رواية لم يكن أخي البارت الخامس عشر والأخير بقلم حسناء مصطفى
رواية لم يكن أخي الفصل الخامس عشر والأخير
ادهم بلهفه: مالها يا دكتوره هى كويسه
الدكتوره بابتسامة: مبروك المدام حامل
ادهم :..
الدكتوره: استاذ ادهم ،ادهم بيه انت سامعنى
ادهم : ها....اه سامع حضرتك
الدكتوره: بقول لحضرتك المدام امنيه حامل
ادهم بصدمه: حامل .....حامل بجد
الدكتوره بابتسامة: اه حضرتك هى حامل بس فى الشهر الاول
ادهم بصدمه وفرحه: يعنى أنا هبقى اب وأمنيه حامل ،،ممكن أدخلها
الدكتوره: اه طبعا هى فاقت جوه بس لسه متعرفش
ادهم : شكرا جداً يا دكتوره ،ده احلى خبر سمعته
الدكتوره : العفو يا ادهم بيه،ربنا يسعدكم،عن اذنك
ادهم دخل الأوضه
امنيه كانت لسه دايخه وبتحاول تسند نفسها على السرير
ادهم بابتسامة ولهفه: حمدالله على سلامتك يا قلبي
امنيه بتعب : الله يسلمك يا حبيبي
ادهم بفرحه : مبروك يا امنيه هتبقى ام وتجبيلى حته منك بيبى صغنن مبروك يا قلبى
امنيه بصدمه: بيبى صغنن ؟؟
ادهم بفرحه: ايوه يا حبيبتي انتى حامل
امنيه بصدمه وهى تضع يدها على بطنها: حا....حا....حامل
ادهم هز رأسه بفرحه ودموع
امنيه دمعت من الفرحه وفضلت تلمس بطنها وهى مش مصدقه
امنيه بفرحه ودموع: أنا حامل يا ادهم ، أنا هبقى ماما
ادهم : احلى ماما فى الدنيا
امنيه قامت بسرعه وحضنت ادهم وعيطت: مبروك يا حبيبى
ادهم : مبروك يا قلبى اخيرا هتجبيلى حته منك
ادهم خرجها من حضنه وباسها من جبينها ومسح دموعها
ادهم : يلا يا حبيبتى علشان نقول لبابا وماما
امنيه: اه صح ،، دى ماما صفاء وعمو سليم هيفرحو اوى
ادهم ابتسم لامنيه وخدها وركبو العربية ومشيو
عند امل
امل : يلا يا ماما كده العفش كله راح الشقه ،يلا علشان نروح نفرش الشقه
الام : حاضر متصربعه على ايه يا موكوسه
امل : يا ماما ايه موكوسه دى احترمونى شويه أنا عروسه يا جماعه عروسه
محمد اخوها الكبير جه من وراها وضربها على قفاها بهزار
محمد: متخرسى بقى صدعتينى مش كفايه الواحد سايب الجيش بتاعه وجاى يحضر فرحك
امل : ااه يا رب ايدك تنكسر،، يا محمد انا ميت مره اقولك انا كبرت متضربنيش على قفايا تانى
محمد بخبث: انت مهما كبرتى مش هتكبرى عليا وانا هفضل اضربك على قفاكى على طول
امل : حسبى الله ونعم الوكيل ربنا على الظالم والمفترى
محمد : يا بنتى احترمى انى سايب الجيش علشان احضر فرحك
امل : انتى هتزلنى وبعدين انت مش جاى علشانى انت جاى علشان السنيوره بتاعت...............
