رواية فتاه الظلال وعهد الجن البارت العاشر 10 بقلم جوري محمد
رواية فتاه الظلال وعهد الجن الفصل العاشر 10
ونبدا الفصل بتاعنا من عند عشيره الجن
نجمه ماشيه في حديقه القصر
نجمه ايه ده الامير لبس كده ليه رايح فين اما اشوف كده الامير بيتكلم مع الخادم
الامير ايه جبت اللي قلت لك عليها
الخادم ايوه بس العرافه بتقول لك لازم هي تشرب وانت تشرب من مكانها
الامير ماشي وهي لسه في العالم السفلي
الخادم لا بس هي هترجع ثاني لانها قالت لهم هافكر وهارجع لكم
الامير خلاص انا هامشي واستناه هناك
الخادم ماشي انا هاجي معك انت مش هتعرف تتعامل مع اللي هناك خالص
الامير يلا بينا نمشي وهناك نكمل المهمه بتاعتنا ونعمل رباط الدم
نجمه يا ترى هو يقصد مين بالكلام ده ومين اللي كان بيتكلم عليها الخادم
نجمه لا انت كده لازم تراقبيه علشان نعرف ايه حكايتك يا امير
نجمه جومانا انا عايزاك تراقب الامير علشان نعرف هو بيقابل مين
جومانا حاضر يا مولاتي
نجمه هو دلوقت في العالم السفلي
جومانا هاجمع المعلومات وهاجي لكي على طول يا مولاتي
نجمه طيب خذي معكي كيس الذهب ده هيسهل عليك المهم
جومانا امرك يا مولاتي
ونسيبهم ونروح عند سهر
سهر ايوه يا عم مدحت اتكلم بقى و ابهرنا
مدحت بغض النظر عن اسلوبكي المستفز اللي انا حاسس في بتريقه بس يا ستي لقيت تعويذه انت هاتقريها على الناس اللي عايزه تخرجيهم من هناك ها يتحولوا اقدامهم باشكال الموجوده مصاصين دماء ومستذئبين لحد ما يوصلوا البوابه و هيرجعوا بعد ما يمر منها لطبيعتهم ثاني
سهر ايوه بقى يا باشا ايه العظمه دي فعلا ابهرتني
مدحت دي اقل حاجه عندي
وائل طيب احفظي التعويذه كويس علشان ما تغلطيش والنتيجه تيجي بالعكس
سهر فكره ما ينفعش تتشقلب التعويذه وتخلي مصاصين الدماء والمستذئبين يشوفوا بعض كانهم بشر و يخلصوا على بعض ونخلص منهم خالص
مدحت اجري يا سهر روحي اعملي اللي اتفقنا عليه علشان لو فضلت اكثر من كده ها تشلني
سهر هو انا اتكلمت وقلت حاجه انا بافكر بس
مدحت لا الله يخليك ما تفكريش وهنا دخل ادهم
وائل ايه ده بابا انت عرفت ازاي المكان ده سهر واقفه و بتركز مع ادهم
ادهم يا بنتي انت اتطلعي من دماغي خليني اركز واقول اللي انا جاي علشانه
سهر اوكي انا بس كنت بجرب
ادهم مدحت جاهز لجواز سهر ووائل لازم يتجوزوا دلوقت قبل ما سهر تروح العالم السفلي ثاني
وائل ايه ده يا بابا وانت معك كل التحركات بتاعتنا
ادهم طبعا لازم اطمئن لاين اي غلطه هتضر الجميع
سهر وده هتجوزه ازاي بس بطريقه ايه يعني
ادهم ورقتين عرفي دلوقت ونعمل رباط الدم وما تخافيش ده هيبقي على الورق بس لحد ما تجوزه قدام المحكمه العليا للعشائر
سهر هيحصل ايه معاكي ثاني يا سهر وهم عندهم محكمه اسره احتياطي يعني
ادهم هو انت على طول كده بتهزري انا باتكلم بجد يا بنتي
سهر يعني عايزني افضل مكتئبه وانا حصل معي كل ده ده انا شفت العجب اليومين دول
