رواية حكاية وعد البارت الواحد والعشرون 21 بقلم ملك محمد
رواية حكاية وعد الفصل الواحد والعشرون 21
زين قاعد ف مكتبه بيكلم نفسه وبيفكر بوعد
: عارف انك بتحبيني بس عنيده ومش عايزه تعترفي بس انا هخليكي تنطقي ياوعد
بعد انتهاء العمل ف الشركه
زين خرج من مكتبه: ها مروحه ولا لا
وعد بسخريه: هو ينفع مروحش
وشدت شنطتها وقامت من ع الكرسي
لسه هتمشي قدامه شدها من ايدها وقالها
: اه ينفع متروحيش
وعد بصتله بتعجب : ازاي
زين : انا قررت اديلك حريتك ياوعد
وعد قلبها دق جامد وقالت
: تقصد اننا
زين : ايوا مش عايزك تعيشي معايا غصب عنك بعد كدا
وعد بتوتر ولخبطه : بس
زين : بس اي
وعد والدموع متجمعه ف عنيها : لا ولا حاجه
زين : يعني موافقه
وعد بحزن : هو مش مفروض ان المهله شهر
زين : بصراحه خايف اكون بظلمك معايا مش عايزك تعيشي معايا ولا يوم واحد غصب عنك
وعد ساكته وبتبص لعيونه وعيونها غرقانه دموع
زين : ها قولتي اي
وعد وهي بتداري دموعها : اه موافقه تحب ننفصل امتى
زين : دلوقتي
وعد نبضات قلبها ذادت رجعت بيها الذاكره لورا ليوم مااتقابلوا ع الكوبري وهي بفستان الفرح افتكرت ضحكهم وعنادهم مع بعض
افتكرت غيرته عليها حبه ليها اول حضن كان بينهم ابتلعت ريقها وقالت بدموع
: دلوقتي دلوقتي
زين : ايوا وعد انتي ط..
وعد مقدرتش تسمع الكلمه راحت مغمضه عنيها وف لحظة اندفاع وضعت شفتيها على شفتيه لتسكته
زين برق بصدمه من ردة فعلها
وعدت رجعت راسها لورا بخجل
زين شدها ليه تاني وقبلها
_____________
" ف الفيلا"
آيسل سابت تمام وراحت ع اوضتها متعصبه وبتكلم نفسها
: اي الإنسان داه هو انا جربه كل اما المسه يزعق انا غلطانه اني قولت اشكره بكرا هكبر ومش هيعرف حتى يكلمني هه
فتحت الفون وشافت التاريخ قالت بفرح وسعاده
: فاضل يومين ع عيد ميلادي ال 18 وهبقى آنسه رسمي
رمت نفسها ع السرير وقالت
: أخيراً هلبس زي البنات الكبيره واحط ميكب بتاع الكبار وايلانير ولا انيلانر دا كمان
سرحت بخيلها وفضلت تتخيل نفسها وهي آنسه غمضت عيونها وقالت
امتى يجي اليوم داه
فجأه جتلها فكره وقامت قعدت ع السرير بحماس اتسحبت وراحت ع اوضة وعد فتحت الباب ودخلت بالراحه وقفت قدام التسريحه بصت ع الميكب وشمرت ايدها وقالت
: مش قادره استنى بصراحه انا لازم اجرب واشوف شكلي بالميكب هيكون عامل ازاي
وقعدت ع الكرسي وبدأت تحط من كل حاجه
دهنت وشها كله مسبتش فيه حته نضيفه
بعد مرور الوقت
بصت لنفسها وقالت : هو بيتحط كدا ولا ازاي
انا اروح اوضتي امسح ال انا هببته داه قبل مااتقفش احسن
خرجت تتسحب ناحية اوضتها ف نفس اللحظه نانسي كانت خارجه من غرفتها وبتقفل الباب وهي بتكلم نفسها وبتقول
: اهدي يانانسي مفيش اشباح ولا حاجه دا كان مجرد كابوس
خدت نفس وكملت مشي ف الطرقه
فجأه بتخبط ف آيسل