لم تكمل جملتها ووجدت يد محمد على فمها تمنعها من الحديث
محمد بهمس: بس الله يخرب بيتك هتفضحينى
الام : مين السنيوره دى يا محمد
محمد: ها...لا يا ماما دى بتهزر انتى هتاخدى على كلامها
امل عضت أيده بقوه وجريت على باباها
محمد: ااه،يا بنت العضاضه،سورى يا ماما،،تعالى هنا يا بت انتى والله منا سايبك
امل : الحقنى يا بابا محمد عايز يضربني
الاب وهو حاضن امل : فى ايه يا محمد بتجرى وراها ليه
محمد بغضب: أصلها عضتنى يا بابا يرضيك
الاب : ايه شغل العيال ده بتجرى وراها علشان عضتك،،وايه يعنى اختك وبتهزر معاك
امل بفرحه : حبيبى يا بابا وباسته من خده
الأب: حبيبه بابا ثم نظر لمحمد وأكمل ،،،ايه يا محمد هتفضل واقف كده كتير هوينا
محمد برفعه حاجب: لا بقى كده كتير انت بدافع عنها وكمان بتاخدها فى حضنك طيب اسالها عملت كده ليه
الاب : عملتى كده ليه يا امل
امل وهى تصطنع البرائه: اصل يا بابا محمد ضربنى على قفايا وقالى أنه هيفضل يضربنى على طول وانا عروسه يا بابا يرضيك يعمل فيا كده
الاب: لا ميرضنيش يا حبيبه بابا ،، اتفضل يا محمد واوعى تضايقها تانى انت سامع ،،،،، بس يا حبيبه بابا مضيقيش نفسك
امل كانت فى حضن ابوها وطلعت لسانها لمحمد وكانت بتغيظه
محمد : ماشى يا امل الكلب
ركبو كلهم العربيات وراحو الشقه علشان يفرشوها
اول لما وصلو عماره حازم طلعو الشقه وكريمه وحازم رحبو بيهم
حازم: منور يا عمى اتفضلو
ابو امل: بنورك يا بنى
كريمه: منوره يا حاجه والله اتفضلى
ام امل: منور باهله يا حبيبتي
كريمه: اموله حبيبتى تعالى فى حضنى مبروك يا قلبى
امل : الله يبارك فيكي يا ماما
حازم : ازيك يا امل عامله ايه
امل بصتله واتكسفت وفضلو ماسكين ايدين بعض
محمد : احمممم.: جرى ايه هنفضل كده كتير ،ازيك يا عريس
امل : احم . محمد اخويا يا حازم
حازم : اه عارفه انتى ورتينى صورته قبل كده،،ازيك يا محمد
محمد: الحمد لله يا ابو نسب ،،والله مش عارف اقولك ايه
حازم : ايه فى ايه
محمد : ربنا يصبرك على ما بلاك الله يكون في عونك امل دى مصيبه أن جيت للحق لسه قدامك وقت تفكر متستعجلش
امل كانت هتنفجر من الغضب ومحمد بيضحك عليها
حازم حاول امل بدراعه ثم أكمل بابتسامة: أن جيت للحق اختك دى حراميه محترفه،خطفت قلبى أنا محظوظ أن ربنا رزقنى بأمل ،امل دى فيها حب وطيبه الدنيا كلها وعمرة ما افكر انى اسيبها أو اخليها تبعد عنى لانى بكل بساطة مقدرش اعيش من غيرها ،،وبص لامل : أنا بحبك اوى يا امل
امل كانت فرحانه جدا لانه بيقولها كده لدرجه انها كانت هتعيط وفضلت بصالة بحب كانها بتقوله وانا كمان بحبك
كريمه: امل دى بنوته عسل وانا فخوره انها هتبقى مرات ابنى ،امل جدعه ومحترمه وطيبه ومفيش زيها ونعم التربيه
امل بابتسامة: ربنا يخليكي لينا يا ماما
كريمه: ويخليكى ليا يا حبيبه ماما
امل تليفونها رن
امل : الو يا نرمين انتو تحت طيب ثوانى
امل : محمد بنات خالتك تحت انزل هاتهم وتعالى
