رواية أحببتها مقاتله البارت الرابع 4 بقلم اماني محمد
رواية أحببتها مقاتله الفصل الرابع 4
أدهم راح لفلك الل قاعدة فالبلكونة بتبص على بيت قدامها وسرحانه بزعل...
أدهم=فلك!!...
فلك مسحت دمعه سريعه من عينها =نعم يبابا يحبيبي اتفضل...
أدهم شد كرسي وقعد قصادها ومسك ايدها...
أدهم =فلك، انا عارف انك بتفكري فيه ونفسك تشوفيه...
فلك=بابا انا بس...
ادهم=اسمعي باقي كلامي...
انا عارف انك بتفكري فمعاذ ونفسك تشوفيه،حاسس بيكي،وفنفس الوقت واثق فيكي...
فلك=بص يبابا،انت عارف أن معاذ كان صديقي الوحيد هنا،كان اخويا الكبير وصديقي وكل حاجه،...
أدهم=عارف انه من بعد ما سافرو وانتي حاسه بفراغ كبير،
فلك بدموع=معاذ كان بيعمل كل حاجه عشان يفرحني،وكان طول الوقت يحاول يخليني ابتسم،دايما كان بيهتم بيا،يمكن انا كنت الحاجه الوحيدة الل بيهتم بيها،دايما كان يدافع عني،ومكنش بيطيق يشوفني مجروحه...بابا،انت عارف انا مستنياه يرجع بقالي قد أي،بقالي عشر سنين،عشر سنين بقول هييجي..هيسأل عني،هيفتكر أخته الل مش اخته،هيفتكر صاحبة طفولته...
بس هو مش بييجي،انا نفسي أشوفه مرة واحده بس،مرة واحده بس والله هشكره فيها على الأوقات الل قضناها سوا فطفولتنا وهسيبه يمشي....مرة واحده بس يبابا...وجريت حضنة ادهم وفضلت تعيط...
ادهم مسح على ضهرها =انتي بتحبيه يفلك؟!
فلك=مش عارفه،يمكن حب أخوي،او حب لطفولتنا سوا،او حب لاهتمامه،بس ال عارفاه اني عايزة أشوفه اوي......
ادهم=على فكرة يفلك،الحب مش عيب،وقلبك ده مش ملكك،ولو انتي نفسك تشوفيه،تدعي ربنا واكيد هتشوفيه،وانا عايز أقولك اني واثق فيكي وواثق فأي حاجه تعمليها...
فلك=حبيبي يبابا،شكرا،انت الداعم الأساسي ليا،والله ثقتك الكبيرة دي فيا،بتخليني اتكسف اغلط حتى...انا بحبك اوي يبابا..
ادهم حضنها=وانا بحبك يا قلب بابا....يلا قومي نامي عشان عندك شغل والوقت اتاخر...
فلك =ماشي يبابا قايمه اهو،باسته من خده ومشيت...
ادهم بعد ما مشيت بيكلم نفسه
=فلك نفس سلوى بالظبط..نفس المشاعر والحب،بتحب وتتعلق بشده....وحبها كبير اوي ويكفي،تبان قوية بس هي فأمس الحاجه لل يطبطب عليها ويهتم بيها....وكمل بأبتسامة...
الله يرحمك يسلوى،روحتي وسبتيني لوحدي مع بناتك،هم اه عوضوني شويه،بس انا كمان نفسي أشوفك....وفضل قاعد شوية يفتكر ايامهم سوا...وبعدها قام نام...
تاني يوم....
غفران=عااااليية،خلصي الحمام بقا،اخرتيني على الشغل...انتي بتعملي اي كل ده...
عاليه طالعه حاطه الفوطه على شكرها وماسكه ليفه=كنت بأخد دوش،اي منضفش يعني...
غفران=لا ازاي،انتي تنضفي وانا اروح اتهزق من استاذ تيم الل بيكرهني من قبل ما يشوفني اصلا......
عالية=دا الل بيطلع كل الل بتعمليه فيا عليكي ده،صهري العزيز الل هينتقم ليا...
