رواية حتى النهاية البارت العاشر والأخير بقلم بسملة محمد
رواية حتى النهاية الفصل العاشر والأخير
"في نص الرقصة فجأة يسمعوا صوت ضرب نار و الناس في الحفلة بيصوتوا"
يوسف:ملك خليكي هنا متتحركيش
ملك:انت رايح فين متسبنيش لوحدي
يوسف:لازم اعرف فيه ايه خليكي هنا
ملك بدموع:تمام
"بيمشي يوسف وتقرب منها سيلينا"
سيلينا بخبث:تعالي نستخبي جوا الفيلا امان
ملك:بس مالك قالي افضل هنا
سيلينا وهي بتشدها:تعالي بس هناك امان اكتر
" دخلوا الفيلا وكان حراس كتير جوا وفجأة سيلينا طلعت حاجة من شنطتها رشتها في وش ملك واغمى عليها وشالوها وخرجوا من الباب الخلفي للفيلا وحطوها في العربية ومشيوا"
_____________عند يوسف__________
يوسف:ايه ضرب النار ده يا باشا
ادهم:مفيش ده سوء تفاهم بسيط
"ادهم بتجيله رسالة بيفتحها ويبتسم بخبث ويبص ليوسف"
ادهم:تعالي يا مالك نتكلم في المكتب شوية
يوسف:تمام ياباشا
" بيدخلوا المكتب وادهم بيقعد ع الكرسي بتاعه بغرور ويقول"
ادهم:طبعا انت عارف ان جزاء الخاين الموت يا.. يا مالك
يوسف:طبعا يباشا
ادهم:طب ولما انت عارف عملت كدة ليه
يوسف بتوتر:انت بتقول ايه يا باشا
أدهم بأستهزاء:باشا ايه بقي ده انت اللي باشا يا يوسف باشا مش ده اسمك الحقيقي برضوا
يوسف بأستفزاز:تصدق انا كنت فاكرك غبي بس انت طلعت اغبى من ما كنت فاكرك
أدهم بعصبية بيحاول يداريها:هنشوف دلوقتي مين فينا الغبي يا يوسف
"أدهم بيطلع تليفونه وبيفتح صورة ويديها ليوسف ويبص للصورة بصدمة يلاقيها صورة ملك وهي مربوطة على كرسي في مكان مهجور"
يوسف وهو بيمسك الباشا من لياقة قميصه:عارف لو اتأذت شعرة منها انا هدفنك حي يا أدهم فااااهم
ادهم ببرود:اهدي بس كدة وخليك ريلاكس طول ما انت بتسمع الكلام القمورة دي هتفضل عايشة إنما لو عملت اي حاجة هتموت
يوسف:انت عايز ايه
ادهم:شحنة السلاح هتتسلم النهاردة بليل وانت اللي هتستلمها وتجيبهالي لحد عندي من غير ما تلعب من ورايا والا هبعتلك جثتها
يوسف:انت اتجننت ده انت لو اتشقلبت قدامي مش هيحصل
ادهم وهو بيطلع موبايله:خلاص جهز نفسك للجنازة
يوسف:خلاص خلاص هعملك اللي انت عايزه بس صدقني هتندم
ادهم:انا بقول تروح ترتاح دلوقتي عشان عندك شغل كتير بليل
"يوسف بيخرج من المكتب متعصب وادهم بيضحك بشماتة"
___________في مكان مهجور___________
"بتفوق ملك تلاقي ايديها مربوطة وسيلينا قاعدة على كرسي قدامها وبتضحك بأستفزاز"
ملك:انا فين
سيلينا:صباح الخير متخافيش انتي مش هتطولي هنا عشان هتموتي
ملك:انتي عايزة مني ايه
سيلينا:مش انا اللي عايزة الباشا هو اللي عايز انا لو عليا كنت قتلتك من ساعة ما لاحظت اهتمام يوسف بيكي
ملك بتوتر:يو. يوسف مين
تضحك سيلينا بصوت عالي وتقول:لا بجد ضحكتيني... انتي فاكرة ان احنا اغبية ومش هنعرف انكوا بتلعبوا علينا ولا ايه.... عموما مالوش لازمة الكلام معاكي عشان مجرد ما يوسف ينفذ اللي طلبه منه الباشا هنقتلك وساعتها يوسف هيبقى ليا لوحدي
ملك:انتي اكيد عبيطة
سيلينا:نعم قصدك ايه
ملك:يعني انتي متخيلة ان يوسف هيحبك والجو ده هه لا عبيطة فعلا... فوقي يا ماما ده كان يعرفك مصلحة بس مش اكتر
