رواية اشتريتها من ميدان عام البارت الرابع عشر 14 بقلم حبيبة محمد
رواية اشتريتها من ميدان عام الفصل الرابع عشر 14
التنفس بيقف خالص والجهاز بيزمر
كلهم طلعوا يجروا وهما مخضوضين
ضحي بدموع : ادهم.. ادهم يا دكتور.. الحقوا ابوس ايدكم
فيروز وقعت في الارض وفضلت تخبط في الارض بأيدها...: يا دكتوووووووووووور حد يجي يلحقه هيموتتتتت ثم اكملت ببكاء هيموت يا دكتور وهنموت كلنا معااااه ارجوكوا
الدكاتره فضلوا يدولوا صدمات كهربائيه.... بس مكنش فيه استجابه......
فيروز ببكاء ودموع: الحقوووووووه بيموتتتت التنفس قل خالص ارجوكوا..... طلعت تجري علي اوضه العمليات
= ممنوع
فيروز: اوعااااا ممنوع اي اوعااا ودخلت تجري وفضلت تحرك في ادهم: فوق يا ادهم...... فوق.... عشان خاطري.... انا فوق
في الخارج
ضحي ببكاء : ادهم هيموت يا فارس هيموت وانا مش هعيش من غيره مش هقدر مش هقدر.... قامت وقالت للدكتور وهي بتضربه
= اعمل اي حاجه...... اعمل اي حاجه بيموت جوا.....
= ال في ايدينا بنعمله
في الداخل
فيروز: قوم يا ادهم.... قوم وقولهم انك هتعيش وهتكمل معانا قوم ومتخيبش املنا....
في الخارج
ضحي كانت بتعيط وهي مرميه علي الارض وفارس عمال بيهديها.......
طارق كان واقف جمب الحيطه وعمال بيعيط وشروق بتبص علي فيروز وحالتها علي ادهم من ازاز الاوضه.....
وفرح عماله تروح وتيجي في الطرقه وهي بتدعي ربنا....
ووائل واقف مصدوم حاسس نفسه ان هو السبب في كل ده وبسبب باباه انه عايزه يبعد عن فرح..... عمل كل ده.....
وشهد عماله بتعيط وتكتم دموعها وبتفرك في ايدها وعادل راح للدكتور: الحقوا الواد البيموت جوا ده.... بدل ما اطربق المستشفي دي علي دماغتكم
= حضرتك مينفعش كدا
عادل بصوت عالي: مينفعش اي بقولك قلبه بيقف روخوا الحقوههه
و لميس وعمار قاعدين ماسكين راسهم وبيدعوا ربنا
في الداخل.........
فيروز: يلا بقا يلا يا ادهم ثم اكملت ببكاء يلا عشان ننزل نتمشي مع بعض ونروح السينما مع بعض...... هتسيبني لمين؟ ها هلعب مع مين وهقضي نص وقتي لمين....
الدكاتره شدوها علي برا.....
فيروز فضلت تخبط علي باب الاوضه: افتحوااااا افتحوا...
ضحي: انا هخرجه برا مصر يتعالج هوديه احسن مستشفي ثم اكملت ببكاء: ده اخويا اخوياااااااا....... حرام عليكوا بقا.
الدكتور خرج.....
فيروز جريت عليه الدكتور ومسكته من قميصه: انت..... انت موتتته؟ ادهم حصله اي؟ انطقققق؟
الدكتور زق ايدها وقالها: الحمد لله ادهم بخير والتنفس رجع تاني........
فيروز بعدت عن الدكتور وهي بتضحك بفرحه....... ورجعت لورا وفضلت تحمد ربنا.....
كلهم ضحكوا والابتسامه رجعت علي وشهم تاني
ضحي قامت من علي الارض وفضلت تضحك زي المجنونه من فرحتها.......
عمار زق لميس
لميس: ولااا مش نقصاك
عمار: ولا؟
لميس: اه ولا في اي
عمار: ولا في عينك ليا اسم انا
لميس: معرفهوش يا ظريف....
