رواية رهف البارت الثاني والعشرون 22 والأخير بقلم اميرة محمد
رواية رهف الفصل الثاني والعشرون والأخير
تاني يوم جاله اتصال منه وعرف المكان وخالد طلع بحمزة وهوة حاطط المسدس علي راسه وفجأه لما حس بالغدر ضرب طلقه وجات ف الهواء
خالد بغضب : مش قوتلك متدخلش الشرطه ؟
باسل بخوف : مقولتش لحد يلا اديني ابني
خالد بسخرية : ولا هتشوفه
عمر بصوت عالي : باسل اوعي تتهور
حمزة بعياط : بابا
باسل بتوتر : متخافش ي حبيبي
عمر بتوتر : سيب الولد وهديك اللي انت عاوزة
ملك جات من وراهم : هااا ي حبيبي خدت منهم الفلوس
باسل بعصبيه : يبنت الكلب
ملك ببرود : شكلك نسيت الرصاصتين تحب افكرك بيهم
باسل بغضب : وحياة امك م هسيبك ي ملك
كل ده والشرطه مداريه وحمزة واقف علي رجله بصعوبه لانه لسه اعصابه سايبه ومكملش تدريب
خالد بغضب : هات الفلوس وإلا
باسل بخوف : لالا خد اهي
بقلمي اميرة محمد محمود حميد
باسل رمالة الفلوس عند رجله وقبل م يوطي عليها ياخدها
انضرب رصاصه ف رجله وملك كمان خدت رصاصه ف
رجلها باسل وعمرو بصو وراهم لقو رهف ماسكه
المسدس بخوف وبتنهج وعينيها حمرا من كتر الغضب
باسل وعمر راحو ناحية خالد وفضلو يضربو فيه لحد م
الشرطه لحقوة من تحتيهم ، ورهف مسكت ملك من
شعرها وعماله تضرب فيها بالاقلام
ملك بغضب وكرة : كنتي عايزة تقتلي ابني ي حقيرة ي واطيه ، والله م حد هيرحمك من تحت ايدي ، قلم ، انا سكتلك كتير ، قلم ، بس تيجي لحد ابني ، قلم ، ورحمة ابويا اموتك ب ايدي ، قلم ،
كل كلمه كانت بتقولها ملك بتاخد.بدالها اكتر من قلم علي وشها
الشرطه قبضو عليهم ورهف حضنت حمزة وطول الوقت مش عايزة تسيبه اول م دخلو بيتهم فوزية وعمرو وليلي كانوا قاعدين
رهف دخلت حمزة اوضته وطلعت
عمر بتوتر : طيب ي جماعه انا هاخد ليلي وامشي دا بعد اذنكم طبعا
فوزية بهدوء : اذنك معاك يبني وخلي بالك منها
عمر بص ل ليلي بحب : دي ف عنيا
ليلي اتكسفت من نظراته ومشيت معاه ودخلو بيتهم
عمر بحب : وحشتيني
ليلي بتوتر : عمر انت كويس ؟
عمر شدها لحضنه وخلع طرحتها ودفن وشه ف رقبتها وشعرها
عمر بتوهان : كدا بقيت كويس
ليلي ضمت ايديها حواليه وبادلته بحضن : كنت خايفه عليك اوي ، كنت خايفه تسيبني ي عمر
عمر طلع من حضنها ومش مصدق انها قالت كده
عمر ببلاهه : انتي ...انتي خوفتي عليا
ليلي عيطت : ايوة خفت عليك ، انا عارفه انك مش بتحبني عشان كده لو عايز تتجوزها اتجوزها وعيشو حياتكم هنا ف الشقه دي لانه حقها ، وانا هفضل مراتك بس هعيش عشان اربي ابني بس مش عايزة حاجه تانيه
عمر بغضب : عايزاني اتجوز فاطمه ؟
ليلي متوترة وقلبها هيوجعها لو قالت اه ف فضلت السكوت ف اللحظه دي
عمر بعصبيه : رديييييييي
ليلي رجعت لورا من الخوف : اااا...اه
