رواية نور قلبي البارت الثاني والعشرون 22 بقلم دينا يوسف
رواية نور قلبي الفصل الثاني والعشرون 22
بعد يومين
آدم ونور رجعو مصر وراحو على الفيلا
اول ما ساره شافت آدم جريت عليه بلهفه وحضنته علشان تغيظ نور وآدم بعدها عنه براحه قبل ما تحضنه
نور اتضايقت جدا بس مبينتش
ساره بدلع : ادم حبيبي ممكن توديني الجامعه بكره
ادم بجديه : مش هينفع خلي السواق يوصلك
ساره وهي بتمسك ايد ادم : علشان خاطري يا آدم بقا بليز
نور بحده : مش قالك مش فاضي يا حبيبتي ما تروحي لوحدك ولا انتي لسه يا نونو
ساره بقرف : وهو كان حد كلمك
نور بغيظ : والله ادم جوزي ولما الاقيكي قاعده تتدلعي وتتمايصي على جوزي يبقى اكلم براحتي
آدم : خلاص سا ساره قولتلك السواق هيوصلك انا مش فاضي وبص لنور وقال : يلا نطلع فوق
نور بصتله بغيط وطلعت
هو طلع وراها وقفل الباب ادم قعد على الكنبه و نور دخلت الحمام وغيرت هدومها وراحت تنام على السرير
ادم راح قعد على طرف السرير وقال : حبيبتي كلي الأول وبعدين نامي
نور وهي بتحط وشها في المخده بغيظ : مالكش دعوه بيا وروح للي كانت قاعده بتتدلع عليك تحت
ادم رفع حاجبه وقال : والله
نور بصتله وقالت : قولتلك مالكش دعوه بيا
ادم ضحك وقال : طيب انتي شوفتي اللي حصل بعينك وشوفتيني رديت عليها ازاي زعلانه ليه دلوقتي
نور لفت وشها الناحيه التانيه وقالت : معرفش
ادم ابتسم و مسك ايدها وباسها وقال : حبيبتي الغيرانه
نور بصتله بغيظ وقالت : انا مش غيرانه وسيبني انام بقى
ادم وهو بيلعب في شعرها وبيقول بحنيه : مقدرش اسيبك تنامي وانتي زعلانه
نور بغيط : والله يعني لما الاقي واحده بتتمايص على جوزي وبتحضنه المفروض اعمل ايه دا انت لو كنت سيبتني شويه كنت جبتها من شعرها كدا
ادم ضحك بصوتك عالي و حضنها اوي وقال : حبيبتي الشقيه انتي بقيتي عامله زي القطه الشرسه كدا ليه
نور ابتسمت وحط راسها على كتفه
ادم بعد شويه وقال : بس عاجبني غيرتك الحلوه وكمل بمرح : انا هخلي بقى ساره كل يوم تعمل كدا علشان اشوف قطتي الشرسه هتعمل ايه
نور بعيظ وهي بتبعد عنه وبتزقه : والله..... طيب ابعد عني بقا ومتكلمنيش تاني
ادم شدها عليه وهو بيضحك وهي بتزقه فيه : اهدي يا روحي بس انا كنت بهزر
نور : لا متهزرش في الموضوع دا والا المره الجايه والله هتصرف مع البت دي تصرف مش هيعجبك
ادم : ماشي يا قطتي بس اهدي بقا علشان انا كدا اللي هزعل و انتي قاعده كل شويه بتبعدي عني ومش عايزه تيجي في حضني
نور بطفوله : ما انت السبب في كدا
ادم : أنا
نور : ايوه
ادم بابتسامه : طب تعالي بقا انا لازم اعاقبك على كلامك وصوتك العالي دا
نور بضحك : انت بتستني اي فرصه للعقاب طب انا هنام بقا واسيبك
نور وهي بتتعدل على السرير علشان تنام ادم شدها وقال : كدا بقى في عقابين اول عقاب على صوتك العالي والتاني علشان مبتسمعيش الكلام وانا بقى هوريكي انا هعاقبك ازاي
ادم قرب منها وباسها بحب وتاهو في عالمهم الخااص
________________________
عند صلاح ونجلاء
صلاح بجديه : لازم تعملي كل اللي قولتلك عليه يا ساره بالحرف الواحد واوعي تغلطي
ساره : متخفش عليا يا اونكل
نجلاء : اول ما ادم يخرج تطلع للبت دي على طول وابتدي بأول خطوه
ساره : حاضر انا فهمت كل حاجه متقلقوش
_________________________
تاني يوم صباحا
ادم نايم على السرير ونور كانت في حضنه وشعرها مغطي وشها فتح عينيه وشافها ابتسم ورجع شعرها لورا بعيد عن وشها و بيمشي ايده براحه على خدها وهو بيصحيها
نور ابتسمت وفتحت عينيها وقالت : صباح الخير يا حبيبي
ادم بأس ايديها وقال : صباح النور يا قلب حبيبك