محمد اول لما سمع اسم نرمين فرح جدا وقلبه كان بيرقص لانه بيحبها من وهما صغيرين
محمد بفرحه: فوريره
محمد نزل تحت واول لما شافها فضل متنح فيها،،قد ايه كانت وحشاه
نرمين اول لما شافته مصدقتش نفسها لانه كان واحشها هو كمان
محمد : ازيك يا خالتى ازيكم يا بنات وعينه كانت على نرمين
خالت محمد : حمدالله على سلامتك يا محمد
محمد : الله يسلمك ،،ازيك يا نرمين
نرمين بخجل : الحمد لله،حمدالله على سلامتك
محمد : الله يسلمك
محمد خد خالته وبنات خالته وطلعو فوق
بدأو يوضبو الشقه ويفرشوها
نرمين كانت بترص الهدوم فى الدولاب
فجاه محمد جه من وراها : الجميل بيعمل ايه
نرمين: يخرب بيتك خضتنى يا محمد ،بوضب الدولاب
محمد : سلامتك من الخضه يا قمر
نرمين اتكسفت: عايز ايه
محمد : ابدا كنت جاى اقولك عقبالنا يا قمر
نرمين: انت مفيش فايده فيك بجد أنا ماشيه وسيبهالك
وخرجت وكان قلبها بيرقص من الفرحه وسابت الدولاب
محمد : خدى يا بت انتى رايحه فين
امل : عندك ،،مالك ياض انت بالبت نرمين مش تلم نفسك
محمد : يا شيخه اوعى كده ،،يا نرمين ،وخرج محمد
امل : ابقى تعالى قابلنى لو عبرتك
محمد : سمعتك على فكره ،تحبى اجى اديكى بالقفا
امل جريت دخلت الأوضه بسرعه
امل : يا ربى هى امنيه اتأخرت ليه دى قالت هخلص فى الشركه واجيلك،انا هتصل عليها
امل: الو يا امنيه يا كلب البحر انتى فين مجتيش ليه
امنيه: معلش مش هقدر اجى
أمل : ليه حصل حاجه ولا ايه
امنيه حكت ليها كل حاجه
امل بفرحه: الف مبروك يا حبيبتي يعنى أنا هبقى خالته ،،بقولك ايه خالى بالك من نفسك
امنيه: حاضر
امل : سلام
امنيه: سلام
ادهم وامنيه كانو لسه فى العربيه وادهم كان ماسك ايد امنيه طول الطريق
امل قفلت مع امنيه
امل : أنا هرص باقي الهدوم فى الدولاب،،اخرجت شنطه وفتحتها ،،كانت كلها هدوم لانجرى وقمصان نوم
امل بصدمه: ايه يا ماما ده ايه اللي جيباه ده
وبدأت امل ترص فيهم
عند حازم
حازم : هى امل فين يا طنط
ام امل : فى الاوضه جوه يا حبيبى بتظبط الدولاب
حازم بخبث : طيب هروح اساعدها
نرمين: خليك انت يا بشمهندس واساعدها أنا
حازم بسرعه: لا لا ،انا هادخلها
حازم مشى وام امل مسكت نرمين من ودنها
ام امل: انت عبيطه يا بت الراجل عايز يتكلم مع مراته شويه معندكيش مخ خالص
نرمين: اسفه يا خالتو وبصت على محمد لقيته بيضحك
نرمين بحده : بتضحك على ايه
محمد : لا ولا حاجه......ورجع يضحك تانى
حازم فتح الباب ودخل براحه من غير ما امل تحس بيه
امل كانت لسه بترص فى الدولاب وفجاه لقيت حازم بيحضنها جامد من ضهرها
حازم : حبيبى بيعمل ايه
امل اتصنمت مكانها معرفتش ترد
حازم : وحشتينى. اوى ،بس هانت كلها اسبوع واحد بس
امل بعدت حازم عنها: حازم مينفعش كده حد يدخل ويشوفك
حازم : يا بنتى انتى خايفه ليه أنا جوزك على فكره وانا قايلهم انى داخلك
امل : يا نهار اسود انت ايه اللى قلته ده