سيلينا:طب ماهو كان يعرفك مصلحة برضوا ايه الفرق
ملك:الفرق هتعرفيه لما يوسف يجي يعملك بوفتيك دلوقتي
سيلينا:انا مش فاهمة حاجة انتي بتقولي ايه
ملك:مش مهم تفهمي المهم انا فاهمة
______________________________________
"بيعدي الوقت ويجي معاد التسليم ويوسف بيروح لمكان التسليم وبيستلم الشحنة ويتصل ب أدهم"
ادهم:برافوا عليك يا يوسف هبعتلك عنوان دلوقتي تروحه لوحدك واوعى تفكر تتذاكي علينا والا انت عارف ايه اللي هيحصل
يوسف بخبث:متخافش هاجي لوحدي
"بيقفل أدهم مع يوسف ويبص لسيلينا اللي قاعدة جنبه ويقول"
ادهم:يوسف استلم البضاعة وهيجي
سيلينا:انا مش مرتاحة حاسة انه هيعمل حاجة
ادهم:يا سيلينا يا حبيبتي يوسف رقبته في أيدي اكيد مش هيفكر يعمل حاجة
سيلينا:وانت عرفت منين ان البتاعة دي مهمة عنده اوي كدة
ادهم:انتي ماشوفتيش نظراته ليها في الحفلة كانت عاملة ازاي ولو ماكنتش مهمة كان سابها عادي ومهتمش
سيلينا بتبدأ تتضايق وتقول:انا هروح اشوفها
سيلينا:مالك زهقانة؟ معلش كلها نص ساعة ونموتك ونخلص منك
ملك:بقولك ايه انتي شكلك فاضية وهتصدعيني
سيلينا:بقولك ايه اتكلمي معايا ب ادب انا ساكتة من ساعة ما جيت مصر لكن دلوقتي انتي تحت رحمتي وممكن ابهدلك
ملك:ولا تقدري تعملي حاجة ووفري الشويتين بتوعك دول لحد بيخاف مش ليا
سيلينا اتعصبت وضربت ملك بالقلم ورفعت المسدس في وشها وقالت:انا شكلي مش هستني لما يجي يوسف وهقتلك دلوقتي
يقاطعهم صوت يوسف وهو بيقول:سيلينا... سيبي المسدس من ايدك
ادهم:سيلينا سبي المسدس وفكيها يلا
سيلينا:بس...
أدهم بزعيق:انا قولت سيبي المسدس وفكيها
سيلينا بترمي المسدس وتروح تفك ملك وملك بتقوم وتجري ناحية يوسف ويخبيها ورا ضهره وادهم يقول:فين بضاعتي يا يوسف
يوسف:ابقى خدها من الحكومة بقي
أدهم بصدمة:انت بتقول ايه
يوسف بيطلع مسدسه ويقول:بقول خلاص لعبتك اتكشفت ودلوقتي انت مقبوض عليك بتهمة تجارة السلاح
ادهم:مستحيل انا هقتلك
"بيقاطعه دخول البوليس وبيمسكوا أدهم ورجالته وسيلينا بس سيلينا بتزق الظابط وتمسك السلاح وتصوب ناحية ملك وتضرب النار ومالك هو اللي بياخد الرصاصة مكانها ويقع في الأرض وتبصله ملك بصدمة وتجري عليه"
ملك بعياط:لا يا يوسف قوم متسبنيش لا
يوسف:ملك
ملك بعياط:عشان خاطري يا يوسف ماتسبنيش
يوسف:ملك اسمعي
ملك بدموع:ايه
يوسف:تتجوزيني
ملك بصدمة:هاا
يوسف:بقولك تتجوزيني
ملك:هو ده وقته انت بتموت
يوسف:ما انتي غبية فعلا.. على فكرة الرصاصة جات في دراعي
ملك:ايه ده بجد... تصدق ماخدتش بالي
يوسف:ها قولتي ايه
ملك بأستهبال:قولت ايه في ايه
يوسف:بقولك بحبك ومش هقدر اعيش من غير جنانك وقرفك وزهقك ف عشان كدة هنتجوز ونقرف بعض و....
ملك:ايه ايه هو انا لسة وافقت
يوسف ببرود:اه وافقتي خلاص
ملك:طب انا مش موافقة
يوسف بعصبية:نععععم
ملك:اهدي يا باشا كدة انا بس كنت هقولك انك لو معملتش سندوتشات الكبدة دي تاني هنتقابل بعد كدة في محاكم الاسرة
يوسف:يعني ايه
ملك:يعني بحبك وموافقة يا غبي
تمت النهاية اقرا ايضا رواية الجمال جمال الروح كاملة عبر دليل الروايات للقراءة والتحميل
- الفهرس يحتوي على جميع الفصول (رواية حتى النهاية كاملة)