من الصدمه بوئها اتشنج
قالت بصراخ وهي بتشاور عليها
: ش ش شب شباااح
وطلعت تجري
آيسل بتعجب : شبح ! هو فين داه
نانسي طلعت تجري وتصرخ طلع تمام من اوضته على صراخها
تمام ببرود : في اي
نانسي بخوف : شبح انا شوفت شبح
تمام : بطلي غباء بقى قولنا مفيش الكلام داه
نانسي : طب روح شوف وانت هتتأكد بنفسك دا هو رايح ناحية اوضة آيسل
وطلعت تجري ع تحت وهي بتصوت
تمام مشي لقدام ف الطرقه
شاف ايسل وهي واقفه بتكلم نفسها ومدياله ضهرها
قرب منها وخبط ع كتفها وقال
: فين الشبح داه
آيسل بصتله بثقه وقالت
: معرفش انا بدور عليه مش لاقياه
تمام اول لما شافها تنح شويه وبعدين انفجر من الضحك مكنش قادر يمسك نفسه وبيضحك بهستريا
آيسل بصت عليه بتعجب وضحكت على ضحكته وهي مش فاهمه في اي
تمام بعد ماخلص ضحك
تظاهر بالثبات وقال بثقه : اي ال انتي عملاه ف نفسك داه
آيسل بتعجب : عامله اي
تمام ببرود : روحي امسحي وشك اجري
آيسل حسست على وشها وقالت
: ااه الميكب قصدك انا كنت بتعلم علشان اعرف احط بعد كدا
تمام : متبقيش تحطي القرف داه تاني انتي حلوه مش محتجاه ف حاجه
وسابها ومشي وهو كاتم ضحكته
آيسل بصدمه : هو قال اني حلوه دلوقتي ولا انا بيتهيألي
تمام دخل اوضته قفل الباب وافتكر شكلها فضل يضحك جامد
خد نفس وهدي وبص لنفسه ف المرايه وقال
: معقوله انا ضحكت قدامها عادي
________
آيسل دخلت اوضتها تغسل وشها وهي واقفه قدام مراية الحوض افتكرت وهو بيضحك قالت لنفسها
: ضحكته حلوه اوي هو ليه مخبيها
____بقلم ملك محمد_______
نرجع للشركه
وعد وزين واقفين مكانهم
وعد ببكاء وهي بتخبط ف صدره
: بقى هي دي المفاجأه ال انت قايلي عليها
زين وهو واخضها ف حضنه وبيهديها
: لا مش هي اكيد
وعد ببكاء : امال ليه قولت اننا هنسيب بعض
زين بإبتسامه وهو بيمسحلها دموعها
: كنت عايز اتأكد انك بتحبيني ولا لا
وعد بحزن وهي باصه ف عيونه : واتأكدت دلوقتي
زين : اتأكدت بس عايز اسمعها منك
وعد : هي اي
زين بإبتسامه وحب : كلمة بحبك
وعد اتوترت وقلبها دق جامد
زين بلطف : اي صعبه عليكي
وعد بخجل وصوت منخفض : بحبك
زين بفرح : مش سامع
وعد راحت حضناه وقالت بصوت عالي
: بحبك ومبقتش اقدر استغنى عنك واياك تقول كلمة نسيب بعض دي تاني ماشي
زين راح رافعها من ع الأرض وهي ف حضنه وفضل يلف بيها بفرح
اخدها ونزلو ركبوا العربيه
وعد وهي ماسكه ايده
: ها فين المفاجأه بقى
زين بضحك : طول عمرك مستعجله
وعد : أنا مش مستعجله انا عايزه حاجه تعوض الخضه ال انا شوفتها من شويه
زين بإبتسامه : خوفتي
وعد بخجل : اه خوفت وياريت متعملش كدا تاني
زين : كنت عارف انك بتحبيني بس بتكابري
وعد : بصراحه انا معرفش حبيتك ازاي وامتى ومكنتش متوقعه اني هخاف اوي كدا لما تقولي نبعد عن بعض انا حسيت كأن الدنيا ضلمت ف وشي وقلبي كان هيتخلع من مكانه
