رواية بصير قلبي البارت الخامس عشر 15 بقلم أماني محمد
رواية بصير قلبي الفصل الخامس عشر 15
أدم =كنت بقول أني بحب أشوفك سعيدة وبحب ضحكتك..
شفاء =بتحب ضحكتي!!! اااه،..
طيب يااادم ...
بصت الجمب التاني وقعدت تشتم فسرها..
أدم كان سامعها بتتكلم فقعد يضحك بس بصمت.....
بعدها وصلو الشركة وكالعادة ادم فضل مستني شفاء لحد ما تخلص شغلها عشان يروحو...
شفاء فالتلفون =اااه انا عايزة معلومات عنه،ااه كل حاجه،شكرا جدا لمساعدتك دي...خلصت مكالمتها وقامت عشان تروح لأدم...فالوقت ده كانت الموظفه الجديدة جت والل هي جميلة...
جميلة دخلت عند يوسف وهو كان داير الكرسي الناحية التانيه..
جميلة=ازيك يفندم انا الموظفه الجديدة...
يوسف مكنش لسه لف...
يوسف=شاطرة بقا فشغلك على كده!!
جميلة =شاطرة جدا،انا مبحبش اتكلم عن نفسي كتير،بس متأكدة انك مش هتندم...
يوسف لف بالكرسي
=متاكده اني مش هندم؟!!؟
جميلة بصدمة=أنت!!
يوسف =ااااه انا،مديرك...
جميلة بغيظ=انا ماشية...
يوسف بضحك=اقعدي يبنتي،في اي،مكنش موقف الل يخلي الانسان يعمل فأخوه الانسان كده اقعدي عايز اكلمك...
جميلة قعدت بضيق..
=اتفضل اتكلم...
يوسف=بصي عايزين ننسى الموقف الل حصل ونبدأ من جديد،كمدير وموظفه....وده شغل اتمنى ميدخلش فالامور الخاصة...
جميلة بتفكير=اممممم،موافقه..
بس بص بقا،والله العظيم إن عصبتني،لأنفجر فيك...
يوسف بضحك=انتي على طول خلقك ضيق كده...مش هعصبك يستي،اتفقنا خلاص...
جميلة ولأول مرة تبتسم ليوسف..
=اتفقنا...
يوسف بتتنيح=صلاة النبي احسن....ضحكتك قمر اوي...
جميلة وشها احمر...
=لو سمحت يفندم مينفعش كده..
يوسف باستيعاب=اااه اااه انا اسف،خلاص كده اتفقنا...ويلا اتفضلي على شغلك الجديد الف مبروك...
جميلة=شكراً يفندم...بعد اذنك...جميلة مشيت..
يوسف =اااه،لهطة جشطه بنت الذينة.....ربنا يصبرك على القمر ده ييوسف ييبني...
عند ادم...
دخلت شفاء بسرعه...
شفاء بصوت عالي=صحبي يصحبي...
ادم بضحك=عم الناس...
شفاء=صحبي يصحبي...
ادم =سيد الناس...
شفاء قعدت وهي بتضحك...
أحسن حاجه فيك يدومي انك بتسايرني...يعني مهما اعمل انت معايا...وبتستحمل هبلي
أدم =انا استحمل هبلك العمر كله يشفائي...
شفاء=شفائك....الكلمة دي اول مرة يقولها...
شفاء بصتله..
=بص بقا يااادم،انا حجزتلك عند دكتور عيون ولازم نروح حالا عشان معاد الكشف...
أدم بيأس =هيقول نفس الكلام يشفاء وان مفيش امل،انا روحت لدكاترة كتير ونفسيتي تعبت بسببهم...
شفاء بأصرار=طيب المرة دي وخلاص ولو قال نفس الكلام لقدر الله مش هنروح لدكتور تاني...بس انا متفائلة،ارجوك يااادم وافق عشان خاطري انا...
ادم ابتسم=خلاص موافق عشان خاطرك...
شفاء بثقة =متأكدة انه هيقولنا حاجه تسعدنا باذن الله
ادم=بأذن الله..
مشي ادم وشفاء من الشركة وراحو للدكتور..
