رواية عشقت فجر الصعيد البارت الرابع عشر 14 بقلم سارة أحمد عماد
رواية عشقت فجر الصعيد الفصل الرابع عشر 14
علي ضفاف النيل .
كان يقف فارس وهو يستمع لادهم بانتباه شديد فهل بعد مرور ثلاث سنوات استطاعوا معرفه من دمر حياته بالماضي ليتحدث بلهفه شديد ورغبه قويه في الانتقام .
فارس بغضب/مين هما ي ادهم مين الي دمر حياتي وكان السبب في موت ابن خالتي مين .
ادهم /خالد الله يرحمه ي فارس وعمك سالم الله يرحمه .
فارس بجنون وغضب /انت بتقول ايه ي ادهم ايه التخاريف دي خالد مستحيل ده كان اخويا ده كانت توأمي انا مش عاصم وبعدين ازي وخالد مات علي أيديهم.
ادهم /لانه خانهم وقرر ياخد كل حاجه لوحده خالد كان ظابط شاطر ي فارس انت اكتر واحد كنتوا عرفوا بس كان تعبان محدش عمره تخيل كل ده هو كان مصلحته انك تسيب الاداره بعد مكنت قربت توصل للمنظمه دي واكيد كانت فكرته بس اكيد مكنش عارف انهم هيضحوا بيه هو قصاد أنهم يخلصوا منكم انتوا الاتنين مره واحده ومش بس كده هما الي جندوا فريده لحسابهم علشان توصلك معلومات غلط فريده حبيبتك .
فارس بصدمه وعد اقتناع/انا مش قادر اصدق مش قادر مستحيل خالد يكون كان كده مستحيل.
ادهم /لاصدق ي فارس فيه ناس كتير تعرف تتلون بميه لون وبكل شكل .
فارس بوجع/وانت عايز مني ايه دلوقتي ايه المطلوب.
ادهم بثقه/المطلوب انك ترجع زي الاول ترجع تقبض علي المنظمه الي دمرت حياتك وحرمتك من صاحب عمرك وترجع الرائد فارس سلطان وترد اعتبارك قدام كل الناس .
فارس بحزن/مش هقدر ي ادهم مبقاش عندي الدافع لو كنت فكرت مره اني ارجع انتقم منهم علشان خالد لكن دلوقتي ايه الدافع .
ادهم بهجوم/الدافع هو بلدك والي بيعملوه فيها الدافع اني بقولك أن عمك سالم كان شغال معاهم والله اعلم ايه الي خلا خالد يدخل معاهم في السكه الوسخه دي وخالد مات ي عني مش بعيد عاصم كمان يكون متورط معاهم في حاجه وفكر في الي حواليك اخوك سليم كل دول مربطوين في رقبتك ي فارس .
فارس بتفكير /اديني وقت افكر .
ادهم /ماشي ي فارس بس خليك فاكر الكلام ده كويس .
فارس بحزن /انشاء الله ي ادهم .
ليعود فارس وهو ينظر إلي البحر ويسرح في الماضي .
في الصعيد .
فارس بزهق /ي ساتر يارب انا مش عارف ايه الي عجبك في قعده الصعيد دي انت وعمي طول عمرك عايش هنا في الزهق والحر ده .
خالد بضحكه ساحره/ههههه انت ظابط انت مش قادر استحمل شويه الحر دول ي فرفور .
فارس بسخرية وغمزا/وانا استحمل ليه ي اخويا انت بتستحمل علشان سبب وانا مالي .
خالد /ماشي ي اخويا كان يوم مهبب يوم مقولتلك المهم قولي عاصم عامل ايه وسليم.
فارس بسخرية/ودي محتاجه سؤال ي اخويا سرحان و نفيسه دول مانت عارف مبسبوش بعض خالص ودائما ببتكلموا في الشغل مش صيع زي انا وانت .
خالد /ههههه عندك طول عمرنا وكأننا احنا التؤام .
فارس بحب/عندك حق ربنا ميحرمنا من بعض ابدا .
باك ....