زين رفع أيدها ليه وباسها وهو مبتسم وقال
: حقك عليا بس بصراحه انا مبسوط اوي
وعد خبطته ف كتفه : طول عمرك رخم
زين بهيام : قلب الرخم
وعد بخجل : بس بقى اي المحن دا
زين : يخربيت لسانك متعرفيش حاجه خالص عن الرومانسيه الواحد نفسه يحس انك بنات عارفه البنات
وعد : بس يابابا دانا استاذة رومانسيه حتى اسأل كريم كنت بعمل معاه اي وقت الخطوبه
زين بصلها بحده : لا والله
وعد استوعبت ال قالته قالت بخوف : انا بتكلم عادي مقصدش حاجه
زين بعصبيه : انا قولتلك كام مره ياوعد مبحبش اسمع اسم الزفت دا على لسانك صح ولا
وعد بخوف : صح
زين بعصبيه : ليه بقى مصره تحرقي دمي بتستفزيني يعني ولا اي
وعد : ابدا وربنا انا بتكلم عادي
زين الغضب بدأ يبان على وشه وملامحه بدأت تتغير بص قدامه وهو سايق وحاول يتحكم ف اعصابه علشان ميزعلهاش منه
وعد بخوف : ممكن متتعصبش
زين وهو يتظاهر بالثبات : حد قالك اني متعصب مانا عادي اهوه
واتنهد وقال : اعملي ال انتي عايزاها ياوعد طالما شايفه انه صح
وعد بصت للناحيه التانيه وبدأت تكلم نفسها بصوت عالي
: هه قال بيقول انه اتغير وبطل يتعصب ولما سمع اسمه بس اتحول لكائن تاني
انا غلطانه أساساً اني سامحته دا واحد بارد ورخم هو اه حلو ودمه خفيف وعنده كاريزما تخطف القلب كدا وحنين وانا بحبه اوي وبقوله انا اسفه اني عصبتك بس بردو مكنش ينفع اسامحه لا
زين ريكأشنات وشه اتغيرت وابتسم على كلامها
زين بإبتسامه : هبله بس عسل
وعد بتعجب : هي مين دي ال هبله يازفت
زين : مش انتي خالص لا
ركن العربيه ع جمب وقالها
: انزلي ياام لسان عايز قطعه
وعد نزلت وهي بتقول
: وصلنا للمفاجأه ولا لسه
زين : يعني قربنا
وعد مشيت معاه لقدام دخلت قاعه كبيره بتطل ع البحر
الأرض مفروشه بالورد وأضواء كتير وكلمة بحبك ف كل مكان
وعد مبهوره من المنظر
زين بص عليها وابتسم وكأنها اعظم انتصاراته ف الحياه
: مبسوطه
وعد بصتله بحب : مبسوطه علشان معاك
وصلوا لآخر المكان ع الشط مكنش فيه غيرهم
وتربيزه عليها تورته مرسوم عليها صورهم مع بعض وبوكيه ورد وعلبه جمبهم
وعد بفرحه وسعاده : معقوله دا كله ليا
زين : انتي كتيره على اي حاجه ياوعد ومهما اعمل هيبقى قليل عليكي
وعد من الفرحه بدأت الدموع تتجمع ف عنيها افتكرت جريها ورا كريم طول الفتره ال فاتت ومحاولتها انه يرجعلها
قالتله
: زين هو انا اتحب بجد
ابتسم ورجع شعرها لورا بإيده وقال بحب
: انتي تتحبي مني انا بس متتحبيش من حد تاني
ابتسمت والدموع مغرقه عنيها
زين : مش عايز اشوف نظرة الحزن دي تاني
وعد بتوتر : دا مش حزن ولا حاجه دي دموع الفرحه
زين بإبتسامه : طب ممكن اميرتي الحلوه تغمض عيونها
وعد : هو في اي
زين : غمضي عيونك واسمعي الكلام
وعد حطت أيدها ع عيونها