الممرضه =استاذ أدم الشرقاوي يتفضل...
دخل ادم وشفاء...
الدكتور بترحيب =اتفضل يااااستاذ ادم...اتفضلي يمدام شفاء..
شفاء كحت =انسه لو سمحت..
الدكتور باحراج=اااه اسف فكرتك زوجة استاذ ادم..
شفاء بتمتمه =ياااخويا يارب...
ادم =نبدا الكشف بقا يدكتور..
الدكتور =ااه اكيد اتفضل...بدا الدكتور يكشف على ادم وبعد وقت ليس بقليل...خلص الكشف..
شفاء بلهفة=هااا يدكتور في أمل...
الدكتور سكت شوية وبص لأدم...
الدكتور=عايز أقول انك محظوظ اوي يااااستاذ ادم....في نسبة كويسه انك ترجع تشوف...انت محتاج عملية..والعملية دي المفروض تتعمل بره مصر...بس يكفي ان في امل...
ادم ركز اوي مع كلام الدكتور وبعدين عيونه دمعت..
=يعني في امل ارجع اشوف يدكتور،يعني هقدر اشوف شفاء...
شفاء جريت على ادم وهي بتعيط...
شفاء=الف مبروك يااادم مش قولتلك أنك هترجع تشوف،قولتلك اني قلبي حاسس اننا هنسمع خبر حلو...
ادم مسك ايدها=شكراً لوقوفك جمبي يشفاء،شكراً انك معايا...
شفاء بضحك وهي بتمسح دموعها =عد الجمايل بقا،كده تاني جميلة...
ادم ابتسم=مبتنسيش حاجه ابدا انتي يشفاء...
قاطعهم الدكتور...
بص يااادم،انا اعرف دكاترة متخصصين بره فامريكا....واقدر اوصيهم عليك...بس لازم تروح فأسرع وقت...وهم هيتصرفو،تفائل خير...
شفاء بسرعه=رتب كل حاجه يدكتور،وكلمهم ومتشغلش بالك بفلوس ولا اي حاجه...
ورجعت سكتت شوية واتكلمت..
بس يدكتور مش عايزين اي حد يعرف انه هيعمل العملية..
ادم باستغراب =ليييه يشفاء...
شفاء=اااه،عشان نعملهم مفاجاة،هتبقا احلي...وبعدين عايزين نروح ونيجي فسكات اصل الحاجات الل زي دي بتتحسد وانت عدوينك كتير،ليدوك عين ويفشلو العملية (طبعاً هي مش عايزة كريمة ولا شريكها يشمو اي خبر عشان لو عرفو مش هيسكتو)
ادم بتفكير=امممم،خلاص ماشي...موافق...
بعدها الدكتور اتفق معاهم واستأذنو ومشيو....
بعد ما روحو البيت...كان يوسف وصل من الشركة...
شفاء خبطت على اوضته ودخلت..
يوسف =تعالي يشفاء محتاجه حاجه؟!
شفاء=محتاجه خدمة صغننه قد كده...
يوسف =قولي على طول يشفاء..
شفاء=بص ييوسف،انا سمعت ان ليكم فرع تاني للشركة فالقاهرة...
يوسف =اااه..
شفاء=بص انا عايزة اروح انا وأدم الفرع ده...وانت هتعلن فالشركة اننا رايحين هناك نشرف على الموظفين...بس بصراحه مش هنروح ولا حاجه..
يوسف بعدم فهم=شفاء وضحي انا مش فاهم...
شفاء عملت نفسها مكسوفه...
=فتح مخك معايا ياااچوووو....انا مش عارفه اقعد انا وأدم لوحدنا....وبصراحه مفيش غير الحجه دي عشان نبقا مع بعض..
يوسف=اااااااه،يعنى انتي عايزة تنشري كلام فالشركة وفالبيت انك هتسافري انتي وأدم للفرع التاني،وهتستغلوها فرصه انكم تروحو مكان لوحدكم وكده...
شفاء=الله ينور عليككككك،عرفتهاااا ازاي لوحدك دي.