حازم : أنا مش فاهم انتى محبكاها كده ليه، ورينى بتعملى ايه خالينى اساعدك
امل قفلت الدولاب بسرعه : لا شكرا مش عايزه اتعبك
حازم : لا أنا عايز اساعدك ،،انتى قفلتى الدولاب ليه ،افتحيه
امل : لا مش هفتحه
حازم : ابعدى يا امل ورينى انت كنتى بتعملى ايه
امل : لا
حازم : ابعدى يا امل
امل هزت راسها بلا
حازم : كده طيب ..وشدها بعيد عن الدولاب وفتح الدولاب
حازم بيصفر: الله الله ايه الحاجات الحلوه دى مكنتش اعرف ان زوقك حلو كده
امل بخجل : شوفت ايه اللى فى الدولاب وارتحت ،اتفضل
حازم : تؤتؤ،،مش همشى أنا جاى اساعدك ،،ومسك قميص نوم لونه اسود قصير وجميل
حازم: بس القميص ده حكايه ،مش كده
امل بخجل: حازم هات القميص عيب كده
حازم : تؤ تؤ ،، وحازم كان بيضحك وبدا يرفع القميص وهى تحاول تمسكه بس معرفتش وفى الاخر امل نطت علشان تمسكه
حازم وقع على السرير وهى كانت فوقيه
حازم بطل ضحك فضلو يبصو لبعض وقت طويل وبدون مقدمات حازم رفع أيده قرب رقبتها منه وباسها بلهفه وشوق بالغ وفجاه حضنها ولفها العكس وفضل يقبلها
امل اتصدمت فى الاول ولكن حاوطت رقبته وبادلته قبلته برقه وفضلو كده فترة
حازم بعد عنها وبص فى عنيها وبصوت مجهد: أنا مش قادر امسك نفسي اكتر من كده بس اللى مصبرنى أنه فاضل اسبوع
امل ابتسمت وزقته بعيد وخرجت تجرى من الاوضه
حازم ابتسم وخرج وراها
عند امنيه وادهم
وصلو وادهم مسك ايد امنيه ودخلو الفله
ادهم بصوت عالى: يا بابا يا ماما انتو فين
سليم: فى ايه يا ادهم بتزعق ليه
صفاء: فى ايه يا حبيبى بتزعق ليه
ادهم بفرحه : امنيه حامل وهتجبلكم حفيد
صفاء بصدمه جريت على امنيه وحضنتها
صفاء بفرحه: الف مبروك يا حبيبتي ربنا يقومك بالسلامه
امنيه: الله يبارك فيكي يا ماما
سليم بفرحه: يعنى أنا هبقى جدو ،الف مبروك يا ولاد
ادهم وهو يحتضن ابوه : الله يبارك فيك يا بابا
صفاء: اسمعو بقى انتو هتيجو تعيشو معايا انا عايزه اطمن على حفيدى
امنيه: طبعاً يا ماما هنعيش معاكم
صفاء: ادهم خد مراتك وطلعو فى اضتكم وارتاحو ويا ريت يا حبيبتي لو احتاجتى حاجه قوليلى ومتتعبيش
امنيه بابتسامة: حاضر يا ماما
ادهم خد امنيه وطلعو يرتاحو فى الاوضه
صفاء بتبكى
سليم: مالك بس بتبكى ليه
صفاء: اصل انا اخيرا هبقى تيتا
سليم: طيب ما أنا كمان هبقى جدو وفضلو يضحكو
عدى اسبوع على ابطالنا وجاء موعد زفاف امل وحازم
يوم الزفاف
امنيه كانت مع أمل وكانو جاهزين ومستنين العريس وآمل كانت متوتره
امل لابسه الفستان الابيض ومكياجها كان جميل وحجابها كان مخليها اميره وكانت اميره فعلا
امنيه كانت لابسه فستان بيبي بلو يبرز جمال جسدها وميكب هادى وحجابها كان جميل وكانت زى الملاك
حازم دخل وفى أيده بوكيه الورد وآمل مديالو ضهرها
امل لفت لحازم اللى انبهر بجمالها
حازم بتوهان : ماشا الله ايه القمر ده معقول القمر ده بتاعى أنا وبس
امل بخجل : بجد عجبك
حازم : قمر يا حبيبتي
حازم عطاها الورد ومسك ايدها ونزل بيها