نور : يلا قوم علشان تفطر وتروح الشغل
ادم : لا مش هروح انهارده عايز ابقى معاكي انهارده وبكره هبقي اروح
نور بابتسامه : مش احنا رجعنا هنا علشان كان في شغل مهم لازم تخلصه
ادم وهو بيضمها اكتر : اممممم بس انهارده عايز ابقى جمبك وبس وبكره هبقي اروح الشركه
نور باسته في خده وقالت : ربنا يخليك ليا يا دومي
ادم رفع حاجبه وقال : دومي
نور بدلع : آه دومي
ادم : امممم حلو دومي دا.... بس لو حد سمعك بتقولي كدا هيبقي شكلي ايه ساعتها
نور وهي بتقرب منه بدلع : انا بدلع حبيبي وهقول دومي واحنا مع بعض وبس
ادم بخبث وهو بيقرب اكتر : طيب احنا لازم نتناقش اكتر في الموضوع دا
نور بضحك : لا انا هقوم بقا و
مكملتش كلامها لان كان ادم شدها اكتر عليه وباسها من شفايفها وضمها أووي و دفن راسه في تجويف عنقها وقال : حبيبتي وروحي وقلبي وكل حاجه في حياتي
نور ابتسمت وضمته اكتر وقالت : بحبك
ادم باسها تاني بحب ورقه وشغف وتاهو في عالمهم الخاص
وبعد فتره
ادم خدها في حضنه و قال وهو بيلعب في شعرها : يلا خدي شاور والبسي علشان هنخرج نقضي اليوم برا
نور بفرحه : بجد يا ادم
ادم وهو بيبوسها من خدها : بجد يا روح و قلب ادم
يلا بقى قومي وانا هخلص شويه مكالمات للشغل تكوني جهزتي
نور : حااضر يا حبيبي
_________________________
الكل مجمعين تحت على الفطار
وأدم حط ايديه على كتف نور وضمها ونازلين تحت
نجلاء : ايه يا آدم رايحين على فين كدا
ادم : هنقضي اليوم برا
ساره بحقد : مش المفروض انك عندك شغل
ادم وهو بيبص لنور بابتسامه : نور اهم عندي من اي حاجه
زينه بابتسامه : ربنا يسعدك يا حبيبي
ادم غمز لزينه وقالها : لما ارجع لينا كلام مع بعض ويلا سلام بقا علشان منتأخرش
و خد نور وركبو العربيه وراحو في كافيه على النيل
فطرو مع بعض
نور : انا فرحانه اوي يا آدم
ادم وهو بيمسك ايديها : حبيبه قلبي انا بفرح لمجرد ان اشوفك فرحانه كدا وربنا يقدرني وافرحك على طول
نور وهي بتضغط على ايده برقه : طول ما انت جمبي ببقى فرحانه
ادم : بلاش الكلام دا علشان احنا وسط الناس وانا مش هيهمني حد وهقوم ارزعك بوسه دلوقتي
نور ضحكت
ادم : اضحكي اضحكي انا بقي هوريكي لما نروح هعمل فيكي ايه
نور : يا سلام متقدرش تعمل معايا حاجه اصلا
ادم : والله
نور وهي بتتراجع عن كلامها وبتقول بدلع وهي ماسكه ايده : خلاص بقي يا دومي... انا عايزه اطلب منك طلب
ادم : شاوري
نور : عايزه اروح الملاهي
ادم وهو بيعقد حواجبه : ملاهي
نور بتهز راسها بابتسامه
ادم : ملاهي اي يا نور اللي هروحها دي انتي عايزانى انا اروح الملاهي
نور : آه وهتلعب معايا كمان
ادم : بس يا روحي ربنا يهديكي اطلبي طلب تاني وانا هعمله
نور وهي بتمثل الحزن : خلاص مش عايزه حاجه
ادم : طب زعلانه ليه دلوقتي يا روحي
نور : مش زعلانه
ادم مسك نور وشدها علشان تقف وراح بيها ناحيه العربيه َركبو واتحرك وطول الطريق في صمت لحد ما ادم ركن العربيه نور بتبص حواليها لقت نفسها ادام الملاهي
ادم نزل من العربيه وفتحها الباب ومسك ايديها نزلها وقال : طلباتك أوامر يا نوري.. مقدرتش اشوف حبيبتي عايزه حاجه ومعملهاش
نور اتنطنطت مكانها من الفرحه و حضنت ادم وهي بتضحك
ادم : بس يا مجنونه انتي بتنطي كدا ليه الناس بتتفرج علينا
نور وهي بتشد آدم وبتضحك : طيب يلا بقى ندخل
بعد فتره
ادم : يلا بقى يا نور انتي لعبتي كل الألعاب يلا نروح
نور : حاضر يا حبيبي انت تعبت انهارده ولازم نروح و ترتاح علشان تروح الشغل بكره
ادم : ماشي بس هنروح ناكل الأول في اي مطعم وبعدين نبقي نروح
