رواية يعز عليا أقول كنا البارت الأول 1 بقلم دعاء زينة
رواية يعز عليا أقول كنا الفصل الأول 1
_بصوت عالي وزعيق أنتى اتجننتى يابنتى طب طب ازاى هاااا
=هو ايه اللي أزاى انا مش فاهمه واحد اتقدملى ووفقت
_والله واحد اتقدملك ووافقتى مش ده اللى مكنتيش بتطيق تسمعى اسمه ولا انا ناسى
=بحدة لا صح معاك حق بس ده كان زمان ولا عشان خلاص مبقاش صاحبك بقى كخه ومينفعش انه عشان ساعتك قطعت علاقتك بيه يبقى كده خلاص اتحكم علينا كلنا لا لا ياريان انا هتجوزه برضاك او غصب عنك
_قرب عليها وبإيده نزل على السفرة وسابها وخرج
الأم: ايه يابت انتى هو محدش مالى عينك ولا سكتناله دخل بحماره لا فوقى
=بشئ من الحدة ياماما انا بس نفسى افهم هو أدهم عيبه ايه
الأم: الشهادة لله مفيهوش غلطة بس
=مبسش يأمى اللى مزعل ريان اوى كده أنى وافقت عليه وهو قاطع معاه من زمان مع أن كل المدة دى محدش يعرف ايه مزعلهم من بعض أصلا
الأم بحدة:بردوة مكنش ينفع تتكلمى مع اخوكى كده ياحور وانتى عارفه لو اخوكى قال لا يبقى لا
حور بحدة ودموع بتحاول متخليهاش تظهر: لا ياماما هتجوزه ياماما هتجوزه فاهمه هو مش عشان ابنك مش موافق يبقى خلاص وبدموع خلاص نزلت ولا انا مش بنتك انا كمان
الام قلبها اتفطر على دموع بنتها: ياحبيبتي يابنتى وخدتها فى حضنها لو بتحبيها اوى كده والنبى لجوزهولك كتكوا نيلة بنات خايبة اومال اى مبطيقهوش ومبينزليش من زور وووو
حور مسحت عينها: ده كان زمان ياماما
الأم:معاكى حق سبحان مغير القلوب
حور هزت دماغها وسابتها ودخلت اوضتها اول ما دخلت
حور بدموع لنفسها:بس القلوب متغيرتش لسه ياماما لسه زى ماهى ولا انا طايقها ولا هو طايقنى حتى
فون حور رن مسحت دموعها وبنبرة من جليد
حور:نعاااام
_فيه حد يكلم جوزه المستقبل ببرود كده
حور بغيظ:أدهم بقولك ايه
أدهم بحدة:وأنتى ليكى عين تقولى بقولك ايه فوقى لنفسك ياحلوة انا مش مجبر اعمل كل ده خالص
حور:ماأنتش مجبر يأخى انا مش عاوزة منم حاجه
أدهم باستفزاز:مش بمزاجك إياد عرف
حور بعصبية:اه ماما قالتله بعد ما أمك مشيت
أدهم: اسمها أُمك بردوة بس
وفى ثانيه كان واحد هجم عليه ورمى منه التليفون وضربه لكمة فى وشه
=ايه بتديك التمام
أدهم اتعدل وانفه نزف دم:كنت عارف انك هتعمل كده يا غبى
إياد:محدش غبى غيرك يوم مافكرت انى هديك اختى او يوم مافكرت فيها ياكلب
وضرب تانى وتالت وأدهم حتى مفكرش يرد ليه الضربة بس خلاص مفذ صبر أدهم
أدهم مسكه واتفادى ضربته وقرب منه :هتسمع اسمع أختك عاوزانى وانا عاوزها فاهم و لا
إياد بعد عنه وزقه جامد:بعينك أن أختى تبقى ليك او أنك تحط ايدك فى ايدى وجه يضربه تانى
أدهم مسكه المرة دى جامد:لاحظ انى مش راضى امد ايدى عليك مع أنى اقدر بس احنا كنا طول عمرنا بنرفعها مع بعض مش لبعض ياصاحبى وزقه جامد
إياد بحنية مرت على قلبه مرور الكرام بس فاق بسرعة:مشيرفنيش أنك تبقى صاحبى يا.....