عمر مسكها من كتفها وفضل يهز فيها : انتي ايه ي شيخه حرام عليكي بعدتي عني اكتر من شهر وخلتيني ادور عليكي زي المجنون لحد م لقيتك وحالتك وقتها قطعت قلبي مكنتش بنام بستناكي تنامي عشان اخدك ف حضني وقبل م تصحي اقوم من جمبك ، ولا كنت باكل ولا بشرب وبطلت امارس حياتي لان حياتي كانت واقفه عليكي دا كله يبقي ايه
خوفت زي الطفل لما ضعتي مني حسيت اني تايه وقلبي ضعيف من غيرك
عمر خلع قميصه ومسك ايديها حطها علي صدره : دا اسمك كتبته علي قلبي اللي بينبض بحبه ليكي ، انا بحبك انتي ومش عايز حاجه تاني
ليلي حطت ايديها علي بوقها وبقت تشهق زي الطفل وبتفكر قد ايه هوة اتوجع لما عمل كدا
عمر بقلق : ارجوكي متعيطيش دموعك بتفتت قلبي ي ليلي
وراح مسحلها دموعه وقعد وحط راسه بين ايديه
ليلي مشيت ناحيته وقعدت علي رجله هوة استغرب جدا قربها منه وهيه حضنته وعيطت
ليلي بعياط : انا كمان بحبك ، بحبك اوي بس خوفت تروح ليها وتسيبني زي م الكل بيسيبني
عمر بقلق : اهدي ي حبيبتي
ليلي طلعت من حضنه واتكلمت ببراءة : مش هتسيبني صح ؟
عمر بضحك : انتي هبله يبت اسيبك ايه ابقي عبيط لو خليتك تضيعني مني تاني
ليلي اتكسفت من وضعها اللي قاعده بيه ده : هقوم اغير هدومي
عمر فهمها وغمزلها : طب م تخليكي قاعده شوية
ليلي من كتر الكسوف خبت وشها ف حضنه
عمر بضحك : كدا بتستخبي مني يعني
ليلي اتجرأت ولفت ايديها حولين رقبته وباسته
عمر بمرح : مش كده ي ليلوووو تعالي بس
وشالها و ....ملناش دعوة بقلمي اميرة محمد محمود حميد
____________________________________________
حاله من الصمت ف بيت باسل
رهف بتفرك ف ايديها من التوتر والخوف
عمرو متعصب بس بيحاول يتحكم ف غضبه
فوزيه مش عارفه تعمل ايه مع بنتها
باسل خايف ل رهف تروح منه
فوزيه بجمود : طلق بنتي
باسل بسرعه : مستحيل
رهف بدموع : ماما انا ....!!
عمرو بغضب : هوة اي اللي مستحيل دي طريقه تتجوزها بيها
باسل قعد علي رجله قدام فوزيه : ارجوكي اسمعيني بعد كده احكمي
فوزيه هزت راسها دليل علي الموافقه وباسل حكالها من اول م قال ل رهف تتجوزيني لحد اللي حصل ده بس مقلهاش انو دفع فلوس العمليه وساومها عليهم
باسل بدموع : صدقيني انا بحب رهف ومش هقدر اعيش من غيرها ، هيه بقت كل حياتي ، غيرتني كتير اوي ، ومستحيل اتخلي عنها
ابراهيم دخل : باسل
باسل لف لقي باباه راح حضنه : وحشتني اوي ي بابا طمني عليك
ابراهيم بحب : الحمد لله يبني بخير
باسل : اتفضل ي بابا
ابراهيم بص لفوزيه : انا خيرت ابني بين بنتك وبين شركاته واملاكه ف البنك اختار بنتك واتخلي عن كل ده ومن حقه ياخد فرصه يثبتلك انو بيحبها واكيد رهف بتحبو كمان
فوزيه بحب لرهف : بتحبيه ؟
رهف هزت راسها بكسوف وتوتر
باسل ف سرة : ي فرج الله اخيرا
عمرو بمرح : طب والله كبرتو الموضوع ي شباب
