رواية وجعلکِ سبباً في توبة البارت الرابع 4 بقلم آلاء فايز
رواية وجعلکِ سبباً في توبة الفصل الرابع 4
في منزل ملك :
مؤمن ( والدها ) : ملك اتأخرت كدا لية يا أمينة ؟! انا قلبي واجعني عليها
أمينة (والدتها ) : معادها عند الدكتور بعد الجامعة بس برضو كان المفروض ايجت دلوقتي !! ربنا يسترها
مؤمن : رنيت عليها كتير مبتردش
أمينة : طب جرب رن على سارة هي بتبقى معاها ...هاا ردت ؟!
مؤمن بخوف : لا تليفونها مغلق
-----------------------
في الجامعة :
يوسف : أسيبك بقاا واروح ارتاح شوية
محمود : انا كمان هروح أنام
سها : طب ماتيجوا نكمل اليوم مع بعض
يوسف : انتي عبيطة يابنتي ؟! بنقولك عايزين ننام
منار : تعالوا بجد دا هيبقى يوم جامد
يوسف : كملوا انتوا حوراتكوا مع بعض وانا هروح ...سلام
____________
عند الدكتور :
الست طلعت وحبت تشكر ملك واتفاجأت ب الممرضين بعملوا إسعافات أولية.
سارة ببكاء : دكتور بسرعهههههه
وبعد حوالي ساعة كانت فاقت وبقت كويسة
سارة : حمدلله على سلامتك ياكوكي
الست بتخبط على الباب : ممكن أدخل ؟!
ملك ب إبتسامة : اكيد اتفضلي
الست بإحراج : انا مش عارفة اقولك اية ولا اعتذرلك ازاي خصوصا اللي حصلك دا بسببي ولو مكنتش دخلت قبلك مكنش دا حصل و.....
ملك بحب: دا واجبي يا أُمي انا استحمل التعب لاكن مستحملش اشوف غيري تعبان وقدر الله ماشاء فعل والحمد لله بقيت كويسة
قاطعت كلامهم سارة : يالهوي دا باباكي رن كتير اوي
ملك بحزن : أكيد قلقان ..طب انا لازم اروح
سارة : هتروحي ازاي وانتي تعبانة كدا ؟! طب استني شوية لما ترتاحي
ملك : انا كويسة يابنتي
الست : طب ممكن أوصلك لو مفيش مشاكل
وبالفعل وصلتهم
ملك ل الست : لازم حضرتك تنزلي معانا وتتعرفي على ماما هتحبك اوي
الست : خلاص عشان خاطرك هنزل
-----------------
يوسف وصل البيت واستغرب لما ملقاش مامته مستنياة وتسمعه إسطوانة كل مرة " هو بيحبها اوي ويمكن محبش حد قدها بس بكرة ضعفها اللي كان السبب في تدمير كل حاجة وخوفها أنه يبقى زي ابوة
يوسف وهو ماسك صورتها : سامحيني يا أمي جرحتك كتير اوي ..مكنتش السند ليكِ بعد موته وبعد ماضيعتي عمرك كله عشان تربيني لحد ما بقيت شحط ..ومفيش مرة فرحتك فيها عايش حياتي ومش بهتم بيكِ
فاق على صوت عمي خالد الخادم : الوالدة خرجت وقالت لما حضرتك تيجي ابلغك
يوسف : متعرفش راحت فين ؟!
عمي خالد : لا يافندم
يوسف : طب غور من وشي
------------------------
في منزل ملك :
أمينة اول مافتحت الباب : أية يابنتي كنتي فين كل دا قلقتيني عليكي
ملك : طب دخليني الاول وكمان معايا ضيوف هنسيبهم واقفين على الباب كدا ؟!
أمينة : انا اسفة يا جماعة اتفضلوا
سارة : ضيوف مين ياأوختشي ...طنط انتي عاملة اكل اي في ريحة حلوة اوي
ضحكوا عليها جميعا ً
مؤمن ضم بنته بكل حب : كنت هموت من القلق عليكي يا ملاكي
ملك : ملاكك بخير انا بس كنت عند الدكتور وتعبت شوية وعشان كدا اتأخرت ...ثم أكملت انا اسفة نسيت اعرفكوا طنط كانت معايا عند الدكتور ولما شافتني تعبانة صممت توصلني
...طنط دي ماما أمينة ودا بابا مؤمن رحبوا بيها وحبوها وحبتهم جدا
تليفونها رن طلعت البلكونة اتكلمت و رجعت تستأذن تمشي
الست : بعد أذنكوا يا جماعة انا لازم أمشي
ملك : حضرتك ملحقتيش تقعدي ..طب اتغدي معانا وممكن بعديها تمشي
الست : لا اصل ابني رن عليا ومصمم ييجي ياخدني خايف يسبني ارجع لوحدي
مؤمن : خلاص اقعدي معانا لحد ماييجي مينفعش وقفتك في الشارع تستنيه
بعد دقايق كان الباب بيخبط وملك فتحت
ملك بأستغراب : لا دانت قليل الأدب اوي ..جاي لحد بيتي كمان
الجماعة طلعوا على صوتها وكان الشخص واقف بكل برود مبينطقش
الست : دا ابني .. أتشرفت جدا بمعرفتكم وكانت فرصة سعيدة
أمينة : وان شاء الله تشرفينا تاني
ملك وسارة مصدومين وبيفكروا في مليون حاجة
ياترا مين الشخص دا ؟! واي حكاية الست دي ؟!
يتبع الفصل الخامس 5 اضغط هنا
- الفهرس (رواية وجعلکِ سبباً في توبة كاملة)