رواية حكاية زينه البارت السابع 7 بقلم سلمى تامر
رواية حكاية زينه الفصل السابع 7
(انت ياللي خدت قلبي من الزمان ومن اللي فيه..خدت قلبي لدنيا تانيه احلى من اللي حلمت بيه..احلى عمر انا عيشته جنبك والحنان عندك كتير هو فيه كده زي قلبك لسه فيه فالدنيا خير..عمري منسى انا قبلك كنت فأيه ومعاك بقيت انا اي ..انا باقي ليك ولحد ماعمري ينتهي هفضل ياحبيبي معاك وهعيش واموت بهواك..انا ليا مين غيرك حبيب عمري 💕)
°°°^
زينه بصتله بصدمه وزهول:أ أنت عرفت ازاي؟؟؟!
تايجر بسخريه وغضب:انا هبقى ظابط يازينه..مش اسمك زينه برضه؟! انا اكتشفت من اول مشوفتك..قوليلي بقااا مين اللي حضنك ده..قولي
زينه زقته وقالت بتوتر:وانت مالك انت؟!
تايجر مسك وشها بغضب وقربها منه تاني وقال بغضب جحيمي وغيرة:مييين دههه يازينه
زينه بدموع:ده ده اخويا فالرضاعه
تايجر سابها وبص لدموعها بحزن:احم انا مش قصدي ازعلك..بس انا من وقت مشوفته بيحضنك وانا متجنن
زينه بلهفه:لي؟!
تايجر بصلها شويه وبعدين قال:ادخلي يازينه واقفلي على نفسك من جوه
زينه:طب قولي لي
تايجر:قولت خلي يازينه
زينه بصتله وبعدين دخلت وقفلت
تايجر دخل بيته لما اتأكد انها قفلت
**
زينه لما دخلت شقتها فضلت شويه مصدومه:بيحبني؟!..معقول يبقى بيحبني
وبعدين صرخت بفرحه:بيحبنااااااااااااي
النحيه التانيه
تايجر بابتسامه عشق:علشان بعشقك يازينه..بس لازم اتأكد من مشاعرك نحيتي الاول
**
الصبح
مؤمن:يلا ياشباب بابا بعت عربية تانيه وهنقسم نفسنا فالعربيتين علشان معانا شنط لأسبوع
تايجر:احم انا وزين وكنان وخالد فعربيه
وادهم وانس وانت فعربيه
خالد برفض:طلاق تلاته ابدا..وراح حضن مؤمن:احنا مفيش حد يقدر يفرقنا عن بعض ابدااا
مؤمن:ياااعمررري(فكروكوا بمين؟😂)
كنان:طيب تعالى انت وخالد ومؤمن وزين ياتايجر..وادهم وانس والحاجات فعربيه تانيه
ادهم:اشطا..يلا ننزل الشنط جيبوا شنطكم
زينه شالت شنطتها لكن لقيتها بتتسحب منها بصت لقيت تايجر اخدها منها وشال شنطته وشطنتها ونزل
بصتله بحب وكنان لاحظها
كنان بخبث:احم احم هي الصنارة غمزت ولاا اي
زينه بصتله بخجل وسكتت
كنان:لااا ده هيبقى فيه تعامل تاني بقا
زينه:هو انت كنت عارف ان تايجر عرف اني بنت؟!
كنان:انتي عارفه عبدالرحمن ابن عمي اسمه تايجر ليه؟! علشان عندو قوة ملاحظه عاليه وسريع البديهة زي النمر..مفيش حاجه هتعدي عليه..انا متأكد ان تايجر لاحظك من اول يوم..ده انا لاحظت وتايجر اذكى مني بمراحل..يبقى مش هيكشفك؟!وبعدين كمل بمكر:وحسيت بنظراته ليكي..ده انا هذله
زينه سكتت بخجل وكنان بصلها بحنان اخوي:اسمعي يازينه..انا كمان لاحظت نظراتك ليه..وعارف ان فيه مشاعر مبينكم..بس عايزك تحافظي على نفسك..انتي هتبقي فحمايا يازينه واعتبريني اخوكي واسمعي كلامي..وتايجر لما يتخرج هيجيب عمي وابويا وعيلتنا كلها وهييجي يطلبك مني وانا ساعتها مش هوافق
زينه بصتله بخوف وكنان ضحك عليها:طب هوافق بس هذله شويه
تايجر طلع ليهم وبصلهم بغضب:مش يلا ولاا ايي
كنان بصله بمكر وخبث:يلا طبعا
**
فعربية تايجر بعد ساعه على الطريق الصحراوي
تايجر كان سايق ومقعد زينه جنبه وكنان ومؤمن وخالد ورا
خالد بملل:انا زهقت يجدعان الصعيد بعيده اوي شغلوا اغاني
كنان برفض:لأ عندي صداع اسكتوا شويه
مؤمن:ماتشغل احسن
كنان برفض:قولت لأ
خالد ومؤمن بصوا لبعض بإبتسامه خبيثه وخالد مسك بلاستيك من العربيه وطبل عليه ومؤمن سقف
