رواية صعيدية وافتخر البارت الرابع 4 بقلم اسراء ابراهيم
رواية صعيدية وافتخر الفصل الرابع 4
شمس قربت من أدهم واتكلمت بقرف: مالها شمس يا عنيا إيه كخة اه صح بتقول إني فلاحة ومتخلفة ومش مثقفة
هو أنا عشان من الصعيد ابقى مش متعلمة ولا عشان لبسي اللي أنت شايفه عليا بتحكم من عليه
وده بيقول إنك بتاع مظاهر وشكليات وميهمكش اللي جوا وطيبتهم
أنا الصراحة مببحبش الناس اللي زيك اللي كل همها الشكليات وبس
وأنا شايفة الراجل الصعيدي أحسن منك ومن أمثالك حتى لو مش متعلم
ولا عشان حضرتك ضابط فأنت فارد جنحاتك علينا
لا يابا لمهم عشان مش اكسرهم ليك
وبعدين مجاش في فكرك عيلة غنية زي دي هتسيب بنتهم من غير تعليم يعني مفكرتش فيها قبل ما ترمي كلامك إللي زيك ده
أدهم بسماجة: عادي عشان ممكن مثلا إنك بنت فمش علموكي وودوكي المدارس
ودلوقتي عايز يجوزك لأي واحد متعلم وغني فبيرميكي عليا
شمس اتنرفزت منه:.وقالت اخرس يا حيوان بجد أنت اللي غبي وتفكيرك متخلف لأنك تفكيرك منحدر وواطي
وأنا أصلا مرضاش اتجوز واحد بيفكر بانحطاط وغباء وأنت بتتكلم على الثقافة بناءا على إيه
وأنت أصلا متعرفش يعني ثقافة أنت بس متعود على البنات اللي لبسها زبالة ومبين أكتر ما مغطي
عايزني ألبس إيه يعني لواحد غريب جاي بيتنا أكيد هلبس لبس محتشم مش لابسي العادي بتاع البيت أصل أنا جاية من ضهر راجل
مش لو مؤاخذة ست على هيئة ذكر
وأنت لو شايف نفسك سوسن أنا عادي ممكن ألبس لبسي العادي
أدهم اتعصب:.وقال أنتي مش محترمة وقليلة الرباية وأنا راجل غصب عنك
شمس:.راجل على نفسك وأنا محترمة غصب عن التخين ومتربية ومش تخليني اغلط فيك
لولا إنك ابن عمتي كنت مسحت بكرامتك الأرض بس هعتبرك ضيف وهاجي على نفسي أصل مش اتعلمت اهين ضيفي
الله أعلم بقا انت اتعلمت إيه
الحاج محمد: شمس اسكتي وبص لادهم وقال أنتم مش محترمين الكبار وداخلين في بعض ونازلين إهانة في بعض
وأنا قولت كلمتي وده شرطي عشان اسامح أمك والقرار في ايدك
رجاء بصت لادهم بتعاطف وادهم مش بيحب حد يجبره وبالذات كمان مش عايز يتجوز شمس دي
شمس اتكلمت وقالت: أكيد مش هيوافق يا جدي وأكيد خايف يقع في حبي منا مش أي حد برضوا
دا أنا شمس الصعيد
أدهم بقرف: أقع في حبك أنتي
الظاهر إنك واخدة في نفسك مقلب
شمس: لا دي ثقة يابا واحدة بجمالي ده تخلي أي حد يحبني
أدهم: جمالك ولا جمال عبدالناصر أنتي هبلة يابت
شمس: طب لو كلامك ده صح وافق وندخل التحدي ولا خايف تخسر
أدهم:.ومالو يا طعمة ونشوف أنا كده مش خسران وأنتي اللي هيقولوا عليكي مطلقة
شمس: هنشوف ياخويا وبصت لجدها وغمزتله
وجدها ابتسم وقال يبقى الحنة بكرة والفرح بعده
عشان لو عايزين تعزموا حد من صحابكوا تلحقوا
رائد بص لسمية اللي كانت مكسوفة بس مش عارف يحدد هى موافقة عليه ولا مش موافقة وخايفة تتكلم عشان مامتها