وائل ما تقلقيش واحنا الاثنين مع بعض وعلى فكره يا بابا احنا عملنا رباط الدم وبدا وائل يحكي لا ادهم على اللي حصل
ادهم ماشي يبقى الورقتين عشان الجواز البشري لحد ما يتم الجواز رسمي في المستقبل وفعلا تم الجواز
سهر دلوقت بقى اسيبكم واروح انا علشان احاول اخرج الناس من هناك قبل ما يتاكله
وائل هو ما ينفعش اروح معها كده هي مراتي
ادهم لا ما ينفعش هي هتتصرف وانا عارف انها هتنجح وهترجع على طول هنا
وسهر دخلت ثاني العالم السفلي
سهر بدات تمشي في ساحه السوق وراحت للمكان اللي في البشر
البشر ايه ده انت هتقتلينا خلاص وبيتكلموا بصوت عالي
سهر اسكتوا وبدات تركز علشان تسيطر عليهم وتقول التعويذه من غير ما يعملوا اي صوت
ونسيبها ونروح عند وائل
وائل ايه ده الدم اللي بينزل من انفها
مدحت ايه ده هي اكيد بتحاول تسيطر على عدد كبير منهم وده بيتعب جسمها البشري
وائل طيب اقدر اساعدها ازاي
مدحت امسك ايديها كويس وهي هتحس بك وتستمد القوه منك
ادهم بيبص لمدحت لانه بيكذب على وائل وان نزول الدم ده بياكد انها تعبانه جدا هناك
ادهم تعال معي يا مدحت عايزك وسيب وائل هو هيهتم بها
ادهم. ايه السبب
مدحت انا ما اعرفش سبب نزول الدم
ادهم اعرف السبب وازاي نساعدها لان وائل بيحبها انا شفت نظره الشجن في عينيه عمري ما شفتها حتى ساعه ما مامته ماتت هو فعلا بيحبها جدا
مدحت انا هاحاول اعرف واسعدها لاني فعلا واخذ بالي ان وائل بيحبها
ادهم انا عايزه اروح هناك عندها علشان اسعدها
مدحت بس ده خطر عليك
ادهم لازم اعمل كده علشان ابني وانا مش مستعد اني اخلي ابني يعيش حزين طول عمره وانا جربت الحكايه دي غير كده احنا عملنا الحكايه دي كذا مره وانت عارف لعبناها كثير ورحنا العالم السفلي واحنا صغيرين من زمان
مدحت ده كان من زمان مش دلوقت انت دلوقت الخطر اكبر عليك
ادهم اتصرف انا مش هاقعد ساكت
مدحت طيب هنستنى ساعه لو هي ما رجعتش هابعثتك عندها تساعدها
ونسيبهم ونروح عند نجمه
جومانا مولاتي الاميره عمل رباط الدم مع المختاره بس هي تعبت جدا بعديها
نجمه وهي فين
جومانا انا اخذتها عند العرافه بتاعتنا لعلاجها وقلت اجي علشان اخذك عندها يمكن تقدر تساعدها
نجمه طيب يلا بينا بسرعه واحكي لي واحنا رايحين كل اللي حصل معها
جومانا فلاش باك
جومانا انا مشيت وراء الامير لحد ما وصلنا العالم السفلي وقابلنا المختار الامير اخذ شكل بنت صغيره ودخل على المختاره
الامير انت عملتيها ازاي و فضيت الاشتباك بين المجموعتين عملتيها ازاي دي
سهر هو انا مشغوله دلوقت وبعدين انا هقابلكي ثاني وها احكي لكي على كل حاجه
الامير وهو في صوره بنت صغيره طيب ممكن تاخذي تشربي من العصير ده قبل ما تمشي من فضلك
سهر ماشي وشربته بسرعه علشان تلحق البشر
وهي شربت وراح جرح لها ديلها من غير ما تاخد بالها واخذ الدم وعمل به الرباط
