رواية أحببتها مقاتله البارت التاسع 9 بقلم اماني محمد
رواية أحببتها مقاتله الفصل التاسع 9
فلك=نعممممم!!
معاذ=اي يفلك مش انتي بتقولي مينفعش علاقة الصداقة ترجع تاني لانه حرام... خلاص انا عندي طريقه ارجعها بالحلال... انا عايز اتجوزك يفلك...
فلك بصدمة=معاذ انا انا، مش بفكر فيك كده، انا كنت بعتبرك اخويا وصديقي وحبي ليك كان على الاساس ده..
معاذ=لا يفلك انتي مش بتحبيني حب أخوي، انتي بتحبيني من قلبك بس عقلك رافض يقتنع... أسألي قلبك يفلك... وهو هيجاوبك..
فلك=مينفعش مينفعش اوافق يمعاذ، انا مش عايزة ابوظ طفولتنا، انا مكنتش شيفاك كده ، ومش عارفه انت بتقولي كده ازاي...
معاذ بزعاق=بقولك كده عشان بحبك، بقالي سنين مستني اليوم ده، فترة طفولتنا انا كنت بحميكي من كل حاجه عشان كنت بحبك،كنت بقول فلك ليا وبس ومينفعش اي حد يأذيها فوجودي.... كنت بجبلك كل الل عايزاه عشان بحبك وبحب اشوفك سعيدة....
بعد الوقت ده كله رجعت عشانك، عشانك انتي وبس، انا مليش حد فمصر... ورغم كده سيبت كل حياتي وجيت عشانك بس، عشان ارجع حبي...
فلك بدموع=اسكت يمعاذ اسكت..
معاذ بزعاق=اسكت اييييييه، انتي بتفكري ازاي...
فلك بصتله بدموع=مش هتعرف تفهم انا بفكر ازاي، ولأول مرة يمعاذ تفشل فأنك تفهمني، شكل السفر غيرك اوي، انا ماشية يمعاذ..
معاذ بزعل=فلك استني بس...
فلك سابته وجريت وهي حاضنه العروسه...
معاذ=اااااااااااااه، اي الل بيحصل ده، هي ازاي شيفاني مجرد اخ..
لا يفلك مش هسيبك ومش هتنازل عن حبي ليكي، ونبقا نشوف هتصري على عنادك ده لأمتي يفلك......
فلك فأوضتها=لأ يمعاذ، مش هقدر افكر فيك بطريقة تانيه، ومش عارفه إذا كان حبي ليك أخوي ولا لأ.... بس الل عارفاه اني لازم أمشي دلوقتي من هنا، مش هسمح ان طفولتنا تتشوه...
فلك رنت على المطار وحجزت تذكرة لمصر...
فبيت ادهم، وصلت غفران وعالية وادهم... دخلو غفران اوضتها تستريح وخرجو...
غفران كانت راقدة ومش بتفكر غير فعنين تيم لما كانت واقعه فحضنه وهو الخوف كله فعنيه،وفجاة ابتسمت...
عالية =ابغي اعرف بتبتسمي كده من غير سبب لي،اوعا تكون وقعت ولا حدش سما عليك ينصه...
غفران=شششش،اسكتي وحلي عني...
عالية =احل عنك اي،دا انا هنام معاكي النهارده..
غفران=عالية والله ما فيقالك،وبعدين انتي مبتحبيش تنامي مع حد،يلا طرقينا وروحي اوضتك....
عالية جرت ونطت على السرير...
غفران=ااااه يخرابه...بالراحة يخربيتك..
عالية وهي بتمسك وش غفران
=لأجل عيونك القمر دول هضحي وانام معاكي النهارده...
غفران=مش عايزاكي تضحي يلزقه هانم...
عاليه=وهي بتحضنها...ششششش بقا بحبك قد كده...انتي مش عارفه انا كنت خايفه عليكي قد اي يشلبي...انا لو حصلك حاجه كنت هموت..
غفران=بعيد الشر عليك يببلاوي يخويا...ربنا ميحرمنيش منك..
عالية =ولا منك....
بعدها طفو النور ونامو....
فلك كانت جهزت الشنطه بتاعتها وماشيه....
معاذ من وراها=فلك،انا بحبك...
فلك بصتله=معاذ انا لازم امشي...واخدت شنطتها ومشيت ونظرات معاذ كانت متابعاها..
وصلت المطار وبعد شوية راحت تركب الطيارة...
دخلت قعدت جمب الشباك وكانت بتبص منه ودموعها بتنزل وهي تمسحها بسرعه...
شخص قعد جمبها...
=مش لايق عليكي الزعل...
فلك=نعممم،حضرتك بتكلمني انا..
الشخص=اااه بكلمك انتي،بالمناسبه انا خالد...ومد ايده عشان يسلم عليها
فلك=اتشرفت بيك ياستاذ خالد،وحطت ايدها على قلبها...
خالد=اااه انتي مش بتسلمي...
طيب مش هتقوليلي اسمك..
فلك=فلك اسمي فلك...
