رواية مصائر مجهولة البارت الثاني عشر 12 بقلم سما محمد
رواية مصائر مجهولة الفصل الثاني عشر 12
ركبوا العربية وفضلوا يتكلموا لحد ما طلع حد قدام العربية مرة واحدة و
زين وقف العربية بسرعة وفريدة صوتت
قالها: اهدي هشوف حصله ايه
نزل لقاه شاب سايح في دمه راح نده علي حد من الشارع بسرعة يساعده عشان يشيله
وخده معاه في العربيه
فريدة بخوف:وديه المستشفي بسرعة
بص لفريدة وقال :اهدي مفيش حاجه هوديه حالا
ساق العربية بسرعة ووصل المستشفى
الدكتور كشف عليه شوية وقال بسرعة:دخلوه اوضة العمليات بسرعة
دخلوه وزين وفريده علي اعصابهم
زين هداها وقال:أن شاء الله خير مش تقلقي
فريدة:انا خايفة اوي عليه
زين:ربنا يستر
شوية وممرضة طلعت وقالت:المريض نزف كتير ومحتاج دم
زين: طيب شوفي عينه دمي كدة واتبرعله
الممرضة:تمام تعالي معايا
زين راح معاه وخدت عينه منه تفحصها
زين قعد جمب فريدة مستني
الممرضة طلعت بعد حبه وقالتله:للاسف العينه مش مطابقة
فريدة بصت وقالت:طب شوفي دمي انا
زين بصلها وقال:لا اهدي انتي ممكن تتعبي انا هحاول اجيب كيس دم من برا
الممرضة: حضرتك مش هتعرف تجيب عينه دمه لأنها نادرة جدا في المستشفيات خلينا نشوف عينتها بسرعة لانه في خطر
فريدة: خلاص انا جاية معاكي اهو
دخلت معاها وسحبت عينه
زين بصلها وقال:اتأخرت ليه دي
فريدة:استني زمانها جاية
الممرضة طلعت وقالت بفرحة: الحمدلله العينه مطابقة تعالي نسحب منك بسرعة
فريدة:ماشي
زين راح معاها وهو خايف عليها اوي
الممرضة سحبت منها دم كتير اوي وهبطت
راح بسرعة جبلها عصاير ولبن بكميات كتيرة
وقالها:اشربي بسرعة
فريدة:مش تقلق انا كويسة
زين:كويسة اية انتي بتروحي مني مش شايفه وشك اشربي يلا
فريدة:طيب
فضلت تشرب لحد ما هديت حبه والهبوط راح
وفضلوا مستنين الدكتور يطلع من اوضة العمليات
في بيت العيله
الجد بقلق: فريدة و زين اتأخروا جدا
كريمه ام زين ضحكت وقالت:عرسان جداد بقي سيبهم ياحاج يتفسحوا
شيرين ام فريدة ضحكت وقالت:عندك حق
وفضلوا يضحكوا سوا
في اوضه ملك
بعتلها:كنت مبسوط اوي اننا خرجنا النهارده
ملك:وانا كمان
_وعد مني هعوضلك اليوم ده بيوم جامد
:الاه 😂💖وهتوديني فين بقي؟
_المكان اللي يعجب ملكتي
:احم احم عيب كدة يا استاذ عمر
_بلاش ادلع مراتي حبيبتي؟
:لا صراحة ثبتني
_طب مش مراتي الحلوة المفروض تدلع جوزها ولا اية؟
:ما انت اسمك دلعه يضحك اوي😂😂🤦
_ازاي دي؟😂
:يعني اقولك يا عومرررري؟😂😂
_لا لا يا ستي انا غلطان أني قولت دلعيني
:الاه انت زعلت مني؟ طب انا اسفه يا عموري
_حلو الدلع ده علي فكرة
: خلاص هقولهولك علي طول💖😂
_ماشي هغير اسمك ل ملكتي من دلوقتي وانتي غيري اسمي
:ماشي ياحب😂💖
_اكتر حاجة بحبها فيكي انك بتقدري تكوني اكتر من شخصيه في وقت واحد
:ازاي يعني؟
_يعني بتبقي بنوتة بتتكسف اوي وشوية تبقي واحدة مجنونة وشوية قمة العقل ،حبه أحسك صاحبي وحبه أحسك حبيبتي وشوية بحسك امي اللي بتحن عليا لما اكون متضايق
انتي ميكس حلو لشخصيات كتير وكل واحدة فيهم دخلت قلبي
:احم انا مش عارفه اقول اية
_خدودك بيبقوا قمر وهما مِحمرين زي الفراولة
ملك اتخضت وقالت:عرفت منين أن خدودي احمرت🙂
_لانك لما بتتكسفي بتبقي كدة وبيبقي شكلك قمر
: طب أنا بقول كفاية قله ادب عشان شوية وخدودي هتولع تمام
_طيب مش هتكلم😂😂
=صحيح قومي اتوضي وصلي قيام الليل وانا هروح أنا كمان وابقي ادعي لزوجك قرة عينك يا زوجتي المصون 😉💖
:حاضر وابقي ادعيلي😂💖
_بدعيلك من يوم ما عرفتك يا ملكتي
:بقول نقوم نصلي احسن؟
_يلا انا بقول كدة بردو 😂💖
في المستشفي
الدكتور طلع بعد ساعة وقال: الحمدلله وقفنا النزيف وحالته دلوقتي بقت مستقرة
زين: الحمدلله
الممرضة ادت فريدة كيسة وقالت:دي اغراض المريض
فريدة:ماشي
زين قال للدكتور:ينفع ندخل نشوفه
الدكتور:اه طبعاً اتفضلوا
دخلوا يبصوا عليه
فريدة اتصدمت وقالت:ازاي هو شبهي اوي كدة
زين:مش قادر اصدق صراحة زي ما يكون فوله وانقسمت نصين
فريدة:اكيد صدفة صح
زين:اكيد يخلق من الشبه اربعين
الممرضة ندهت علي فريدة
فريدة طلعت
ف قالتلها:محتاجين نعرف اسمه بالكامل عشان نسجله
فريدة: ثواني هشوف كدة معاه بطاقة ولا لا
فريدة فتحت الكيسة اللي الممرضة ادتهالها لقت محفظته فتحتها وطلعت البطاقة
بصت واتصدمت وقالت:اييييه؟ ازاي ده يحصل؟
يتبع الفصل الثالث عشر 13 اضغط هنا
- الفهرس يحتوي على جميع الفصول "رواية مصائر مجهولة كاملة"