رواية منقذي البارت العاشر 10 بقلم ندى ياسر
رواية منقذي الفصل العاشر 10
فاطمه : طب يلا خلينا نشوف ندي عامله اي ليكون حصلها حاجه ...!
طلعو فوق لقيو تميم قاعد بيعدي في ندي وندي مش مبطله عياط بهستريا حتي بعد ما الاوضه نورت بس كانت ماسكه في ايد تميم وكأنها بطمن نفسها ....
فاطمه : مالك ي ندي في اي ي بنتي ....
تميم : مفيش ي ماما هيا شويه وهتبقي تمام ...
فاطمه : طب اجبهالك حاجه ي ابني ...
تميم : اه ياريت هاتي عصير عشان تهدي ...
فاطمه : تمام حاضر ...
نزلت فاطمه ومهاب وكمان يارا ...
يارا : شوفتي ي ماما تميم كان خايف علي ندي ازاي يعني الخطه نجحت ....
فاطمه : انتي تسكتي خاالص دي البت كانت هتموت من الخوف ...
مهاب : ما كلو بسببك ي فاطمه ...
فاطمه سكتت ومردتش ونزلت جابت عصير ل ندي ...
فاطمه ل تميم : اتفضل ي ابني العصير اهو وخلي بالك منها ...
تميم : من غير ما تقولي ي ماما ...
خد العصير من مامتو وشرب ندي بنفسو ...
تميم : اهدي ي ندي ومتخافيش انا جمبك ...
ندي بعياط وشهقه: متسبنيش حتي لو مش متقبلني في حياتك وعايز تتجوز غيري بس انا جمبك بحس ب لامان مش سهل عليا الاقي لامان دا في اي مكان تاني اي واحده في الدنيا مبتتمناش حاجه غير أنها تبقي مع شخص عارفه انو هوا سندها وأمانها وبطمنها انا مخوفتش لما كونت جمبي انا خوفت من الضلمه نفسها انت لو مش جمبي كنت زماني أغمي عليا وفعلا انت وجودك جمبي شئ فارق ....
تميم مكنش عارف يرد علي كلامها يقول اي مكنش محدد مشاعره مش عارف دي مشاعر شفقه وإلا حب وخوف عليها بس كل اللي متأكد منو أن وجودها جمبو بيسعدو وأنها لو غابت عنه هيفتقدها ...... رد تميم علي ندي وقالها ..
تميم : مش هسيبك ي ندي متخافيش... انا جمبك وهفضل جمبك .... وبعدين اكلها بنفسو وهيا قامت تاخد شاور وبعدين جت عشان تنام ...
ندي : تصبح على خير ...
تميم : وانتي من اهل الخير وراح حاضنها من وراها وندي ساعتها كانت لسه هتتكلم رد عليها وقالها ...
تميم : انا جوزك علي فكرا ف عادي يعني لما تنامي في حضني ....
ندي متحركتش و سكتت وبعدين فضلت صاحيه لحد لما تميم نام عشان تقعد تحكيلو اللي مش قادره تقولو في وشهه ...
ندي : مبقتش بعرف انام من غير ما احكيلك ممكن عشان مش لاقيه حد احكيلو وممكن عشان انا عايزه احكيلك حتي لو مش بتسمعني .. عارف ي تميم بيبقي نفسي اقولك اني مبسوطه وانا جمبك بتمني من ربنا انك متفارقني انا م صدقت الاقي لامان اللي عمري ما حسيت بيه بحس وانا جمبك أن مفيش حد يقدر يعملي حاجه حنيتك عليا كانت قادره أنها تحببني فيك وقادره أنها تخليني مبعدش عنك معرفش انت بتعمل معايا كدا شفقه وإلا اي بس انا مبسوطه بيها حاباها حبيت اهتمامك بيا واهتمامك ب لبسي .... خوفك عليا وانا بعيط وانت قاعد بتهدي فيا حسسني بحبك ليا حتي لو اصدقاء بس ... انا بحبك بحبك اوي ي تميم واتمني يجي اليوم ال يكون الحضن دا ليا تصبح على خير ي حبيبي .... نامت واليوم عدي علي ابطالنا بكل حلاوته وبكل خوفه بس ي تري تميم هيحبها وإلا هيبقي في رأيي تاني للنصيب و ي تري تميم بيسمع كل كلمه ندي بتقولها وإلا بيبقي نايم ومش حاسس باللي بتقوله ؟ .....
"تاني يوم الصبح "
صحي تميم قبل لاقي ندي وقام خد شاور واتوضي وبعدين راح عشان يصحي ندي ...
تميم : يلا قومي ي حبيبتي عشان نصلي وبعدين ننزل نفطر ...
ندي قامت ومستغربه وبتقولو انت بتناديني انا.
تميم : هوا في حد هنا في لاوضه غيرك..؟.
ندي : لا ...بس انا بسالك عشان بتقولي ي حبيبتي ...
تميم ضحك وبصلها وقالها : مش مراتي تبقي حبيبتي ..
ندي بفرحه داخليه : يعني مش هتسيبني وإلا دي شفقه عليا ...
تميم : مقدرش اجاوبك علي سؤالك بس اللي اقدر اقوله ليكي أن دي مش شفقه ومش هسيبك ابداا ..