عاليا شدة الفوطه =صهرك مين يكلبة البحر انتي،دا انا وهو هنشن حرب عالمية قريب على بعض...
وبعدين انا بكلمك ليه دلوقتي،وسعي كده عشان اخرت...
زقت عاليه ودخلت وقفلت الحمام...
عالية=ما بوراحه ياااعم،خلعتي كتفي...
ومشيت راحت تلبس..
عالية قدام المراية بتغني=قدام مرايتها عادي بتدلع براحتها،بستناها وبستعجلها،تضحكلي وابصلها.........
فلك بضحك=ربنا يهديكي يحببتي،هتتلبسي دلوقتي...
عالية =والنبي ياااخت فلك سيبيني منسجمه فمواجعي...
فلك=هي دي مواجع،دا انتي اتلطشتي...
عالية بصتلها بصة احمد حلمي =طلقني لو مش عاجبك طلقني...
فلك ضحكت..
فلك=قوليلي طيب اي رأيك فشكلي يملطوشه هانم...
عالية=عارفه يفلك،هقولك رأيي بصراحه بس متضايقيش..
فلك=اي شكلي وحش صح،!انا فعلا كنت حاسه كده وانا بلبس ان في حاجه مش مظبوطه...
عاليه=استني عليا،اديني فرصة اتكلم،اديني خيار اديني أته...
فلك=قولي طيب...
عاليه=لو كنتي ولد ومش اختي،مكنتش سيبتك غير لما اتجوزتك والله...وضحكت..
فلك ضيقت عنيها=تصدقي انا غلطانه اني سألت تافه زيك..
وسابتها ومشيت..
عاليه =ولاااااا خد هقولك،خد بس يا مز انت وطلعت وراها...
غفران خلصت لبس وعالية خلصت لبس..والتلاته جهزو...
فطرو سوا وهم قاعدين..ادهم كان بيبصلهم بفخر...
غفران لابسه بدلة الشرطه وفلك بدلة الطيران...وعاليه واخده أدواتها بتاع الهندسة معاها وشوية حاجات كده رسماها...
ادهم=والله خايف احسدكم...ربنا يحميكم لحمايته وحفظه..
التلاته فصوت واحد=يديمك لينا يا بابا،لو الدنيا كلها هتحسدنا،انت مش هتقدر تحسدنا أبداً،دا انت كل ما تشوفنا بتقعد تقرأ قرأن فسرك...عشان بتخاف علينا...
ادهم=اومال لو مش هخاف عليكم هخاف على مين...؟!!!
حضنوه التلاته وودعوه ومشيو نزلو مع بعض عشان كل واحده تركب عربيتها...
مشت كل واحده من طريق
(نفترق،ولكن لا نلبس كثيرا حتى تتقابل ارواحنا،فنحن روح واحدة فثلاثة اجساد ")
راحت غفران مقر الشرطه ودخلت مكتبها ونادت على الصول...
غفران=حضرت الظابط تيم موجود؟!!!أكيد هيولع فيا دلوقتي لاني اتأخرت...
الصول=لا يفند حضرت الظابط لسه مجاش....
غفران فسرها=نعمممم،دا انا الل هولع فيه...اول ما ييجي ابعتلي..
الصول =تمام يفندم...
نسيب غفران ونروح لفلك...
المشرف على فلك =كابتن فلك على فكرة في ايهاب تم نقله لمكان تاني،وتم تعيين مساعد جديد ليكي.....
فلك=لييه كده يفندم،انا وايهاب كنا متفاهمين كويس وهو بيفهمني بسرعه...لو سمحت رجعو ايهاب انا مش عايزة حد جديد....
قاطعها صوت من وراها
=ما انا هفهمك كويس بردو وهنأخد على بعض،وبأذن الله هتبقا سفرياات سعيدة علينا...
لفت بصتله لقته شاب طويل بشرته خمري وملامحه حاسه انها مألوفه....
مد ايده عشان يسلم...
