رواية رهف البارت الأول 1 بقلم ندى رأفت "Miyano Shiho"
رواية رهف الفصل الأول 1
تعرفي يا رهف ..انا لما اكبر واتجوزك هبنيلك قصر من دهب ليكي لوحدك
رهف:وانت هتجيب كل دا منين ..يا ياسين ..
ياسين:انتي ناسيه أن بابا اكبر رجل اعمال في مصر ..يعني انا لما اكبر واشتغل معاه هبقى رجل اعمال كبير بردو ..
رهف:ااااه فهمت ..ياسين بس انت مقولتليش انت جيت ليه انهارده هو احنا مش المفروض نتقابل يوم الخميس في الجنينه علشان نلعب كره مع بعض ..
ياسين:ما هو انا جيت انهارده علشان انا ماشي ..
رهف:ماشي رايح فين ..؟!
ياسين:مسافر ..انا بابا وماما والعيله وكدا ..
رهف:طب هترجع امتى ..
ياسين:مش.. عارف ..
رهف (بعصبيه):يعني ايه مش عارف ..هشوفك امتى تاني يا ياسين ..
ياسين:ما تقومي تتضربيني احسن ..
رهف:ما أنا هضربك لو مقولتليش ..
مسك ياسين إيد رهف ولبسها خاتم وقال:انا خليت بابا يشتري الخاتم دا علشان ادهولك ..
رهف:شكله حلو اوي ..
ياسين:دا هيبقى معاكي علطول علشان ديما يفكرك بيا ..
رهف:ياسين متحسسنيش انك رايح ومش راجع تاني ..
ياسين:ازاي يعني مش راجع ..دا انا هرجع علشان اتجوزك....
والده رهف قطعت الحوار...
عيال عندها سبع سنين ..وبتفكرلي في الجواز من دلوقتي ..
رهف:ماما ..
ياسين:حماتي ..
والده رهف بسخريه:حماتك ..روح يا ياسين علشان تلحق الطياره ..محمد(والد رهف) هيوصلك ..وبالمره يسلم على بباك قبل ما يمشي ..
قام ياسين ومسك أيد محمد وقبل ما يمشي قال لرهف:اوعي تنسيني يا رهف مهما طولت الغياب ..
رهف:متقلقش يا ياسين ...بعد مرور ١٥سنه ...رهف في أوضتها وماسكه الخاتم الي أدهولها ياسين ..وقالت:عمري ما هنساك يا ياسين ..
وفجأة خبطت والده رهف على باب الأوضه ..
رهف:خشي يا ماما ..
دخلت ولدتها ومكنتش ماشيه بتوازن قامت رهف ومسكت أيدها وقعدتها على السرير وقالت:يا ماما لو انتي عايزني ناديني مش شرط تيجي ..
والده رهف:مش حرام عليكي كدا يا بنتي ..
رهف:لو سمحتي يا ماما الكلام في الموضوع دا انتهى وانا حاسمه قراري من الاول ..انا مش هتجوز غير ياسين ..
والده رهف:وهو فين ياسين دا يا بنتي ..لازم تكملي حياتك بقا مش هتوقفيها علشانه ...يا بنتي دا ممكن يكون اتجوز وجاب عيال كمان ونسيكي ..
رهف :مستحيل ..
والده رهف:وانتي ..إيه الي مأكدلك كدا يا بنتي ..
رهف:ياسين مش كدا...
والده رهف:يا بنتي حرام عليكي انا عايزه افرح بيكي قبل ما أموت ..
رهف:بعد الشر عنك يا ماما...بس انا مش هغير قراري ...
والده رهف:حرام عليكي يا بنتي طب علشان خاطر المرحوم ابوكي اسمعي كلامي وانزلي قابلي العريس الي جايبه خالتك ..
رهف:قولت لأ ..وخليه يمشي احسن علشان انا مش هقابل حد ..
والده رهف بحزن : كده ...ماشي يا بنتي ..وقامت وقبل ما تخرج ..حست بوجع فجأه وقعدت تصرخ ..
رهف:في أيه يا ماما ..
وفجأه وقعت والده رهف على الأرض ...
رهف بتعيط :ماما ...ماما ردي عليا يا ماما ..يا خالتو الحقيني ..يا خالتو ...
وبعد فتره ....الدكتور كشف على والده رهف وخرج وقال لرهف وخالتها ...:ياربت محدش يتعبها خالص ..ودي رشته بكل الادويه الي محتجاها ..
رهف:ماما ملها يا دكتور ..