وقال أهم حاجة إنها هتبقى مراتي وهخليها تحبني
الحاج محمد قال أنا هطلع أنام وكل واحد يدخل ينام عشان بكرة اليوم طويل
وطلع غرفته ينام وبنته رجاء طلعت وراه وخبطت على غرفته ودخلت
الحاج محمد: عايزة حاجة يا رجاء
رجاء: ايوا عايزة اقعد في حضنك اعوض سنين الحرمان منه
الحاج محمد شاور ليه تقرب وهى جريت واترمت في حضنه وفضلت تعيط
وحشتني قوي يا بابا ووحشني حضنك قوي عايزاك تسامحني من قلبك
الحاج محمد: مسامحك ي قلب ابوكي من زمان بس أنا عملت كده عشان عارف إن ابنك رافض الجواز
رجاء: ربنا يسعدهم وفضلت نايمة وابوها بيملس على شعرها وغفت في حضنه وهو ابتسم لأن دايما وهى صغيرة كانت بتحب تنام معه
أدهم طلع في الجنينة ومضايق ورائد طلع وراه
رائد:.على فكرة شمس طيبة بس أنت اللي استفزيتها
أدهم:.مش عايز اسمع اسم البت الجاهلة دي
رائد:.بكرة هتحب تسمع اسمها ومتقدرش تبعد عنها
وأنا بقولك الكلام ده عن تجربة دا أنا مبقدرش أبعد عنها بحبها أوي بنت الايه دي وبحب أملي عيوني منها
أدهم اضايق من كلام رائد على شمس وقال حس إن بعد بكرة هتبقى مراتي يا عديم الاحساس
رائد بضحك: ايه ده أنت بتغير يا دومي ولا إيه دا من شوية كنت هتضربها
أدهم: اغير مين بس عشان أختي يا بغل اللي هتبقى مراتك بعد بكرة
رائد:.أختك دي اللي في قلبي يا كبير وشمس دي أختي
أدهم:.وجع في قلبك يا بعيد اتلم عشان مش اقوم اخدها وارجع القاهرة
وابقى اتجوز شمس اللي نازل فيها غزل دي
رائد:.طب بزمتك مش غيران على شمس دا أنت محروق من جوا بس مش عايز تبين وبكرة نشوف اللي هيبقى واقع في حبها دا لو كنت لسه مش حبيتها
أدهم خبط رائد وقال اسيبك مع كلامك اللي زيك ده وأدخل انام داهية في شكلك
وطلع غرفته وراح ينام بس افتكر شمس: أوف يعني بسببها برضوا مش عارف أنام ابعدي عن خيالي يابت
عند شمس خدت سمية وطلعوا غرفتها
شمس: تصدقي أنتي أحسن من اخوكي أبو قلب حجر ده
سمية بضحك: دا طيب خالص وبكرة هتعرفي ده
شمس: بكرة نشوف ياختي بس شايفاكي موافقة على رائد
ابن المحظوظة ده الصراحة بحبه موت ده قلبي وهو قمر كده
سمية اضايقت من كلام شمس عليه وقالت مش هنام ولا إيه
شمس بصت لسمية لقيتها هطلع نار وفضلت تضحك عليها
يابت انتي بتغيري عليه ايوا بقى الله يساهلوا بس رائد أخويا عشان راضعة مع أخوه مصطفى
وإلا كنت اتجوزته ومش سبته سنجل لغاية دلوقتي
سمية: طب طمنتيني ياختي
شمس: لأ دا أنتي واقعة واقعة مفيش كلام يعني
سمية:.بس بقا عشان بتكسف ودخلت الحمام عشان تغير وتنام
شمس دخلت بعدها وغيرت وطلعت وسمية صفرت
سمية: العب إيه البطل ده يا حظك ياخويا أدهم هتتجوز قمر ده قمرين إيه الحلاوة دي
شمس اتكسفت وقالت بس يابت مانتي قمر اهو واسكتي عشان بتكسف وكده هخاف أنام جمبك لتتحرشي بيا
سمية بضحك: لا متخافيش نامي واطمني