نجمه كملي
جومانا وهي هربت البشر المحبوسين بس بدات تتعب جدا لان لان
نجمه حصل معها ايه ثاني اتكلمي بسرعه
جومانا رباط دم مع هجين
نجمه ايه وانت ازاي ما حاولتش تمنعي ده او تساعديها
جومانا انا خفت لانه الهجين كان معه مجموعه كبيره وكان هيقتلوني لو شافوني بس اول ما ميشو جبتها على هنا
العرافه اهلا يا نجمه من زمان وانت ما دخلتيش عندي هنا
نجمه اخبارها ايه
العرافه حفيدتك
نجمه ايوه ساعديها وانا هاعمل اللي انت عايزاه انا مستعده اضحى باي شيء
العرافه ماشي اتفقنا هي هتبقى كويسه لو جبنا لها صاحب رباط الدم الاول
نجمه الامير
العرافه لا هي تعمل معها ثلاث رباط دم بين بشرى وبين الامير وبين الهجين
نجمه قصدك نجيب لها البشري انت عارفه ان مستحيل بشر يدخل المكان هنا دوري على اي طريقه ثانيه
العرافه هوضح لك هو في الاصل عفريت بس لسه ماتحولش ولا مره وعمل الرباط معها وهو انسان ولازم يجي هنا دلوقت بس لازم يكون اتحول لانه لو متحولش مش هيفيدنا باي حاجه خالص في العالم بتاعنا ده
نجمه ما ينفعش نوديها العالم بتاع البشر
العرافه مش هيفدوها بحاجه لانها ضعفت هنا وعلى فكره لازم تتم كل حاجه بسرعه لان جسمها البشري بدا يضعف جدا
نجمه حاولي تعملي اي حاجه وانا هتصرف و اخليه يجيء هنا
العرافه لازم يكون اتحول
ونسيبهم ونروح عند فريال الشبح اللي كان موجود دائما مع سهر في البيت بتاع جدها
فريال اخيرا افتكرتينا وجيت يا سهر
سهر انا اسفه يا فريال بس حصلت لي حاجات كثير غريبه
فريال بس اللي انا شايفاه ده اغرب حاجه شفتها ويا ريت ما يكونش اللي انا خايفه منه حصل
سهر شايفه ايه فريال انت بقيتي شبح ليه هو انت ميته دلوقت يا سهره
سهر انا بقيت شبح ازاي لا انا لسه عايشه
فريال ايه اللي حصل لكي يا صاحبتي وخليك بقيت زينا طيب احنا ميتين انت ازاي بقيتي شبح
سهر انا كل اللي فاكره ان انا وبدات تحكي لها كل اللي حصل معها
فريال يبقى انت لسه عايشه بس جسمك تعبان جدا وروحك تائهه بين العالمين بصي يلا بينا وانا هاحاول اساعد روحك انها توصل لاي جانب منهم
سهر طب هنعملها ازاي دي
فريال عيب عليكي انا بقى لي دلوقت شبح اكثر من مئه سنه اكيد بقى لي اصحاب اشباح زي ممكن يساعدونا ويعرفوا الطريق اللي نوصل به لاي جسم منهم جسمك البشريه او جسمك بتاع الجنيه يلا بينا بسرعه علشان الوقت مش في صالحنا لان الجسمين بيضعفوا وروحك بتبعد اكثر عنهم
سهر انت عارفه يا ريت ما وصلش لاي حد فيهم انا مرتاحه كده مش عايزه مشاكل ثاني في حياتي عايزه ابقى طبيعيه و انا عمري ما هابقى كده اللي و انا شبح
فريال بس انت هتعملي توازن وناس ثانيه محتاجاك فلازم ترجعي لاي جسمي منهم علشان هم يكملوا ويساعدوك يلا يا سهر
سهر ماشي يلا بينا
يتبع الفصل الحادي عشر 11 اضغط هنا
- الفهرس يحتوي على جميع فصول الرواية (رواية فتاه الظلال وعهد الجن كاملة)