أدهم ولع سيجارة ولف الناحية التانيه عشان مبشوفش فى عينه نظرة الاشتياق ليه:مقبولة منك وعلى فكرة أختك مش هتبقى غير ليا
إياد بضحكة سخرية:ده عند أمه يأدهم وسابه ومشى
أدهم بيحرق فى السيجارة كأنه بيحرق فى روحه ولنفسه:غبى يأياد غبى وعلطول ايدك سابقة عقلك وحط أيده مكان الجرح
✨✨✨✨✨✨✨✨
عند حور اتخضت اول ماسمعت صوت الخناق بين إياد وأدهم وكانت عامله تحارب فى نفسها عشان تعرف ايه اللى حصل وفى الآخر مسكت فونها ورنت
أدهم :مش معقولة خوفتى عليا
حور بحدة:أكيد لا اخويا فين
أدهم:اووووه صدقى قشعرت من حنيتك اطمنى لسه ماشى بس متخرشم ابقى طمنينى عليه تشاو ياحلوة
حور بتجز على سنانها:مستفز وقلبها قلق على اخوها جامد واول مالباب اتفتح جريت جرى
حور:إياااد
إياد اكتفى أنه يبصلها بنظرة نارية بتدل على غضب شديد منها وسابها ودخل
حور لنفسها: الحمد لله مفيهوش حاجه بس بس أدهم قال انهم بس هششش بقى يلا ادخلى نامى قدامك يوم طويل الصبح
✨✨✨✨✨✨✨✨
عند أدهم فى بيته غير لبسه ولبس شيرت رمادى وبنطلون بيتى ونايم على سريره وفى أيده سيجارة بيشرب منها بشراهه بتعدى على دماغه حاجات مرت من زمن
فلاش باااك ✨
فى سنتر الاوائل أدهم واقف مستنى إياد وفى كذا واحد معدى من قدامه
_ايه ياحلو وعدتك وخليت ولا ايه
مهتمش أدهم لكلامه
_واحد تانى قرب منه ولسه هيحط ايده عليه هو مش بيكلمك
إياد مسك ايده:طب ماتكلمنى انا يابو الصحاب وهو ضربه لكمة فى وشه ودار بين إياد وبين الشباب اشتباك جامد وده كله وأدهم كان واقف يتفرج بس إياد كان على وشك يفقد السيطرة على الوضع
جه واحد من ورا إياد وحياة أمك ياسوسن لربيك
أدهم مسكه:وحياة أمك ل أنا اللى هعملك سوسن ياو.... ومسكه ونزل فيه ضرب ونادى إياااااااااد
إياد بص ليه:ايوه ياصاحبى
أدهم:خد مرفيت دى ظبطها وسيبلى هدى وعبير انا هظبطهم
إياد:حبيبى يابو الصحاب انت تؤمر
واتبدلوا الضرب على الشباب اللى ازعجتهم لحد مالمستر خرج وفض خناقتهم وخدهم ودخل
المستر: وبعدين معاك ياأدهم أنت وإياد كل يوم هتيجوا بمشكلة
أدهم :يامستر انا مكلمتش حد وانت عارف
المستر بغضب: ايه اللى كان موقفك بره يأدهم
إياد:كان مستنينى يامستر يرضيك يدخل من غيرى يعنى
المستر : اه يرضينى ياعم إياد
إياد بهزار:لا ميرضكش يامستر انا عارف
المستر ابتسم وحاول يكشر تانى
أدهم : خلاص بقى يا مستر قلبك ابيض وبعدين مانت عارف مش اول مرة مش فاهم ايه مزعلك
المستر: أنكم ثانوية عامة اعتقد
إياد :اطلقها بالتلاتة لو دى اللى هتخسرنا بعض
المستر:امشى ياو... من هنا وشدوا شوية
أدهم : احنا عارفين بنعمل ابه ياكبير متقلقش
فاق من شروده على نغزة فى قلبه على صاحب عمره أه ياللى كنت كل حلو فى يومى ويعز عليا اقول كنت🤦🏻♂️
(أصل الصحاب دول عالم تانى ناس بنديها اهم واكبر حاجه فى حياتنا وهى وقتنا وقتنا اللى بنشاركهم فيه كل حاجه الحلوة والوحشة الضحكة والدمعة فمش سهل أبدا أننا ننسى كل ده ونعمل غيرهم حافظوا على صحابكم ياجماعة حافظوا على الناس النضيفة اللى فى حياتكم عشان دول بيبقوا زرعة الايام بالنسبة ليكم🌱💙)
✨✨✨✨✨✨✨✨
على الناحية التانية
باب إياد خبط
إياد : ادخل
الأم: صاحى ياحبيبى
إياد:أصحى ليكى ياست الكل تعالى
الأم: ياحبيبى انت كويس روحت فين أما خرجت
إياد:ابدا بس فى مشوار كده
الأم:بص ياحبيبى أختك
إياد:مش عاوز اتكلم
الأم:اسمع ياحبيبى الولد طالب حلال ربنا وأختك موافقة والواد كويس ويستحق أختك وأختك عاوزها
إياد:يأمى مبنفعش
الأم قاطعته:اللى مينفعش اللى أنت بتعمله انك تفرق اتنين عاوزين حلال ربنا وبعدين تعال هنا مش صاحبك ده مش كنت كل يوم تيجلى مشلفط بسببه مش ده اللى دخلته بيتك وخلته ينادينى زيك وخلتنى أحبه زيك أنت وأختك
إياد بحدة: كنا زفت يأمى وانا مش موافق
الأم بحدة أكبر:يبقى تفكر وتوافق وتركن مشاكلك مع أدهم على جنب عشان سعادة أختك وأن فضلت مصمم يبقى أنا اللى هجوزهاله وده أخر كلام
وسابته وخرجت
إياد باصص فى الشباك وزكريات رايحه جاية عالباله فيها الحلو وفيها الوحش
✨✨✨✨✨✨
فى اوضة حور بتصلى وسجدت
حور بدموع:الله أكبر وسجدت بارب يارب برد قلبى وماشيها على خير يارب يوم ما أجى اتجوز اتجوز اكتر واحد مبطيقهوش وياريت بس كده لا ده كمان الجوازة واقفة يارب أنا عبدك الضعيف يارب قوينى بيك يارب
واتعدلت من سجودها وسلمت وقعدت ورفعت ايديها تناجى ربها
حور🤲🏻:يارب يارب أنا غلطت بس ندمت والله يارب اجعل على قلبى برداّ وسلام يارب يارب متسبنيش يارب عارفة أن اللى حصل حرام وغلط بس الجوازة دى لازم تتم وإلا هتفضح بسبب اللى عمله يارب 🥺😭😭😭
مسدج جات ليها من أكونت مجهول اسمه صانع اللذة والبسمة
لعل مايأتى يكون خير لعل مامضى كان اختبار لصدق حبك استقوى فهناك من يأخذ قوته كلها من عيناك أيها الصغير ♥️
فرحت لما قرأتها والباب خبط ودخل إياد بوجه عابس جداً أنتى ..
يتبع الفصل الثاني 2 عبر الرابط التالي: "رواية يعز عليا أقول كنا" اضغط على أسم الرواية