض في بيت واحد وبنعامل بعض بطريقه وحشه ايه رأيك؟
انا: موافقه ان شاء الله نكون اصدقاء كويسين
احمد: ان شاء الله
انا: قولى بقا كنت بتصلى ايه؟
احمد: يستى وربنا كنت بصلى القيام قولتلك قبل كده والله القيااااااام
ضحكت غصبن عني على طريقته الكوميديه فى الكلام وقولتله: خلاص والله صدقتك بس اقصد ايه القيام ده؟
لاقيته اتعدل فى قعدته وبصلى وقال: القيام ده هو الروح الجميله اللى بتخلى الشخص مش محتاج حاجه غير ربنا وبس، حاجه روعه واحساس بالراحه ميتوصفش، لما تكوني زعلانه ويكون ده وقت صلاة القيام تروحي تصلى ركعتين تحسي ان حزنك كله ضاع وانك مرتاحه
رديت عليه بالامبلاه جدا وقولت: طلاما هيضيع حزنى دانا كده اصليه ال 24 ساعه يمكن اتحسن شويه هه
احمد: ايه؟ بتقولي ايه؟
انا: ها؟ لا مفيش حاجه كمل
احمد: ربنا عز وجل بيتنزل من السماء العُلى منزلاً مباركاً يليق به ويقول 1- هل من داعٍ استجيب له؟ 2-هل من مستغفر فأغفر له؟ 3- هل من تائب فأتوب عليه؟
وتبدأي تصلى فى هدوء تام كده وبعدين تقعدي تحكي لربنا عن كل حاجه جواكِ هتحسي فعلاً انه معاكِ وسامعك، هتبقي محتاجه انه يديكِ فرصه تصححي كل لحظه ضيعتيها من غير صلاة القيام ودى سُنه عن حبيبك النبي صلى الله عليه وسلم _صلوا عليه_
انا: عليه افضل الصلاة والسلام
احمد: ربنا بيقول فى سورة الاسراء
« ومن الليل فتهجد به، نافلة لك عسي ان يبعثك ربك مقاماً محموداً»
قعدت اسمع كلامه وحاسيت براحه غريبه فى كلامه يمكن دى اشاره حلوه انى اقرب شويه من ربنا.!
وفجأة سمعته وهو بيقول: ها روحتي فين؟
انا: ايه؟ انا هنا اهو كان عندي سؤال؟ انا عاوزه اصليه بس للاسف انا مش بعرف اتوضي لأني اصلا مش بصلى
احمد: ولا يهمك يستى اعلمك ايه رأيك؟
فرحت جدا من عرض احمد وكنت مبسوطه وفرحانه انى أخيراً ممكن احس بالراحه والطمأنينة ولو لمره واحده وده على حسب كلام احمد واحساسه الروعه فى الكلام..
احمد: بصي بقا ربنا عز وجل بيقول فى سورة المائدة:
«يا أيها الذين ءامنو اذ قمتم الى الصلوة فأغسلو وجوهكم وايديكم الى المرافق وامسحو برءوسكم وارجلكم الى الكعبين»
وبدأ احمد يشرحلى ازاي اتوضي وكنت بعمل زيه بالظبط وساعتها حاسيت انى صحيت فى الساعه دي بالذات علشان اصلى من رغم اني كنت قايمه اشرب الا انى نسيت الشرب وركزت مع احمد وهو بيعملني ازاي اتوضي وكأنى طفل عنده 4 سنين وكان كويس جدا معايا وهو بيقولي ازاي اصلى...
_ولاول مره من كام سنه ارجع اصلى تاني...!!
صليت القيام تاني مع احمد وقرأ قران بصوته الجميل دا..
احمد: ها حاسه بإيه؟
انا بفرحه: انا بجد حاسه اني مرتاحه شويه عن الاول وكأن كان فى هم واتزاح عني.!
معقول صلاة بتعمل كده فى قلب الواحد.!!
احمد بإبتسامة: اكيد دى كنز من كنوز الدنيا
انا = ودى بقا كام ركعه؟ دلوقتي احنا صلينا اربعه..
هى اربع ركعات بس؟
رد عليا وقال: لا مش اربعه بس معاكي من 2 ل 11 ركعه براحتك اللى تقدري عليه تصليه وكمان وقتها بيبدأ من الثلث الاخير من الليل من بعد الساعه 12 كده بس افضل وقت حوالى الساعه 2/3
انا: امممم تمام فهمت، انا بقا هقوم انام لانى مصدعه جدا
احمد: لالا استني مفاضلش غير ربع ساعه بس على الفجر استني نصليه سوا
بصتله وابتسمت وقولتله:اشطات حاضر
قعدنا نتكلم كتير لحد لما الفجر آذن
صلي بيا جماعه وكنت فرحانه اوى انى بدأت اصلى
الساعه 5 ♡
_انا: هروح انام انا بقا تصبح على خير
احمد بإبتسامة بسيطه: قصدك صباح الخير، عموماً اتفضلي نامى وانا كمان هنام هنا علشان تعرفي تنامي براحتك وعاوز اقولك ان الساعه 10/11 كده صلاة الضحي لو تحبي اصحيكي تصاليها علشان نحتسب الاجر سوياً
انا بفرحه: تمام اشطات هروح انام وابقي صحينى معاك
رد عليا وقال: اشطا حاضر يلا روحي نامى بقا
دخلت نمت وانا لاول مره حاسه براحه ربانية وجوايا احساس حلو عمرى ما هنساه
نمت وصحيت على صوت احمد وهو بيقولى
احمد: اسررررراااااء اصحي بالله عليكي فى مصيبه
اتصدمت وخوفت جدا من تعابير وشه الى بتقول ان فعلاً فى حاجه حصلت
انا = بسم الله الرحمن الرحيم فى ايه يا احمد خضتني.!
ويارتني م سألت صدمني باللى قاله
قالى =... يتبع الفصل الثاني اضغط هنا