رواية صعيدية وافتخر البارت التاسع 9 بقلم اسراء ابراهيم
رواية صعيدية وافتخر الفصل التاسع 9
أدهم مسك الورق وانصدم أول ما شاف الإسم الدم غلي في عروقه ونادى على شمس بعلو صوته
شمس سمعت صوته عالي اتفزعت وجريت عالاوضة تشوف في ايه
شمس: إيه يا أدهم في إيه بتزعق ليه كده
أدهم وعينه حمرا مسكها من دراعها ورمى الورق في وشها
وقال إيه ده يا هانم بتتعاملي مع تجار أعضاء وهيروين وتمضي معهم صفقات
بتشتغلي مع أعداء الدولة يا محترمة
شمس بتتوجع من ضغطه على ايدها وبتقوله إيه ده مش فاهمة حاجة
أدهم: لا يا شيخة اومال إيه ده
ده الشخص اللي بيشتغل مع عز الهلالي ده بيكون دراعه اليمين يا هانم
وأنتي رايحة تمضي معهم صفقات عشان يعدوا البضاعة الفاسدة مع بضاعتهم اللي هياخدوها منك
وكده يكونوا في سلام وبعيد عن الشرطة
شمس مصدومة من كلامه وقالت: أنا والله مكنتش أعرف وبعدين دي لسه أول مرة هتعامل معهم ولسه ممضتش
الصفقة معهم لسه كنت هعمل اجتماع معهم بكرة
أدهم: أنتي تلغي معهم الصفقة دي ومتتعامليش معهم
شمس: منا لو لغيتها مرة واحدة كده بدون أسباب هيشكوا فيا ودلوقتي أكيد عارفين إننا متجوزين
لأن أكيد بيتابعوا أخباركم عشان يعرفوا إنكم عارفين تحركاتهم ولا لأ
فأكيد هما دخلوا معايا الصفقة دي عشان يكونوا في أمان ولأن متجوزة الرائد فكده محدش هيشك فيهم
أدهم: فعلا كلامك صح يبقى كده تعقدي معهم الصفقة وأكيد دي البضاعة اللي هتم بعد أسبوعين ويهربوا معها شحنة هيروين
شمس: تقريبا كده وأنا هتكلم معهم إني لازم أكون حاضرة معهم وكده هكون عارفة المكان والزمان اللي هيتم فيها التسليم
أدهم: لكن هما مش هيطلعوا البضاعة بتاعتهم غير في نص الطريق بعد لما تمشوا يعني الشحنة هتظهر ليهم في نص
الطريق وتدخل بين الشحنات اللي هيستلموها منك وكده ييقوا امنو عليها
ورائد مهمته يوقع سوسو في الكلام ويخليها تعترف عليهم وعلى بلاويهم اللي عملوها قبل كده
وادهم فهمها الخطة اللي رائد هيعملها ويوقع سوسو بيها
لأن هما بتوع تجار أعضاء كمان وكل يوم بيكون معهم ضحية
شمس: دول خطر عالدولة ولازم تكونوا حريصين
عشان تمسكوهم
أدهم: إن شاء الله
ولم الورق ليها وهى خدته تظبطه عشان اجتماع بكرة
عند سمية ورائد خلصوا أكل وغيروا ملابسهم عشان يناموا
رائد: سمسة أنتي وحشتيني هو مش وحشتك
سمية بصتله بنص عين: نام يا رائد وبطل قلة أدب عالمسا
رائد: عبوشكلك يا شيخة مش وش نعمة خالص
سمية خبطته في دراعه: ملكش دعوة يا رائد بدل ما أروح أنام فى أوضة تانية
رائد: نعم ياختي كده هتاخدي ذنوب على فكرة
سمية: عارفة وده اللي مصبرني مطلعش من الاوضة دي
رائد: خلاص نامي في حضني يا قشطة
سمية:.ماشي ده ميضرش يا حبيبي
رائد خدها في حضنه وناموا
عند شمس جهزت الورق وحطته في شنطتها
ورايحة تطلع من الأوضة
أدهم: رايحة فين يا شمس مش هتنامي ولا إيه
شمس: أنا رايحة أنام فى الأوضة التانية
أدهم: وده ليه ياختي ما الاوضة اهي