ندي بصتلو وضحكت وبعدين قامت دخلت خدتتت شاور واتوضت وبعدين هما لاتنين صلو صلاه الصبح ونزلوا تحت ......
مهاب : صباح الخير يولاد ...
تميم : صباح الورد ي بابا ....عامل اي
مهاب : الحمدلله ... وكمل كلامو .. وانتي ي ندي عامله اي دلوقتي ي حبيبتي ...
ندي : الحمدلله ي عمو بخيررر ...
مهاب : تستاهلي الحمد ي بنتي ...
تميم : نفطر انا وندي وبعدين هنطلع نجهز عشان هنروح نجيب ليها لبس .....
يارا : عايزه اجي معاكو طايب ...
فاطمه : لا ي يارا انا عايزاكي معايا هنا وغمزتلها عشان تسيب ندي و تميم ي روحو لوحدهم ...
تميم : م تسبيها ي ماما تيجي معانا عادي ...
فاطمه : لا عايزاها عشان الخدامه اللي كانت هنا تعبانه وقالت إنها هتبعت قريبتها ولسه مبعتتهاش ف عايزه يارا معايا في البيت ...
تميم : تمام اللي تشوفيه ... يلا ي ندي عشان نمشي ..
ندي : يلا ...
تميم خد ندي بالعربيه بتاعتو وراح عشان يشترلها لبس ......
_____
"عند ادهم "
ادهم : هتروحي عندهم وهما كدا كدا عايزين خدامه وقولي انك قريبه الخدامه اللي كانت عندهم ولازم تقولي كدا عشان دا اللي وصلني من الرجاله بتوعي اللي خليتهم يتجسسو عليهم ....
هانم : ماشي تمام ...
ادهم : اوعي تغلطي في حاجه خليكي حذره دايمااا....
هانم : امرك يبه ...
ادهم : يلا روحي عندهم دلوقتي واي حاجه تعمليها تتصلي عليا وتقوليلي نفذتي صح والا غلط ...
هانم : حاضر يبه يلا انا همشي .. لسه مكملتش كلامها وسمعو حاجه وقعت وادهم عرف أن في حد سمعهم ي تري هيكون مين اللي سمع خطتهم وهتكون اي هيا اصلا خطتهم .؟...
ادهم : اخلصي امشي في حد سمع اللي قولناه بس ملكيش دعوه انتي هشوف انا مين دا وروحي انتي يلا عشان تلحقي تسافري من الصعيد للقاهره
مشيت هانم ودلوقتي هتسافر من الصعيد للقاهره ل بيت مهاب الميناوي .......
__
"في الجامعه عند يارا "
يارا كانت واقفه قدام بابا الجامعه مستنيه السواق عشان ياخدها وهيا قدام الجامعه عربيه وقفت قدامها ...
ادم : تعالي اوصلك ...
يارا :لا شكرااا مش عايزه ...
ادم : اخلصي مش فاضيلك ...
يارا : وحد كان قالك اني عايزاك تاخدي ما كدا كدا السواق هيجي ياخدني بعربيتي.....
ادم : بس مينفعش تقفي كدا عشان محدش يبص عليكي أو شويه شباب يتراخمو عليكو وبعدين عاجبك اللي بيبصو عليكي هناك دول ...
بصت يارا ناحيه الشباب لقيه فعلا خمس شباب قاعدين وبيبصولها لسه اعجاب بيها ف قرارت تركب مع ادم ...
ادم : اركبي جمبي مش سواق الهانم انا....
يارا وهيا بتنزل من العربيه : قال يعني انت تطول انك تكون السواق بتاعي
ادم : بتقولي اي ..؟
يارا : مبقولش ويلا اخلص امشي ....
ادم : فين الرقه فين الحنيه في الكلام مركب واحد صاحبي جمبي ...
يارا : اتهد ي ابني دا انا اي حد يتمني اخليه يسوق عربيتي ...
ادم : ايوا ايوا واخد بالي انتي هتقوليلي برضو ...
يارا : نينينيني رخامتك ...
ادم : صبرني ي رب عليها عشان مرتكبش جريمه ...
فضلو يتخانقو زاي القط والفار طول الطريق لحد لما وصلها البيت ....
يارا : شكرا ي دومي ...
ادم :يالهوي دي بتدلعني قوليها تاني كدا ونبي ...
يارا : وانا اشكرك مرتين لي هوا انت ركبتني مرتين أو وصلتني مرتين ....
ادم : خلاص خلاص انا أسفلك اني قولتلك قوليها تاني انا ماشي ...
ضحكت يارا علي كلامو وسابها ومشي هوا حاسس انو قلبو بيدقلها وان هيقع في حبو ...
اما يارا ف هيا كمان انا معجبه بيه وبطريقه كلامو معاها التافهه وعشان كدا اللي يشاركم تفاهتكم اوعي تسيبوه ...
_____
"عند تميم وندي "
ندي : تميم عاجبني الدريس دا اووي ...
تميم : لا الكم شفاف وانا مش عايز شعره منك بس تبان انتي فاهمه ....
ندي : خلاص مش عايزه وشكراااا
تميم : ....
يتبع الفصل الحادي عشر 11 اضغط هنا
- الفهرس يحتوي على جميع فصول الرواية (رواية منقذي بقلم ندى ياسر)