رواية فتاه الظلال وعهد الجن البارت الثاني 2 بقلم جوري محمد
رواية فتاه الظلال وعهد الجن الفصل الثاني 2
ونبدا من عند سهر
سهر يعني يا جد يوم ما تسيبوا لي ورث تسيبه لي القرف ده اشباح وعفاريت طب كنتم سبته لي مليون جنيه احسن ولا حتى 10,000 يا عم كانو نفعونا
الجد المهم دلوقت انت هتعملي ايه
سهر..... هاعمل ايه يعني هابدا ادور على المواقع يمكن الاقي حاجه ولا اشوف احد يكون عارف حاجه عن الموضوع ده سلام بقى يا جدو عشان عندي محاضره
ونسيبهم ونروح عند وائل و ادهم
ادهم اتفضل على مكتبك يا وائل باشا
وائل حاضر
ادهم وتبدا الشغل وتبقى بعد كده تروح الجامعه
ونسيبهم و نروح الجامعه عند سهر
سهر استنو هنا انتم رايحين فين والنبي ده اول يوم لي في الجامعه سيبوني ابان طبيعيه شويه
الطلبه بيبصوا عليها انها بتكلم نفسها
سهر شفته دلوقت هيقولوا علي مجنونه
كريم ايه البنت اللي واقفه تكلم نفسها دي
ماجي شوف اللبس اللي هي لابساه باين عليها فقيره جدا ودي جايه الجامعه ليه
كريم بس حلوه ومجنونه دي اكيد داخل الجامعه بمنحه دراسيه
ماجي ذوقك بلدي على فكره زباله شكلك هتعمل زي البنت اللي فاتت
.كريم طب وانا مالي هي كانت تفتكري اني ممكن اتجوزها
ما جي كيمو هي انتحرت بعد ما انت لعبت معها
كريم خلاص اقفلي على الموضوع ده يلا خلينا نروح المحاضره
سهر المحاضره ابتدات وسهر قاعده
الدكتور انت الثانيه على الثانويه العامه
سهر ايوه يا دكتور
الدكتور يا ريت تفضلي على طول كده وبلاش تتلمي على اللي مش من مستواك الثقافي
سهر لا ما تقلقش يا دكتور انا جايه هنا علشان اتعلم وبس
الدكتور احسن برده اهم حاجه العلم ودراستك
وانتهت المحاضره وسهر راحت الحمام
سهر يا لهوي ايه الحمامات دي ده الواحد يفرش و ينام هنا يا جدعان فينك يا جدو تشوفي الحمام ده اللي اكبر من بيتنا حمامات جامعه امريكيه بقى
سهر.. وانت واقفه كده ليه ومال دماغك
البنت انت شايفاني
سهر شايفاك يا ستي انت جايه تعملي ايه في حمامات الجامعه
البنت اصل
سهر طب بصي تعالى جوه نتكلم علشان كده هيقولوا على مجنونه وانا مش ناقصه
سهر احكي لي بقى يا ستي انت اللي جابك هنا
البنت اصلا انا انتحرت هنا في الجامعه الامريكيه
سهر ليه سقطت في ماده يعني
بقلم جوري محمد
البنت لا انا انتحرت علشان هو ضحك علي و ما رضيتش يتجوزنى
سهر بصي انت شكل حكايتك كبيره تعالى احكي لي وانا قاعده في الميكروباص وانا مروحه الطريق طويل و انا بزهق علشان بنزل اخر واحده في خط الميكروباص
البنت ماشي
وسهر وهي خارجه ايه اخ مش تحاسب خبطتني
وائل انا اسف وكل واحد منهم راح في طريق
سهر خلصت المحاضرات وراحت تركب الميكروباص و معها البنت وبدات تحكي الحكايه وطبعا سهر اللي بتسمع بس و شايفاها
البنت ...انا نور وكنت الاولى على الثانويه العامه وخدت منحه دراسيه هنا في الجامعه الامريكيه وكنت فرحانه جدا وبابا كان مبسوط وماما لحد وكنت متميزه في دراستي لحد ما تعرفت على كريم والشله بتاعته
كريم انت الاولى على الثانويه العامه
نور ايوه
كريم و عملتيها ازاي دي
نور عملتها بالمذاكره وسهر الليالي وتعب
اصحاب كريم كلهم قعدوا يضحكوا
ماجي شكلنا هنضحك ونتسلى كثير الايام اللي جايه
وعدت الايام وكريم كل يوم مع نور وبدات نور تتمرد على العيشه و اهملت دراستها لحد ما في يوم
كريم النهارده يا نور في حفله لازم تحضريها علشان دي حفله عيد ميلادي وانا السنه دي مش عايزه اعملها الا وانت معي ولو ما جيتيش مش هاعملها