زين شد العلبه الصغيره من ع التربيزه ونزل ع ركبته فتحها وقال
: وعد تقبلي تتجوزيني
وعد فتحت عيونها بصدمه وقالت : هاه
زين : تقبلي تتجوزيني ياوعد
وعد بتعجب : يابني انت عبيط ماحنا متجوزين
زين وهو بيكز ع اسنانه : متبوظيش اللحظه دي ياجزمه ردي
وعد : ارد اقول اي اي الهطل داه هو انا مش مراتك
زين : هطل! وربنا لأقطعلك لسانك بس اصبري
وعد : خلاص خلاص سكت اهوه
زين : انجزي بقى وردي علشان ركبتي وجعتني
وعد : افكر
زين : يامسهل
وعد : امممممم
زين : ها مطوله بقولك ركبتي وجعتني بجد الرمله ناشفه
وعد بغرور : خلاص مش هقدر ارفض انا هوافق وخلاص امري لله
زين : لا ياشيخه
وعد : ها انجز بدل ماارجع ف كلامي
زين وقف من ع الأرض مسك أيدها ولبسلها الخاتم وشدها لحضنه وقال
: وعد انتي مهزئه بس انا بحبك
وعد اتعصبت راحت عضاه ف ايده وهي ف حضنه
زين شد ايده : ااا بقى كدا طيب
وطلع يجري وراها
طلعت تجري منه وهي بتضحك فضله يجروا ورا بعض ع الشط
مسكها وشالها بإيده بين دراعه وفضل يلف بيها
وعد بضحك وصوت عالي : زين اناااا بحبببك
زين وقف مكانه وابتسم وهي بين دراعه بص لعيونها وقال
: وعد ممكن توعديني اننا نفضل مع بعض العمر كله
وعد بإبتسامه : اوعدك اني مش هسييك ابدا ولا هتخلى عنك مهمل حصل
زين نزلها ع الأرض وقبل رأسها
وعد : ممكن اعرف ليه طلبت ايدي للجواز رغم اننا متجوزين
زين : انا عايزك معايا بإرادتك قولتلك علشان كدا هبدأ معاكي من الصفر زي اي اتنين بيحبوا بعض
وعد بتعجب : يعني مخطوبين دلوقتي
زين : تقريباً يعني
وبعدين غمزلها وقال: الا إذا كنتي مستعجله وعايزانا نتجوز ع طول
وعد خبطته ف كتفه : بس يامنحرف
وسابته وراحت ناحية التورته
زين وقف يكلم نفسه : منحرف ! هو انا قولت حاجه حرام
_____بقلم ملك محمد _________
ف الفيلا
نانسي : ياجماعه انا بقلوكوا في اشباح ليه مش مصدقني
مديحه : يابنتي اشباح اي ال بتقولي عليهم ماطول عمرنا عايشين هنا مسمعناش بالكلام داه
نانسي : بس انا متأكده ان في
اسماعيل : انتي قعدتك ف البيت لسعتك ولا اي
نانسي بدلع : ياجدو بقولك انا شوفتهم
اسماعيل : ياقلب جدو افهمي مفيش حاجه اسمها اشباح صح ياتميم
تميم قاعد بيقلب ف الفون بتاعه ومش واخد باله
جده : انت يازفت
تميم انتبه ليه وقال : نعم ياجدو
اسماعيل : طمن نانسي وقولها ان مفيش اشباح
تميم : انا مش عارف نانسي خايفه من اي
جده : شايفه
تميم : ما الأشباح ماليه الدنيا عادي وممكن يكون ورا الكرسي ال انتي قاعده عليه شبح الموضوع مش مستاهل كل داه خذي الأمور برويه
جده خبطه بالعكاز ال ف ايده : قوم يلا من هنا
تميم : ااه مش انت ال قولتلي طمنها
فجأه بيجي تمام ناحيتهم بيشد تفاحه وياخد منها قطمه ويقعد
نانسي : مش صح ياتمام اننا شوفنا شبح النهارده