ادهم كان مستنى تحت واول ما لمح امنيه فضل متنح فى جمالها
ادهم : ايه الجمال ده كله يا حبيبتي
امنيه بخجل: وانت كمان قمر ،،شكلك وسيم
ادهم ابتسم وباسها من جبينها
ركبو العربيات ووصلو القاعه
دخلو القاعه وابتدى الفرح
كلو كان فرحان وبيرقص
حازم وآمل رقصو سلو وادهم وامنيه كمان وبعدين اشتغلت المهرجانات ورقصو شعبى
ومحمد اخو امل صوتو حلو وغنى لأخته اغنيه اختى حبيبتى
وكمان رقص معاها على الاغنيه وكانو حلوين اوي
محمد طلع من جيبه خاتم وقعد على ركبته واتقدم لنرمين
نرمين وافقت ولبسها محمد الخاتم واتخطبو
اليوم كان جميل والفرح خلص على خير
حازم وآمل دخلو الشقه
حازم شال امل ودخل الأوضه ونزلها
امل بخجل : حازم ممكن تستنى بره علشان اغير
حازم حس انها مكسوفه محبش يضايقها وخرج غير فى اوضه تانيه
امل قفلت الباب وراها واتنهدت بخوف ،،وحاولت تقلع الفستان بس السوسته كانت صعبه وبعد محاولات قلعت الفستان وخدت شور ولبست قميص نوم ابيض بالروب بتاعه ولبست فوقيه الاسدال
حازم خبط على الأوضه
امل فتحت الباب بابتسامه
حازم ابتسم لها : يلا نصلى ركعتين شكر لله
صلوا سوا ولاول مره
بعد ما خلصو صلاه قعدو واتعشو وحازم قعد قدامها وحط ايده على دماغها وقال دعاء اول الزواج
بعد ما خلص حاول يقرب منها وهى كانت متوتره جدا حازم حس بتوترها
حازم : امل لو انت مش جاهزه مش مشكله انا صابر
امل هزت راسها بخل : لا أنا جاهزه
حازم ابتسم لها وقرب منها شال الطرحه وتفاجا بشعرها الكستانى الطويل اللى اول مره يشوفه وقلعها الاسدال
وانبهر بجمالها وبص بعد عنها الروب وبلع ريقه بصعوبه
امل كانت دنيا تانيه من لمساته وكلماته اللى بدوبها
حازم خطف شفايفها فى قبله طويلة وحضنها وايده تتحرك على جسدها بجرائه وآمل لفت اديها حوالين رقبته تبادله قبلته بحب ،شالها بين يديه وهى كا المغيبه ووضعها على الفراش بحنان و..................................................
( سكتت شهر زاد عن الكلام الغير مباح 🙊🙈😍)
عند امنيه وادهم
رجعو من الفرح تعبانين
ادهم غير هدومه وقعد على السرير وماسك اللاب توب الخاص بيه
امنيه دخلت الحمام خدت شور سريع ولبست قميص اسود فوق الركبة وبحملات رفيعة
وقفت قدام المرايا تسرح شعرها
ادهم حضنها من ضهرها بتملك: وبعدين معاكى انتى مش ناويه تجبيها لبر بحلاوتك دى
امنيه ابتسمت ولفت ليه وتعلقت فى رقبته
امنيه : وانت عايز ايه منى وبعدين أنا متقاومش يا حبيبي
ادهم وهو يمشى ايده على جسدها ويقربها منه
ادهم : بصراحه متتقاوميش ،وبدا يقبل كل انش من عنقها المرمرى وصولا إلى شفتاها الكرزيه التهمهم بقوه وجوه بالغ لقربها وشوق ورغبة جامحة ابتعد عنها يملأ رأته بالهواء
ادهم بصوت مجهد : بقولك ايه ما تيجى نخاوى الواد اللي فى بطنك ده بدل ما هو لوحده كده
امنيه ضحكت ضحكه بصوت عالى خطفت قلبه
حملها بين ذراعيه وذهبو لعالمهم الخاص...........
