رواية حتى النهاية البارت الرابع 4 بقلم بسملة محمد
رواية حتى النهاية الفصل الرابع 4
سليم:دي الحقيقة يا بنتي اخوكي مالك مات في حادثة من ٣ سنين
ملك:انت بتقول ايه انت اكيد كداب اوعي تتصل بيا تاني ولا حتى تحاول تكلمني
"قفلت التليفون وانا بحاول اقنع نفسي ان اللي قاله ده كدب ومش حقيقي.. ايوة اكيد كداب وبيقولي كدة عشان ارجع اعيش معاه بس لا استحالة اعمل كدة واسيب مالك.. ده لو كان مالك اصلا.. لا لا هو اكيد اخويا يعني لو مش هو يبقى هيكون مين.. فوقت من أفكاري على صوت مالك وهو بيناديني.. "
مالك:ملك.. انتي يا حاجة
ملك:هاا... ايه فيه ايه
مالك:بقالي ساعة بنادي عليكي مالك
ملك:ها لا مفيش.. يلا نروح
مالك:تمام يلا
"ركبنا العربية وفضلنا طول الطريق ساكتين ومش بنتكلم.. كلام بابا كان بيدور في دماغي يعني لو هو مش اخويا هيكون مين؟! انا لازم افهم كل حاجة بنفسي... وصلنا البيت واول ما طلعت دخلت اوضتي وقفلت الباب... مكنتش عارفة اعمل ايه ولا افكر ازاي لحد ما جه مالك وهو بيخبط ع الباب"
مالك:ملك انتي كويسة
ملك:اانا تمام مفيش حاجة هغير هدومي وجاية
مالك:طب تمام انا نازل مشوار صغير كدة وراجع عايزة حاجة
ملك:لا شكرا
مالك:تمام انا نازل
" سمعت صوت الباب بيتقفل فخرجت من اوضتي ودخلت اوضته يمكن الاقي اي حاجة تساعدني...فضلت ادور في كل مكان في الاوضة لحد ما لاقيت الدولاب مقفول بالمفتاح يبقى اكيد في حاجة هنا فضلت ادور على المفتاح مالقيتوش يبقى اكيد اخده معاه.. فجأة سمعت صوت الباب بيتفتح.. هو متأخرش ليه زي ما كنت بتمنى....فضلت اجري في الاوضة ألم الحاجة اللي بهدلتها قبل ما يدخل"
مالك:بتعملي ايه
ملك بخضة:اانا كنت بروق الاوضة
مالك:هو انتي كدة بتروقي.. اوعي كدة اساعدك
ملك:لا لا اطلع برا انا هخلص واجيلك
مالك:طب اخرجي دلوقتي وروقيها بعدين انا جبت معايا كريب سخن قولت بدل ما ناكل محروق
ملك:نينينينيني شوف مين بيتكلم عمري ما شوفتك بتدخل المطبخ الا عشان تاكل اصلا وسع كدة اما اشوف جبت ايه
مالك:طب اتفضلي اقعدي بقي عشان ناكل
ملك وهي بتقعد:بقولك يا مالك
مالك:ايه
ملك:جبتلي الموبايل اللي قولتلك تجيبه من امريكا وانت جاي
مالك بتوتر:موبايل ايه
ملك:اللي قولتلك تحيبهولي قبل ما ترجع من السفر بشهرين تلاتة كدة فاكر
مالك بتوتر:ااه اه فاكره بس المشكلة بقى ايه انه انا وصيت عليه واحد صاحبي وكدة بس هو ماجبهوش بقى وكدة بس متقلقيش شوفي انتي عايزاه امتى وانا هحيبهولك لحد عندك
ملك:لا لا خلاص انا اصلا مكنتش عايزة حاجة انا كنت بهزر عن اذنك انا داخلة اوضتي عشان عايزة انام
"دخلت اوضتي بسرعة وقفلت الباب بالمفتاح وقعدت ع الارض وانا بعيط وبحاول اكتم صوت عياطي عشان ميسمعنيش لان ببساطة مالك مش اخويا... انا معرفش حاجة عن مالك بقالي سنين حتى لما كان راجع من السفر بعتلي جواب عشان يعرفني.. لاقيت الباب بيخبط ومالك بيقولي..."
مالك:ملك انتي نمتي
ملك وهي بتمسح دموعها وتفتح الباب:لا لا انا صاحية ادخل
مالك:ممكن اسألك سؤال
ملك:اتفضل
مالك:هو انتي ليه سألتيني عن حاجة محصلتش
ملك:يعني ايه
مالك:يعني احنا متكلمناش بقالنا سنين ايه حوار التليفون ده بقي
ملك بصدمة:...
يتبع الفصل الخامس 5 اضغط هنا
- الفهرس يحتوي على جميع الفصول (رواية حتى النهاية كاملة)