تمام ببرود : نانسي انا مش عارف انتي مكبره الموضوع ليه اساسا الشبح لو شافك هيخاف
تميم بضحكه عاليه : ههههههه لا حلوه
نانسي اتحرجت
جده راح خابطه بالعكاز تاني
تميم : ااه وربنا مانا قاعد جمبك تاني
وراح قعد جمب تمام
تمام ببرود : قوم مبحبش حد يقعد جمبي
تميم : يابني انت ضد اللمس يعني لو حد لمسك بتتكهرب
تمام ببرود : لا انا ال بكهرب
تميم قرب ايده من علشان يلمسه وهو بيقول بسخريه : وريني كدا انت كام فولت
تمام ببرود راح ماسك ايده قبل مايلمسه وتناها
تميم بصرااخ : اااه ايدي
تمام وهو ماسكها بإيد واخد قطمه من التفاح بالإيد التانيه : ها عرفت كام فولت
تميم بألم : عرفت خلاص سيب بقى
تمام ساب ايده
تميم مسك ايده بألم وقال
: الواد دا مش طبيعي ياماما صدقيني انتي متأكده اننا توأم
مديحه وهي بتشرب قهوتها : ربنا يهديكوا كبرتوا ولسه عقلكوا زي ماهو
تميم : طب ريحيني وقوليلي الحقيقه احنا توأم بجد مش يمكن اتبدلنا ف المستشفى ودا مش اخويا
مديحه : لا اله الا الله يابني انتو مش شبه بعض بالعقل كدا اتبدلتوا ازاي
تمام بسخريه : هو دا عنده عقل
تميم : بس يافزلوكه انت
جدهم بعصبيه : بس بقى مش عارفين نقعد شويه بهدوء
تمام بيبص حواليه وبيقول
: الشبح الصغير ال كان هنا راحت فين مش ظاهره يعني
نانسي : اهو ياجدو هو ال بيحضرهم علشان كدا بيسأل عليهم
فجأه بتنزل آيسل وهي بتتنط زي العيال الصغيره وديل الحصان ال هي عملاه عمال يروح يمين وشمال
تمام : اهي وصلت
آيسل بفرح : هوشجالدين Hoşgeldin
تميم : ااوه الآنسه الصغيره بقت بتتكلم تركي
تمام حط رجل ع رجل بغرور
آيسل قعدت جمب خالتها وقالت : انا شطوره أساساً وبتعلم ع طول
تميم بسخريه بص على تمام وقال : يعني مش تمام ال علمك
آيسل : تؤ تؤ انا ال شاطره
تمام بصلها بغيظ
آيسل ضحكت : بهزر بهزر لولا ابيه تمام مكنتش اتعلمت بسرعه كدا
مديحه : كويس ان قلبه حن عليكي دا عمروا ماعملها مع حد
تمام بان عليه الخجل
آيسل : عارفه علشان كدا واثقه اني حد مميز عنده
نانسي بقرف : اي كلام العيال الصغيره التافه داه
تمام ادايق من كلام نانسي رد وقال : لا هي فعلاً شخص مميز عندي
كلهم تنحوا لما قال كدا
تميم : الواد بيهلوس ياماما
تمام راح حاتط التفاحه ال ف ايده ف بوئه
وقام وهو بيتظاهر بالثبات
لف ضهره ليهم وحط ايده ع وشه وقال لنفسه
: اي ال انت قولته داه
وكمل طريقه وخرج ع الجنينه
تميم والتفاحه ف بوئه : أئأئاىأى
مديحه : ماتشيل التفاحه وتتكلم زي الناس
تميم شالها وقال
: الواد دا اتغير اوي بجد البركه فيكي ياآيسل
آيسل بخجل فركت شعرها بيدها
: مش للدرجادي يعني
وبعدين قالت لنفسها بسرحان
: انا كنت بهزر معرفش اني فعلا شخص مميز عنده
يتبع الفصل الثاني والعشرون 22 اضغط هنا
- الفهرس يحتوي على جميع فصول الرواية (رواية حكاية وعد كاملة)