بعد مرور تسع اشهر
فى غرفة ادهم وامنيه
امنيه بصوت عالى: اععععععاااا الحقنى يا ادهم
ادهم بفزع : ايه فى ايه عايزه ايه يا امنيه انا تعبان
امنيه: الحقنى يا ادهم انا بولد
ادهم : قديمه كل يوم بتعملى فيا كده وبتصحكى عليا
امنيه : الحقنى انا بولد بجد
ادهم قام مفزوع مش عارف يعمل ايه نده على أمه لبست امنيه دريس وطرحه وركبو العربية وطلعو على المستشفى
امنيه وهى فى العربيه: ادهم اتصلى على أمل عايزه امل
ادهم : حاضر يا روحى
عند حازم وآمل
التليفون رن
حازم : اوف ده مين الغلس ده : الو
ادهم : الو يا حازم الحقنى امنيه بتولد وعايزه امل معاها
حازم : طيب أهدى كده انتو رايحين مستشفى ايه
ادهم: مستشفى................
حازم : اه اه عرفها ،سلام ،، امل يا امل اصحى يا حبيبتي
امل بنوم : ايه يا حبيبي فى ايه
حازم : امنيه بتولد ومحتجاكى جنبها
امل بصدمه. : أييه طيب يلا بسرعه
لبسو وجهزو وطلعو على المستشفى
ادهم وصل المستشفى لقى حازم وآمل هناك وشال امنيه وحطها على التوللى والممرضين واخدنها على اوضه العمليات
امنيه: ماسكه فى ايد ادهم وبتصرخ وبتعيط
ادهم : أهدى يا حبيبتي وخدى نفس متخافيش
امل كانت بتبص على امنيه وحاطه أيدها على بطنها وبتبكى اصل هيا كمان كانت حامل فى الخامس
حازم وهو بيحضنها: مالك يا حبيبتي بتعيطى ليه
امل بدموع: انا هولد يا حازم وهيحصل معايا كده
حازم : متخافيش يا قلبي ربنا يقومك ليا بسلامه
امنيه دخلت اوضه العمليات
ادهم برا الاوضه رابح جاى بتوتر ،،يا رب قومها بالسلامه هما اتاخرو ليه
صفاء: أهدى يا حبيبي مش كده
سليم: ربنا يقومهالك بالسلامه
ادهم : يا رب
الممرضه خرجت وفى أيدها طفل جميل
الممرضه: الف مبروك ولد زى القمر ،،ادهم خدو منها وكان فرحان اوى وأذن فى ودنه وكبرلو
صفاء: هاتو يا ادهم عايزه اشيله
ادهم آدالها الولد وسأل الممرضه: هى امنيه فاقت
الممرضه: لا حضرتك احنا هننقلها غرفة عاديه وشويه وتفوق
صفاء: الله قمر اوى يا ادهم بص كده على حفيدك يا سليم
سليم: الله اكبر يتربى في عزك يا ادهم
الممرضه: ادهم بيه مدام أمنية فاقت تقدر تدخلها
ادهم دخل الاوضه وكلهم معاه
ادهم : امنيه حبيبتى انتى كويسه
امنيه بابتسامة وتعب: انا كويسه،ابنى فين انا عايزه اشوفه
صفاء عاطتها الطفل
امنيه باست الطفل وخدته فى حضنها
صفاء: هتسمو الولد ايه
امنيه بابتسامة: هنسميه سليم يا ماما ايه رأيك يا ادهم
ادهم بفخر من زوجته: اكيد يا حبيبتي هنسميه على اسم بابا
امل : مبروك يا امنيه