خالد=اسمك جميل اوي يفلك...تعرفي انا دلوقتي نازل مصر لان زوجتي هتوضع اول مولود لينا....وعارفين انها بنوته...انا قررت خلاص اني هسميها فلك..
فلك بابتسامة=بجد!!شكراً جداً..
خالد=ياريت بنتي تبقا جميلة زيك كده...
فلك =هتبقا اجمل بكتير...
وبعدها بصت الجمب التاني...
خالد=ممكن اعرف زعلانه ليه...
فلك=حاجات كتيره اتغيرت،طفولتي كمان شكلها هتتغير،مش بحب كدا...ومتلخبطه ومش عارفه اعمل ايه..
خالد=طيب ما تسألي قلبك وهو هيجاوبك..
فلك=هو كمان مشتت زي افكاري..
خالد=الموضوع متعلق بشخص!!!
فلك بحزن=اااه،والشخص ده كان بيمثل جزء كبير من حياتي وطفولتي..
خالد=طيب وليه متديلوش فرصه...
فلك=خايفه تحصل حاجه وتخليني اكره الايام الل كانت تجمعنا،خايفه نظرتي ليه تتغير مع الوقت ولو اتغيرت فطفولتي كلها معانيها هتتغير بالنسبالي...
خالد=امممم شكله موضوع صعب...
طيب هسالك حاجه،انتي بتكرهيه!!
فلك بسرعه=لا طبعاً بحبه..
خالد ابتسم...
فلك=قصدي حب اخوي...
خالد=مفيش الكلام ده يفلك...انتي عارفه انه مش اخوكي...يبقا فالحالة دي من حقه عليكي انك تديه فرصه...
فلك بحزن= انا بخاف الفقد....
خالد=وليه متتفائليش،ليه متتخيليش حياتكم وهي أفضل،ليه دايما مفكرة انك هتطلعي خسرانه،ما يمكن تكسبي فالاخر وتطلعي بشخص يحبك العمر كله...
فلك زفرت بتعب=انت شايف كده؟!!!
خالد=انا مش شايف غير كده...
فلك=شكراً يخالد...
خالد=عفوا يا فلك....
بعد شوية وصلت الطيارة...
فلك وهي نازله=ابقا بوسلي فلك الصغيرة لما توصل...وتتربا فعزك بأذن الله..
خالد =توصل،سعدت بالكلام معاكي..
فلك=وانا كمان،شكراً ليك...
وبعدها ودعته ومشيت...
عند عالية...
عاليه قامت اخدت دوش....
عاليه قربت من غفران ومسحت على وشها بشعرها المبلل...
غفران قامت مخروعه=يعالية الكلب خضتيني...
عالية بضحك=نومك خفيف اوي ليه كده...
غفران =عشان الظابط مينفعش يبقا نومه تقيل وإلا هيتاخد على خوانه...
عالية=يسيدي يسيدي....
غفران=انتي رايحة فين يبت...
عالية=عندي تدريب على مسرحيه كبيرة....ومعادها قرب،ولازم اروح اتدرب،انا مكنتش عايزة اسيبك وامشي...بس للأسف لازم اروح
...
غفران=اوووووه والله وبقينا بنعرف نعمل مسرحيات...
عالية=هو انا اي حد ولا اي...يلا اسيبك عشان الحق اخلص...
غفران =ماشي...
فالوقت ده دخلت فلك...
غفران كانت قايمة وماسكه كتفها...
فلك اول ما شافتها صرخت...
فلك بدموع=اي الل حصلك يغفران...انتي كويسه!!!
انتو ليه مرنتوش عليا لييييه
ادهم دخل=متخافيش يفلك هي كويسه دلوقتي،وبعدين انا مكنتش عايز اخوفك..
فلك بعياط=تخوفني اي بس يبابا....انا اسفه يغفران انا قصرت فحقك...
غفران حضنتها=بس يعبيطه،انا كويسه ووالله....دخلت عالية عليهم...
عالية=فلوكة....وحشتيني..
فلك حضنتها =انتو الل وحشتوني...
قعدو شوية سوا وبعدين عالية نزلت عشان تروح على الجامعه...
عالية وصلت وكالعادة دخلت المسرح وبدأت تتدرب.....
بعدها كان في دور كده المفروض عالية تعمله مع حمزة...
بدات تتدرب على الدور قصاد حمزة وكانت ملاحظه انه مركز فعنيها اوي طول الوقت...
عالية فسرها=اهبل ده يربي ولا اي...
بعد التدريب عالية كانت خلصت وماشية...
حمزة =انسة عالية!!
عالية =اتفضل
حمزة=انتي ممتازة اوي فعلاً وشاطرة كمان..
عالية=شكراً يحمزة...
حمزة=انا سعيد اني انا ال همثل الدور ده معاكي...
عالية=وانا أسعد....
كانو واقفين بيتكلمو وفجأة كان في مصباح بتاع نور من الكبير اوي الل بيركز الضوء ده هيقع...
حمزة بص لفوق وبعدين صرخ على عالية...
حمزة=عااااااليييية..
يتبع الفصل العاشر 10 اضغط هنا
- الفهرس (رواية احببتها مقاتله كاملة)