يوسف=يبكاااااااشه،يااما تحت السواهي دواهي...
شفاء =بقولك ااااايوسف،قصر فالكلام،هتعمل الل بقولك عليه ولا اشوف خطه تانبه...
يوسف=ياااامي،بتتحولي ليه كده،خلاص موافق بس كنت بهزر معاكي...
شفاء=حبيبي يچوووووو،اللهي وانت جاهي ربنا يرزقك بعروسه قمر كده يشيخ...
يوسف بضحك=يلاهوي يشفاء،يبقا هتدبس خلاص،دا انتي دعواتك بتطلع السما بمكوك...
شفاء بضحك=اي خدمة...اعلن بقا الكلام ده علشان هنسافر كمان يومين...
يوسف =اشطا....
مشيت شفاء وهي بترقص بانتصار على ذكائها...وبعدها راحت لأوضتها عشان تنام...
الساعه دقت اتنين بالليل وشفاء حست بصوت تحت...نزلت تتسحب وهي متأكده انهم كريمة وشريكها...
كريمة=انا زهقت من الوضع ده،لازم نقتله يعبد الحميد ...
عبدالحميد=مش بعد كل التعب ده نقتله دلوقتي،ما كنا قتلناه من الأول...
كريمة=معرفش بقا،انا زهقت وبصراحه حاسه ان شفاء عارفه حاجه،وكمان حساها هتساعده...
عبدالحميد=يكريمة يكريمة لو قتلناه ممكن يشكو فينا ونتقفش،انما احنا قررنا نسببله اعاقه وهي العمى عشان يعتزل كل حاجه واحنا نستفرد بكل حاجه...
كريمة=بس ادم رجع الشركة ومع الوقت هيكتشف البلاوي الل عملناها...انت محامي العيله اااه وكنت سر عز الشرقاوي...بس أدم لو كشفنا مش هيرحمنا...
عبدالحميد=مش هيكتشف حاجه،احنا نكمل فالدواء الل بنديهوله ومع الوقت الدواء هيقضي عليه...ولما يموت الطبيب الشرعي هيقول انه شرب دواء مضاد الاكتئاب بجرعات عاليه وبكده محدش هيشك فينا...وانتي عارفه انه اكتئب لفترة...فلما ناكد كلام الدكتور محدش هيقدر يكشفنا...
كريمة=ده موت بالبطئ،وانا مش قادرة اصبر،لازم كل الأملاك الل كتبها عز لأدم ترجعلي انا وولادي..
عبدالحميد=يكريمة وطي صوتك،انتي عارفة ان مفيش مخلوق يعرف ان عز كاتب وصية وكاتب كل ممتلاكاته لأدم...وانا عشان المحامي الخاص قدرت اخبي كل ده،لاكن عز كان موثق الكلام ده وانا بحاول على قد ما اقدر مخليش اي حد يلاحظ ده...
اتفاقيات الشركة كانت بتحتاج امضة أدم،وكنا بنمضيه على انه شريك وابن صاحب الاملاك....لكن فالواقع هو المالك الوحيد....
كريمة=عشان كده بقولك نقتله ونخلص...
عبدالحميد=خلاص يكريمة نستنى شوية ولو حصل اي حاجه ممكن تهددنا،نخلص منه...
كريمة بزهق=اوووووف ماشي يروحي...سيبك منه، انت وحشتني مووووت....
عبدالحميد=لازم امشي،خايف حد يشوفنا
كريمة=متخفش محدش فيهم بيصحى فالوقت ده.....
........
شفاء بره كانت سامعه كل حاجه وكانت حاطه ايدها على بوقها والدموع بتنزل من عنيها...
اتسحبت بالراحة ومشيت...
=دول مش بني أدمين،دول شياطين،اي ده،هيقتلوه...
يارب اعمل اي،دلوقتي حياته فخطر فعلاً....انا لازم اعمل حاجه...
مينفعش اسكت...يارب خليك معايا يارب...يارب قويني عليهم ملناش غيرك...يارب.
يتبع الفصل السادس عشر 16 اضغط هنا
- الفهرس (رواية بصير قلبي كاملة)