كان يقف فارس وهو يبكي بحرقه بالغه فما حدث لا يستطيع تحمله فهو كان يفعل كل شئ من أجل خالد أخيه ولكن ماذا كان الرد .
فارس/ليه كده ي خالد ليه عملت كده ليه كان ايه الي نقصك علشان كل ده بس ادهم عنده حق انا لازم ارجع اقوا من الاول علشان احميي الباقي قبل مايضيعوا ..
في شركه عاصم ..
كانت تجلس فجر وهي تنتبه ل هايدي وماذا تفعل لتنظر لها هايدي بحده .
هايدي بغضب/ممكن اعرف انتي مش مركزه ليه .
حنين ببراءه/ماهي مركزه اهي ي طنط هايدي .
هايدي بزعيق/اسكتي انتي ملكيش دعوه .
حنين ببكاء /حاضر .
فجر بغيظ/بس ي جلبي بس متعيطيش انتي واحده معندكيش دم واصل ولا رحمه .
هايدي بغضب/انتي بتقويلي ايه ي فلاحه انتي ي جاهله.
فجر بغضب/الجاهله دي أنظف منك ي الي معندكيش قلب.
عاصم بزعيق/ايه ده فيه ايه الي بيحصل .
حنين ببكاء/طنط هايدي زعقتلي انا وطنط فجر .
هايدي بارتباك /عاصم انا كنت بفوقها علشان الشغل.
عاصم بغضب/انتي تخرسي خالص متتكلميش مدام فجر انا الي هعلمها الشغل بنفسي وانتي ي هايدي لو حاسيه انك بتعمل حد بتكبر ولا غرورك ده صدقيني هخرجك من حياتنا خالص فاهمه.
هايدي بغيظ وكره ل فجر /حاضر ي عاصم عاصم .
عاصم باسف /انا اسف ي مدام فجر اتفضلي معايا .
فجر بخجل/شكرا ي استاذ عاصم ..
في منزل عنيات .
عنيات /مالك ي حبيبي شارد ليه كده .
عثمان بوجع /مفيش حاجه ي عنيات .
عنيات بدلع /مفيش كيف هتخبي علي عنيات حبيبتك برضك .
عثمان بارتباك/ابدا مفيش بنتي قمر تعبه شويه ونقانلنها المستشفي .
عنيات بخضه /قمر الف بعد الشر عليها حصولها ايه.
عثمان بارتباك/ابدا شويه سخونيه كده وراحت ل حالها .
عنيات وهي تحدث ذاتها/واقعه سوده لتكون سقطت أكده ي صابر أكده .
عثمان باستغراب/مالك ي عنيات سرحانه في ايه .
عنيات /ابدا ي سيد الناس حزنت بس علي قمر دي غلبانه .
عثمان بتعب/يلا قسمه ربنا عاد انا ماشي عايزه حاجه.
عنيات /واه علطول كده طب اقعد معايا واحنا نرووقك علي الاخر .
عثمان بتعب/لاع ماليش كيف لاي حاجه واصل يلا سلام .
عنيات بهمس/انا لازما ابلغ صابر لازما ..
في شقه كريم ..
حنان بضحك/ههههه جاتك ايه ي واد ي أمير دمك زي العسل.
امير /انتي تامري ي خالتي ليكي عليا كل يوم من ده .
ايه بخجل/العوافي عليكم كيفك ي اما.
حنان بابتسامه/الحمد لله ي ضنايا .
امير باستغراب/ ايه ده ي خالتي انت خلفتي امتا كنتي متجوزه من وراء عمي جابر الله يرحمه.
حنان بغيظ/جنازه لما تشيلك ي بعيد دي ايه بنت ناس قرايب عنك جابر وقاعده عندنا شويه .
امير بإعجاب ومرح/اهلا وسهلا ي ايه انا امير ابن خاله كريم محسوبك طالب أولي جامعه كليه هندسه .
ايه بخجل/اهلا وسهلا انا بجا في ثالثه ثانوي.
امير بحماس/حلو ليكي عليا بقا اذكرلك كل حاجه هتتطلعي من الاوائل .