عمار: اسمي عمار....يختي
لميس: طب يلا امشي مش وقته دلوقتي اتعرف عليك
عمار: هو انا اتعرفت عليكي انا برخم عليكي بس
لميس: اممم زقته في كتفه ونزلت.....
عمار وهو بيبص اتجاهها: تافهه والله
||||||||||||||||||
شهد نزلت وراها.....
عادل: راحه فين
شهد لفتله وهي بتبصله: وانت مالك
عادل: مالي في جيبي مسك ايدها جامد وقالها: لما اسالك راحه فين تجاوبيني
شهد زقت ايده وقالتله: ولو مجاوبتكش...ها هتحصل نصيبه
عادل: لو عايزه تحصل مصيبه...من عيني
شهد: انت مالك انا مخصكش عشان تقولي كدا
عادل: لا تخصيني
شهد: وطي صوتك العالم بتتفرج علينا
عادل: ميهمنيش
شهد: بس انا يهمني وبعدين قولتلك انت بنسبالي ولا حاجه....يعني المفروض تمشي بكرامتك زي المره الفاتت
عادل: بس انتي بنسبال حاجات كتير اوي....
شهد: اظاهر انك بتحب كل واحده وتسيبها وتشوف غيرها
عادل: محبتش غيرك
شهد: ولميس؟
عادل: كانت صاحبتيي
شهد: طب خليهالك بقا.... ونزلت
عادل نزل وراها.....
//////////////
شروق راحت مسكت طارق وقالتله: مين الضربونا بالنار واشمعنا احنا مخصوص يا طارق
طارق: انا زي زيك معرفش اي حاجه.... بس والله لاجيبهم
شروق: متتصرفش لوحدك يا طارق بلغ الشرطه
طارق: لما اجيبهم بس
شروق: خلي بالك علي نفسك....
طارق مسك ايدها بحنو: معني كدا انك انتي كمان تخافي علي نفسك عشان انا وانتي واحد....انتي روحي يا شروق....مقدرش اعيش من غيرك....لازم تخلي بالك من نفسك بعد كدا....
شروق ابتسمتله ابتسامه هاديه ومسكت ايده....
/////////
فرح: عرفت منين....ان حصل حاجه في الفندق
وائل: ا...انا لا انا مكنتش اعرف
فرح: طب ليه خدتني للفندق..
وائل شدها من ايدها ونزلوا تحت المستشفي
فرح: تاني بتشدني من ايدي وتجري تاني.....نزلنا ليه؟
وائل: عايز اعترفلك علي حاجه....
فرح قلبها بدأ ينبض جامد وخافت واترعشت : ق..قول
وائل: فرح انا....
فرح:؟؟؟؟؟
وائل: فرح انا بحبك......
////////
فارس شد ضحي وقالها: يلا روحي نامي في الفندق انتي بقالك يومين منمتيش.....
ضحي: انام اي يا فارس.....اخويا تعبان وبيموت وانا هنام
فارس: لا اخوكي خف وبقا بخير وانا لما يخف ويصحي هجيبك....متقلقيش
ضحي وقفته
فارس: اي في اي
ضحي: سيبت حبيبتك القديمه ليه؟
فارس مسح علي وشه وقالها: ضحي قولتلك بلاش
ضحي: انت لسه بتحبها
فارس ركب العربيه بعصبيه...... وهي فضلت واقفه تبصله من الشباك قالها: اركبي يا ضحي
ضحي ركبت وقالتله: مردتش عليا؟
فارس: كنت بحبها لاكن مبقتش احبها استريحتي
ضحي ابتسمت وبصت للشباك:
وهو كمل طريقه
/////////
فرح: قولت اي عيد تاني
وائل: انا بحبك
فرح......ابتسمت بهدوء ومسكت ايده وقالتله: بتتكلم بجد
وائل: اكيد مش ههزر في حاجه زي كدا
فرح فضلت تضحك زي الهبله: مش قادره اصدق...ده احسن حاجه حصلت انهارده......
وائل:........؟
فرح فضلت تضحك ومسكت ايده: عارفه انك مستني ردي...