تاني يوم القصر كان مليئ بالحركة وبيجهزوا للحنة وبيزنوا من جوا وفي الجنينة للرجال
والنساء كانت جوا وسمية وشمس كانوا بيلبسوا
وكانوا حلوين واتحنوا وفضلوا يرقصوا طول الليل
والرجال في الجنينة بيرقصوا فيها وادهم قاعد
ورائد عمال يشد فيه عشان يرقص بس هو بيرفض وقام في الآخر
واندمج معهم وخلص اليوم ودخل المطبخ عشان يشرب لقي شمس قدامها طبق فواكه وعمالة تاكل فيه بكل شراسة
أدهم: أعوذ بالله إيه ده أنتي مفجوعة كده ليه دي كلها فاكهة
شمس والأكل في بوقها: ملكش فيه مش باكل من جيبك
أدهم: ابلعي الأول وبطلي قرف هتجوز جموسة ولا ايه
شمس: الجموسة دي أنت ولم لسانك عشان مش اقوم اغزك بالسكينة دي في بطنك اطلعها من راسك
أدهم: تطلعيها من راسي إزاي ده حتى الكلام مش عارفة تتكلم
شمس: سايبالك أنت المعرفة ياخويا مش هيبقى أنا وأنت
وقالت أدخل أنام من وشك
أدهم: يع أنتي مش هتغسلي سنانك قبل ما تنامي
شمس: أنا مبغسلش سناني خالص وسابته مبلم وطلعت
دخلت غرفتها ودخلت الحمام تغسل سنانها
مفكر الناس معفنة زيه بلا قرف وخلصت ودخلت تنام عشان الفرح
تاني يوم كانوا بيدبحوا الدبيحة وبيوزعوا على كل الناس وخاصة الفقراء والمساكين
وخلصوا عالعصر وجهزوا عشان كتب الكتاب
وشمس وسمية كانوا لابسين فساتين بيضاء جميلة ورقيقة وكل اللي يشوفوهم ينسحر بجمالهم وميكب هادي
تم كتب الكتاب وشمس اتفقت مع جدها إن كل عروسة تطلع مع عريسها وجدها وافق بدل يعني ميكون العرايس جوا لوحدهم والعرسان لوحدهم
وكل واحد دخل ياخد عروسته
رائد دخل لسمية اللي انسحر بجمالها وباس ايدها وطلع في الجنينة
أدهم داخل لشمس قرفان وأول ما شافها راح في دنيا تانية وشمس كانت مكسوفة
رجاء:.يلا يا أدهم خد عروستك وأطلع برا
أدهم فاق وكشر تاني ومسك إيد شمس وطلع شمس وشوشته وقالت افرد بوزك ده واضحك الناس يقولوا غصباه عالجواز
أدهم ضحك على كلامها وطلع في الجنينة وقعد جمب رائد وسمية
والناس بدأت تبارك ليهم والرجالة هى بس اللي كانوا بيرقصوا على احصنتهم
وفجأة دخل شخصين الفرح وراحوا يسلموا على رائد وسمية
ومدت ايدها لرائد تسلم عليه وهى بتبصله نظرة إعجاب
سمية شدت ايدها وقالت مبيسلمش على ستات وسلمت عليهم وراحوا يباركوا لشمس وادهم
رائد ميل على سمية وقال ليها بتغيري عليا يا سمسمة
سمية اتكسفت ومش ردت ورائد كان مبسوط
الشخصين راحوا يسلموا على أدهم والبت رايحة تحضنه أدهم بعدها عنه بصتله بضيق
وراحت تسلم على شمس وضغطت على ايديها وشوشتها
مما جعل ملامح شمس تتغير وبصت لادهم
وشمس ضغطت على إيد البنت دي وقالت:...
ياترى شمس هتقول إيه ومين البت دي والشخص التاني اللي معها
وياترى قالت إيه لشمس خلاها اتعصبت
هنعرف إن شاء الله الفصل الجاى
يتبع الفصل الخامس 5 اضغط هنا
- الفهرس يحتوي على جميع فصول الرواية (رواية صعيدية وافتخر كاملة)