امنيه: الله يبارك فيكى يا امل
حازم : مبروك يا ابو سليم
حازم : الله يبارك فيك يا صاحبى
ادهم قرب على امنيه وسليم الصغير
ادهم : بحبك يا اغلى حاجه في حياتى
امنيه: بعشقك يا حبيبي
وبعد مرور ست سنوات
سليم بغضب : يووه بقى يا حنين أنا مش قولتلك قبل كده متفلتيش شعرك تانى
حنين بعند : وانت مالك بيا انا عجيبنى شعرى كده انت ملكش دعوه
سليم مسكها من دراعها بقوه: اللى اقوله يتسمع
حنين: ااه سيب ايدى ،، وجريت على بباها تعيط
حازم : فى ايه يا حبيبتي بتعيطى ليه
حنين بدموع: سليم زعقلى يا بابا
حازم : شايف يا استاذ ادهم ابنك مش عايز يجيبها لبر كل مره نيجى عندكم يزعلها
ادهم : أهدى بس يا حازم ،،يا سليم ،سليم
سليم: نعم يا بابا
ادهم : بتزعق لحنين ليه
سليم بغضب: علشان أنا قولتلها كتير انها متفلتش شعرها وهى مش بتسمع الكلام وقبل كده الواد معتز الرخم اللى معايا فى الاسكول مسك شعرها وقال شعرك حلو اوي يا حنين
حازم وادهم بصوت لبعض ومستغربين من الطفل اللى بيتكلم
حازم: وانت بتزعق فيها كده ليه ،انت مينفعش تزعق فيها غير لو كنت جوزها أو اخوها أو ابوها
سليم: خلاص انا عايز اتجوز حنين يا عمو
حازم : بالسرعة دى انتو لسه صغيرين لما تكبرو
سليم بغضب: لا اتجوزنا دلوقتى،حنين حلوه اوى وانا مش عايز حد يبصلها أو يخدها غيرى أنا بحبها
حازم وهو بيبتسم: طيب يا سيدي أنا اوعدك أن حنين هتبقى ليك انت وبس،س أنا تكبرو
سليم: وعد
حازم: وعد
سليم راح لحنين ومسح دموعها
سليم: خلاص انا اسف متزعليش منى
حنين بابتسامة: خلاص مش زعلانه
سليم: طيب يلا نلعب وخدها من أيدها وراحو يلعبو
ادهم : انت شايف العيال عامله ازاى احنا مكناش اطفال
حازم: والله عندك حق
امنيه وآمل: اتاخرنا عليكم
امنيه كانت شايله بنوته قمر اوى عندها حوالى سنتين واسمها لارين
امل كانت شايله ولد قمور عنده حوالى سنتين برضو واسمه مالك
امنيه قعدت جمب ادهم : وحشتنى يا حبيبي
ادهم: وانتى اكتر
امنيه: ولولو موحشتكش
ادهم : لا ازاى كلو الا لولو حبيبه بابى ومسك لارين وباسها ومسك أيد امنيه وبأسها
ادهم : ربنا يخليكي لينا يا قلبى
امنيه: يخليكم ليه واعيش وابسطكم
ادهم : فى حد مراته بقيت من انجح المهندسين في مصر والشرق الأوسط وميبقاش مبسوط
امنيه : أنا نجحت علشان انت دايما فى ضهرى وبتدعمنى
ادهم : بحبك اوى يا حبيبتي
امنيه: وانا بعشقق يا حبيبي
تمت بحمد الله
تمت النهاية نرشح لك رواية مصيبه في بيتنا كاملة عبر دليل الروايات
- الفهرس (رواية لم يكن اخي كاملة)