رواية قرار في ليلة الدخلة البارت الثاني 2
رواية قرار في ليلة الدخلة الفصل الثاني 2
لاقيت زمايلي في الشغل كلهم قاعدين زعلانين وعلامات الصدمة والحزن الشديد باينه علي وجوهم ومنهم اللي كان بيبكي ..!!
سألتهم في ايه ..؟؟
صدموني وقالوا ان جالهم خبر ان حسين مات في حادثه النهارده ..!!!!
انهارت ومكنتش مصدقه ..!!
طب ازاي وليه ..؟؟
واشمعنا دلوقتي ده ، كان هيجي يتقدملي خلاص ..!!
فضلت اعيط لحد ما أغمي عليا
لما فوقوني كانوا رغم انهم زعلانين ومتأثرين جدا لموته ..!!
الا انهم تعجبوا لشده زعلي عليه ، اللي واضح عليا جدا اكتر منهم كلهم ، والل وصلني بعد كده اني انهارت تماما لدرجة ان بعدها بفترة قصيرة قدمت استقالتي وسبت الشغل تماما ..!!
في الاول كانت مصيبتي ان راح مني حبيبي لكن بعد كده افتكرت المصيبة الأكبر اني مش بنت ..!!
وهوه مات وسابني أواجه مصيري لوحدي ..
قعدت كتير مش عارفه اعمل ايه ..؟؟
فكرت في كل حاجه غلط وصح لدرجه اني فكرت انتحر كتير ...؟؟
بس كنت بخاف ..
مش من الموت ..؟ لا بخاف من ربنا..
انا طول عمري بعرف ربنا واللي حصل مع حسين كان غلطتي الوحيده في الدنيا
بعدها اتقدملي شباب كتير وانا كنت دايما برفض وهتجوز ازاي وانا مش بنت ..؟؟
لحد ما اهلي في البيت وعيلتي والجيران ابتدوا يستغربوا ويسألوا سبب رفضي لكل العرسان دي ومن غير سبب مقنع ..؟؟
خلاص مبقاش عندي حجج تاني أقولها لابويا وأمي ..؟؟
وابتدوا يضغطوا عليا ولولا انهم واثقين فيا ثقة عمياء كانوا شكوا اني في حاجه غلط انا مخبياها عليهم ...!!
لحد ما انت جيت اتقدمت !!
ومكنش ينفع ارفض تاني !!
فتوكلت علي الله ووافقت
في الاول كنت ناويه اكررهك فيا عشان انت اللي تسيبني ..
بس لما عرفتك كويس .. حبيتك وانت حبيتني ..
وفي كتير من الأوقات كنت بنسي اللي حصل من كتر منا مبسوطه معاك ..
وتخيلت انك ممكن تسامحني لو عرفت سري ..
وفكرت كتير احكيلك بس كنت خايفه تسيبني
وكان ممكن اعمل عمليه وانت مكنتش هتعرف حاجه ....
بس اخر قرار خدته اني اقولك علي سري ومصلحش الغلط بغلط وانت ليك الحق كل الحق انك تعمل اللي انت عاوزه ...؟؟
بس أرجوك لو مش ناوي تكمل معايا وده حقك استر عليا وخليك معايا فتره وبعدين طلقني ..!!!؟
وهتنازل ليك عن جميع حقوقي ومش عاوزه منك اي حاجه لآني مستاهلش أي حاجه....
ولو رحمتني واتممت زواجك مني هتلاقيني ان شاء الله مخلصة لك ما تبقا لي من عمري وهعيش لخدمتك الباقي من حياتي لان انا فعلا مش وحشه .. وبحبك فعلا ..
وعمر محد لمسني غيره وكانت المره الأولي والاخيره ...
انا بحبك فعلا وربنا بيرحم ويسامح وانا مستنيا منك تسامحني وتسترني ولا تفضحني ...
القرار ليك واللي انت هتقوله هنفذه لان من حقك تعمل اللي انت عايزه ...!!
بس صدقني انا مكذبتش عليك في شئ في كل الكلام اللي قولتهولك ..!!
ومِسكت المصحف وحلفت له علي صدق كلامها ..!
كانت صدمته من اللي سمعه منها كبيره وشديده لدرجه ان بعد مهيا خلصت كلامها ومستنيا تسمع قراره فضل ساكت ومتنح ليها ومش بيتكلم لبضع دقايق !؟
وفجأة قام وقف وأتكلم وقالها ..
يتبع الفصل الثالث 3 اضغط هنا
- الفهرس (رواية قرار في ليلة الدخلة كاملة)