نور وهي بتبوسه في خده : انا بحبك
ادم وهو بيضمها : وانا بعشقك
_____________________
تاني يوم صباحا
ساره استغلت ان ادم نزل الشركه ونروح لوحدها وقررت تروحلها علشان تهز ثقتها في ادم
وطبعا كل دا تخطيط صلاح ونجلاء علشان يبعدو نور عن ادم
ساره خبطت على الباب و نور فتحت
ساره : ممكن تندهيلي آدم بليز محتاجه ضروري
نور بقرف : ادم خرج واظن انتي عارفه
ساره بدلع : بصراحه يا نور ادم وحشني موت احنا متعودين على بعض اوي وكمان كنا بنسافر كتير لوحدنا تخيلي ان كنا بنقعد ف اوضه واحده من كتر ما كنا اخدين على بعض
ساره ضحكت بدلع وقالت : منكرش ان ادم بتاع بنات وكدا وعارف بنات كتير اوي بس بردو انا الأصل بيلف يلف ويرجع لحضني
وكملت بقرف : اما انتي مجرد تجربه جديده كان عايز يجرب واهو جرب وانتي عيشتلك يومين مكنتيش تحلمي بيهم عمرك كله واهو كلها كام يوم وتطردي من هنا على ايد آدم اصل مش بيرفض ليا طلب سيبك من اللي بيعملو معاكي وغمزتلها وضحكت بدلع ومشيت
نور قعدت على أقرب كرسي تفكر ف كلام ساره ومش عارف تعمل ايه و بتقول لا مستحيل ادم يعمل كدا هو بيحبني لا مستحيل
أدم رجع الفيلا ونور كانت. نايمه دخل غير هدومه وراح نام وراها وقربها منو وضمها وباس شعرها
نور بنوم : أدم
أدم : ايوه يا روحي نامي انا جمبك
______________________
عدت الايام وأدم بيحاول يفرح نور بكل الطرق وهي نست كلام ساره ومتأكده ان ادم بيحبها
ساره كل شويه تضايق نور بكلامها بس نور بتتجاهلها ومش بتقول لادم
ادم كل يوم حبه وعشقه لنور بيزيد اكتر
مراد كلم ادم علشان يتجوز زينه بس صلاح وعبد الله مش موافقين
عمر ويارا مش بيتقابلو وكل واحد جواه وجع من التاني
سيف وشهد بيقربو من بعض اكتر وعلاقتهم بتقوي اكتر
زينه بتحاول بكل الطرق تقنع ابوها ان يوافق على مراد بس صلاح رافض تماما
مراد بيحاول يقنع ابوه بس كمان رافض علشان زينه تبقى اخت ادم
________________________
بعد مرور شهر
ساره : طبعا بعد كل دا مش مصدقاني ان آدم بيخونك ومش بيحبك وانك بالنسباله تجربه مش اكتر
نور : انتي مالك ومالنا انا بحبه وهو بيحبني خليكي في نفسك يا حشريه وأجرى العبي بعيد
ساره ضحكت بصوت عالي : لسه مش مصدقه بردو... عموما لو عايز تتأكدي يا روحي تعالي بالليل اوضتي وانتي هتشوفي ادم وهو في حضني بااي
مساءا في فيلا نصار
أدم رجع الفيلا لقى نور نايمه
نور كانت عامله نفسها نايمه علشان تشوف ادم هيعمل ايه اول لما لقته بيقفل الباب تاني و كان لابس هدوم بيتي قامت خرجت وراه تشوف رايح فين
لقتو رايح اوضه ساره نور اتصدمت جدا وفضلت واقفه مكانها ودموعها نازله ومش عارفه تعمل ايه
راحت فتحت الباب فجأه وشافت ادم وساره وهما واقفين وقريبين من بعض اوي و ساره ماسكه ايد ادم
ادم اتصدم لما شاف نور واقفه قدامه ودموعها نازله بلا توقف بعد عن ساره بسرعه وراح عند نور بلهفه
بيحاول يمسك ايدها وبيقول : نور اهدي.... اهدي هفهمك كل حاجه
نور وهي بتبعد عنه وبتقول بقسوه : متلمسنيش
ادم اتصدم من رد فعلها ونور طلعت تجري من قدامه وأدم بيجري وراها علشان يلحقها
نور نازله بتجري من على السلم فجأه وقعت على السلم و لفت كام مره لحد ما خلاص بقت تحت
ادم واقف مصدوم ومش عارف يعمل ايه كأنه مش قادر يتحرك ولما فاق لنفسه نزل يجري عليها لقاها اغمى عليها وفي دم حوالين راسها
_______________________
تفتكرو آدم بيخون نور فعلا؟؟
ونور هيحصلها ايه بعد الوقعه دي ؟؟
ومراد وزينه هيتجوزو ولا لا؟؟
يتبع الفصل الثالث والعشرون 23 اضغط هنا
- الفهرس يحتوي على جميع الفصول (رواية نور قلبي كاملة)