باسل بغضب مصطنع منه : خد اقولك ي عمر
عمرو بخوف مصطنع : هنزل اجبلكم حاجه تشربوها واجي
ونزل جري : مامااااا انا مستنيكي تحت
كلهم ضحكوا عليه بقلمي اميرة محمد محمود حميد
باسل بمرح : قولي ي ابراهيم اي اللي جابك
ابراهيم بإبتسامه : جيت اشوف مرات ابني تستاهل كل اللي عملتوا عشانها ده
باسل بضحك : هاا اي رأيك
ابراهيم باس راسها : جدا والله ربنا يحميكي يبنتي
رهف بكسوف : شكرا ي عمي
باسل بضيق : هنتحاسب بعدين علي البوسه دي
ابراهيم بضحك : بس يلا
فوزيه مبسوطه جدا عشان بنتها لقت عيله زي دي بيحبوها
رهف : ماما انتي سرحانه ف ايه ؟
فوزيه بحب : مفيش حاجه ي حبيبتي انا لازم امشي اتأخرت اوي
باسل : خليكي معانا شوية
فوزيه : لا يبني كفايه عليا كدا
باسل : طب يلا هوصلك
فوزيه بحب : خليك انت تعبان ولازم ترتاح وكدا كدا عمرو مستنيني تحت
ابراهيم : احم ....انا كمان لازم امشي هسيبك النهارده هنا بس من بكرة هتيجو تعيشو معايا ف الفيلا
باسل : ماشي ي بابا
ابراهيم نزل مع فوزيه وراح يوصلهم بعربيته
باسل بيقرب من رهف وهيه بترجع لورا
باسل بخبث : بتحبيني مش كده
رهف بتوتر : ابعد بدل م ازعلك
باسل بضحك : دا انتي قلبك جامد بقي
رهف بإرتباك : هروح اشوف حمزة
وقبل م تتحرك باسل سحبها لحضنه وقرب منها جامد
رهف بتوهان : اول مرة اخد بالي ان عينيك حلوة كده
باسل ضحك بصوته كله : امممم واي كمان
رهف بكسوف : ق ....قصدي .ان....هوة
باسل بضحك : اهدي اهدي في ايه
رهف : طيب سيبني
وقبل م يسيبها باسها وهيه بعدت عنه وطلعت تجري عند حمزة وقفلت الباب وسمعاه بيضحك ف ضحكت
_________________________________________
ابراهيم وصل فوزيه وعمرو ورجع بيته
عمرو بمرح : اعمليلنا اكله حلوة كده يست الكل وتعالي عشان ندردش انا وانتي ف موضوع كده
فوزيه بتمثيل : اااااه ي ضهري ي للهوي ياض ي عمرو رجلي هتموتني اوي
عمرو بضيق : ي شيخه مش كان ضهرك من شويه
فوزيه بغضب مصطنع : م تقوم ياض تعملنا حاجه ناكلها
عمرو بخوف : اهدا ي وحش في ايه قايم اهوة
بعد م دخل المطبخ فوزيه ضحكت عليه
عمل الاكل وكلوا وبعدين قعدوا
فوزيه : هااا كنت عايز تقول ايه
عمرو بتوتر : طبعا انتي عارفه سلمي اخت محمد صحبي
فوزيه بغمزة : ايوة طبعا بنت زي القمر
عمرو : بتغمزي ليه فوزيه علي فكره انتي نيتك مش سليمه
فوزيه بضحك : كمل دا انا كنت بمهدلك الموضوع
عمرو بضحك : شكلك هتعكيها خالص
المهم انا بحبها وهيه كمان بتحبني وعشان مكونش بخون
صاحبي انا طلبتها منه بس قولتله مش هاجي اتقدم
رسمي غير لما تقوم امي بالسلامه
بعدين كمل بمرح : عشان انتي عارفه اللي ملوش خير ف امه ملوش خير ف حد
فوزيه بضحك : اصيل ي ابو رحاب
عمرو بضحك وتذمر : ي ماما بقااا
فوزيه بجديه : خلاص ي حبيبي ان شاء الله ربنا يقدم اللي فيه الخير
