رواية العاشقة المجروحة البارت السادس 6 بقلم سلمى تامر
رواية العاشقة المجروحة الفصل السادس 6
غزل فاقت ولقت نفسها عالسرير فأوضتها اللي فشاليه فارس
بصت حواليها وافتكرت اللي حصل والصور اللي شافتها
غزل بفزع:فاارس..فارس انت فين
نزلت تدور عليه
غزل بصراخ وبكاء:فارس ..فارس انت فيين
:مالك ياغزل اهدي في اي؟؟؟
غزل لفت وشافت هدير
غزل بدموع:فارس..فارس فين ياهدير..فارس راح فين..هو صدق صح
هدير بعدم فهم:صدق اي يابنتي؟؟؟هو جابك هنا وقال ان اغم عليكي علشان مكلتيش حاجه من الصبح ..وسابك ومشى
غزل بدموع:راح فين؟؟
هدير :والله ماعرف..مقليش..اهدي بس خير انشاء الله
غزل طلعت أوضتها بيأس ودموع
**
عند مروة وسيف
مروة بضحك وسعادة:انا فرحانه ..فرحانه اوي ياسيفوو عالفضيحة اللي عملتها لمنه وعيلتها...كده منه مستحيل ترجع ومروان هيبقى ليا للأبد
بصت لسيف ولقيته قاعد سرحان
مروة:مالك ياسيف ..انت مش مركز معايا خالص ليه
سيف:ها ..منا معاكي اهو يا مروة
مروة بضيق:لا مش معايا ياسيف..انت ندمان ولا اي
سيف بسخرية:ندمان؟؟انتي بتهزري ولا إي..انا بس مخنوق من الزفت اللي اسمه فارس..عامل فيها دور الشريف المحترم وبينصحني اعمل اي ومعملش اي
مروة بضحك:انت لسه حوارك مع أخوك ده مخلصش
سيف بشر:ولا عمرو هيخلص...طول عمري وانا بتقارن بيه..فارس عمل..فارس سوا..فارس بقا ظابط..فارس ..فارس فارس...وكل ده علشان اي؟؟علشان ابويا كان بيكره امي وبيحب امه..كان سايبنا على طول وقاعد عندها..تعرفي انو حزن لما عرف بحمل أمي فهدير..اعتبرها خيانه لأم فارس..انا بكرهو..وبكره ابويا...حتى هدير هكرها برضو قريب علشان بتحب فارس اكتر مني...معرفش عاملهم اي..وكمل بمكر:سيبك انتي هو انا موحشتكيش ولا اي
مروة بصتله وضحكت بدلع
**"
في بيت منه
:يعني اي؟؟انا اتفضحت خلاص؟؟سيرتي بقت على كل لسان..منك لله يامنه...قسما بالله لهقتلك يابنت ال٪&&٪
سميحه ببكاء:ياعيني عليكي يابنتي..اتفضحتي ياعين امك..منهم لله اللي كانوا السبب
انصاري كان قاعد وحاسس ان الدنيا بتلف بيه
صالح بقلق:مالك يابا؟؟انت كويس
انصاري بصله ووقع فجأة عالأرض
سميحه صرخت والبيت كله اتلم على انصاري علشان يفوقوه
مروان كان راجع من شغله وسمع صوت صراخ فشقة جده
جرى ولقى البيت ملموم على جده وبيحاولوا يفوقوه
مروان بصراخ:شيلوه معايا بسرعه دي شكلها ازمه يلاا بسرعه
ونقلوا انصاري فعربية مروان وطلعوا عالمستشفى
****
في شرم الشيخ
:حرام عليك ياسيف..نفسي اشوفك بقا
سيف حس بالذنب نحية هدير
سيف بهدوء:حاضر ياهدير هحاول اجي ازورك قريب
هدير بفرحة:بجد ياسيف
سيف بإبتسامه:بجد ياستي ..هجيلك فأقرب وقت
هدير:طب امتى
سيف بإبتسامه:خليها مفجأه
**
سيف خلص مكالمته مع هدير وبص للصورة اللي فإيده
:مش عارف اطلعك من دماغي...عجباني..وهلاقيكي يعني هلاقيكي..وساعتها بقا مش هتبقي لغيري يامنمن حياتي
وضحك ضحكه خبيثه ومكارة وكمل سواقة للمكان اللي هو رايحه
**
عند فارس
فارس بغضب وعيون مخيفه:قسما بالله لو مشلتش كل الصور من عالزفت النت لهخلي وشك يجيب دم من كل نحية وهلفك فملاية وألبسك قضية أداب ياشهاب
شهاب بضحك وخوف:طب اهدى ياعم فيه اي...بس دي صور فيك على فكره
فارس بغضب:منا عارف يروحمك هو انا هستناك لما تقولي..يلا انجز
بعد نص ساعة
شهاب بتعب:اااه حرام عليك وربنا ضهري وايديا اتكسروا
فارس :عرفت مين اللي عمل كده؟؟
سهاب:للأسف بحثت كتير بس معرفتش ..واضح انه حد ذكي اوي
فارس اتنهد بغضب وساب صاحبه ومشى
**
بعد عدة ساعات
عند غزل
كانت قاعده عالسرير وكل الحزن اللي فالدنيا فقلبها
غزل ببكاء وهي دافنه راسها فرجليها وقاعدة عالسرير:يارب مكونش كده يارب...انا مش هستحمل ده ابدا...يارب فارس ميكونش صدق...يارب يرجعلي انا بحبه اووي يارب...يارب خليك جنبي وأقف معايا انا خايفه اوي
سمعت الباب بيخبط
غزل بلهفة:فارس
وجرت تفتح بلهفة
:فار...انت مين؟؟؟
:سييييف وحشتني
هدير جرت وحضنت سيف اللي واقف يبص لغزل بصدمه وفرحة وخبث
**
في مصر
مروان طلع وهو بيقلع الكمامة من أوضة العمليات
:البقاء لله ..جدي اتوفى
يتبع الفصل السابع 7 اضغط هنا
- الفهرس (رواية العاشقة المجروحة كاملة)