خالد بغنا: ايوه ياواد ياولعاااة
مؤمن وهو بيسقف:ايوه ياواد ياولعة
خالد:خدها ونزل الترعه
زينه غنت معاهم :ايوه ياواد ياولعه
خالد:وعند بيت ام فاروق
زينه ومؤمن:آي آي
خالد بتطبيل:الشجرة طرحت برقوق
زينه ومؤمن:آي آي
كنان بصراخ:بس ياض انت وهو اييييي
خالد بغنا وتطبيل وصوت عالي:ياطبلة رني ياطبلة ياطبلة رني انا عندي جارة ياولا هتطق مني
مؤمن وزينه بضحك:ياطبلة رني ياطبلة ياطبلة رني انا عندي جارة ياولا هتطق مني
خالد:يلا ياحارة هس هس ده احنا اللي عملنلكم حس
كنان بصراخ لتايجر:انت سايبهم ليييه ياعم متتكلم
تايجر:سبني دلوقت وحياة امك علشان بسابق انس
خالد رمى البلاستيك بلهفه:فين سباق فين وريني كده فين فين
كنان:صبرني يااارببب
خالد ومومن طلعو دماغهم من الشباك
وشافوا عربية انس جنبهم وبيحاول يسابقهم وجنبه ادهم بياكل
خالد وهو مطلع راسه من الشباك لأنس:ده احنا هقطعوكم النهاردة
ادهم وهو بياكل: ادخل ياروحمك لتستهوى
كله اندمج فالسباق اللي عملينه الشباب وفالآخر تايجر كسب وغمز لأنس
كنان بفخر:الاسماعلوية مش بيخسروا يجدعاااان
تايجر:حبيبي يابن عمي
خالد رجع مسك البلاستيك تاني وطبل:يلي عالترعه حود عالمااالح
كنان بصراخ:قسما بالله لو مخرست ياخالد هرميك من العربيه
خالد بتذمر:طب انا عايز ادخل الطوليت دلوقت
كنان بقرف:الطوليت..ووجه كلامه لتايجر:اقف يابني على جنب حبيب ماما عايز يدخل الحمام
مؤمن:وانا جعان
كنان:يابني انت وهو ارحموني بقاا انت ياض مش فاطر خمس مرات النهاردة؟!
تايجر:فكك منهم ياعم مش هتخلص
**
بعد مده وصلوا لبيت كبير جدا فالصعيد
نزلوا من كلهم معادا زينه من العربية وشافوا راجل وست مستنينهم بإبتسامه جميله
اميرة بترحاب:اهلا اهلا ياحبايبي وحسني والله
خالد:اهلا بكراشي حبيب قلبي وحشاني يامظه..ااااه اهدى ياعم وجيه
وجيه بغيرة وهو ماسكه من تيشرته:طب اديني فرصه طب ارحب بيك بتغتت من اول منزلت من العربيه؟انا عرفت مؤمن مصاحبك ليه
خالد بهيام:مؤمن ده قلبي هيححح
وجيه سابه وراح سلم على باقي الشباب واستقبلهم
تايجر وكنان ومؤمن بصوا وراهم لما لحظوا ان زينه مش موجوده
تايجر راحلها العربيه بقلق:مالك يازين فيه حاجه ولا اي؟!
زينه نزلت من العربيه:لأ كنت بدور على فوني
مؤمن:تعالى يازين اعرفك على ماما وبابا
مؤمن لوجيه:ده زين يابابا صاحبنا الجديد
وجيه بإبتسامه حنونه:اهلا وسهلا يابني اتفضل نورتنا
مؤمن لأميرة:ودي ماما يازين
زينه واميرة عيونهم اتقابله لأول مرة..اميرة حست بشعور غريب نحيتها ومسكت قلبها بسرعه
وجيه جرى عليها:مالك يا اميرة انتي كويسه
اميرة بدموع محبوسه:هه اه اه تمام نورت بابني اتفضل اتفضلوا يشباب كلكم
زينه والشباب دخلوا البيت ولقوا للغدى جاهز
زينه بصتله بإعجاب وحبيت البيت ده اوي واستغربت ازاي مؤمن سايب بيت زي ده وعايش مع صحابه فشقه يعتبر صغيرة..بس بعدين بصتله وشافت علاقته بخالد والشباب..شافت ضحكه وكلامه وهزاره معاهم وحبه ليهم..السته بينهم علاقه غريبة وجميله اوي..واتسعت ابتسامتها لما عرفت انها بقيت واحده منهم
فجأه ابتسامتها اتحولت لألم ومسكت جنبها و.....
استوووووب
تفتكروا اي اللي هيحصل لزينه؟
تايجر غيرته جحيميه فمتحمسه اكتر منكم لمواجهته برجب😂💪
واي السبب للي حصل لأميرة؟
يتبع الفصل الثامن 8 اضغط هنا
- الفهرس يحتوي على جميع الفصول (رواية حكاية زينه كاملة)