حنان بسخرية/بلا وكسه سيبك منه ي ايه ي بنتي ده هيضيع مستقبلك .
امير/ليه كده ي حنان انا كنت عقولها بعد كده لوحدي .
ايه وحنان وامير /ههههههههه.
كانوا يضحكون لم يعايروا بمن يقف خلف الباب وهو يضغط علي يده بغضب وغيره مما يحدث فهو يعلم الفروق ف امير شاب من سنها ووسيم أيضا لكنه هو يكبرها بعشر سنوات ليغمض عيناه بغضب وهو يرفض ذلك الفكره .
كريم بغضب وغيره/ايه الضحك والمياعه دي الي انا سماعها .
حنان بضيق وعتاب/فيه ايه ي كريم ي ابني مش كده كنا بنتضحك شويه مع امير .
كريم بغضب/وانتي مبتتذكريش ليه اتفضلي روحي علي المذاكره .
ايه بدموع /حاضر .
لتسرع علي غرفتها بدموع ليعاتب هو ذاته .
فاسف ي صغيرتي فانتي ملكي ولأن ادعك ل غيري مهما حدث ...
في شركه عاصم .
عاصم باسف/انا اسف ي مدام فجر علي الي حصل .
فجر بخجل/محصلش حاجه واصل .
حنين ببراءه /حبيبتي ي طنط فجر .
فجر بحب/انتي الي حبيبتي ي حنين .
عاصم بفضول وغيره/بس سليم موصي عليكي اوي واضح أنه بيعزك اوي .
فجر بارتباك /لا ابدا اصلهم اشتروا الأرض الي حدانا في البلد وانا استمحته أنه يشوفلي شغلانه وهو بصراحه كتير خيره مقصرش واصل .
عاصم بفضول/وانتي عايشه هنا لوحدك ولا جوزك معاكي .
فجر بارتباك /لا جوزي بيشتغل في الكويت بيجي كل كام سنه شويه ويعاود تاني .
عاصم وهو يحدث ذاته/غبي غبي حد يسيب الملاك ده ويسافر .
فجر /انا همشي بقا شكرا ي استاذ عاصم بجد استفدت كتير وانشاء الله كل مره هبقا احسن .
عاصم /طب استني هوصلك .
فجر بقلق/لا مفيش داعي أنا اقدر اعاود ل حالي .
عاصم /لا طبعا ده سليم يزعل اتفضلي معايا .
في المستشفي ..
كانت تتتسطح علي الفراش وهي تنظر إلي نقطه في الفراغ وتتضع يدها علي بطنها ودموعها تنهمر علي وجهها بشده .
بدور بغيظ وحزن/بتعيطي عيطي بعد مجبتلنا العار وحطييطي راسنا في الوحل مين ي بت الي عمل كده مين انطقي ي شيخه انطقي .
قمر بتعب وحزن/مش هنطق وابعدي انتي بالذات عني كفايه الي عملتيه فيا لحد كده .
بدور بغضب/وانا عملت فيكي ايه ي بت كل حاجه كانت تحت رجليكي عمرك مكان نقصك حاجه واصل .
قمر بصراخ ووجع/كان نقصني اهم حاجه امي هي الي كانت نقصاني عمرك متلكمتي معايا زي اي ام طول عمرك بس ترضيعيني القسوه والمر والشر خلتني اكره بنات عمي واحقد عليهم بسبب مراه عمي صفيه والي كنت أشوفه دايما ابعدي عني ابعدي.
حمدان بغضب/الفاجره فاقت كويس علشان اشرب من دمها .
بدور برعب/احب علي يدك ي حمدان دي اختك اوعا تاذيها .
ليقترب منها بغضب ليمسكمها من شعرها .
حمدان بغضب/مين الي سلمتيلك نفسك ي بت انطقي مين .
قمر بخوف علي صابر/مش هقولك ي حمدان اعمل فيا الي انت عايزه برضه مش هقولك .
حمدان بغضب/خايفه عليه ي فاجره وديني منا سيبك الي لما اطلع روحك بيدي والي فبطنك ده هسقطه اني بيدي .