اعرفك بنفسي =انا كابتن معاذ...
المساعد الجديد ليكي يا كابتن فلك....
بصراحه مقدرتش احرجه واقول لا وغيره احتراما ليه برضو مهما كان زميل،بس مقدرتش اسلم عليه..
فلك حطت ايدها على صدرها =معلش مش بسلم،بس اتشرفت بيك....
معاذ بفرح=بأذن الله هتبقا سفريات لوز اللوز....
فلك=نعم!!!
معاذ =قصدي هتبقا سفريات سعيدة يعني...
فلك =اااه تمام،طيب اجهز بقا عشان عندنا معاد طيارة...
معاذ =تمام يكابتن....سابته ومشيت...
معاذ =قلب الكابتن،وآلله ارق كابتن هي انتي يا فلك قلبي...
المشرف ال كان بيكلمها
=كابتن معاذ،انا عملت زي ما قولتلي اهو،بس مش فاهم انت ليه عايز تبقا مساعد ليها وانت فيك تقود الطيارة بنفسك...ويبقا ليك مساعدين كمان....
معاذ=بص هو شكرا ليك على الل عملته،بس احيانا في حاجات بنعملها مش لازم تفهم بتحصل ليه....سيبها تحصل لوحدها وهتفهم بعدين المغزي...
المشرف بعدم فهم =اااه طيب انا ماشي...مشي وساب معاذ بيخطط لكذا خطه فدماغه...هنعرفها بعدين...
نروح لعالية...
راحت الكلية...قابلت صاحبتها...
منال صاحبة عاليه=عالية عندي خبر حلو ليكي...
عاليه =قولي يااختي،تتحسدي اخبارك كلها كانت بتسد نفسي...
منال =اتلمي واسمعيني...
انتي طبعاً ماهرة فرقص البالية...
عالية بفخر=أوماااالل...
طيب في مسرحية هتتعمل على مستوي الجمهوريه...ومن ضمن المسرحية دي محتاجين واحدة تعرف ترقص باليه وهتقوم بدور كويس فالمسرحية...وطبعا يستي انا قولت مفيش غيرك ينفع ورحت سجلت اسمك...
عاليه=نهار ابوكي مكحل Black..
مسكت منال من قفاها...
حد قالك تتشلي فأيدك وتروحي تسجلي أسمي،انا بعرف ارقص باليه بس مش بحب امارسها قدام حد...الله يخربيتك....
منال=كده يعالية وانا الل عاملة علي مصلحتك،طيب سيبي قفايا وبعدين نتفاهم...
عالية سابتها،احكي يست الفزلوكه..
منال=انتي عارفه لو كسبو فالمسرحية هيكافئوهم بأي...
عاليه بفضول=بأي...
منال=هيروحو مع دكتور أسر موقع استخراج،ويشتغلو معاه....وانتي عارفه ان ده كويس اوي ومفيد....وبعدين دول يكفيهم انهم يطلعو مع دكتور أسر...
عالية بضيق=ماشي خلاص موافقه،بس ربنا يستر لاني بتوتر لو برقص قدام حد....
منال=متخافيش انا معاكي،هتنجحي...
عاليه حضنتها جامد لدرجة كانت هتفطسها...
عالية=يديمك ليا يا منيلة...
منال=ويديمك يا زفته،اوعي بقا هفطس...
عاليه =اسف ياابو صلاح،برأة.....
.....عالية راحت اكدت على الاسم وعملت مقابله بسيطه كده مع الفرقه،وال كان فيها حد بيبصلها بحب وفرح انها معاهم...
مين الحد ده!!هنعرف بعدين...
عند غفران دخل الصول...
الصول=حضرة الظابط تيم جه يفندم...
غفران=تمام انا رايحاله اهو،روح انت...
تمتمت وهي ماشية..دا انت يومك مكحل Black على مقالات عاليه اختي.......
وراحت لتيم..
يتبع الفصل الخامس 5 اضغط هنا
- الفهرس (رواية احببتها مقاتله كاملة)