عمرو بغباء : ايوة يعني مش موافقه
فوزيه بضيق : انا عارفه دخلوك طب علي ايه ؟
عمرو بضحك : عشان جمالي
فوزيه بضحك : فين جمالك دا يلااا
عمرو بضيق : لقتيني علي باب جامع مش كده قولي متتكسفيش
فوزيه بضحك : الصراحه اه
عمرو حط راسه علي رجلها وقعدو يتكلمو ويضحكو لحد م راحو ف النوم بقلمي اميرة محمد محمود حميد
___________________________________________
حمزة بعياط : انا كنت خايف اوي ي ماما
رهف بدموع : متخافش ي حبيبي انا جمبك
باسل بهدوء : انت راجل اوعي تخاف من اي حاجة
رهف بضيق : خلاص ي باسل الولد منهار
باسل بإبتسامه مستفزة : حاضر
حمزة : ماما احكيلي حدوته
رهف بضحك : حاضر
باسل خرج يقعد براا ورهف حكت حكايه لحمزة لحد م نام وطلعت عند باسل
باسل : نام
رهف بتنهيده : ايوة
باسل بهدوء : انا عارف انو خايف بسبب اللي حصل بس عايزة اعوده ميخافش ابدا
رهف بإبتسامه : ادعمه وشجعه وخليك جمبه وفهمه بس بهدوء
باسل بغمزة : حاضر
رهف بضحك : انت بتتحول كدا ليه
باسل بإبتسامه : تعالي جمبي ي رهف
رهف متوتره ومردتش عليه
باسل بقلق : انتي خايفه مني
رهف بصتله ف صدمه وف اقل من صدمه اترمت ف حضنه
باسل بضحك : واقعه واقعه مفيش كلام
رهف بتذمر : عندك مانع
باسل مسك ايديها باسها : لا طبعا انتي مكانك هنا ف حضني وقلبي ، انا بحبك اوي واسف علي اي حاجه عملتها وجعتك واسف ليكي علي كل دمعه نزلت منك بسببي
رهف بدموع : عارف انا حبيتك من اول مرة شوفتك فيها
باسل بصدمه : ايييه ؟؟؟
رهف بدموع : ايووة بس قلبي كان بيتكسر كل م تهيني وتعاملني بطريقه مش كويسه واحاول امنع نفسي من اني احبك بس كنت بفشل وبنام كل يوم عايطه
باسل حضنها جامد : انا اسف والله اسف ي ريتني قابلتك انتي من الاول والله هعوضك عن كل ده وهنبتدي حياتنا من جديد
رهف بحب : انا بحبك ي باسل
باسل بدموع : وانا كمان بحبك ي رهفي
رهف بطفوله : باسل
باسل : نعم
رهف ببراءه : انا عايزة فرح
باسل بضحك : بس كده والله هعملك احلي فرح
جه يبوسها منعته
رهف بحب : لما نعمل فرح الاول
باسل بضيق : جهزي نفسك الفرح بكرة
رهف بضحك : والله بقلمي اميرة محمد محمود حميد
• باسل عملها فرح كبير اوي وكانت مبسوطه ومسابتش حمزة ابدا طول الوقت مسكاه ف ايدها وكبرت ف نظر ابراهيم ابو باسل جدا وحبها وعاملها زي بنته
• ليلي وعمر علاقتهم اتحسنت وجابو بنت وعمر اصر يسميها ليلي
• عمرو خطب سلمي وكتبو الكتاب عشان جالهم منحه يدرسوا برااا ومعاهم محمد
• فوزيه قعدت مع رهف ف الفيلا رغم تعارضها الشديد بس باسل ورهف اصروا عليها
• وأنت الذى جئتُ وقمتُ بإذابة الثلج الذى احتل قلبى 🥀
تمت النهاية اقرا ايضا رواية لولاهم لم أصبح خائنه كاملة عبر دليل الروايات
- الفهرس يحتوي على جميع الفصول "رواية رهف كاملة بقلم اميرة محمد"