وائل: بظبط
فرح: بس انا مش موافقه
//////////////
عمار: بخخخ
لميس: اععععع خضتني
عمار: طب كويس
لميس: يبني هو انت بلاء؟
عمار: لأ
لميس: طب بقولك اي
عمار: قولي
لميس: لو انت فاكرني اني شبهه البنات الانت بتقابلهم تبقا عبيط يلا روح العب بعيد
عمار: ومين عرفك ان بقابل بنات
لميس: جتلي بت امبارح وقالتلي ثم اكملت بتريقه
( عمار هنا)
عمار: امممم سيبك منها دي بت فكسانه
لميس: طب يلا روح اضحك علي تاني الكلام ده مش عليا
عمار: يابنتي متقلقيش صدقيني انا مش كدا خالص
لميس: اوماااااال...بس بقولك اي ستايل لبسك حلو اوي
عمار: انتي احلي
لميس زقته في كتفه : شوفت بقا انك بتاع بنات امشيييي
//////////
وائل: مش موافقه!! ليه
فرح ضربت في كتفه وهي بتضحك : بهزر معاك انت صدقت
وائل: هزارك بايخ
فرح: خلاص متزعلش
وائل: مش زعلان....
فرح: بحبك
///////
عادل: هفضل لافف وراكي كدا كتير......
شهد: براحتك محدش قالك لف......
عادل: لا قلبي قالي لف
شهد: مليش دعوه
عادل: اقفي بقا
شهد: عايز اي انا بحب اتمشي انت جاي ورايا ليه بقا
عادل: جاي وراكي عشان مسيبكيش لوحدك....
شهد: لأ سيبني لوحدي مش اول مره امشي لوحدي يعني
عادل: هنتعبرها من انهارده انك اول مره تمشي لوحدك عشان انا هكون جمبك في كل حته و في كل مكان من دلوقتي.....
شهد في سرها: انت معايا في كل حته من زمان... مش من دلوقتي... بس
عادل: سكتي ليه
شهد: عشان مش قادره اناهد معاك علي الفاضي...
عادل: كويس انك عارفه انه مفيش فايده وهفضل وراكي برضو....... .... ... .
شهد: عايز اي يا عادل
عادل: تاني؟ ما قولتلك كلمه عايز اي دي متتقالش تاني
شهد: يادي النيله وانت كمان هتتحكم في كلامي
عادل: اه
شهد: اه في عينك.....
عادل: اتلمي
شهد: شكلك عايز تضرب بأزازه في راسك تاني....
عادل: وانتي شكلك نغسك تتحبسي تاني....
شهد: عشان هقتلك اولاني...
عادل: امشي قدامي
شهد: مش ماشيه
عادل: امشي احسنلك
شهد: هتعمل اي يعني
عادل هعمل كدا.....شالها علي كتفه وركبها العربيه....
في القصر
زهره: الا بقولك اي يا ساميه..
ساميه: قولي
زهره: هي البت شروق.واخواتها......امهم فين
ساميه: يااااه دي ماتت من زمان
زهره: من امتي يعني
ساميه: لما كانت شروق في ثانوي....
زهره: يعني مش من زمان اوي ده شروق دلوقتي في جامعه..
ساميه: اه قربت تخلص
زهره: واشمعنا اتجوزتي ابو شروق....
ساميه: افتكرته غني طلع معهوش شلن واحد
زهره: وانتي بقا معندكيش اولاد..
ساميه: عندي بت واحده
زهره: فين هي مبشوفهاش
ساميه: دي قدامك علطول
زهره: ازاي يعني
ساميه: لميس.... مبتشوفيهاش
زهره: اي ده...هي لميس بنتك؟
ساميه: اه يختي...
زهره: دي بت قمر....
ساميه: يا شيخه قمر اي بلا رمي بلا
في المستشفي.....
الدكتور: ادهم فاق وبقي كويس....
طارق: ينفع نشوفوا
.....
الدكتور: هو بيقول عايز بنت اسمعا فيروز.....