نور لا هاحاول اجي بس يا ريت بابا يوافق
كريم يا ريت
نور روحت البيت بابا انا عايزه احضر الحفله دي ضروري
بابا نور لا ما فيش حفلات يا ستي الناس دول مش مستوانا والقرب منهم مش حلو
نور يو يا بابا علشان احنا فقراء لازم كل اللي صاحبني يبقى فقير خلاص انا هاخش انام
باباها ربنا يهديك يا بنتي والكل نام
ونور نزلت وانسحبت من باب الشقه علشان تروح الحفله و نور وصلت العنوان اللي كريم اديه لها
نور ايه ده هي الحفله خلصت يا كريم
كريم لا دي لسه هتبتدي
نور الوقت اتاخر قوي
كريم باقول لك ايه انا عايزاالحفله تبقى انا وانت بس
نور طب وبقيت زمايلك
كريم انت كفايه علي يا نور وهو وهي عملوا الغلطه اللي نور دفعت ثمنها
كريم بصي يا نور انت دلوقتي قدام ربنا مراتي واحنا هنكتب ورقتين وعلى فكره من هنا ورايح مصاريفك مسؤوله مني
نور بجد يا كريم
كريم ايوه لحد بس ما اخلص الجامعه واجي اطلبك من باباك
نور انا باحبك قوي يا كريم
كريم وانا باحبك قوي يا نور
و عدت الايام و نور وكريم متجوزين عرفي لحد ما نور تعبت جدا في الجامعه
كريم خذها وديها للدكتور
الدكتور مبروك المدام حامل
كريم الله يبارك فيك يا دكتور واخذها و ومشي
نور احنا لازم نتجوز رسمي بابا لو عرف ان احنا متجوزين عرفي ممكن يموت فيها
كريم البيبي احنا مش عايزينه نبقى نجيب غيره بعدين احنا هنزله لغايه بس ما نخلص دراستنا
نور حتى لو كده لازم نتجوز رسمي عند ماذون
كريم بصي بقى يا بنت انتي انا كنت بصرف عليكي ثمن الليالي اللي قضيتها معاكي
نور انت بتقول ايه 😭😭😭😭
كريم اللي انا باقوله عايزاكي تنزلي البيبي خذي الفلوس دي ونزليه عايزه تخليه انت حره بس شوفي مين اللي هيشيل اسمه انزلي يا بيضه يلا
نور. بس احنا متجوزين عرفي
كريم معاكي اي ورقه الاثنين معي ولا انت ناسيه وتقطعه من اول يوم😏😏😏😏
نور يعني انت كنت مرتب ليه كل حاجه
كريم يا ماما انت اللي زيك يتسلى معها بس انما يوم ما اتجوز اتجوز واحده من مستواي مش واحده بتعرفني عشان اصرف عليها
نور اخرس يا حيوان
كريم هعديهالك المره دي علشان نفسيتك تعبانه تفضلي فلوس اهي وروحي نزليه في اي خرابه ونزلها في الطريق ومشي
ونور فضلت ماشيه ماشيه لحد ما لقيت نفسها وصلت البيت
باباها مالك يا نور حبيبتي انت شكلك تعبان كده ليه
نور لا يا بابا ما فيش بس اصلي ما كلتش حاجه من الصبح
باباها ماشي يا حبيبتي غيري هدومك عقبال ما اعملك الاكل
وبابا عمل الاكل وقعد يتغدى هو و هي
نور يا بابا انا عايزاك تسامحني لو زعلتك في اي حاجه في الايام اللي فاتت دي
بابا نور انا عارف يا حبيبتي ان تغيير الفتره العمريه و مستوى الجامعه و لبس الاولاد اللي انت شايفاه هناك وامكانياتهم غير امكانياتنا علشان كده انت كنت على طول متنرفزه تصدقي بالله
نور لا اله الا الله
بابا نور يا ريتني ما كنت وافقت على المنحه وكنت دخلت كليه الطب ولا الهندسه حكوميه اه الناس اللي فيها الى حد ما مستواهم قريب منه وفيها الفقير وفيها الغني
نور ربنا عايز كده يا بابا بس انا عايزك تسامحيني بجد
باباها يا حبيبتي انا على طول مسامحك شد حيلك انت في الجامعه وانا احضر لك هديه حلوه🥰🥰
نور ربنا يخليك لي يا حبيبي انا هدخل انام شويه بقى علشان تعبانه
بابا نور طب استني اعمل لك كوبايه الشاي