بدور بدموع وتعب /ارحمها ي حمدان ارحمها ي ابني .
الدكتور بغضب/ايه الي بيحصل هنا بالظبط .
حمدان بغضب/ملكش صالح انت ي دكتور .
الدكتور بغضب/ي أمن ي أمن طلعوا المجنون ده بره .
حمدان بغضب/انت مش عارف انا مين انا هقفلك المستشفي دي خالص .
قمر بدموع والم شديد /ولدي ولدي .
الدكتور /اطمني ي بنتي انشاء الله هيكون بخير .
في الكوخ الخاص ب صابر ..
صابر بخضه/انتي بتقويلي ايه ي عنيات .
عنيات /الي سمعته ي صابر قمر في المستشفي روح اطمن عليها وعلي ابنك ي صابر قمر ملهاش صالح بالتار الي بينا وبين عثمان ي صابر فاهم .
صابر بقلق/حاضر ي خيتي ربنا يستر .
في شقه كريم ..
كانت تجلس بدموع وحزن فهي لم تفعل شي لكل ذلك الصريخ ومن من من حبيبها الذي باتت تتأكد أنها عشقته من النظره الأولي ليقاطعها صوت طرقات الباب لتتدخل حنان بابتسامه .
حنان /قلب امها هتفضل تبكي كده .
ايه بدموع /ي عني مش شفتي بعينك ي أما وانا عملت ايه لكل ده عاد .
حنان بخبث/بيغير عليكي ي عبيطه افهمي اول مشافك بتتضحكي مع امير الغيره ولعت .
ايه بخجل /واه ي أما عاد انتي بتقويلي ايه.
حنان/بقول الي شيفاه قدامي ي حبيبتي فكرك هو هينام النهارده وحياتك مهينام من أنه زعلك ربنا يجعلكم من نصيب بعد وأشوف عوضكم ي ضنايا .
لتبتسم ايه بذلك الدعوه لتامن في سرها ...
في فيلا البوص ...
كان يجلس بطلته الخاطفه الأنفاس وهو يرتدي قناعه الذهبي الخاص به ليتحدث بغضب.
/وانتوا انشاء الله بعد متمتوا الصفقه واتفقتوا مع الناس جاين تعرفوني انتوا باين عليكم اتجننتوا.
سلطان برعب/ ي بوص طبعا انت فوق راسنا بس دي صفقه متتاسابش .
عاصم بسخرية/انا وآلله مفاهم بيتاجروا في كل حاجه حتي البنادمين وتيجوا علي حجات مضمونه وتفكروا.
الجيار بغضب/جرا ايه ي عاصم هي هيت منك ولا ايه .
البوص بغضب/مسمعش صوتك ي جيار ومسمعش صوت اي حد فيكم فاهمين الموضوع ميتمش غير لما انا ادراسه كويس الاول وتجبولي التفاصيل واسماء الناس التانيه .
الجيار /بس فيه حاجه سعادتك فارس اقابل ادهم النهارده ومقبالتهم مطمنش انا من زمان كنت بقول نخلص منه .
عاصم بغضب/ده مستحيل يحصل ابدا مش هسمح أن أي حاجه وحشه تحصل لاي حد من عائلتي كفايه اخويا خالد الله يرحمه وابويا الي مشتوه في سكتكم واميره مراتي وانا الي ضيعتوا حياتي .
البوص بغضب/عاصم متتجوزش حدودك احسالك متنساش أن عندك بنت لازم تخاف عليها الاجتماع انتها وافتكروا أن في شحنه كبيره جايه ولازم كلنا نبقا في انتظرها اتفضلوا يلا .
في مكان ما كانت تقف وهي تلتفت يمينا ويسارا تنتظره ليقترب منها بعشق .
خالد بعشق /وحشتيني ي فجري .
فجر بعشق/وانت وحشتني اكتر ي خالد ي حب عمري كله يروح فجرك..
يتبع الفصل الخامس عشر 15 اضغط هنا
- الفهرس يحتوي على جميع الفصول "رواية عشقت فجر الصعيد كاملة"