شمس: بص يابني مينفعش الشيطان تالتنا ومش ينفع نسيبله فرصة يلعب في دماغنا فكل واحد ينام في أوضة
أدهم برفع حاجب: ليه قاعدة مع واحد غريب أنا جوزك ياما
وبعدين ما احنا كنا في القصر وبنام مع بعض ومقولتيش حاجة
شمس: عايزني أنام فين ليلة دخلتي وبعدين مكناش لوحدنا عايشين في القصر فمكنش ينفع كل واحد ينام في أوضة
أدهم: اممم وبعدين
شمس: ولا قبلين هنام في الاوضة التانية ولا أنت مش قادر على بعدي وإنك وقعت في حبي وأنا كسبت التحدي
ولا غرورك مانعك تعترف
أدهم:.نعم ياختي أنا أقع في حبك ومش قادر على بعدك امشي يابت من وشي اتخمدي برا
شمس بضحك: ماشي ما كان من الاول
أدهم بخبث:.على فكرة الشقة دي بعد الساعة 12 بيكون فيها أصوات غريبة ممكن تلبسي
شمس ببعض الخوف: بتتكلم جد ولا بتهزر يا أدهم
أدهم ببرائة مصطنعة:.وأنا ههزر في موضوع زي ده ليه أنا عرفتك وانتي حرة
شمس: مبخفش على فكرة هقعد معهم ونتسلى عادي
أدهم بوز:.طب ياختي داهية في شكلك
شمس طلعت وقفلت الباب أدهم مضايق عشان مش هتنام جمبه(ايوا يا سادة حبها لكن بيكابر)
شمس قعدت في الصالون وخايفة قامت دخلت أوضة تانية واتغطت عشان خايفة تنام فقررت تستنى عشر دقايق
لغاية ما أدهم ينام وتروح تنام جمبه
شمس: عبوشكلك يا أدهم ما كنت تسيبني على عماى ومتعرفنيش أنا هقوم أقرأ قرآن لغاية نا تتخمد
وعدى ربع ساعة ودخلت تتسحب وتشوفه نام ولا لسه
راحت بصت في وشه لقيته نام راحت تنام الناحية الأخرى واتغطت براحة عشان مش يحس بيها ونامت
أدهم ابتسم لأنه كان حس بيها وهى بتفتح الباب ضابط بقا ولازم يحس بكل حركة حواليه
شمس بعد خمس دقايق كانت راحت في النوم أدهم لف وشه ليها وفضل باصص ليها وطبع قبلة على جبينها ونام
بعد ساعتين رائد صحي بعد لما جاله رسالة عالموبايل
وقام براحة من جمب سمية ولبس ونزل ركب عربيته
وطلع البيت وخبط فتحتله سوسو وبضحكة مايعة ادخل يا محمود
رائد قايل ليها إن اسمه محمود مقلش ليها اسمه الحقيقي
رائد:.قلب محمود جهزتي حاجات السهرة
سوسو بضحكة خليعة: ايوا يا حودة ادخل وكانت لابسة هدوم مبينة أكتر ما مدارية
رائد دخل وعمال يستغفر الله في سره
سوسو جابت مشروب وحطته جمب رائد وجابت كاسين
وقالتله هدلعك يا حودا اشرب بس الأول والاوضة جاهزة
رائد بحنق: ماشي وصب كاستين وهى راحت تشغل أغاني حط ليها حبايتين منوم في كاستها وادهالها وقال
اشربي عشان الليلة طويلة قدامنا يا صاروخ انتي
سوسو خدتها منه وضحكت وحطت ايدها على صدره وقالت ماشي يا حودا دا أنا هبسطك
رائد عمل نفسه بيشرب وهى شربت بتاعتها وفضلت تهلوس في الكلام وتقول يلا يا محمود ندخل جوا ونبدأ الليلة
رائد في نفسه دي لسه البداية لغاية ما اخليكي تتطمني ليا وتقولي على كل الأسرار
سوسو كانت نامت خلاص رائد شالها ودخلها الأوضة وراح يفتش في الدولاب يشوف في أي حاجة تخص شغلهم
ملقتش حاجة وراح ناحيتها وبهدل ليها شعرها وهدومها وسابها ومشي