فيروز طلعت تجري: ايوه يا دكتور انا انا
طارق بص لشروق بأستغراب وفيروز دخلت تجري
اول ما دخلت بصت عليه وملامحها كلها اتحولت لفرحه وجريت عليه حضنته....
فيروز: متتصورش انا حصلي اي لما افتكرت انك هتسيبني متتصورش انا قد اي كنت خايفه ومرعوبه اني افقدك يا ادهم انا خوفت اوي
ادهم حاول يقوم وهي سندته..
ادهم وقف وهي جمبه ماسكه ايده وبتسنده....
ادهم: وانا خوفت اني اسيبك
فيروز: انت بقيت اغلا حاجه عندي يا ادهم....
ادهم: وانتي حياتي كلها....
ادهم وفيروز خرجوا برا اوضه العمليات
ادهم: انا هدخل اغير لبس المستشفي ده وبعد كدا هروح علي القصر مش هرجع الفندق ده تاني.....
فيروز: ماشي
وخرجت استنته برا
طارق: الحمد لله....
شروق: هنرجع القصر يا طارق؟ ....
طارق: ايوه هنرجع القصر....
شهد طلعت وعادل وراها وهما بيتخانقوا.....
طارق: عادل وشهد علطول بيتخانقوا... مجانين
شروق: انا نفسي اعرف هما مابينهم اي
طارق: هيكون اي يعني عادل بيحب شهد....
شروق: اممم باين عليهم اصلا
////////
شهد: بس بقا سيبني
عادل: لا
شهد: يبني مش كفايه العملتوا قدام الناس شلتني علي كتفك كأني شنطه ومشيت....
عادل: مانا قولتلك متضايقينيش وانا مش هضايقك
شهد: يبني انت هتفهم امتي اني.... ..... ثم اكملت في سرها..... اني بحبك....
عادل: هاا انك اي...
شهد: اني بكرهك....
عادل: وانتي هتفهمي امتي اني بحبك.....
شهد افأفت وفضلت تخبط برجلها علي الارض وهي ماشيه...........
عادل مشي وراها
شهد: كلكم بتضحكوا اي فيه اي.....
طارق: ادهم هيخرج
شهد: بجد.... ياههه احلي حاجه حصلت انهارده.....
فرح دخلت هي ووائل وهما ماسكين ايد بعض......
كلهم استغربوا اي البيحصل...
فرح: في اي
شهد: ادهم هيخرج
فرح: الحمد لله يارب....
وائل فضل يحمد ربنا في سره..
فارس وصل هو وضحي...
ضحي طلعت تجري وهي مخضوضه.......
ضحي: اخويا حصله حاجه؟
فرح: لا متقلقيش اخوكي خرج اهو......
ضحي: الحمد لله يارب الحمد لله يارب......هو فين
فرح: بيلبس......
ضحي بصت لفارس وهي بتضحكله بفرحه......
وراحت وقفت جمب فارس...
فارس: مبتاخديش علاجك بقالك فتره ليه
ضحي: العلاج بيتعبني اكتر وبيتعب نفسيتي....
فارس: لا مفيش حاجه اسمها العلاج بيتعبني... ازاي يعني، لازم تاخدي العلاج عشان تخفي
ضحي: حاضر......
عمار طلع ووراه لميس....
لميس: هات تلفوني بقولك
عمار: لأ
لميس: يبني الجيم هيفوتني
عمار: ما يفوتك
لميس: بطل رخامه
عمار: لما توعديني انك متلبسيش لبس ضيق كدا تاني هديكي الفون
لميس: يووه وانت مالك
عمار: خلاص مش هديكي الفون
لميس: اوعدك اني مش هلبس لبس ضيق تاني ها خلاص
عمار: خدي
لميس بصتله بقرف ومشيت...
عمار: مالكم واقفين كدا ليه
فرح: ادهم الحمد لله خف وخرج
عمار: طب كويس
لميس: اي البرود العندك ده ما تقول الحمد لله الف سلامه عليه.....اي طب كويس دي
عمار: ششش انتي تسكتي خالص مبقاش غير علب الكنز التتكلم كمان....