الدكتور:والده حضرتك عندها مبادئ جلطه ..فاحنا عايزين نلحق الموضوع. ..
رهف:إيه جلطه ..
خاله رهف:شكرا لحضرتك يا دكتور اتفضل معايا ...
رجعت خاله رهف ليها وقالت :عجبك الي انتي عملتيه يا رهف ..أمك هيجلها جلطه بسبك ..وبعدين هنجيب كل مصاريف الادويه دي منين ..يا بنتي متعلقيش نفسك بحبال دايبه ...
رهف:سبييني يا خالتو لو سمحتي ..
وطلعت رهف أوضتها وقعدت تعيط ..وتقول ياسين مش حبل دايب يا خالتو ..ومسكت الخاتم وقالت:مش كده بردو يا ياسين ....وبعد فتره أتصلت بصحبتها هنا وقالت ...
الو ..ألو يا هنا عملتي ايه في موضوع الشغل الي كلمتك فيه ...
هنا:مال صوتك يا رهف ..عموما انا كنت لسه هكلمك دلوقتي ..انا لقيت شغل ..
رهف:كويس ..طب انا هاجي اعمل انترفيو امتى ..
هنا:بصي يا رهف انا حاسه ان الشغل دا مش مناسب ليكي خليني ادور على واحد تاني ...
رهف:ليه يا هنا ..انا هشتغل اي حاجه ..
هنا:اصل ...الناس دول طلبين خدامه للفيلا بتعاتهم ...
رهف:خدامه ..
هنا:خلاص يا رهف انا هدور على شغلانه تانيه ..
رهف:لا عادي ..انا هقابل الناس امتى
هنا:بس ...
رهف:بس أيه يا هنا ما هي دي الشغلانه الي فمستوايا ..هو انتي فاكره انك هتشغليني دكتوره مثلا دا انا معايا سنتين معهد ...
هنا:لا يا رهف بس دا مكنش في ايدك انتي كان عندك ظروف وقتها وهي تعب والدك ووفاته وانتي في الثانويه ....
رهف:خلاص بقا مش مشكله ..انا هقابل الناس امتى ..وهما سكنين فين بالضبط ..
هنا:الي سمعتوا عنهم أن هما ناس أكابر جداا ..ولسه ساكنين في الڤلا دي قريب ... دي عيله الحج مراد مدير الأعمال المعروف بصي انا هاجي معاكي ..
رهف: عيله الحج مراد معقوله ...
هنا: رهف ..
رهف:لا أنا مش عايزه اتعبك ....
هنا:ولا تعب ولا حاجه ..نامي والصبح نتقابل ...
رهف:شكرا يا هنا ...سلام
نامت رهف وهي حابسه الدموع في عينيها ..... وبتقول معقول يكون الي جه في دماغي صح ..
الصبح ......حوالي على الساعه سته ..
صحيت رهف على المنبه وقامت ولبست وحطت الخاتم في جبها وقالت :انا بخدك معايا كل مشوار مش هقدر اسيبك ...
نزلت رهف وراحوا المكان هي وصحبتها ...
هنا:الڤيلا فخمه وكبيره قوي صح يا رهف ...رهف ..مالك ..
رهف:مش عارفه ....
هنا:طب تعالي نسأل الرجاله دي
هنا:لو سمحت ..هي دي ڤيلا الحج مراد ...
الراجل:أيوه مين حضرتك ..
هنا:احنا كنا جاين علشان طلب الوظيفه ...
الراجل:اه اتفضلوا ...
دخلوا الفيلا ..
وقعدوا منتظرين على الكنبه ...
الرجل:الحجه الكبيره نزله دلوقتي ..هي والأستاذ ..
هنا:في إيه رهف مالك مرعوبه كدا ليه هو انتي داخله امتحان أهدي ...
رهف:ما انا هاديه اهو ...
هنا:طب اسكتي بقا شكلهم جم ..
قامت رهف وهي بتترعش ..وبصه على الشخص الي بينزل من على السلم ..
نزل الشخص هو والحجه
رهف بصدمه:دا شبهوا اوي انا حاسه بشعور غريب ...
الحجه :ازيككم يا حبايبي اتفضلوا اقعدو ..تعالى يا ابني ..اقعد جنبي ..
الابن:لا يا ماما أنا متأخر على الشغل واي حاجه انتي هتختاريها أنا موافق ..يلا سلام ..وكان هيمشي فجاه نادت رهف عليه وقالت:ياسين ..
تابع الفصل التالي عبر الرابط: "رواية رهف بقلم ندى رأفت" اضغط على أسم الرواية