رائد وصل شقته ودخل براحة ودخل يتسحب براحة عشان
سمية متصحاش وغير هدومه وخد شاور ودخل ينام جمب سمية وخدها في حضنه
عند مصطفى كان بيكلم في إسراء
مصطفى: امتى يا قلبي تكوني في بيتي وقدام عنيا دايما
إسراء: قريب يا حبيبي بقولك يا صاصا مش هتجبلي هدية قراية فتحتنا
مصطفى:.عيوني يا قلب صاصا اللي أنتي عايزاه هجيبه ليكي
إسراء: يا حبيبي بجد أنا محظوظة إنك في حياتي
مصطفى: وأنا كمان يا حبيبتي أنا مبسوط أوي وبقيت بحبك موت
إسراء:.وأنا كمان يا قلبي هتيجي القاهرة امتى
مصطفى: أنا هاجي بكرة عشان شمس قالتلي في صفقة جديدة وهتابعها معاها
وهروح ليهم على البيت لأني هوصل عالضهر
إسراء: طب ماتيجي عليا وجبلي الهدية ونبقا نروح ليهم سوا
وفي سرها عشان تغيظها يعني
مصطفى: بس كده عيوني ليكي يا سو
إسراء: قلب سو تسلملي وتفضل في حياتي وتجبلي إللي أنا عايزاه
مصطفى: يا حبيبتي أنا لو مش جبتلك يعني هجيب لمين يا عيون مصطفى
إسراء: ماشي يا حبيبي هقفل عشان هنام بقا والوقت أتأخر
مصطفى: ماشي يا قلبي تصبحي على خير وكل حاجة حلوة
إسراء: وأنت بخير يا حبيبي
في الصباح الكل صحي وادهم صحي وبص لقي شمس مش جمبه
قام يشوفها لقيها طالعة من الحمام وكانت بتنشف شعرها وكان شكلها لطيف وقف سرحان في شكلها
شمس قربت منه وقالتله سرحان في إيه ادخل خد شاور لغاية ما احضر الفطار عشان كل واحد يروح شغله
أدهم قرب منها وقال ليها إنتي حلوة أوي
شمس اتصدمت من كلامه ونظرته وبعدت عنه ووشها احمر
أدهم ضحك على شكلها وقال أنا بجامل بس
شمس بوزت وراحت المطبخ
أدهم ابتسم ودخل الحمام
بعد نص ساعة كان جهز وطلع لقي شمس حطت الفطار عالسفرة
أدهم قعد وقال كنت مفكرك مبتعرفيش تعملي حاجة غير إنك تشتمي بس
شمس:.مش هرد عليك عشان مليش مزاج للنكد عالصبح
وبعدين خلي في بالك دايما إن أصل أمك صعيدي يابا وانت شوفت بعينك يا عسل
أدهم: اقنعتيني الصراحة وقال هوصلك بالعربية معايا
شمس: لأ روح أنت عشان متتاخرش أنا اتصلت عليهم في الشركة يبعتولي عربية
أدهم: ماشي وخليكي حريصة واتكلمي معه كأنك متعرفيش حاجة عن شغلهم
شمس: عيب عليك يا كبير دا أنا شمس
أدهم: يا كبير! ربنا يهدي أنا ماشي
شمس: لا إله إلا الله
أدهم: محمد رسول الله ومشي
شمس: دخلت الأطباق المطبخ ودخلت تجهز
عند رائد كان بيفطر ودخل يغسل عشان يمشي
جاتله رسالة من رقم سوسو
سمية مسكت الموبايل فكرت دي رسالة من أخوها لرائد عشان ينزل
سمية شافت الرسالة وشافت اسم سوسو اتصدمت
وفتحت الرسالة لقيت مكتوب فيها أنت مشيت من عندي امتى
سمية انصدمت أكتر ودموعها نزلت
رائد طلع ولقي الموبايل في إيد سمية وبتعيط
قال في إيه يا حبيبتي وبتعيطي ليه ورايح يقرب منها
سمية شاورت بايدها إنه ما يقربش منها وقالت مين سوسو دي
رائد وقف مصدوم...
يتبع الفصل العاشر 10 اضغط هنا
- الفهرس يحتوي على جميع فصول الرواية (رواية صعيدية وافتخر كاملة)