لميس: بارد...
ادهم خرج......
كلهم جريوا عليه
طارق: الف سلامه عليك يا حبيبي......
ادهم: الله يسلمك....
شروق: الحمد لله انك بخير...
لميس: الف سلامه يا ادهومه
ادهم: الله يسلمك يا لميس
عمار داس علي رجل لميس..
لميس: في اي تاني
عمار: اي. ادهومه دي
لميس: يبني انت مجنون وانت مالك اصلا....
عمار: ششش اسكتي خالص
فرح: ادهم حبيب قلبنا الفرفوش الصغنن بتاعنا خرج
ادهم بصلها: صغنن؟ يابنني هو انتوا مش مقتنعين اننا كبار.
فرح: يبني انت لسه خارج لسانك هيبدأ يطول
ادهم: لا هقصره....
وائل: الف سلامه عليك يا ادهم.......
ادهم: الله يسلمك.....
نزلوا كلهم وروحوا علي القصر.
كلهم دخلوا القصر وشهد فضلت واقفه برا مع عادل
عادل: واقفه ليه
شهد في سرها: مش عايزه اسيبك.....
عادل: اتلبستي ولا اي...
شهد: مفيش هشيل معاك الشنط.....
عادل: وانتي من امتي وانا بسيبك تشيلي حاجه....
شهد: عادي يعني حبيت اساعدك
عادل: لا ادخلي يلا
شهد شدت الشنطه منه
عادل: سيبي يا شهد
شهد فضلت تشد الشنطه وهو يشد....
عادل: في اي يبنتي بتعملي كدا ليه......
شهد::::: سيب الشنطه ي الارض يا عادل.......
عادل بتنهيده: اهو سيبتها ها بقا.......
شهد مسكت ايده وبصت لي عيونه......
عادل للحظه استغرب مش مصدق ان شهد ممكن تعمل كدا..
شهد: انا بحبك يا عادل.....
في القصر.......
فارس دخل اوضته......لقي رساله مكتوبه علي الترابيزه...راح يفتحها.....
( عارفه انك دلوقتي بتكرهني.....عشان سيبتك زمان وروحت اتخطبت لحد تاني بس انا سيبته خلاص.....ورحعتلك تاني.......رهف حبيبتك رجعتلك تاني........).......
ضحي دخلت......
فارس رمي الورقه من ايده من الخضه.....
وضحي بصتله بأستغراب ونزلت جابت الورقه......
وفتحتها.....
في غرفه شروق.....
شروق: انا هدخل اخد شاور.... لحسن تعبت اوي انهارده...
شروق دخلت.......
وطارق راح يجيب لبس لنفسه بس تلفون شروق فضل يبعت في رسايل......
طارق: شروق تلفونك بيبعت رسايل.....
شروق مسمعتش....
طارق فتح التلفون.....
الرسائل
= شروق يا حبيبتي قابليني بكره في المكان ده (......) عشان ههربك من طارق.....
في غرفه فرح......
وائل: انزلي يا فرح انا تحت البيت....
فرح: بتعمل اي تحت
وائل: انزلي بس......
فرح نزلت......
فرح: في اي يا وائل اي الجايبك في نص الليل....
وائل: ضميري انبني مقدرتش... اسكت كان لازم اقولك...
فرح: في اي يا وائل قلقتني
وائل: ابويا هو الضرب شروق وادهم بالنار..........
يا تري رد فعل عادل اي لما شهد لأول مره تقوله كدا؟
و ضحي هيكون رد فعلها اي لما تشوف رساله حبيبه فارس القديمه؟
وطارق هيعمل اي لما يشوف الرسايل المبعوته لشروق؟
و فرح هيكون رد فعلها اي اتجاهه وائل لما تعرف ان باباه هوو الضرب ادهم وشروق بالنار؟
يتبع الفصل الخامس عشر 15 اضغط هنا
- الفهرس (رواية اشتريتها من ميدان عام كاملة)