رواية نور قلبي البارت السابع 7 بقلم دينا يوسف
رواية نور قلبي الفصل السابع 7
أدم : ها قولتي ايه أنتي ولا أختك
نور بفزع : لالالا بالله عليك مالكش دعوه بأختي وانا هعملك اللي انت عايزه
أدم : الورق هيكون عندك بعد شويه تمضيه من غير ما اسمع كلمه زياده
نور بحزن : طيب
أدم : الجواز هيبقي عرفي فاهمه و
نور قاطعته وقالت بخوف : عرفي ازاي لا ارجوك
أدم بعصبيه : لما اتكلم متقاطعنيش فاهمه واه هيبقي عرفي وانتي تفرحي ان اسمك يتحط جمب اسمي حتى لو ليوم واحد
نور بدموع : حرام عليك وهقول لأهلي ايه
أدم ببرود : ميخصنيش واصلا انتي مش هتخرجي من هنا باقي عمرك كله حظك الاسوك بقا وقعك في طريقي ويلا غوري من وشي
نور مشيت من قدامه دخلت الاوضه قعدت عالارض وانهارت فالعياط
أدم سابها وقفل عليها الشقه بالمفتاح ونزل راح الشركه
_________________
في شركة أدم نصار
السكرتيره : عمر بيه برا وعايز يقابلك
ادم بجديه : دخليه وهاتي القهوه بتاعتي
عمر دخل لقى أدم باصص ف الورق اللي قدامه على المكتب
أدم رفع عينه وبصله وقال : أهلا يا بن عمي
اظن جاي تتكلم ف الصفقه الجديده ريح نفسك يا عمر وأبعد عن سكتي علشان أنت مش قدي
عمر بتحدي : هنشوف مين اللي هيكسب فالاخر يا آدم و كمل ببرود وقال : عموما انا عرفت انك كسبت الصفقه وجاي أباركلك أفرحلك يومين يا آدم قبل ما أقضي عليك
أدم ببرود مماثل : الله يبارك فيك يا عمر بس للاسف محدش يقدر يقف قدامي وانت عارف كده كويس
عمر قام وقف وبص لادم بتحدي وقال : هنشوف
وسابه وخرج
وهو فالطريق للخروج من باب الشركة يارا ماشيه وراحه التدريب خبطت فيه رفعت عينها وبصتله بتأفف : يووووه أنت تاااني
عمر ببرود : فرصه مش حلوه خالص وابقى خدي بالك وانتي ماشيه وبطلي الجري دا احنا مش في حضانه هناا
يارا اتعصبت من طريقته فالكلام معاها ولسه هترد لقته بيلبس نظارته الشمسية بكل برود وماشي
يارا بتكلم نفسها وبتقول : كنت ناقصاك أنا وبعدين بيعمل ايه فالشركه دا..... وانا مالي بالإنسان المستفز داا
يارا طلعت وراحت علي مكان التدريب لقت شهد قاعده وباين عليها الحزن
راحت وبتقول : ازيك يا شوشو مالك كدا ونور فين
شهد بحزن : نور مختفيه ومش لاقينها من امبارح
يارا بخضه : ايه اللي بتقوليه دا ازااااي
شهد بدموع : معرفش والله مش لاقينها ومراد قالب عليها الدنيا ومفيش اي اخبار عنها
يارا حضنتها وقالت بحزن : هنلاقيها ان شاء الله يا شهد هنلاقيها
_________________
سيف راح لادم المكتب وقال : كنت شايف عمر فالشركه كان بيعمل ايه
أدم بغموض : جاي يبارك على الصفقه اللي كسبناها
سيف ب استغراب : ازاي انا مش فاهم حاجه
ادم : سيبك منو المهم أخبار الشغل بتاع شرم ايه
سيف بجديه : كلو تمام وانا هسافر شرم كمان يومين احضر الميتنج
ادم : اوك بلغني بكل جديد
سيف : مااشي وكمل بتردد : احم ادم مين البنت اللي كانت معاك امبارح وكانت بتصرخ وانت اخدها غصب عنها
ادم بحده : وانت عرفت منين
سيف : بصراحه حد من الامن قالي يا آدم بس
ادم : بس ايه وزفت ايه دا كلهم يترفدو وحالا
سيف : ادم بعد اذنك احنا مش هنقطع عيش حد وبعدين اللي قالي قال من خوفه عالبنت اللي معاك
مش علشان اي حاجه تانيه وكمان محدش يقدر يفتح بوقه فيهم وانت عارف كده فاهدي بقا وقولي مين البنت دي
أدم : خليك في حالك يا سيف ومالكش دعوه
سيف : انت شايف كدا يا آدم مااشي يا صاحبي
وكمل بهمس : ربنا يستر وميطلعش اللي في دماغي صح
__________________
عند نور قاعده لسه بتعيط ومش عارفه تعمل ايه وقالت : يارب خرجني من هنا على خير انا مش عارفه اعمل ايه يارب خليك جمبي
بتبص لقت أدم واقف ادامها يصلها وهو ماسك الورق في ايديه وحدفو في وشها وقال : أمضى
نور بصتله بترجي انو يرحمها وهو تجاهل نظراتها دي وقال : مش هكرر كلامي تاني
نور مسكت الورق ويديها بتترعش ومضت بالعافيه ودموعها نازله بلا توقف
أدم شد الورق منها وبصلها ببرود وسابها وخرج
بعد شويه نور خرجت وراحت وقفت ادامها وقالت بترجي : ممكن بعد اذنك تسيبني اخرج اروح اطمن على امي واخواتي واوعدك هرجع تاني والله
تتوقعو أدم هيوافق ان نور تخرج ولالا؟
يتبع الفصل الثامن 8 اضغط هنا
- الفهرس يحتوي على جميع الفصول (رواية نور قلبي كاملة)