رواية نور قلبي البارت السادس 6 بقلم دينا يوسف
رواية نور قلبي الفصل السادس 6
آدم خرج من الأوضه وقعد يكسر في اي حاجه تقابله ف الصاله وراح قعد على الكنبه وقعد يدخن لحد ما هدى شويه
رجع دخل الأوضه تاني لقى نور لسه واقعه عالارض ومغمي عليها
قرب منها و بيبص على شعرها البني اللي كان مغطي
وشها وشاله من على وشها وقعد يبصلها شويه وبعدين شالها وحطها على السرير وجاب البرقان وحاول يفوقها
نور فاقت بس الرؤيه مشوشه عندها شويه قعدت ترمش بعينها لحد ما شافت ادم بصت حواليها لقت نفسها على السرير قامت قعدت بفزع ومسكت هدومها بخوف
أدم بصلها وسابها وخرج من غير ولا كلمه
_____________
في بيت عبد الله أبو نور
عبد الله : شوفت بنتك الفاجره الصبح قرب يطلع وهي لسه مجتش دا انا هطربق البيت على دماغها و هشرب من دمها
راح لشهد شدها من شعرها وقال : انطقي يابت اختك فين
شهد بدموع : معرفش والله يا بابا معرفش
مراد راح شهد من ايد ابوه وقال : اهدي يا بابا شهد مش ذنبها حاجه ونور ان شاء الله هترجع انا هنزل ادور عليها
ناديه بعياط : هدور عليها فين يابني ليكون جرالها حاجه
عبد الله بغل : تبقى ريحتنا احسن ما تبقى فاجره وهربت دا انا هموتها بأيدي لما اشوفها بسس
مراد بضيق : مالوش لازمه الكلام دا يا بابا لما نعرف هي فين الأول يبقى ربنا يحلها وبعدين انت عارف اخلاق نور يلا سلام وانا لو وصلت لحاجه هكلمكم
_____________
نور فضلت قاعده فالاوضه بتعيط ومش عارفه اعمل ايه ولا تمشي ازاي من هنا لحد ما الصبح طلع وهي مش مبطله عياط قامت لبست طرحتها وخرجت لقت أدم قاعد على الكنبه ف الصاله وفي حاجات كتير مكسره حواليه عرفت ان هو اللي كسرها
راحت وقفت قدامه وحاولت تهدي نفسها لحد ما تخرج بس من الشقه دي لان مفيش قدامها حل تاني غير انها تتكلم براحه لان عرفت ان العصبيه والصوت العالي قدامه هيودوها لطريق مسدود معاه قالت بهدوء : ادم بيه لو سمحت خليني امشي ماما واخواتي زمانهم قلقانين عليا والله
ارجوك سيبني امشي ومش هتشوف وشي تاني.
أدم باصصلها بس مردش عليها
نور حست انو بيذلها وبيكسرها دموعها نزلت ورفعت عينيها من عالارض وبصتله وهي بتعيط : انا اسفه اني مديت ايدي عليك وكلمتك بأسلوب مش كويس بس ارجوك سيبني في حالي. وخليني امشي
أدم بردو ساكت وباصصلها وهي مش قادره تفهم هو عايزه منها ايه
وفجأه اتكلم وقال : خروج من هنا ممنوع انتي هتقعدي هنا خدامه هتخدميني وتشوفي طلباتي
نور بدموع : حرام عليك أنت بتعمل فيا كدا ليه
أدم بتحذير : انا قولت اللي عندي ومبحبش أكرر كلامي مرتين
نور : ارجوك سيبني في حالي مش هينفع ماما واخواتي هقولهم ايه ولااقعد هنا بصفتي ايه
أدم بجديه : هتجوزك
_______________
شهد خرجت من البيت بالعافية بعد ما مراد اقنع ابوها علشان تروح التدريب
شهد متأخره عن ميعادها وطالعه تجري علشان تلحق ميعادها خبطت في واحد والورق وقع من ايديها نزلت تلمو بسرعه من عالاوض وهو نزل يلمو معاها وقامت وقفت وبتقول : يوووه مش تفتح ايه العطله دي على الصبح
سيف رفع حواجبه وبص حواليه وقال : انتي بتكلميني انا؟؟
شهد بعصبيه : هو في حد هنا غيرك ابعد عن طريقي كدا منك لله يا شيخ أخرتني
شهد مشيت من قدامه بسرعه وسيف فضل واقف مكانه باصص عليها وهو مصدوم من هجومها دا
وبيقول : هي البت دي بتطلعلي منين
_______________
عند أدم ونور
أدم : هتجوزك
نور بصدمه : انت بتقول ايه
أدم ببرود : زي ما سمعتي هتجوزك وهتكوني خدامه عندي
نور بصتله بكسره بس ادم تجاهلها وقال بعصبيه : ها أنا مبخدش رأيك انا ببلغك قراري وبس وكَمل ببرود وهو بيحط ايده الاتنين في جيوبه : ولا استنى انا سمعت ان عندك أخت امشيكي انت واجبها هيا مفيش مشكله عندي
يا ترى رد نور هيكون ايه؟؟؟
وسيف هيعمل ايه مع شهد؟؟
يتبع الفصل السابع 7 اضغط هنا
- الفهرس يحتوي على جميع الفصول (رواية نور قلبي كاملة)