ودخلت نور وقاعده تكلم نفسها انا لازم انزل البيبي الاول وبعد كده انتحر علشان لو انتحرت والبيبي معي بابا هتفضح انما كده ممكن يقول اي سبب ثاني بس هيعرفوا ان انا مش بنت طيب اعمل ايه بس انا عارفه ان انا غلطت ورطت نفسي في ده كله بس لازم هو كمان يتحمل مسئوليه ده معي نور اتصلت ب كريم
كريم ايوه يا نور نزلت البيبي
نور انا منزلتوش وما اعرفش احد انت لازم تقف معي لغايه اما انزل البيبي ده واعمل عمليه وارجع بنتي ثاني 😡😡
كريم ماشي يا نور هاشوف دكتور و يكون صاحبنا كده وهرد عليك
نور خلاص
وعدى يوم واثنين وكريم اتصل ثاني على نور
كريم انا لقيت لك دكتور هيعملها يا نور
نور بجد
كريم ايوه بس انت لازم ترتاحي وهو مش هيعملها الا بالليل خالص
نور خلاص انا هاقول لبابا انا هقعد عند واحده صاحبتي
كريم وهو هيرضى كده على طول
نور انا هاعمل معه خناقه وهسيب له البيت و هامشي وابقى ارجع ثاني و اعتذر وهو هيسامحني
كريم ماشي
وراحت فعلا نور مع كريم للدكتور واتفقوا على كل حاجه كريم النهارده بقى ماشي
نوره روحت البيت
ابو نور انت جئت يا حبيبتي
نور يعني مش هيكون عفريتي ده ايه القرف ده الواحد زهق بيتعب في المواصلات عقبال ما بيوصل المكان المقرف ده
بابا نور يا بنت اهدي بلاش الكلام بتاعك ده
نور. اهدا ايه بس انت ما كنتش قادر تعمل لنا فلوس ينفعونا ونقعد في مكان حلو لما انت مش قد الجواز و ايه الخلفه اتجوزت ليه من الاول
بابا نور يا بنتي ارحميني و بلاش قرف
نور انا سايبها لك اهو راحت خارجه و قفلت الباب وراها
نور معلش يا بابا يا حبيبي انا اسفه بس لازم اعمل كده علشان احاول اصلح الغلط اللي غلطته نور مشيت مع كريم عند الدكتور
الدكتور اتفضل انت يا كريم باشا بره عقبال ما اخلص المدام
كريم اوكي
الدكتور الممرضه حضريها للعمليه وفعلا الدكتور عمل لها العمليه
نور يعني كده خلاص انا بنت
الدكتور ايوه بس لازمك راحه علشان العمليه تثبت
نور حاضر بس انا تعبانه جدا
الدكتور قبل ما كنت تغلطي كان لازم فكري في اللي انت بتعمل ايه فكروا في اهلكم قبل تعبكم وبعد كده قولي تعبانه ومش تعبانه تفضلي
نور نزلت ومشيت مع كريم وبتكلم نفسها كده خلاص انا ارتحت وربنا يعدي المشكله دي على خير انا لازم اروح اصالح بابا وعدى يوم
نور رجعت البيت وبتنادي علي باباها لقيته نائم خلاص انا اخش انام والصبح اصالحه نور والصبح بابا مش الشركه اللي هو شغال فيها
نور ان شاء الله هصالحه لما ارجع من الجامعه
نور راحت الجامعه لقيت زمايلها بيضحكوا عليها و بيتكلموا و بيتفرجوا على فيديو لها
نور ساعتها ما كنتش شايفه قدامي طلعت اجري وانا مش واخذه بالي رحت وقعه من فوق بس انا منتحرتش بس كل اللي مزعلني ان بابا افتكر ان انا انتحرت بسببه يا ريت الاقي حد يوصل له ان انا مش انتحرت وحتى لو ده حصل مش هو السبب و انا باعتذر له وهنا الميكروباص وقف ونزلت سهر
سهر ارد عليك بقى كده كده الشارع بيقول علي مجنونه مش مشكله انا ها سعدك ووصل لباباك كلام اللي انت عايزاه
نور بجد يبقى كده شكرا وروحي هترتاح
سهر اوكي بكره بعد الجامعه هنروح له انا وانت وتديني دليل ما حدش يعرفه الا انت وهو علشان باباك يصدق
وكده الفصل بتاعنا ينتهي يا ترى سهر هتلاقي اللي مستنيها في البيت عند بابا نور هيصدق ولا هيعمل ايه بالضبط وياترى حكايه نور هتقف لحد كده ولا في حاجات ثاني استنوني الفصل الجاي مع شبح نور
يتبع الفصل الثالث 3 اضغط هنا
- الفهرس يحتوي على جميع فصول الرواية (رواية فتاه الظلال وعهد الجن كاملة)